فيه شاعر لا حضر فى المنتدى كلن درابه

[رجا بن فهيد الهاجري]

السلام عليكم ورحمة الله وبركاته

على اساس اسلم من مشروه كعام المعادي

:D

استلم استلم يالمقاطي




فيه شاعر لا حضر فى المنتدى كلن درابه = والمصيبه ما درا عنه حبيب والزلامي


لو لقى مستور صدفه حب خشمه والتوابه = بس مالك حظ فى المليون يافيصل قثامي

[نايف الحميدي]

الله الله





بدايه ممتازه



صح لسانك اخوي




ولسان خويك

[ابن مجدل]

ارحب ارحب صح لسانك

[نايف بن ملحق الثعلي]

صح لسانك

واصلوا

[احمد الملاح]

صح لسان اخوي ابو زيد من البيت ذا الحين هو ابو زيد الهلالي وان شاءالله يا المقاطي بترفع راس المقطه

[مرزوق حمدان العتيبي]

..
.
لو لقى مستور صدفه حب خشمه والتوابه
لو لقى مستور صدفه حب خشمه والتوابه
..
صح لسانك يابو زيد .... وازهل الصف
وصح لسانك المتميز .. كعام المعادي ...
... واصلوا ....

[خالد المقاطي]

وعليكم السلام يامرحبا يامرحبا يابو زيد

:) على البركه تغير الاسم والشعار :) يعلم الله تستاهله ..




من زرع يلقا حصاده وانت دربك وش تبابه = تدري ان البنت تخضب كفهاله والزمامي
ياهلا سيفي ينادي من قربه وطق بابه = والحصاد بناخذه لو كان في خشمه عرامي

[رجا بن فهيد الهاجري]

لا سرينا الليل حذرا لا تعشاك الذيابه = واحتزم بالسيف وخذ البندقيه والحزامي

مشكلة ظهرت على الساحه وسبتها عتابه = قوم حل المشكله بين الحجازي والتهامي

[رجا بن فهيد الهاجري]

تستاهل الطيب يا كعام ولا عليكم زود

[خالد المقاطي]

الله الله ياخطير انت :)


بين تغيير المذاهب مذهبي ماشي عابه = وانت صل الفرض صله وحفظه خلف الامامي
المشاكل ياعيال العود فيكم ماتشابه = وسط حفلك ماحشمت الضيف وحمات الجهامي

[خالد المقاطي]

ابو زيد السموحــه والله جهازي جاه بلا ولاكن الحين كنه اشوى نكمل وليلك طويل رايق وتوني جالس ...


.........

ارحب يامرزوق مرحبا مليون ولا يسدون ..


........

نايف الحميدي

اسفره وانوره والساعه المباركه اللي جابتكــ

........

ابو مجدل

مرحبا مرحبا

........

نايف الروقي

منور بوجودكــــ

.......

احمد الملاح

سباحكم عســـل

[رجا بن فهيد الهاجري]

انت تسبر للمطيري في الرفيعه واللهابه = لد عينك لا تروح بعيد لا شرقن وشامي


من عرف خط القرايه ما غوي خط الكتابه = والحرامي يحسب اللي قابله مثله حرامي

[رجا بن فهيد الهاجري]

الحميدي + مرزوق العتيبي + ابن مجدل + نايف الروقي + احمد الملاح


ارحبو تراحيب المطر ومروركم يشرفنا



=====


كعام ابد اخوك مطلع شمس الليله


:d

[خالد المقاطي]

:) يهيب يالله يستركــ طيب استلم


ياكثر ما بالسماء طيرً يحوم وحد نابه = والبوادي مايجيها غير مردوم السنامي
(الكتاب اللي صدر) من دوننا يعرف صوابه = لاتثر الفنتنه اللي رمدت من حول عامي

[رجا بن فهيد الهاجري]

هههههههه

الله الله الله الله



ياسلام ياسلام


استلم استلم



هب ياهذا الولد مافيه مثله فى شبابه = رميتك صابت ولكن رميتن من غير رامي


انت شاعر لك مع الشعار وقفه وانقلابه = تشتري وتبيع في سوق الغلا حامي بحامي

[خالد المقاطي]

طيب طيب :)


انت ترميها يمين يسار تبغاها طلابه = مار وسمي وآسمه وآرد ولا عودت ضامي
روحت ياصاحبي فوق الثرى حدر السحابه = والجمل والله ليبرك قدمها والا يلامي

[رجا بن فهيد الهاجري]

هههههه الله الله

مبدع يا كعام والله اني صادق

[خالد المقاطي]

هههه

ابو زيد المبدع والله صدرك الوسيع

وصفا نيتكـــ .. واللي مايبدع معكــ

مهوب مبدع .. لاكن وين رحت انت :)

[رجا بن فهيد الهاجري]

انتبه من كل مري لا بحث جرة ركابه = مايخلي في بلدنا لا شراب ولا طعامي
اتركو لحن الكمانه واسمعو لحن الربابه = مير فتح لي عيونك لا تنام ولا ننامي

[رجا بن فهيد الهاجري]

الله يطول بعمرك يا كعام


والله انشغلت مع اهل الاسهم شوي


بس واصل يا كعام وتو الليل بدري

:D

[خالد المقاطي]

فرينا التردد شوي :) استلم


العلوم اللي مضت معدودةً جنح الذبابه = والعلوم مصلحه وسط البلد دوك الكلامي
روح في دولتك شوف العلم واقنع في جوابه = كم وكم علمً يشيب الراس ويجرح صيامي

[رجا بن فهيد الهاجري]

مايضيع اللي نهج درب النبي ويا الصحابه = علم اللي طاف حول البيت ما لبس الحرامي

في بلدنا قد سمعنا لجة طبول الحرابه = وازهل اللي حط له ميسم بجوف النار حامي

[خالد المقاطي]

انتبه للضلع الاسود وانتبه ياصلك دابه = الخطوط محدده وانته تعديت النظامي
قد غزينا والعلم مرزوز في راس الرقابه = والعلوم بكارها .. والضرب فكاك اللحامي

[رجا بن فهيد الهاجري]

صح الله لسانك يامبدع والختام عندك


بنروح انصلي طال عمرك






لا وصلنا يبشر بسيفن مجود من نصابه = ولا نبي منه سلام ولا يبي منا سلامي


ما لقينا صورتك ويا الرجال اهل المهابه = خابرين اعلومكم والسيف قصاص العظامي

[خالد المقاطي]

صصصصح السانك يابو زيد والسموحه والله كننا نصلي والايام واجد
(والخبر موثوق) :) سعدت بالعب معك يشهد الله



سيفكم مثلوم يارجال رده في جرابه = منت ابو زيد الهلالي لو تشابهت الاسامي
الظليمه لبو زيد اليوم تبقا حدر نابه = دام انا معروف (ذيب) فدولتك تلقى سهامي

[رجا بن فهيد الهاجري]

هههه صح بدنك يا كعام واستمتع دائما باللعب معك

ولا يهونون باقي الشعراء

[عاشق الزين]

واااااااااااااااصلو قمة الروعه

ابو زيد وكعام المعادي

[راعي البلهـا]

واصلووووووووووووووووووووووووووووووو واصلووووووووووو
بين تغيير المذاهـب مذهبـي ماشـي عابـه
وانت صل الفرض صله وحفظه خلف الامامي
المشاكـل ياعيـال العـود فيكـم ماتشـابـه
وسط حفلك ماحشمت الضيف وحمات الجهامي

واصلوووووووووووووووووووووو ووووووووووووووووووووووو

[رجا بن فهيد الهاجري]

عاشق الزين + راعي البلها

مرحبابكم وتشرفت بمروركم

[خالد المقاطي]

راعي البلها

ارررررررحب

مروركــ هو الابداع

...........

عاشق الزين

الروعه والقمــه مروركــ :)

لاخلا و لعدم