..:: حظ .... المحياني ::..

[ماجد المحياني]

ياليت حظي ما غدر بي ولا خان = ولا تشمت بي في عز الظهيره
يضحك عليِّه يوم جاني بخذلان = يضحك ورجلي فوق رمضى سعيره
ما جاته الرحمه ولا هوب شفقان = ولا أشتحن يومي بحاله خطيره
شربت غدران القهر شرب ظميان= ولا رواني يوم خلص غديره
حظي لعين وعاسفينه بشيطان = عسف المهار اللي بقصر الأميره
صبرت وأنا منهك وقاضي وتعبان = و أقول ياربي عسى فيه خيره
ولديت له بالعين يوم الغضب بان = و دمي بدت نظرات عينه تثيره
لديت له وبجوفي غبن (ن)وحقران = غبنة كسير (ن) مالقوله جبيره
ثم قلت أبذله وأخليه منهان = وأدرسه درس (ن) يصحي ضميره
قمت أتعزوا وأزهم فلان وفلان = لين أنكشف سري وخلاه بيره
وجتني الليالي جامحه مالها عنان = تصهل وترفع لي سيوف (ن) شطيره
تقول لا دارت دواليب الأزمان = أنا حزامك والفشق والذخيره
وثارت معارك بينهم وسط ميدان = صارت نتيجتها الليالي كسيره
ورحت أزهم الأشعار و أنخى بالألحان = اللي مع الأفكار تبقى سهيره
قالوا ياماجد زبدة الهرج نيشان = حظك خطير ولا قدرنا نديره
أشره وقدم له كثيرات الأثمان = و تلقى فعوله في الليال العسيره
قلت ألا برجي خالق الأنس والجان = عنده مفاتيح السماء والسريره
أما يقوم الحظ ويرقى للأمتان = وإلا يموت وينتهي بي مصيره

[معلا إبراهيم الأسعدي]

صح السانك ياماجد رائعه

شكلها طالعه من قلب الله يوفقك فيما يحبه ويرضاه

[بوح المشاعر]

المحياني


صح لسانك قصيده جزله وبيض الله وجهك

[ماجد المحياني]

شامان الاسعدي


صح بدنك ومشكووووووووووووووووووووووور