ناصر المرشدي تقدم

[نايف بن ملحق الثعلي]

يامرحبا ترحيب مثل النور جلاي الظلام =والليل توه والسوالف هاتها يالمرشدي
انته وانا في منتدى الهيلا رفيعين المقام=ذباحه الحايل وقومن يلطمون المعتدي

[ناصر المرشدي]

استلم يانايف بعد السلام ومساء الخير


الله يبارك فيك وش لونك عسى اوضاعك تمام=قلي وش اللي تطلبه ياجعل يفداك الردي
في منتدى الهيلا واقدم له تحيه واحترام=اقف على شان الوفاء والطيب وارفع له يدي

[نايف بن ملحق الثعلي]

انا بخير وعافيه ياصاحبي في كل عام=ياجعل حضك من صواديف الزمن مايرتدي
المحترم ياصاحبي يلقا جميع الاحترام=وانا سبقتك للامور الكايده وانت ابعدي

[ناصر المرشدي]

استلم



الله يديم العافيه والامن ويديم السلام=واللي يثير البلبله ياعنك ماهوب اجودي

الحمد لله عارفن ويش الحلال من الحرام=بس انت كنك يالعتيبي في طريقك تحتدي

[نايف بن ملحق الثعلي]

قدام لايلعب بك الشيطان ملعون الرسام=تبدي كلامن ياوسيع المعرفه ما ينبدي
ترى الرجال اتقول كثر الطق فكاك اللحام=والظاهر انك مانت ياناصر بعارف مقصدي

[مرزوق حمدان العتيبي]

الحمد لله عارفن ويش الحلال من الحرام
بس انت كنك يالعتيبي في طريقك تحتدي


هههههههه اقسم بالله انك رائع ياناصر ....
بيض الله وجهك على النقض المتقن ...
....
ترى الرجال اتقول كثر الطق فكاك اللحام
والظاهر انك مانت ياناصر بعارف مقصدي
الله الله نايف انت مبدع بحق وشهادتي فيك مجروحه...
واصلوا ياعمالقه ....

[ناصر المرشدي]

استلم


هاك الكلام اللي مثل ماقيل علاه الكلام=انا ليا مني بذلت الجهد ماضاع جهدي
وانته تبي تقتادها لكن مافيها خطام=ليتك تلد العين يم سهيل والا فالجدي

[نايف بن ملحق الثعلي]

صح بدنك

يابو محمد


يسعدنا مرورك

نورت المتصفح

[ناصر المرشدي]

مرحبا


يامرزوق شرفت

[نايف بن ملحق الثعلي]

يالي بنيت البيت ماله ساس يبشر بالهدام=ون كان ناصر ماهداه الله ماهو مهتدي
نبا نطير لك عرامك كان في خشمك عرام=من خلقتي ياصاحبي مافيه واحد سيدي

[الغربي نت]

نايف الروقي

و


ناصر المرشدي


صحت السنتكم ودام ابداعكم

[بندر المرشدي]

نايف الروقي

ناصر المرشدي

بيض الله وجيهكم وصحت السنتكم

وانا في صف نايف الروقي على شأن....اللي في بالي

[نايف بن ملحق الثعلي]

الغربي نت و التحدي

صحت ابدانكم

التحدي ازهل ولد عمك

[ناصر المرشدي]

استلم


ماهوب انا اللي مثل ماقلته عليه بالحرام=ماسرعك يانايف يامال العافيه جيت تعدي
وان كان غرتك الهقاوي فالسعه شد الحزام=جاك الخيال يلوح برقه فيه ويهل بردي

[ناصر المرشدي]

الغربي

حياك الله شرفت


التحدي شرفت بس لاتفرح


ذيب وجني

[نايف بن ملحق الثعلي]

انا بري ياصاحبي والا انت حول الاتهام=ترى المذاهب تختلف يااهل البساط الاحمدي
الحظ جابك في يدي والعين لايمكن تنام=وليا كتبلك ربي المولى نجاة اذبح فدي

[ناصر المرشدي]

استلم



ياحيلت الله يالوجيه اللي يغطيها اللثام=يانايف الروقي ياليتك فالنشاما تقتدي

مدام نايف يارجال المعرفه عود مدام=على المشاكل جاه ليلن من نصيبه سرمدي

[رجا بن فهيد الهاجري]

الله الله يالمرشدي

وصح الله لسانك يانايف

[نايف بن ملحق الثعلي]

ياكبرها ياعبرها ماهيب حق ولا نظام=مانيب مخلف نيتي مانيب مخلف موعدي
بعض السوالف عيب ماتنقال ياالربع الحشام=ياهل العلوم الناقصه بالله عنا رقدي



الطاروق شاب

بعض الكلام عيب

[نايف بن ملحق الثعلي]

الطاروق شاب

وبعض الكلام عيب

[ناصر المرشدي]

استلم


ليتك تشاور فالحلام اللي تفسر فالحلام=حتى تميز فالكلام اللي ماتلقاله ندي
الحمد لله ماقربنا للنقاده والملام=والشك من وقتن مضي فال الضعييف ياجودي

[ناصر المرشدي]

معليش

انا وانت نلعب شعر

اللي عندك قله في بيوت والمحاوره

هذا ديدن المحاوره يجوز تفهم شي انا مقصده والعكس

لاتحسب كل صيحه عليك دقق وشف

واذا انا غلطان اسف وحقك علي والله يستر عليك واعتبر ماصار شي



تصبح على خير