المساعد الشخصي الرقمي

مشاهدة النسخة كاملة : موضـوع مـهـم (جـداً جـداً جـداً) للـغـايــه


راعي البرصا
11-Sep-2007, 04:44 PM
بسـم اللـه الرحـمـن الـرحيــم

أولاً : أحـب أهنيكم بقدوم شهر رمضان المبارك اعاده الله علينا وعليكم باليمن والبركات

ثانيـاً : انا حـاب أتـكـلم عن موضوع مهم وشائك ولازم الكل يكون واعي وفاهم لهذا الموضوع ويعرف مدى ابعاده من مصلحة للقبيله وافراد القبيله وسمعتها

انا حـاب أتـكـلم عن هاللي يصير من هرج ومرج وكلام اخوي وابن عمي عضو منتدب في موضوعه اللي حطه

هنا في المنتدى كلام ميه بالميه صحيح وهو عين العقل وعين الصواب لكن انا حبيت ان أفـّرد موضوع خاص ويتم تثبيته

من قبل الاداره وبالاخص اخوي العزيز واللي فعلاً هاب ريح وجهده ملحوظ والكل يشكره عليه وهو ابن عمي غازي البقعاوي

فعلا كلامك صحيح يا عضو منتدب .. ( كل من دق له طـنـب قام يعزم ويقول تعالو عندي فعاليات وامسيات ) مايدري ان

هذا خطأ ياجماعه لأن المخيم الرسمي للمهرجان راح يكون فيه يومياً

فعاليات من عقب صلاة المغرب من ندوات دينيه وندوات ثقافيه وامسيات

شعريه ومحاورات الى الفجر .. يعني طول فترة الملتقى راح يكون المخيم

الرسمي شغال من عقب صلاة المغرب الى الفجر .

. وشلون يجي ذا ابو مخيم وعزيمه ويحط فعاليات واحتفالات ويحوس البرنامج العام للمخيم الرسمي

امـير الفخذ اللي يحط مخيم ويفتحه على مدار الساعه هذا بيض الله وجهه

وفعله غانم يجمع ربعه ويقوم فيهم ويصير لهم مثل المضافه يريحون عنده

ويكون لهم مثل البيت .. واذا عنده مناسبه ويبي يعزم له احد ..... عنده وقت الغدا يغدي فيه يومياً

أما وقت الملتقى الرسمي المفروض هو اول شخص يكون في المخيم الرسمي

ويحضر فعالياته من البدايه .. والا اذا خلينا الدعوه سايبه كلن بيحط له مخيم

ويعزم فيه شعار ويسوي فيه فعاليات وبعدين هي ترى ماهي صعبه

كلها ميتين الف ريال ويجون شركه مختصه يحطون له المخيم ويحطون

له خمسين راس من الغنم وعشر قعدان ويتكفلون في العشيات والغديات

والقهوه والسيرفس على اكمل وجه بس بميتين الف ريال ... ماهي بالصعوبه وكلن يحطه

لكن القصد ان يكون اجتماعنا واحد ولا طلع التصوير في شاشات التلفزيون

الناس يشوفونا مجتمعين وبكثره وان كان قصدكم عى المكان مايشيل

الا يشيل ونص الدعوه بر وخلا يشيل ملاين الملايين وراح يكون شاشات

عرض ضخمه اللي مايلقا مكان داخل يقدر يتابع من شاشات العرض

اما هرج ومرج كل واحد عنده حفله وامسيه وقسم في مخيم الفلاني

وقسم في مخيم الفلاينه .. خلاص بلاش مزاين عتيبه وكلن يحط له مزاين

على اسم فخذه .. حنا بنجي من مسافات بعيده نبي نـتـنعـنـا ونحضر من اجل التجمع

والفرحه باجتماع القبيله والقصد ترا جمعة القبيله وتلاحمها ماهو مزاين

ابل ومنافسه ..
وانا ترا متخوف من سالفة المنافسه حنا نشوف ونسمع

من ضعاف الانفس او بالأحرى الرخوم او اشباه الرجال الي يسون تفرقه

وحزازيه بين القبيله ويجيك اما في مسجات في التلفزيون والا في المجالس

ويقول الفوز للفخذ الفلاني والبل والله مع الفلاينه واللي قام في المزاين

فلان بن فلان ويشبها بين المراهقين وضعاف الانفس هذا شي

خطير ياجماعه ولابد ان يعي كل شخص ان المزاين لعتيبه ان نجح

نجح لعتيبه وان فشل فشل لعتيبه ما فيه احد له فضل على المزاين

لأن اللي تكلم في المزاين لولا ابناء عتيبه ورجالاتها ماقام المزاين

ياليت الكل يكونون على قد المسؤوليه ويكبون العنصريه والحزازيات

اللي ماوراها الا التفرقه والنعرات وتعود علينا بسواد الوجه

وأخيراً هذي رساله لأصحاب المخيمات من شيوخ ومن رجال الاعمال

وافراد القبيله .. اللي بيحط مخيم يحط وحنا نعين ونعاون لكن لايسوي

فيه فعاليات واحتفالات تعاكس برنامج المخيم الرئيسي لأي سبب من

الأسباب ان شاءالله جايه من ما يكون لايحوس دعوانا .. واذا عنده

مناسبه ولازم انه يسوي عزيمه عامه ياخي يسويها غدا واتوقع

وقت الظهر مافيه فعاليات للمخيم الرئيسي .. ويخلي الهدف

الرئيسي من المخيم هو جمع ربعه اللي جايين من بعيد يريحون عنده

ويرقدون عنده ويقوم فيهم على أكمل وجه لكن مايعاكس برنامج المخيم الرئيسي

وياليت من أخوي غازي البقعاوي الرجل الشهم والمتميز في هذا المنتدى

ان يقوم بتـثـبيت هذا الموضوع لما لـه أهميـّه ورساله توعويه ويجب ان كل شخص يدخل المنتدى ان يطلع عليها ويكون واعي من ناحية المخيمات وسلبياتها

وايجابياتها ومن ايضاً من ناحية الحزازيات والعنصريه والمنافسه العمياء

على الابل .. لأن الهدف الرئيسي هو الاجتماع بما يرضي الله ورسوله والتلاحم والتآخي والتحاب والا الفوز .. الفوز يا أخوان

بالآخره ماهو في حيوانات .. أرجو منك ياغازي وأنـت واعضاء وادارة المنتدى ان تقومون بتوصيل

هذه النقاط و ابلاغ اللجنه العليا عن هذه الامور لو بس من باب التذكير والتأكيـد ...

ويكون في الندوات المقامه في المهرجان رساله توعويه للكل انه لايوجد منافسه ابداً والكل فايز والقصد جمعة القبيله

والتلاحم والتآخي من أجل رفعة كلمة اشهد ان لا اله الا الله وان محمداً عبده ورسوله

وآسف جدا جدا على الاطاله ولكن حبي لقبيلتي والخوف على سمعتها والسمو بها الى المعالي والسعي لإنجاح هذا الملتقى الكبير واظهاره في اروع صوره هو الذي دفعني لكتابة هذا الموضوع .. لأن المهرجان

يخصنا جميعاً ولابد ان الجميع يتعاون وكلن في ما قدره الله على فعله وابسط صوره من صور التعاون هنا في هذا المنتدى وكتابة مواضيع تزيد من الترابط والتلاحم

وأخيـراً : أرجـو من اي شخص يريد ان يعقب على الموضوع ان يقراه بأكمله وبـ تمـعـن ويعرف ابعاده واهدافه

وشاكر لكم

وأسـأل الله العلي العظيم ان يوفقنا لما يحبه ويرضاه

والـسـلام خـتـام



أخوكم / راعي البرصا الدعـجـاني

غازي البقعاوي
11-Sep-2007, 05:21 PM
اشكرك ياراع البرصا على هذه الحميه المتوهجه وهذا الحماس والخوف على قبيلتك

بس انا اعتقد ان اللجان يقومون بالتنسيق مع اصحاب تلك المخيمات
لتلافي اي تعارض بالبرامج الرسميه للمهرجان .

لكن في الغالب تلك المخيمات هي مضيف او مضافه ودورها للكرم اساسا واستيعاب الحشود القادمه من ضيوف ومسايير للراحة والنوم ،

وابشر يابن العم موضوعك ابي اطقه بمسامير على شاشة الهيلاء

راعي البرصا
11-Sep-2007, 05:35 PM
شاكر لك مرورك اللي شرفني ياابن عمي غازي وبيض الله وجهك وتسلم على هذي اللمسات الرائعه على

الموضوع

انت فعلاً شعله من النشاط وانت الشخص المناسب في المكان المناسب

والله يكثر بني عمنا اللي امثالك واللي هم فخر لنا

يعطيك الف عافيه وياليت الكل يشارك في هالموضوع ونشد من ازر بعضنا

ونوصل هذا الكلام للجنه القائمه على الملتقى وخصوصاً في نقطة التنافس وان القصد جمعة القبيله والتعارف في ما بيننا

لك كل تقديري واحترامي اخي وابن عمي غازي البقعاوي

أخوك / راعي البرصا

الشيباني 2000
11-Sep-2007, 05:38 PM
مشكور يا راعي البرصا
وموضوع جميل جدا [ولاهنت]

ابن نميان
11-Sep-2007, 06:05 PM
كل الشكر والتقدير والأحترام


يــا راعي البرصا

تكلمت فأحكمت بيض الله وجهك

وهذا ليس بمستغرب عليك فأنت أبن القبيلة وغيور عليها

وتحب لها كل خير وكل ماهو في صالحها


كل التقدير والأحترام لك


ودمت بود وعاافيه

نفيعي وحيد
11-Sep-2007, 06:16 PM
بيض الله وجهك ياراعي البرصا

فعلا هذا الكلام الصحيح وماقصرت موضوع اتمنى ان يقراءه جميع شيوخ قبائل عتيبه لما فيه من اهميه

تحياتي

السّامي
11-Sep-2007, 06:27 PM
كلامك صحيح وعين العقل ياراع البرصا


اشكرك على مجهودك الطيب يالغالي

مرزوق حمدان العتيبي
11-Sep-2007, 07:31 PM
...
.
نعم نحن بحاجه ماسه لمثل هذه المواضيع المفيده
لافض فوك يالدعجاني عز الله انك تكلمت بمشاعرنا جميعاً...
المخيمات القبليه الخاصه هدفها التخفيف من العبئ على المخيم الرسمي
في الاوقات التي تحتاج الى ذلك .... اما اثناء اقامة برامج الملتقى
فينبغي على الجميع التوجه للمقر الرسمي وان لاتقام الامسيات
والمحاورات والبرامج الثقافيه والدينيه الا هناك ....
وحسب المعلومات التي لدي ان المخيمات الخاصه لها ضوابط
وشروط منها:
عدم اقامة اي نشاط فيها مثل اقامة الامسيات والمحاورات ...
من مايصرف البعض عن الهدف الرئيسي و هو ...
اجتماع ابناء القبيله في مكان واحد يحكي تالفهم وتكاتفهم .

محمد بن غازي
11-Sep-2007, 07:37 PM
بيض الله وجهك ياراعي البرصا وكلامك هذا هو كلام أغلب

من قابلتهم من أبناء العم وأنشاءالله مانشوف الا اللي يبيض

الوجه ويرفع الراس،،،،،،

ابو نايف الدعجاني
12-Sep-2007, 12:01 AM
اخي العزيز راعي البرصا شكراً من الأعماق على هذا الطرح المتميز والمهم جداً والشكر موصول الى الأخ/ غازي البقعاوي

عبدالله المعالي
12-Sep-2007, 12:18 AM
راعي البرصا




يسلمـ فكركـ اخوي ..



انا معكـ بكل كلمه قلتهـآ


وياليتـ اللي في بالهم يحطون مخيمآت وأمسيات ..

يشيلون من بالهم هالفكرهـ ..

لأن القصد هو ظهور مزايين الهيلا بشكل يليق بهذه القبيلهـ ..


ونبي الجمعهـ ومانبي يتفرقون فالمخيمات ..


علشان يكون الحفل جداً كامل




الف شكر يـأمُبدعـ



اخوك \


عبدالله المعالي

مشل
12-Sep-2007, 09:00 AM
راعي البرصا
بيض الله وجهك
وكلامك عين العقل
واضم صوتي لصوتك
اخوك (مشل)

ابوشريط
12-Sep-2007, 09:07 AM
بيض الله وجهك ياراعي البرصا

زياد المغيري
12-Sep-2007, 09:13 AM
سلمت يالدعجااااااااااااني

كلامك عين العقل

أتمنى من الجميع وضع اقتراحات أو افكار وطرح بعض الارئ لتعود بالنفع للجميع ولااظهار المزاين بالشكل المطلوب

ابن نعيس القمحر
12-Sep-2007, 11:25 AM
بيض الله وجهك ياراعى البرصا على الكلام الطيب وكثر الله من امثالك فى القبيله والمزاين ماهو لحد عن احد المزاين للقبيله كلها وحنا مثلك ودنا اليمنا جينا من بعيد انا نشوف مزاين عتيبه ما نشوف مانشوف مزاين اشخاص معينين









وتقبلو تحياتى ياعتابه

عبدالسلام النخيش
12-Sep-2007, 11:56 AM
بيض الله وجهك يا راعي البرصااا كلام عين العقل والله يكثر من امثالك

صالح الدعجاني
12-Sep-2007, 02:37 PM
مشكور يا راعي البرصا
وموضوع جميل جدا [ولاهنت]

اسامة الروقي
12-Sep-2007, 07:22 PM
فعلا اخوي راعي البرصا .......
كلامك اصاب كبد الحقيقة .........
هذا مانريده.....المخيم الرسمي هو مكان تجمع ابناء القبيلة كافة ........
اشكرك ..............من اعماق اعماقي ......

ممكن سؤال :
ماهي البرصا ....؟؟؟؟؟؟؟

فهيد الشيباني
13-Sep-2007, 01:10 AM
مشكور ياراعي البرصا فقد اوجزت

وليدغازي
13-Sep-2007, 01:34 AM
صح لسانك ياراعي البرصا وكلامك في محله

وشالله يلقا له اذان صاغيه...,


< لاهنت>

آل رداد
13-Sep-2007, 03:01 AM
بيض الله وجهك عين الصواب وكلام في الصميم
نعم المزاين لعتيبة عامة وكلنا ابنا عمومه ولا يوجد خاسر بيننا بأذن الله
ولا نؤيد الحزازيات الصبيانية ويعلم الجميع واعتقد انا بل اجزم بان مايصير في المسجات في القنوات من اثارة للنعرات التي مالها داعي
ليست من ابناء عتيبة بل من بعض القبائل الضعيفة المغرضة على قبيلة عتيبة .
تقوم بسب القبيلة الفلانية حتى يتم الرد عليها من نفس الشخص الاول الذي سب ويقوم بالدفاع ويسب قبيلة اخرى لإثارة الفوضى والبلبلة بين قبائل عتيبة
اتمنى من ابناء عتيبة الاتحاد والتكاتف وعدم نبش الامور والاثارة التي ليس لها داعي
نحنو قبيلة عظيمة لها تاريخها ومجدها وفيها من الشرف الشيء الكثير

فنحنو خوالي النبي صلى الله عليه وسلم
.........................................
.............................................
فنحن قبيلة مغبوطة ويوجد لنا حساد كثر
فانتبهو اخواني ابناء عتيبة من الفرقه فان يد الله مع الجماعة
والفوز لعتيبة عامة بهذا الملتقى ولا يوجد خاسر بيننا بأذن الله
اما المخيمات فوجودها ضروري للراحة وللحاجة لها اما المخيم الرسمي فيجب اظهاره بالمظهر المشرف وهو الواجهة الرسمية لنا.
وآسف على الاطالة
واشكر صاحب الموضوع على الموضوع

عبدالله بن صنيتان الدلبحي
13-Sep-2007, 05:00 AM
مشكور جدا وكل عام وانتوا بخير ورمضان مبارك علينا وعليكم كلامك المفروض من الاداره العليا ان توصله ل جميع شيوخ قبائل عتيبه ل ضبط الموضوع قبــــــــــــــل انت تخرب بين القبائل ويبدا المهايط ويا ليت اداره المنتدي توصل الموضوع ل اهل الامر من شيوخ عتيبه ل ضبطه ولكم مني جزيل الشكر.

زيـاد الـسـمـيـري
13-Sep-2007, 05:03 AM
بيض الله وجهك يا راعي البرصا


جعلك سالم يالغالي

البااااز
13-Sep-2007, 12:47 PM
شي طبيعي ان يكون هناك حزازيات بين افراد القبيلة وهذا موجود ومستحيل ان يلغية احد ولكن العتب كل العتب على من ينظر الى هذه الشي والمجتمعات فيها ناس تحاول تفرق وتعمل اشياء سوء بقصد او من غير قصد او تعمل ذلك بتكليف من ناس اخرين يحاولون زعزعت ابناء القبيلة وعدم توحدهم ويرغبون في تفرقتهم بشتى الوسائل...
والله من ورى القصد.

عـتـيـبـي والـهـوا ضـــدة
14-Sep-2007, 04:00 AM
بارك الله فيك

وماقصرت

ذيب روق
15-Sep-2007, 08:51 PM
راعي البرصاء كلام رايع نتمنى من الجميع قراته جيدا والحفل واحد لكل عتيبه كذلك الابل ابل عتيبه والفايز من القبيله فالاداعي لترديد ذود الفخذ الفلاني اوذودي تحياتي للجميع .

حفيد مجول
16-Sep-2007, 12:10 AM
الله لا يهينك واشكرك على غيرتك على قبيلتك
وتقبل تحياتي

حمد العطاوي
16-Sep-2007, 12:20 AM
مشكور على الموظوع وبيض الله وجهك

الدحدوح
16-Sep-2007, 12:37 AM
بيض الله وجهك واتمنى من كل قلبي ان اجد جميع القبيله في صيوان واحد بدون فتح عدة صيوانات مالها لزوم قد تجعل لضعفاء النفوس مدخل فى القبيله.

تحياتي

عتيبي من شقراء
16-Sep-2007, 05:07 AM
بيض الله وجهك ياراعي البرصا على الكلام
والله يوفق كل القائمين علىالمهرجان

عتيبي من شقراء
16-Sep-2007, 05:13 AM
بيض الله وجهك ياراعي البرصا على الكلام والله يوفق القائمين على المهرجان

فارس من الفريس
16-Sep-2007, 11:48 AM
بيض الله وجهك يالدعجاني علي الافاده الطيبه من راسك الطيب وانا اشاركك الراي لانه هو الراي الصواب والله يوفق الهيلا

المتاااابع
17-Sep-2007, 02:59 PM
كل الشكر لراع البرصا وكلامك منطقي ومعقول

كاسب الطيب انا
17-Sep-2007, 11:13 PM
والله انك صادق لكن من يبا يضيف ينسق مع اللجان وكثر الله خيره

عبدالله المسعودي
17-Sep-2007, 11:13 PM
كلام في الصميم
موضوع فعلا يستحق التثبيت

ابن فرج المجيولي
18-Sep-2007, 11:28 AM
االسلام على الجميع بيض الله وجهك يراعي البرصا وان شاء الله ميصير اي اختلفات

الـنفيعي
18-Sep-2007, 11:55 AM
مشكور اخوي راعي البرصا على نصيحتك لشيوخ عتيبه كافه واهل المخيمات

أبن عبدربه
18-Sep-2007, 02:30 PM
راعي البرصا بيض الله وجهك على الها الموضوع

فعلا موضوع مهم ولاكن اللجنه قايمة اكيد على التنسيق
بين المخيمات

مالك الذيابي
18-Sep-2007, 02:33 PM
عزالله انك صدقت يالدعجاني

بيض الله وجهك يابن العم

التاج
20-Sep-2007, 01:42 PM
كلامك في محـــله ياراعــي البرصــا
كلام ينعش فـــواد الضـــامي
لو كل واحد نعطيه في المخيم فرصا
ضاع الترتيب اللي من العامي

بيض الله وجهك........ولاهنت..
أخوك وابن عمك/التاج العصيمي..

محب الرسول
20-Sep-2007, 09:14 PM
اخوي راع البرصاء
كلامك على العين والراس وموضعك مميز جدآآآآآآآآآآآ
لاكن لايخطر بببالك ان الامسيات والمحاورات التي ستقام في المناسبات والامسيات الخاصه ستستطيع سحب البساط من الحفل الريسي بل ستخفف من الازدحام الذي سيحصل وانا اعتقد انه لن يوجد مخيم لم يحط به امسيات وندوات ليليآ

حمد العطاوي
20-Sep-2007, 10:17 PM
بيض الله وجهك يا راعي البرصا

متعب الشفيعي
21-Sep-2007, 04:18 AM
بيض الله وجهك ياراعي البرصا

فعلا هذا الكلام الصحيح وماقصرت موضوع اتمنى ان يقراءه جميع شيوخ قبائل عتيبه لما فيه من اهميه

تحياتي

ابوفهد العتيبي
22-Sep-2007, 12:38 AM
لا فض فوك ياراعي البرصا

الدعجاني 000
22-Sep-2007, 11:00 PM
بيض الله وجهك ياراعي البرصا

حمد العطاوي
22-Sep-2007, 11:46 PM
بيض الله وجهك يا راعي البرصا

فزااااع
23-Sep-2007, 01:29 AM
بيض الله وجهك وماقصرت

بـرق الـذيب
23-Sep-2007, 02:06 AM
كلام عين العقل والصواب

وانشاء الله يحقق هذا الموضوع الاهداف المرجوه منه

عتيبي من شقراء
23-Sep-2007, 03:27 AM
بارك الله فيك

أبو ذعار المسعودي
24-Sep-2007, 02:11 AM
لاهـــــــــــنت يا راعي البرصـــا وكــــــــلامك علي العين والراس بـــــس ياليت يكـــون فيه من يسمع ويفهم ولاهنتووووو جميع

لطام الصوينع
24-Sep-2007, 03:10 AM
اخوي راعي البرصا اشكرك من الاعماق على الموضوع الذي تغافل عنه وللا سف كبار القوم وتناسوا الهدف الاسمى للمزاين وهو الترابط والتكاتف ووالله ان الواحد ليترقب المزاين وهو واضع يده على قلبه من خوف امور لاتحمد عواقبها

وشكرا يا اخي غازي على التثبيت وارجو ان يعرض الموضوع على اللجنه وان يكول لكل قبيله مخيم وليس لكل فخذ وشكرا

مسقي العطشان
24-Sep-2007, 03:26 AM
بيض الله وجهك ياراعي البرصاء

كلام سليم ومنطق راقي وعقل حكيم

كل الشكر والتقدير لمشاعرك الصادقة

اخوك مسقي العطشان(المقاطي)

بندر الحافي
24-Sep-2007, 04:07 AM
لا هنت

كلام واقعي

وصحيح

سليمان العضياني
24-Sep-2007, 05:31 AM
لا تعليق

وأحترم رأي الجميع ,,,,

لكـ ودي ..

العضياني ..

فارس قبيلة الجعدة
27-Sep-2007, 03:18 AM
الله يديم عز هذه القبيلة وإن شاء الله مايكون بينا رخوم ولا ضعاف نفوس

الصقــــــــر
27-Sep-2007, 04:52 AM
كلام منطقي 100%

محمد العريم
18-Oct-2007, 09:18 PM
[صح لسانك ياراعي البرصا
وبيض الله وجهك على هذه الملاحظات
وكن على ثقه تامه بأن شيوخ القبيله واللجنه المنظمه
للمهرجان حريصين كل الحرص على أنجاح الحفل وأظهاره
بالمظهر الذي يليق بمستوى وسمعه القبيله