العصيمي من سجن الحاير....لي لابه(ن) بالطيب حازت وسامي,,,

[سيف القهر]

السلااام عليكم ورحمة الله وبركاته
اخواني الكرام حبيت اشاركم بقصيدة جاءتني من داخل سجن الحاير اصر علي ان اضعها بين ايديكم
لينقل لكم معاناته وشعوره...

قصيده للشاب سلطان بن عبد الرحمن العصيمي يقول فيها:


************************************
أمشي وصوت القيد يثقل عظامي
يدب فيه الخوف وأزدت خيفه..

والنافذه حطوا عليها اللحامي
والجندي المنكوب يخشى عريفه..

خوف(ن) غشى خوف(ن) لبسته حرامي
والعين عن شوف المدينه كفيفه..

أحكي ولا أسمع كود لجة كلامي
بزنزانتي عايش بحال كليفه..

وأنا الذي كافحت لأجل احترامي
وأمشي مع العالم بروح(ن) لطيفه..

وأنا أحمد الله ماوطيت بملامي
مكتوب لي سجن(ن) بقضيه شريفه..

لي من الذكرى ليال(ن)قدامي
والفكر يرسم واقعي واستضيفه..

عصرية(ن)غنى وناح الحمامي
ماغير أنا وعماد ومعنا رديفه..

عصرية الاثنين راحت ظلامي
بغيت أنا الشاره وجت بالنصيفه..

خطله وصابت وحده من سهامي
ياكبرها عندي ولاهي خفيفه..

اذكره لاسيطر علي المنامي
واذكر مزوحه والعلوم الطريفه..

عماد مايفارق مقامه مقامي
لكن هذا هو المكتوب محد(ن) يعيفه..

بندر ياخوي وصل لربعي سلامي
أهل البيوت العاليات المنيفه..

وأنا على شوف الموالين ظامي
وكل(ن) يدور جلسته مع حليفه..

أخذت عن ربعي تقاريب عامي
ولابه جديد اليوم عندي وطيفه..

الا اشتكي حالي وكثر الهيامي
وأهيم لين الحال صارت سخيفه..

عمي يابو نايف ترى انت حزامي
في ذا الزمان اللي عرض لي بسيفه..

لي لابه(ن) بالطيب حازت وسامي
مامنهم اللي قيل نفسه ضعيفه..

ذباحة الحايل بما الكل قامي
والا العدا تلقى السيوف الرهيفه..

انخى عتيبه في الرخا والزحامي
من سجنه كتبت بوسط الصحيفه..

يلزم أنا لوضعي شوي اهتمامي
يمكن يزول الهم يوم استضيفه..

وصلاة ربي عد وبل الغمامي
وعداد ماطاح الورق في خريفه..

على نبي الله رفيع المقامي
اخر نبي مرسول مابه وصيفه..

*********************************
اعتذر منكم اذا كان في الابيات خلل سواء كان في القافيه او في الوزن

تقبلوا تحياتي
اخوكم سيف القهر

[زيـاد الـسـمـيـري]

تسلم يالغالي القصيده رائعه


تسلم يمينك وصح لسان شاعرنا

[طارق النفيعي]

كلمات مؤثرة

ومعاناة العصيمي معاناة لنا

الله يكوون في عونه ويفرج عنه سجنته ..

وإن شاء الله أصحاب الشأن يتنازلون عن حقهم لوجه الله

[أبو ذعار المسعودي]

تسلم علي النقل وصراحه قصيده بكلمات موثره والله يفرج عنه باسرع وقت وتقبلووو تحياتي

[الحجازونجد]

كلمات مؤثرة

ومعاناة العصيمي معاناة لنا

الله يكوون في عونه ويفرج عنه سجنته ..

وإن شاء الله أصحاب الشأن يتنازلون عن حقهم لوجه الله

[يعني كذا]

والله غبينه مجلاس العتيبي بالسجن بس الله يكون بعونه

[قف امامك عتيبي]

مشكوووووووووووووور ولاهنت اخوي قصيدة معبره عن قائلها
1
1
1
1
1
1
اخوكم :سعود بن سالم الدغيلبي

[هدهد عتيبه]

الله يفك عووووووونه

[سفير2006]

الله يفك عونك

[الفيصل6703]

الله يكوون في عونه ويفرج عنه سجنته ..

وصح لسانه وياعلك سالم

[الرتوعي]

الله يزيل همه وحزنه والله يلعن شيطانه
وباذن الواحد الاحد الغفور الرحيم يفرج كربته
باسرع وقت وصح السانه على القصيدة التي تعبر عن ما في داخله
وانا لله وانا اليه راجعون

[أبو سعد الغبيوي]

سيف القهر .....


تسلم على النقل وصراحه قصيده بكلمات موثره والله يفرج عنه باسرع وقت .....

وتقبلووو تحياتي......



أخوك : أبــــو سـعـد الـغـبـيـوي ...

[مالك الذيابي]

الله يكوون في عونه ويفرج عنه كربته..

[صور الرقيب]

الله يفرج عنه ويفك اسره