(( ^^ سؤال يامرزوق جاوبني عليه وهالحين ^^ ))!!!

[ناصر الجلاه]

..



سلام والتسليم سنة فرض بين المسلمين=وافشاء السلام يقرب الأصحاب .. رفرف ياعلم

سؤال يامرزوق جاوبني عليه وهالحين=اخفيت طنبينٍ من الأطناب .. رفرف ياعلم

[أبو نجر النفيعي]

..

الله الله يا ناصر ..

صح لسانك وفي انتظار المدير :)

.

متاابع ..
.

[ناصر الجلاه]

..


ارررحب يافيصل .. صح بدنك


مرور كريـــم دائمآ


لاهنت يالغاااالي

..

[سلطان الجـذع]

اخفيت طنبينٍ من الأطناب .. رفـرف ياعلـم

:) :) :)


ياسلام ياسلام

واصلو واصل

[ناصر الجلاه]

..

سلطان الجذع

..


مرورك كريــــم يالجذع

لاهنت

..

[مرزوق حمدان العتيبي]

...
.
هلا والله وغلا ومبارك عليك الشهر ...ياناصر ...
... واستلم تعلم انا في رمضان
معتزلين الشعر بالكليه ... تقبل منا هالميسور واسمح لنا عن البقيه
... وترانا مشتاقين لسماع صوتك ... :)


يامرحبا ترحيبة ٍ مقدارها قدر ٍ ثمين = تضفي على الاحباب والاجناب .. رفرف ياعلم
تعرف جوابه يالعتيبي والجماعه عارفين = ماينقطع طنب ٍ بدون اسباب .. رفرف ياعلم

[مرزوق حمدان العتيبي]

...
..
.
ابو نجر وسلطان ... عمالقة الابداع ...
حروفكم على المتصفح اضاءه .... كل عام وانتم طيبين ...
....

[سلطان الجـذع]

ماينقطع طنب ٍ بدون اسباب .. رفرف ياعلـم

نعم نعم

كلام عليه الكلام

[ناصر الجلاه]

..

الله يبارك فيك يابومحمد ويقبل منا ومنك وجميع المسلمين صالح الأعمال ولايحرمنا فضائل رمضان

وحنا كلنا معزلين .


لكن استلم :

والجايات أكثر




دام البقا ياطيبٍ من نسل قومٍ طيبين=واحسب لها وأنته رجل حساب .. رفرف ياعلم

صدقت لكن الأثنين يكود تعويض الأثنين=في حضورها وألا الغياب اشناب .. رفرف ياعلم