توصيف الطريف من الدوادمي وأنت رايح لموقع المزاين ..

[الرأي الآخر]

..
..
..
..
..
::
.
.
.
.
السلام عليكم ورحمة الله وبركاته ... يالربع رحت من عفيف >مروراً

>بالبجادية > مروراً > بالدوادمي .. وأنا رايح للرياض .. قلت أمر الموقع أشوفه وأتفرج على المشاريع الجارية ... بس مادلّيت ((تهت)) مادري وين المفرق الللي يودي لموقع المزاين ... تعديت قصر ابن جامع وألد يمين وشمال لا والله ماحولي عرب .. مدري وين مفرق المزاين بالضبط وخليت الموتر على اتجاهه >>الرياض ..

اللي يعرف المفرق بالضبط يعطيناه مشكور ..

[مخلد بن ماشع]

الموقع على ماعتقد ماهو بطريق لبخه وحويته

الموقع بين الدوادمي وشقراء

يعني تعدا الدوادمي مرور بالقرنه يعني لاتلف يمين لديرة بن جامع امش على سنعك لشقراء


اتجيك المحمديه اهي عندها بس مادري بالضبط وين





تحياتي

[الرأي الآخر]

بيض الله وجهك بياض عدل ... هذا الكلام

[اخصائي]

الطريق واضح وانت طالع من الرياض امسك طريق القصيم الين يجيك كبري بنبان خذ يسار مع الكبري متجهه غرب يجيك حرف تي خذ يمين مروراً بسلطانه تجي على يمينك خلك ماسك الخط على طول تجيك حريملاْ ابتل سيدك طبعا تر مرورا بالقصب بعدها شقراء من شقراء اطلع في اتجاه الدوادمي ابتل سيدك لين تجيك نفود السر بعد النفود على طول لف يسار مباشره تقريبا ثلاثه كيلو تلاقي الموقع @@@@@@@@@@ ونت جاي من عفيف ابتل سيدك بعد الدوادمي ثم المحمديه بعدها نفود السر قبل تطلع النفود خذ يمين تشوف الموقع قدامك تقريبا ثلاثه كيلو

[الرأي الآخر]

بيض الله وجهك الأخصائي على التوضيح وماقصّرت .. يعني كذا أشوف المخيم الرئيسي والموقع وأنا مافرقت (كذا صح) ...
لاهنتم

[وليدغازي]

ببساطه الموقع مايبله توصيف واضح عند المحمديه

[الرأي الآخر]

صح مايبيله توضيح عندكـ أنت ونا خووووك لأنك بجنب المحمديه ولاحلالك بجنبها وكل يوم وأنت تعاين فالبوكلينات والشيولات الي تحفر وتردم .. وتحسب كل الناس مثلك بالتمام ((يعرفون الموقع)) عند المحمديه..

أعذرني .. تراي تعبان وأنا أدور على موقع المزاين أبي أشوفه بعيني وكل مانشدت واحد قال مثل قولك .. ياخوي سهل عند المكان الفلاني..
إلى أن قاموا الأخوان بالتوضيح .... لاخلا ولاعدم ..

وإن شاء الله راح أزوره قريباً .. لأني دايم أطلع جهة ابن جامع .. بس خلاص...

[عصيمي . نت]

مسيكم بالخير جميع

ياولد دلونا علاة ترانا بنضيع وانا جاي من الدوادمي للرياض هذا اللي اعرفة ولاهنتوا جميع

مع تحياتي : أخوكم / خويكم / ولد عمكم

عصيمي . نت

http://www.fzaa3team.com/Dawnld/uploads/47a8103826.gif

[الرأي الآخر]

عصيمي نت حياك الله وشرفت الموضوع ونا خوك ومادامك تعرف الموقع وأنت رايح من الدوادمي للرياض .. فعلاها كبر رأسها .. أشلى من اللي مايعرف ..

دمت بود وتحية واحترام....

[دكتور الدكاترة]

الموقع واضح جداً إذا طلعت من الدوادمي بإتجاه الشرق مع طريق الرياض أبتل لا تلف لا يمين ولا يسار متجه إلى شقراء ثم بعد ماتعقب المحمدية بحوالي 5كلم تقريبا أنظر يمين تشوف الموقع جنوب عن الاسفلت قبل نفود السر ترى فيه طريق مردوم للموقع الرسمي للمزاين ويمكن يعمل له أسفلت

[وليدغازي]

ياخوي انا من اهل الرياض وماجيت
الموقع بس حسب الصور في المنتدى
واضح مايباله وصف......

[الرأي الآخر]

دكتور الدكاتره ... يعطيك العافية وما قصرت على التوضيح .. ولاهنت وناخوك .. وترا بعض الأخوان يظن من كلامك أن المحمدية بعد ماتعقب شقراء ..
والصحيح كما ذكرة يادكتور وذكره الأخوان اللي شاركونا أنه قبل شقراء..

للقادمين من جهة عفيف> البجادية>الدوادمي..

يعطيك العافية ..

[الرأي الآخر]

ياخوي انا من اهل الرياض وماجيت
الموقع بس حسب الصور في المنتدى
واضح مايباله وصف......



لاهنت على كل حال .. وبالفعل الأخوان فالمنتدى وضّحوا أكثر .. ونحن في هذا الموضوع نريد أن نبيّن الموقع ونوصفه بطرقتنا الخاصة .. لأجل أن يفهمها الكل ...

اشكرك على تفهمك..

[رجلٌ مـا ؟]

............ هذا الوصف من الدوادمي ............
القصيدة لشاعر متعب الحافي وبحكم معرفتي به فقد إستاذنت منه لنشرها مع العلم أنها لم تكتمل بعد وقد وعدني بشيلها بصوته...
.
.
على مطلع نجوم الصبح قم ثم شغل الفكس آر............
............ وخله يحتمي ثم وجهه ياصاحبي شرقا ............
وإذا منك تعديت الدوادمي والمحاط يسار ............
............ يميل إبك الطريق ويعتدل ثم اسرقه سرقا ............
يجي لك مفرق لبخة تعد وواصل المشوار ............
............ وخل موترك يمشي لين تحس إنه بدا يرقى ............
يجي لك مفرق لخف الخفيفية يروح يسار ............
............ تعد ومركز الشرطه تجاوز وافهق فهقا ............
وعقب المحمدية من وراك وركز الأنظار ............
............ على حجاجك الايمن تاتشوف الروقه وبرقا ............
عتيبه كلها متجمعه كبارهم وصغار ............
............ على مزاين عطايا الله عساها من الوسم تسقى............
.
. وسلامتكم يالربع ....

[الرأي الآخر]

............ هذا الوصف من الدوادمي ............
القصيدة لشاعر متعب الحافي وبحكم معرفتي به فقد إستاذنت منه لنشرها مع العلم أنها لم تكتمل بعد وقد وعدني بشيلها بصوته...
.
.
على مطلع نجوم الصبح قم ثم شغل الفكس آر............
............ وخله يحتمي ثم وجهه ياصاحبي شرقا ............
وإذا منك تعديت الدوادمي والمحاط يسار ............
............ يميل إبك الطريق ويعتدل ثم اسرقه سرقا ............
يجي لك مفرق لبخة تعد وواصل المشوار ............
............ وخل موترك يمشي لين تحس إنه بدا يرقى ............
يجي لك مفرق لخف الخفيفية يروح يسار ............
............ تعد ومركز الشرطه تجاوز وافهق فهقا ............
وعقب المحمدية من وراك وركز الأنظار ............
............ على حجاجك الايمن تاتشوف الروقه وبرقا ............
عتيبه كلها متجمعه كبارهم وصغار ............
............ على مزاين عطايا الله عساها من الوسم تسقى............
.
. وسلامتكم يالربع ....



مشكوووور ياعزيزي وماقصرت أنشهد ...

والقصيدة اللي ذكرتها .. ماتخــــــــــــــــلي أحد يغدي .. أبد..

صح لسان شاعرها ويعطيك العافية ..

[غازي البقعاوي]

اعطونا الاحداثيات وباذن الله نصلح خارطه تبين كل الطرق اللي تؤدي لمقر الحفل
بس اعطوني رقم الاحداثيه وازهلوه .
تحيتي لكم