نبا نقول الحق وابليس ملعون

[حمود الحمود]

ودي بشاعر معتبر ومعروفي

ماهو بمقرود ٍ عمى مايشوفي

من شان ملعبنا يصير مخلوفي

نبا نقول الحق وابليس ملعون



ياجماهير اسمعو كلمتي لو تسمحون = زيدو الصفين حتى تزين الملعبه


ودنا نلعب على النت وابليس مغبون = ما نبا شاعر شياطين جنه تشعبه

[صقرالحره]

انا اول واحد في الصف ابشر باللي يسرك من ناحيت الصفوف وصح لسانك بارك الله فيك

[حمود الحمود]

الله يحييك اخوي صقر الحره بارك الله فيك

[سفير الدوله]

ودك بشاعر جاك شاعر معبر =الليل سر الليل والله يدبر
اشوفك من البعد وجهك مغبر=ياطير شلوى طير ياطير شلوى


ياجماهير اسمعوله عسى الدعوى تهون=كل طيرً لا تعشى يعود لمرقبه
خلها حاضر بحاضر ولا فيها ديون=اكرب احزامي وخصمي حزامه يكربه

[الشيباني 2000]

صح السانكم وفالكم المليووووووووووون





ههههههههههههههههههههههه

[حمود الحمود]

من ردك الليله تبين البضاعه

واظن مابك ياوليدي طماعه

ولا تكلفني ولو ربع ساعه

نبا نقول الحق وابليس ملعون



لاتهايط عندنا الليله اتجر اللحون=النجوم انجوم من فوق راسك مرقبه

ماجداك الامراعاةخصمك بالعيون=والخصم يسقيك سم ٍ ذحاح ٍ تشربه

[سفير الدوله]

ياحمود ماتمشي علي الدعايه=ماانته بكفون لي ولا في حرايه
بالله طالع صورتك فالمرايه=ياطير شلوى طير ياطير شلوى


لاتشق الثوب من بعد ماصار مخبون=ياحرار الصيد كلن عشاه بمخلبه
ماعليه دام راسي مثبت فالمتون=وانت خلك بين عرعر وبين الدبدبه

[حمود الحمود]

اسف على التأخير لاني توي طلعت من الدوام واستلم

فتح عيونك وانتبه للسفاره

وشدد على الحراس قوم الخفاره

يمكن نسوي مثل برج التجاره

نبا نقول الحق وابليس ملعون



لاتناطح للجبل وانت ماعندك قرون=الجبل راسي واباانصحك لالاتقربه

ينفقش راسك بعدها وتنحت السنون=وانت مالك حيل والخصم يفتل في شنبه

[سفير الدوله]

ياحمود انا عيني هنيا دليلي=وانته مضيع طاستك ياعميلي
امين ,, في عمرك عساه الطويلي=ان لم تكن ذيب......


ياصحيبي حل في وسط قلبك مرجفون=كل عايل لو تعلى ترانا نعطبه
ياقناة فنون ياللي تجيبين الفنون=يمكن اننا نقطع ارسالها والذبذبه

[حمود الحمود]

بيض الله وجهك شاعرنا سفير الدوله امتعتنا صراحه ووسعت صدورنا الله يوسع صدرك ويبارك فيك والى لقاء والسلام عليكم