المساعد الشخصي الرقمي

مشاهدة النسخة كاملة : قدام لا تربط جميع الشياطين!!!(الفالح)

كبتن عتيبه
10-Sep-2007, 10:33 PM
مساكم الله بالعلم الزين...


سلام ياربعً على القلب غالين=واغلا من الغالين والسوق غالي!!
قدام لا تربط جميع الشياطين=نبى نسولف قبل مبدا الهلالي!!
سلطان الجـذع
10-Sep-2007, 10:37 PM
فدام لا تربط جميـع الشياطيـن
نبى نسولف قبل مبدا الهلالـي!!

هههههههههههه


ياسلام ياسلام ,,,وهلا ومرحبا بعد طول الغياب

والصف صفكــ

وعلاك بالفالح قبل تربط الشياطين ههه
كبتن عتيبه
10-Sep-2007, 10:41 PM
الله يبقيك


وكل عام وانت بخير ياسلطان



علومك يالغالي
علي فلاح العضياني
10-Sep-2007, 10:42 PM
ياللي تسلم مرحبابك ملايين=ترحيبٍ احلا من حلى كل حالي
سولف ياكبتن ما معك غير يومين=وانا ابسولف يا كريم السبالي
كبتن عتيبه
10-Sep-2007, 10:51 PM
طيب طيب


دام البقاء وأنتم على الراس والعين=مثل الشماغ اللي عليه العقالي!!
العام في مكه ياكبر الضلاعين=واليوم ابن لادن يقص الجبالي!!
علي فلاح العضياني
10-Sep-2007, 11:05 PM
هذي تمشّيها على تركي الفين=يا الحرّ اللي فوق روس الطوالي
العام يا كبتن وبكره وذلحين= ما للحمول الا ظهور الجمالي
سلطان الجـذع
10-Sep-2007, 11:10 PM
الله يبقيك


وكل عام وانت بخير ياسلطان



علومك يالغالي



بخير ياكبتن نبي علومك مابقي لك الا يومين :) :)

سولف ياكبتن ما معك غير يومين
وانا ابسولف يا كريـم السبالـي
كبتن عتيبه
10-Sep-2007, 11:14 PM
الله الله


حاول تعلاّ في محل الشياهين=لاترتخي للأرض يابن الحلالي!!
البخل مايدخل بيوت الكريمين=والشك مايلحق قلوب الرجالي!!
علي فلاح العضياني
10-Sep-2007, 11:21 PM
حنا مع الوافين دايم وفيّين=والكل منّا يرفع الراس عالي
على السلوم الطيبه والقوانين=سقها يا بو فيصل جنوب وشمالي
كبتن عتيبه
10-Sep-2007, 11:37 PM
طيب طيب


قبل السحاب يجيك عج وعصارين=مير البلا عجً ماعقبه خيالي!!
سلم على سلطان ذخر السلاطين=وقول (الرفيق مع الرفيق الموالي)!!
علي فلاح العضياني
10-Sep-2007, 11:51 PM
صاحبكم اللي له من العمر عشرين=بالله قلي وشهو من العيالي
وش دخلك يا صاحبي بين الاثنين=هات الاجابه بعد جاك السوالي
كبتن عتيبه
11-Sep-2007, 12:58 AM
الله الله


أخذ الإجابه حطّها بين قوسين=(مايبخص الجدعان غير العوالي)!!
انصحك لاتقطع صلاة المصلين=ويحاسبك ربي رفيع الجلالي!!
علي فلاح العضياني
11-Sep-2007, 01:12 AM
فارس وينزل في جمعيع الميادين= لكن لا مكسب و لا راس مالي
وانته تصلي تنظر يسار و يمين=يالله دخيلك من دروب الضلالي
كبتن عتيبه
11-Sep-2007, 01:28 AM
الله الله


كم يقطع السنبوك من بحر سبعين؟=والبحر موجه يضرب بكل جالي!!
ياهل المحاني ربعنا قولوا امينن=الله يعديكم صدوف الليالي!!


تصبحون على خير
أبو نجر النفيعي
11-Sep-2007, 01:34 PM
..

يا سلام ياسلام ..

ابداع من الطريفين ....

وصحة السنتكم ...

متتااااابع وبصف كبتن منااااااااااااااااحي :)

.

أخوكم
احمد الملاح
11-Sep-2007, 02:36 PM
الله الله




ما قصرتوا جميع ومبدعين كل من الطرفين
عمرالروقي
11-Sep-2007, 05:08 PM
ياسلام ياسلام ,,,
وهلا ومرحبا بعد طول الغياب
صح لسانك ولاهنت
000000000000
عمرالروقي
11-Sep-2007, 05:27 PM
ياللي تسلم مرحبابك ملايين=ترحيبٍ احلا من حلى كل حالي
سولف ياكبتن ما معك غير يومين=وانا ابسولف يا كريم السبالي

0
0
0
0
0 صححح لسانك يالفالح
وسلامي لك بعد الغياب
000000000000
وفي صفك ولاهان الكبتن
فارس الباديه
11-Sep-2007, 05:57 PM
الله الله ياأساتذتنا الكبار ... لا هنتوا وصح لسانكم وفي صفكم ومنكم نتعلم
ناصر الجلاه
11-Sep-2007, 09:11 PM
..


(( كبتن عتيبه ))


حي والله الحس مطول يالغااالي

صح لسانك على هالقاف

..

الفالح

..

صح لسانك يابن ثعلي


لاهنتوا يالأخوان على القاف الرائع

تقبلوا مروري

..
_الثبيتي_
12-Sep-2007, 01:28 PM
الله الله بيض الله وجهيكم وصح لسان الفالح و كبتن ,,, وهاذي من المحاورات الطيبه وانا احييهم وحيروني بشوف احسن الابيات لكن هذه الجمال الحقيقي ...
,, هذي تمشّيها على تركي الفيـن
يا الحرّ اللي فوق روس الطوالي
العام يا كبتن وبكـره وذلحيـن
ما للحمول الا ظهـور الجمالـي