دعوه عامه في مخيم أهل عمهوج (( العضيان ))

[الفارس2000]

نيابه عن الامير بدر بن نايف الضيط تتشرف قبيلة العضيان بالدعوه للجميع للحضور المخيم والذي سوف يقام طيلة أيام مهرجان مزاين قبيلة عتيبه والدعوه عامه للجميع وتكريم للمشاركين من قبيلة العضيان في مزاين الابل
المخيم متكامل من جميع الخدمات وسوف يتخلله برامج شعريه وقصصيه ومحاورات وندوات طيلة ايام المزاين
إضافة الى وجود وحده صحيه متكامله في المخيم
وسوف يحيي الحفل عدد كبير من أصحاب السمو والمعالي وشعراء من الخليج وشخصيات إعلاميه كبير من الكويت وقطر والسعوديه والامارت
بعد تلقيهم دعوات للحضور في هذا الكرنفال العالمي

والدعوه عامه للجميع ونتشرف بحضوركم !!

ومن خلال هذه الدعوه أشكر القائمين على هذا المحفل العالمي وعلى رأسهم رؤساء اللجان

لجنة الضيافه والاستقبال
اللجنه الادبيه والثقافيه ( للتنسيق للامسيات والشعراء )
لجنة كبار الشخصيات والاعلامين
لجنة التجهيزات وإعداد المخيم


فأهلا بكم

[عاشق الابل]

كفوا والله ياهل عمهوج وعساكم على القوووه

[القوبع العضياني]

الله يبارك فيك اخوي وان شاء الله مخيم الضيط هو مكمل لملتقى الهيلا

وأبو بندر دعم فكرة المزاين وسعى فيها مع بقية اخوانه شيوخ عتيبه وها هو يواصل جهوده الحثيثه لانجاح الحفل وقد هي مقر يعتبر هو الارقى في المنطقه اللي هو مزرعة الشيخ دحيم بن مرزوق العضياني

وبالتالي ان شاء الله الحفل ناجح ومخيم الضيط راح يكون احد ابرز علامات نجاح الحفل

وهذي عادت ربيع العضيان الدويله اهل عمهوج

[فتى عسيله]

كفوا والله ياهل عمهوج وعساكم على القوووه

[غازي البقعاوي]

ونعم والله باهل العلم الغانم
اللي يفتخر به كل عتيبي
عساهم على القوه


عمهوج فا الترك قام النصر بالاشعاره=قدامـه التـرك مـا زولاً يحاربهـا
تسعين جثه بسيف الضيط و أنصاره=وينقح به الروس من عالي مناكبهـا
لين أدبر الجمع والميـت سكـن داره=والسيف باالعنف يقضع في غواربها
هذا جزا اللي مع الأصحاب بـواره=بواقة العهـد يـوم ابليـس ذبذبهـا

[العــــــــابر]

اشكرك اخوي على الدعوه وهذا من طبعكم الكريم ومن طبع كل عتيبه


وكل بدوي علومه غانمه وباذن الله بيكون الحضور لنا في محلكم

وهذا شي يشرفنا.

الباز اخطيت بحق قبيله وانت متستر ورا الكواليس وهذا ليس بكلام رجل

والعضيان وكل عتيبه مهوب اهل هياط الا اهل فعل وقت الشدايد

ولايضر العضيان شي من كلامك السفيه اللي وضح حجمك ووحقدك

وياليت تفهم وش معنى هياط حتى تكتب .الناس ترا ترفعوا عنك وعن

امثالك وانت سبب في ردائة المواقع ومستوى الردود انت وامثالك ممن ياتون ويتمالقون

ولالهم هم الا بالهكلام والضعافه اما انك ترقى بموقع القبيله

او انك تفيد ربعك بعلووم غانمه او تفيد المجتمع مانشووف منكم شي

والمزاين قريب ونبي نشوف الهياط يبى يكون عند من رغم ان مجالس

عتيبه كلها محلاتنا بس انت تبي تثير شي بعقلك وصدرك اللي ضاق

ولاعاد يطيق ضيقته.الله يستر من سفهاء الوقت

الى الامام يامنتدى الهيلا والى الامام ياعتيبه وموفقين بكل علومكم

رجال مساهمين بالغالي في رفعة امتكم بالعلم والتطور والجهاد

تقبلوا مروري المتواضع

[مالك الذيابي]

بيض الله وجهك يابن العم

[شامخ الراي]

كفوا والله يالعضيان
لكن ألايوجد مخيم موحد للندوات والمحاضرات لقبيلة عتبيه فلما التفرقه
والخروج عن رنامج القبيله

[الدعجاني 000]

الله يعطينا خير هذي المزاين

كفوا والله ياهل عمهوج وعساكم على القوووه



.................................................. ..............................

[ابن عياد الروقي]

كفو ياهل عمهوووووووووووووووج

[الفارس2000]

الظاهر ما انت بالباز الظاهر انك خميسه
أنا أعتقد أن اللي دعاك الي كتابة هذه العبارات السخيفه هو حقدك الدفين ورخامتك وغيرتك من أمجاد العضيان العريقه.

العضيان شيوخ مزحم أهل عمهوج الملقبين بالدويله واحمول الخيل وكبود البعارين
كسبوا الطيب بالجاهليه واكسبوه بالوقت الحاضر ويفخر بهم كل أعتيبي فيه نخوه و أحميه ولاينكر فعولهم الا الرخمه ضعيف النفس اللي مافيه خير لنفسه ولا لقبيلته .

ومن القصائد التي وثقت افعالهم بالتاريخ
قصيدة الشيخ برغش بن طواله الشمري

ومن ضرب اهل عمهوج رحنا دباله **مير اقمحن يالابسات السباهين

ماكن ضربه في جماهي رجاله **قنيب ذيباً في علو الضلاعين



وهذه قصيدة للشاعر سلطان التهامي رحمه الله لا يسعني ذكر قصتها


جانا الذويبي مليمهـم يبانـا=البدو والترك شينين العهـود
يبا المعاشير والخلف الرزانا=وعيوا عليها مذاخير الفهـود
الخلف واللقح مرزيتن ورانـا=وحنا كما النايفات من الحيود
ومجرز الشلف توردها يدانـا=ودهم الفرنجي يشادن الرعود
ونعم بكم يالمراخات حدادانـا=لباسة الجوخ تكسر كل عـود
والاالذويبي ليامنـه نصانـا=من دونها نطرده طرد القعود
وشالح ومثقاب للاهم غدانـا=والخيل الاخرى مرزنها حمود
والا نجم راح معهم مايبانـا=يركب مجاويخهم صم الحيود

وكذلك يقول الشاعر سلطان التهامي موثقاً يوم أبرقية :

ترى البل دونها قحص الطلايع فوقها العضيان=حمول الخيل مهديـة العمـار بـلا موازينـا
وتراها دونها جاسر وأبن شـلاح وصنيتـان=وينحاكـم مخيمـر دون حـرزات المزابينـا
ونهمهم ضاوي الخمري بحساً يفرح النشطان=وفـراج التويجـر ردهـا لـلـي متليـنـا

وهذه قصيده لمطلق الصانع

جتنا تجر اطرافها دولـة الحسـا=تجر العجل من يمة السيف صايله
جونا يبون البل والاد روق عندها=ربعي كما مزناً صدوقاً مخايلـه
شالح ضرب ولد الحميدي بشلفـا=ليا عازل حبل الظهر عن حمايله
وشالح فعل فعلٍ على الناس كايد=بسيف يقص المتن والراس شايله



قال فيهم الشاعر الفارس شليويح العطاوي حينما تقدم لخطبة نورة بنت شالح الضيط :

ويش الحول في بنت ذباح الاتراك=مرخي على ارقاب السرايا الرهيفي


وهذه قصيده للشاعر فهد الخرينق

ياربعي العضيان عدّالـة الميـل = يازبن من جاهم ينفّـض شليلـه
عرّاف عيّـاتً قضـاةً حلاحيـل = يصغون يم الحق غـاوي دليلـه
لاجن يشدن الجمال المحاميل = كم طلقوا بأرماحهم مـن حليلـه
يم الهضاب اللي كما كسرة النيل = ياما وسمنا يمهـا مـن جليلـه
وأيضا ليا قام البخت بأسمر الليل = المشعل الهـادي نثــّور شعيلـه
وبجاد بن راجح قعيد المشاكيـل = ابوي مزين هرجته مع عميلـه
كم ذود مصلاح ٍغدوبه زعاجيل = راعيه غب الكون طاوي صميله


وهذه قصيده أخرى للشاعر محمد العصيمي رحمة الله في أستعراض لأفعال أبطال عتيبه ويذكر عمهوج في قصيدةٌ له يقول فيها :

ياما سقى الأتراك من كاس الأمرار ** وعمهوج من دم الرجال مخضوبي


وقصيده للشاعر شباب بن فايح

عمهوج سلعة شرف ما هوب معياره** سلعـة رجـالاًًمفتلتـن شواربهـا
كلٍ عرف فاللقـاء فعلـه ومقـداره** وكم كربتن طبتـه فكـت نشايبهـا
ليا جا نهاراً تغيب الشمـس بغبـاره** وفيـه المنايـا ممدتـن مخالبـهـا
له سطوتن في نهار الضيق جبـاره** با أيمان قومً عطيباتـن مضاربهـا
قـومً ليـا طبـو الميـدان جـزاره** وعند الملمـات تثنـي دون واجبهـا
عـز القبيلـه وللعـداون قـهـاره** في قمـة المجـد عاليـةً مناصبهـا
عمهوج فا الترك قام النصر بااشعاره** قدامـه التـرك مـا زولاً يحاربهـا
تسعين جثه بسيف الضيط وانصاره** وينقح به الروس من عالي مناكبهـا
لين أدبر الجمع والميـت سكـن داره** والسيف باالعنف يقضع في غواربها

وقصيده اخرى

جلدنا رقاب الترك بالسيف دونها=تسعين من غير الصوايب شهيدها
من كف مسطوراً يروي مغالبـها=يلوع السرب لوع النداوي لصيدها
شالح مروي فالقى مرهف القنـا=ليا جات دقلات الجموع لحشيدها

وقصيده اخرى

مثل يوم الحرمليه ويومـاً فالجريـر=والجموع الي تحشد الجموع لضدهـا
يوم راعية الجمل هلة الدمـع العبيـر=من مغازير المدامـع تغشـى خدهـا
وأنهزم شيخ الرباعين عجلاً بالمنيـر=معذراً فالي طـوال القـرون تكدهـا
مونسً حام اللهب عند عرقوب البعير=يستمع في صوتها والسموع يسدهـا
وأيسة من ربعها عقب ماقر القريـر=تلتفت للـي مـن الطيبيـن يردهـا
مالحقها كود مارق وملحاقه خطيـر=وقص يمنى الي يسوق الجمل وأرتدها


وقصيدة للشاعر سلطان الهاجري


أي والله العضيان وأبليـس ملعـون = حمايـة العطفـه نهـار المواجـه
وأن ركبت الجمره على راس غليون = يعدلـون اللـي براسـه عـواجـه


وهناك الكثير من القصص التاريخيه والقصائد التي وثقت أفعال العضيان ولايسعني ذكرها الآن .

واخيرا اقول ونعم بكل قبائل عتيبه وكلهم فيهم خير ولهم فعولا طيبه

[النفيعي999]

ونعم والله بالعضياان صغيرهم وكبيرهم

والي اني اشره عليكم ياعيال عمي

تخلون زي الحقودين امثال الباز يستفزونكم

ولا تلقاه خط 110

[عبدالسلام النخيش]

كفوووووووو والله يا اهل عمهوج والله ونعم يالعضيان وجعلكم قويين وبيض الله وجيهكم

[دكتور العضيان]

كفو يابو بندر وعساك على القوه

[ابن نعيس القمحر]

كفو ياهل عمهوج والله يعزكم









ويعز عتابه كافه