ابن فرحان
28-Jul-2003, 08:59 PM
الاخوه الاعزاء ابناء الهيلا اليكم هذه القصيده اتمنى ان تحوز على اعجابكم
ليا استلج (ن) الضلوع النحايف=والعين امست بين سهر(ن) وطريف
اسهر اراقب للنجوم اللصايف=من حين تطلع لين تدبح مذاليف
اسند على نفسي بيوت (ن) نظايف=قاف (ن) على ايف وقاف (ن) على ايف
واحضرت لي اوراق بيض (ن) هفايف=وعود يزج الحبر حبره مراديف
وعدلت لي ابيات غر (ن) طرايف=على النقى ما قلدوها الملاقيف
وعبرت عن ما كنت بالعين شايف=عن بعض ما في وقتنا من الصواديف
وقت (ن) تعلت فيه ناس (ن) نتايف=والروس طاحت بين دق الاضاليف
ابن الحموله راح يمشي مسايف=وللاش يدحم بالجنوب المهاديف
والحق من مبطي عليه الحسايف=مجحود لو انه باالاعيان قد شيف
والخير اقفت به ركابه نكايف=والشر جا يهذب مهاره عساسيف
مناكر (ن) ماهي بتحت اللحايف=عمت على البحر الغزير وعلى السيف
هذي علامات السنين العجايف=هبوب وسميه مثل هبه الهيف
المسلمين بكل ديره خرايف=خاذلهم الي ما نشد حالهم كيف
تداعت العالم بكل الطوايف=على امه (ن) ثلثينها حشوها ليف
وثلث (ن) يراقب سير الاحداث خايف=خابر قرارات الامم كلها زيف
ولو انها بمصقلات الرهايف=ليفزع من الهيلا عيال (ن) زعانيف
على اكوار ملاعبات السفايف=تاخذ على ارض القدس روجه وتوقيف
ماقولها ضحكه وتزييف زايف=اقولها من قلب ما يعرف الزيف
لي لابه (ن) تشمخ على كل نايف=في المرجله ما حسبو للتكاليف
وسلامتكم القصيده اطول من ذلك ولكني نسيت اكثرها وسامحوني
اخوكم \ ابن فرحان
ليا استلج (ن) الضلوع النحايف=والعين امست بين سهر(ن) وطريف
اسهر اراقب للنجوم اللصايف=من حين تطلع لين تدبح مذاليف
اسند على نفسي بيوت (ن) نظايف=قاف (ن) على ايف وقاف (ن) على ايف
واحضرت لي اوراق بيض (ن) هفايف=وعود يزج الحبر حبره مراديف
وعدلت لي ابيات غر (ن) طرايف=على النقى ما قلدوها الملاقيف
وعبرت عن ما كنت بالعين شايف=عن بعض ما في وقتنا من الصواديف
وقت (ن) تعلت فيه ناس (ن) نتايف=والروس طاحت بين دق الاضاليف
ابن الحموله راح يمشي مسايف=وللاش يدحم بالجنوب المهاديف
والحق من مبطي عليه الحسايف=مجحود لو انه باالاعيان قد شيف
والخير اقفت به ركابه نكايف=والشر جا يهذب مهاره عساسيف
مناكر (ن) ماهي بتحت اللحايف=عمت على البحر الغزير وعلى السيف
هذي علامات السنين العجايف=هبوب وسميه مثل هبه الهيف
المسلمين بكل ديره خرايف=خاذلهم الي ما نشد حالهم كيف
تداعت العالم بكل الطوايف=على امه (ن) ثلثينها حشوها ليف
وثلث (ن) يراقب سير الاحداث خايف=خابر قرارات الامم كلها زيف
ولو انها بمصقلات الرهايف=ليفزع من الهيلا عيال (ن) زعانيف
على اكوار ملاعبات السفايف=تاخذ على ارض القدس روجه وتوقيف
ماقولها ضحكه وتزييف زايف=اقولها من قلب ما يعرف الزيف
لي لابه (ن) تشمخ على كل نايف=في المرجله ما حسبو للتكاليف
وسلامتكم القصيده اطول من ذلك ولكني نسيت اكثرها وسامحوني
اخوكم \ ابن فرحان