ياهلا يامرحبا بلي له ايام ٍ عديده ( حمد جوباح )

[غازي غالب]

ياهلا يامرحبا بلّي له ايام ٍ عديده = غايب ٍ عنّا ولا ندري وش امطول غيابه
ياحمد كانك قريت اليوم مضمون الجريده = عان كل الخير مقبل من هماليل السحابه

[رجا بن فهيد الهاجري]

الله الله

ننتظر رد الشاعر حمد جوباح

[غازي غالب]

تداول برو


ياهلا ومرحبا



اسعدني حضوورك ومتابعتك



لاهنت

[حمد بن جوباح]

.
..

حيا الله ابن العم قبلان

وابرك الساعات يوم العب معك

استلم طال عمرك

:)



البقى واللي يبيع ويشتري يبخص رصيده = والليالي والطبايع والاصابع ما تشابه
السحاب اللي يجيب الخير جعل الله يزيده = كل طرقي من صدوف الوقت خابر وش حسابه

[فيصل القثامي]

عاشو .. الاد مفلح ..
اي .. بالله .. دكاترة
واسلوب .. راقي ..
صحت الألسن .. وواصلو
والصف .. محااااايد .. :) ..

[حمد بن جوباح]

.
..

الاخ / تداول

شرفني مرورك الكريم طال عمرك

:)

.
.
.










تحياتي لكـ ،،

[رجا بن فهيد الهاجري]

الله الله ياحمد


وانا في صفك

[غازي غالب]

الشرف لي يابن العم ولي الفخر




كان إبن جوباح ودّه يحمي اليوم الحديده = قلت له ياصاحبي ياويش تبغى بالحرابه

قد وصلّنا علم عن مغزاك في داخل بريده = والوعد قدام دام القوس من فوق الربابه

[غازي غالب]

فيصل القثامي


ياهلا بسيف برقا


اسعدني حضوورك وياهلا



لاهنت

[ساير العتيبي]

ياسلام ياسلام يالاد مفلح


واصلوا وحنا متابعين


والصفوف لا تبرد

[غازي غالب]

ساير ياهلا ويامرحبا


الصفوف عامره بوجود مثلك وشرواك


اسعدني حضورك ومتابعتك



لاهنت

[حمد بن جوباح]

.
..

الله الله

:)


النقط فوق الحروف وكمّلت جمله مفيده = تسآن تجهل فالقرايه لا تفنن فالكتابه
كل فارس من جواده فالقريبه والبعيده = والشجيع اللي ليا منه فزع للصيد جابه

[فيصل القثامي]

كل فارس من جواده فالقريبه والبعيـده
والشجيع اللي ليا منع فزع للصيد جابه

الله اكبر ..الله اكبر .. الله اكبر ..
يبن جوباااااااااااااااااااااااااح .. اسر
اسرررر .. والصف .. صف ابن عيده
مع العذر .. :) ..

[غازي غالب]

كيف ابجهلّها وحنا مصدر الارياء السديده = وش تسوي فالزمن والداب نايشكم بنابه

كل فارس من فعوله والقديمات الجديده = فيه رجل ٍ ينغزابه فيه رجلن ينبدابه

[حمد بن جوباح]

عاشو .. الاد مفلح ..
اي .. بالله .. دكاترة
واسلوب .. راقي ..
صحت الألسن .. وواصلو
والصف .. محااااايد .. :) ..

.
..

حيا الله ابو تركي

صح بدنك طال عمرك

لوجودك طابع خاص لا عدمتك

جل الاحترام والتقدير

أخوكـ /

:)

[غازي غالب]

سيف برقا


حياك الله ,, اسعدني مرورك مره اخرى


والصف يتشرف بك ,, وصفنا واحد ياعتيبه



لاهنت لاهنت

[ساير العتيبي]

قبلان

كان إبن جوباح ودّه يحمي اليوم الحديـده
قلت له ياصاحبي ياويش تبغى بالحرابـه
قد وصلّنا علم عن مغزاك في داخل بريده
والوعد قدام دام القوس من فوق الربابـه






حمد


النقط فوق الحروف وكمّلت جمله مفيده
تسآن تجهل فالقرايه لا تفنـن فالكتابـه
كل فارس من جواده فالقريبه والبعيـده
والشجيع اللي ليا منع فزع للصيد جابه






ابدااع عشتوا وبيض الله هالوجيه

واصلوا والصفوف دبل

[غازي غالب]

ساير


الابداع مايكتمل غير بتواجدك



شاكر ومقدر لك حضورك



لاهنت

[حمد بن جوباح]

.
..


الله الله

:)



كل حر ٍ فالهدد يشرح مطيره قسم صيده = مير طعني طير ابن برمان لا تاخذ نصابه
اسأل مجرّب ولا تسأل دكاترة " الحديده " = الحديده ما تعرف الطب واسلوب الطبابه

[حمد بن جوباح]

الله الله ياحمد


وانا في صفك

.
..

حيا الله تداول

وشاكر لك متابعتك يا القرم

وصفي وصف قبلان واحد

اهم شيء وجودك

:)

.
.
.












تحياتي لكـ ،،

[حمد بن جوباح]

ياسلام ياسلام يالاد مفلح


واصلوا وحنا متابعين


والصفوف لا تبرد

.
..


حيا الله ساير

شرفتنا بوجودك ومتابعتك طال عمرك

والصفوف ما تبرد وانت وشرواك وقوف فيها

:)

.
.
.












تحياتي لكـ ،،

[غازي غالب]

انت تعرف ياحمد لاشبّت النار الوقيده = مملكتنا يحتميها سيفنا وين الغرابه

كل نفس ٍ في سبيل الله محسوبه شهيده = في جنان الخلد دامت مع محمد و الصحابه

[حمد بن جوباح]

.
..


يا سلام يا سلام

:)



الشكر لله ثم اُشكر لـ دولتنا الرشيده = والقضيه كلها تشبه جناحين الذبابه
الزمن دوّار مير الله يدبر ما يريده = الجزاء بجنس العمل يفرق ثوابه من عقابه

[غازي غالب]

ياسلام عليك



الولد من دم خاله ينبض القلب ابوريده = والقضية تشبه المسئول في هيئه رقابه

في مقابيل الليالي هل حمد هرجه يعيده = الخوافي بينّه والعلم ماكلن حكابه

[مقعد الدغيلبي]

قبلاااااااااان

وش هالطاروق

المجنووووووون

لله درك

تحياتي

[مقعد الدغيلبي]

الدكتور
حمد جوبااااااح

رد وافي

لله درك

وين الغيبات
يابن العم

لك وحشه
يالامير

صحت اللسنتكم

ومتاااااااابع للابداع والجزاله

مودتي للجميع

[حمد بن جوباح]

.
..

الله عليك يا مبدع

:)



الدعاوي ما نثبّتها بلا حجه وكيده = كل نجم بمنزله والبدر ما كل ٍ رقابه
من قديم الوقت للطاله عزايمنا شديده = استمع وان لم تكن ذئبا ً تعشتك الذيابه

[حمد بن جوباح]

.
..


الشاعر القدير

وابن العم العـزيـز

صح لسانك وبيض الله وجهك

استمتعت معك بطاروق ولا اروع

وتصبح على خير

:)

.
.
.












تحياني لكـ ،،

[حمد بن جوباح]

الدكتور
حمد جوبااااااح

رد وافي

لله درك

وين الغيبات
يابن العم

لك وحشه
يالامير

صحت اللسنتكم

ومتاااااااابع للابداع والجزاله

مودتي للجميع


.
..

المبدع / ابو فيصل

صح كلك

اطراء من استاذ لتلميذه

ونشتاق لك ولشرواك طال عمرك

ومن غاب عن العين ما غاب عن البال

:)

.
.
.
















تحياتي لكـ ،،

[مرزوق حمدان العتيبي]

..
.
اجتمع قبلان وحمد
وظهر الابداع بكل صوره ... فلله دركما...
صحت السنتكم والحمدلله على السلامه يابو جوباح...
ماتغيب من شر يالغالي ...

[غازي غالب]

ابن العم حمد بن جوباح


يعلم الله ان اللعب معك له طابع خاص


صح لسانك يامبدع وبيض الله وجهك



والجايات اكثر باذن الله



لاهنت

[غازي غالب]

ابو فيصل ياهلا نورت المتصفح ,,



ابو محمد الابداع مايكتمل الا بحضورك :)


صح بدنك ودمت للهيلا ,,



اخوكم

[خالد المقاطي]

ياسلام سلام

يالاد مفلــح مبدعين

اشكركم على امتاعنا


محراف من الوزن الثقيل

لاهنتــو لاهنتــو

[غازي غالب]

هلا هلا بكعام



الرائع تواجدك ياخالي ..



لاهنت لاهنت

[حمد بن جوباح]

..
.
اجتمع قبلان وحمد
وظهر الابداع بكل صوره ... فلله دركما...
صحت السنتكم والحمدلله على السلامه يابو جوباح...
ماتغيب من شر يالغالي ...

.
..

المدير العزيز / ابو محمد

الإبدآع تعلمناه وما زلنا نتعلمه منك ومن شرواك طال عمرك

صح كلك يا الغالي

والله يسلمك يا عزوتي

الغياب حسب الظروف وللظروف احكام

شآكر لك اهتمامك فديتك

:)

.
.
.














تحياتي لكـ ،،

[حمد بن جوباح]

ياسلام سلام

يالاد مفلــح مبدعين

اشكركم على امتاعنا


محراف من الوزن الثقيل

لاهنتــو لاهنتــو


.
..

حياك الله يا كعام

الإبداع حضورك ومتابعتك طال عمرك

لا هنت ولا هان غاليك

:)

.
.
.













تحياتي لكـ ،،