اقرب يالفالح

[ناصر المرشدي]

استلم


سلام الله عليكم كلكم واسف على التاخير=سلامن مايخص يعم كل الناس من داني

الي مده عن الفالح وله عندي كلامن غير=بعد غنا على الطاروق يالاحي يليحاني

[خالد المقاطي]

الله الله

يالمرشدي مبدع كما عاهدناكــ

والصف دبل دبل

وبأنتظار المحيط .. الفالح

الليل الليل

ياعتابـــه

[علي فلاح العضياني]

هلا يا مرحبا يالمرشدي ما صار غار الخير=عن الحضّار يا ناصر يكفّيك العضياني
تفضل هات ما عندك اذا عندك خبر ياطير=انا وايّاك والميدان ميدانك وميداني

[ناصر المرشدي]

استلم



ياطيب اللي نهار المعركه يضرس ضريس بعير=وانا خابرك كفو وفتح عيونك على شاني
ياشين الغلطه اللي يالعتيبي مالها تبرير=تحز بخاطر اهل المعرفه واطوال الايماني

[علي فلاح العضياني]

يا طيب اللي يقدّر صاحبه ويحصّل التقدير=من علومك يا ناصر نصّ اهل عمهوج زعلاني
وراك تخلّي اللي يالعتيبي ما تصير تصير=انا ما اخطيت وانت اليا بغيت الصدق غلطاني

[رجا بن فهيد الهاجري]

الله الله

شعار ومبدعين

[ناصر المرشدي]

استلم


لهم حقن علي وقدرهم عندي ماهوب صغير=ولكن بالخطيه طال عمرك لاتبلاني
عرفنا الفقه والتوحيد والتجويد والتفسير=وميز يابن ثعلي في كلام فلان وفلاني

[علي فلاح العضياني]

انا كنت احسب انك تكره الارهاب والتفجير=صراحه يا ولد روق انتهكت حقوق الانساني
مدام العلم واضح زين ما يحتاج له تفكير=ابا افتح دفتر التحقيق واحقق مع الجاني

[عاشق الزين]

كفووووووووووووووووو بكم جميع

وشدو حيلكم الى الأمام

[ناصر المرشدي]

استلم


انا اسعى للتقدم في مجال العرف والتطوير=على شان السعودي ماعلي من البريطاني
بعد ماتنهي التحقيق بلغني عن التقرير=اخافك يالعريباني تميل مع العريباني

[علي فلاح العضياني]

وانا اسعى للوفا ما اريد من يمّي يجي تقصير=هذا دربي وقبلي درب ابوي ودرب جداني
على الحاضر حكمنا ما بها لفّه ولا تدوير=ترى حنّا قضاة وعندنا للحق ميزاني

[ناصر المرشدي]

استلم



وحنا في مراجلنا يخون الناطق التعبير=وصية جدي الله يرحمه وابوي وصاني

على القاضي يرد الحكم لا جا فالقضاء تزوير=ويصير الثاني الاول والاول يرجع الثاني

[رجا بن فهيد الهاجري]

طاروق مميز

للامانه

[حمد بن جوباح]

.
..

العزيزين / المرشدي والعضياني

لله دركم يا عيال العم

طاروق جزل جزل ورائع

صحت السنتكم

:)

.
.
.












تحياتي لكمـ ،،

[علي فلاح العضياني]

ابو زيد





حمد جوباح




لا هنتو على المرور

[خالد المقاطي]

بعد ماتنهي التحقيق بلغني عن التقريـر
اخافك يالعريباني تميـل مـع العريبانـي



الله الله

يامرشدي والله عملاق

روعه وعليكــ انكــ

سندها لقاضي صح :)

ولانت مخطي حرام حرم

إلى الامام يالمرشدي