وين شعاركم

[عبدالله السبيعي]

سلام تسليمة وفاء ياعتيبة = اللي لكم فالشعر وقفة وهيبة
والليلة الليلة عساها تجيبة = ان لم تكن ذيباً كلتك الذيابة


سلام تسليمة وفاء يأهل الوفاء في كل حال = ياعتيبة الهيلا نبا شعار والساري سرا

من بعد ماجاكم سبيعي رحتو بتحت الظلال = لكن هذي هيـة الأقدار والساري سرا

[سلطان الحافي]

ارحب

يالسبيعي


يامرحبا حييت عند النشاما = اهل الكرم والخيل واهل الحساما

ذباحت الحايل وقدمك كعاما = ان لم تكن ذيباً كلتك الذيابة



الاوله يامرحبا ترحيبةٍ فوق الخيال = اقولها عن ربعي أهل الدار والساري سرا

والثانيه تبغى القشر والله لصليبك شمال = حنا عتيبه تطحت جوف النار والساري سرا

[عبدالله السبيعي]

ارحب

يالسبيعي


يامرحبا حييت عند النشاما = اهل الكرم والخيل واهل الحساما

ذباحت الحايل وقدمك كعاما = ان لم تكن ذيباً كلتك الذيابة



الاوله يامرحبا ترحيبةٍ فوق الخيال = اقولها عن ربعي أهل الدار والساري سرا

والثانيه تبغى القشر والله لصليبك شمال = حنا عتيبه طحت جوف النار والساري سرا


الله يبقيك واستلم


دام البقاء يارجل والبال طايب = والنعم فيكم يارجال الصعايب
وانٌا سبيع اللي نخوض الحرايب = ان لم تكن ذيبا كلتك الذيابة

والثالثة دام البقاء والحمل فضهور الجمال = وانًا سبيع مدلهين الجار والساري سرا
والرابعة يالحافي الليلة تصادم لك جبال = امسك يمين ولاتروح يسار والساري سرا

[مالك الذيابي]

عبدالله السبيعي

سلطان الحافي

بداية طيبة

واصلوووووا

[احمد الملاح]

شاعرين مبدعين وواصلوا
وانا في صف سلطان الحافي

[ربح السبيعي]

والرابعة يالحافي الليلة تصادم لك جبـال=امسك يمين ولاتروح يسار والساري سرا


الله الله


صح لسانك ياعبدالله السبيعي


وصح لسان سلطان الحافي


وحقيقه بدايه رائعه وقويه


واصلو وانا ماسك صف ابن العم

[خالد العصيمي]

عبدالله السبيعي

سلطان الحافي


الله الله واااااااااصلو وحنا فالصف

[فالح بن مسيب الدحيلي]

انـــــــــــــا فـــــــــــــــي صــــــــــــــــــف العتيبي

[سلطان الحافي]

اسمع كلامي ياهذاه الغليم = الجو فوقك يالسبيعي مغيم

ياراعي الفله وراع المخيم = ان لم تكن ذيبا كلتـك الذيابـة


النجم حنا والجبل قحطان قالوها الرجال = ياطيبكم بالهرج يالثرثار والساري سرا

تبت يدا رجلٍ جمعها من حرام ومن حلال = ياسلعة عرضة مع التجار والساري سرا

[سلطان الحافي]

ابن نجم

ارحب يابن العم شرفتنا

احمد الملاح

شرفتنا يالذيب

ربح السبيعي

مرحبا نورت المتصفح يالغالي

خالد العصيمي

مرحبا مليون شرفتنا

ابن مسيب

شرفتنا يالذيب

لكم

تحيااااااااااتي

[ناصر الحافي]

صح لسانك ياسلطان وصح لسانك يالسبيعي


متابع وفي صفك ياسلطان




تبت يدا رجلٍ جمعها من حرام ومن حلالياسلعة عرضة مع التجار والساري سرا

[سلطان الحافي]

ارحب

يابن حافي

شرفتنا

ومتابعتك شرف

تحيااااااااتي

[عبدالله السبيعي]

ياهل الدفينة جالكم خوش تاريخ =
تستاهلون المدح واحيان توبيخ =
ترسل قنابل مير جتك الصواريخ =
ان لم تكن ذيباً كلتك الذيابة =



والنعم في كل القبايل واسترح يابن الحلال = لاحملك حملاً مثل سنجار والساري سرا

وقتاً مضى ماجيتني تشرب من الجم الزلال = حاشرك في المضماه غصب اجهار والساري سرا

[حمود الحمود]

بيض الله وجهك ياعبدالله السبيعي انشهد انك مبدع ولايهون قبيلك تقبل تحياتي اخوك حمود المطيري

[عبدالله السبيعي]

ارحب ياحمود وحياك الله يالغالي ..

[عبدالله السبيعي]

ارحب ياحمود وحياك الله يالغالي ..

[عبدالله السبيعي]

اشكر جميع من رد على الموضوع

[_الثبيتي_]

تبت يدا رجلٍ جمعها من حرام ومن حلال &&& ياسلعة عرضة مع التجار والساري سرا
:)
صح لساانك (الحافي)+(السبيعي)
ابدااع واصلوا