بندر بن سرور يمدح ابن هذال العنزي

[ابن وايل العنزي]

حدثت هذه القصة منذ مدة قديمه حيث قام الشاعر بندر بن سرور العتيبي بزيارة للعراق وحدثت له مشكلة ادخلته السجن وكان سجانة من قبيلة الدليم العراقية ويبدو انه حصلت بين الشاعر والسجان علاقة صداقة , فحصل السجان على اجازة لمدة 5 أيام وجاء لبندر بن سرور يسأله اذا كان يبي حاجة شيء من المدينة فقال لة الشاعر : هل تعرف شيء عن عائلة الهذال وابن هذال شيخ من شيوخ قبيلة عنزة , السجان : نعم اعرفهم , من تريد منهم , الشاعر : اريد الشيخ متعب محروت الهذال العنزي واريدك ان توصلة هذة الرسالة مني .
ذهب السجان الى الشيخ متعب واعطاة الرسالة وقرأها فقام الشيخ متعب باخراج بندر بن سرورمن السجن وذهب به الى بيته في البادية وهناك مكث الشاعر قرابة 4 ايام قام فيها بالخروج مع الشيخ متعب للصيد " المقناص "

فــــــقـــــــال الــــشــــاعــر قــــصــــيـــــدة نـــــــادرة يــــــقـــــــول :




ياراكب اللي كن سلفة ليانيش =مثل المحالة يوم يمرس رشاها
يلحق فروخ مصخرات ابرق الريش =شقر الحرار اللي عزيزآ غذاها
عده لابن هذال ريف الهتاتيش =ليا جاه الطرقي همومة نساها
قلة يحل الكايدات المباليش =اللي عسرني حلها من غثاها
يومآ توردنا لديار المعاطيش =ونوب ترودنا على برد ماها
اصبحت بالدنيا كثير الهواجيس =وازريت لميز وجهها من قفاها

[رجا الروقي1]

والنعم بابن هذال

وابن سرور ما يمدح الا الللي يستاهل

[يوسف عبيد]

والله والنعم فيك يا ابن وايل العنزي
وان هذال يستاهل المدح

[ابو ضيف الله]

بيض الله وحهك يا بن وايل

والله يرحم بن سرور ويستاهل المدج بن هذال

[ابن وايل العنزي]

رجا الروقي والنعم بحالك .

يوسف عبيد ماعليك زود يالغالي.

ابو ضيف الله و وجهك ابيض يالغالي.

الجميع شرفني مروركم وتعليقكم.

[الجمل العدواني]

و الله ونعم بالمادح و الممدوح

و تستاهلون الطيب يا اولاد واااايل

[تالي الأولين]

اشكرك على النقل الطيب

لك مني جزيل الشكر

تحياتي

[ابن وايل العنزي]

الجمل العدواني والنعم بحالك اخوي وماعليك زود.

تالي الاولين سلمت والعفو يالغالي.

شاكر لكم مروركم.

[فهد النفيعي]

يستاهل المدح ابن هذال شيخ وولد شيخ
رحم الله الجميع

[فـارس عتيبه]

بيض الله وجهك يــ أبن وايل على القصيده الرائعه

ويستاهل والله أبن هذال




مع التحيه

ثااااااااااانكس


.

[منصور بن فهيد]

يستاهل المدح الشيخ متعب بن هذال
وتعتبر هذه القصيده من نوادر الشاعر المرحوم بندر بن سرور
الف شكر اخوي تالي الاولين على ذكر القصيده
تحياتي لك

[ضرار أبن الأزور]

ونعم بالمادح والممدوح وال هذال كلهم شيوخ ويستحقون المدح

[يعني كذا]

نعم ونعم بالاد وائل بس تعديل بسيط بالقصيده وهي نقس المعنى

الله على الي كن سلفه ليا نيش..........حبل المحاله مفردن من رشاها

يلحق فروخ مصخرات ابرق الريش.......شقر الوحوش الي عزيزن غذاها

عده لابن هذال ريف الهتاتيش..............الي ليا زاره الزاير همومه نساها

قله يحل حروف قافن مباليش.................الي عسرني حلها من غثاها

اصبحت بالدنيا كثير التناقيش.................ازريت اثبت وجهها من قفاها

مرن توردنا عدودن نقارش.......................ومرن توردنا خزاين ضماها

ومشكور يا بن وائل

[فلاح الهاجري]

السلام عليكم
والله ونعم في ال هذال شيوخ ساس على راس ويستاهلون المدح
بس على ما اضن ان بندر بن سرور ما يكتب القصيد والقافيه ما ينتبه لها وعلى ما اضن ان فيها غلط في القصيده

اصبحت بالدنيا كثيـر الهواجيـس
000000000000000000000000000000وازريت لميز وجهها مـن قفاهـا

هذي مخله في القافيه واذا على كلام الاخ يعني كذا هذي الصحيحه على شانها مقفاه


اصبحت بالدنيا كثير التناقيش.................ازريت اثبت وجهها من قفاها


وفي النهايه ونعم في ال هذال ويستاهلون المدح وزود

[صقرالحره]

الله يرحمهم وشكرا لك اخي العزيز ابن وايل
لاهنت

[قف امامك عتيبي]

ابن هذال يستاهل المدح وانا اخوك ولاهنت بيض الله وجهك
1
1
1
1
1
تقبل مرووووووووووووورك

[ذيب روق]

مشكور يالعنزي ويستاهل المدح الشيخ بن هذال تحياتي لك .

[مخلد بن ماشع]

يستاهل ابن محروت

والله ونعم فيهم

وابن سرور مايمدح الا اللي يستاهلون








تحياتي

[حاكم الغنامي]

يستاهل بن هذال الوايلي


ونرحب بك يابن وايل ويشهد الله انا نحبكم




تقدر تجيب لنا قصيدة ياسر التويجري يوم يمدح ولد السامر



دم الخوال وهيبة وايليه

[ولد الروقه]

ونعم بن هذال
وزيزوم روق بندر مايمدح الا اللي يستاهل

[سعد بن مطلق المقاطي]

بارك الله بك , شكراً أخي الكريم
على هذي القصه والقصيده الطيبه

[ابن وايل العنزي]

ابن الدلوح - فارس عتيبه - منصور ان فهيد - صرار ابن الازور

يعني كذا - فلاح الهاجري - صقر الحره - امامك عتيبي- ذيب روق

مخلد آل مبارك- ولد الروقه - سعد المقاطي.

ماعليكم زود سلمتوا ولاهنتوا وحياكم الله.شاكر لكم المرور....

حاكم الغنامي : وحنا اكثر وانا اخوك بيض الله وجهك وماقصرت
اما القصيده بتلقاها على موقعه وغيرها واجد طب وتنق.والله يحييك.

[عامر بن صعصعه]

مشكور يالغالي على هالقصيده


ونعم والله بعنــــزه عيال وايل

[عفارالأسعدي]

ياراكب اللي كـن سلفـة ليانيـش مثل المحالة يوم يمـرس رشاهـا
يلحق فروخ مصخرات ابرق الريش شقر الحرار اللي عزيـزآ غذاهـا
عده لابن هـذال ريـف الهتاتيـش ( ليا جاه الطرقـي همومـة نساهـا )
قلـة يحـل الكايـدات المباليـش اللي عسرني حلهـا مـن غثاهـا
يومآ توردنـا لديـار المعاطيـش ونوب ترودنـا علـى بـرد ماهـا
اصبحت بالدنيا كثيـر ( الهواجيـس) وازريت لميز وجهها مـن قفاهـا


تسلم يالعنزي


والقصيده فيها نواقص



ليت تزودنا فيها كامله


اخوك عفااااااااااااااااار الاسعدي

[عزيزقوم]

ابن وايل العنزي تحية طيبة


الله يعطيك الف عافيه على طرح مثل هالمواضيع الطيبة والشيخ متعب ابن هذال يستأهل المدح

فهو شيخ جليل ويستأهل المدح واطيب ويستحق اكثر من ذلك

من شاعر كبير مثل بندر ابن سرور هو شاعر فحل ومن رموز الجزيرة العربيه رحمة الله عليه


من قصايد بندر بن سرور:

القصيده هذي جبل من المعاني والمفردات والحكم والعبر


لعلها تحوز على رضاء الجميع ولكم تحياتي


(صدق من سماة متنبي عتيبه)


يالله يا جال الأمور المهمة

------------تجلى وهق قلب برى حال راعيه

البر دجته و البحر رحت يمّه

-------------أدرج سبب حظ على الله مساعيه

يوم إن ولد اللاش رزقه على أمه

------------ رزقي على اللي ميّت القشع يحييه

ماني وانا بندر ببياع دمه

-------------يقطعك يا بيّاع دمّه و مهفيه

اللي يبيّع لابسات الأزمه

----------- ثور يبي بيض العماهيج تغنيه

يزعل ليا جت ليلة الدول يمّه

----------- يرضى بسوق المال بأخيه

و أبيه خطو البخيل اللي يكبّر معمه

----------- يقرا الكتاب و واجب الله مخليه

أما هرج له في رفيقه بنمّه

---------- والا عطا و أمه تضيّع هقاويه

يا مل قلب كل ما مات همّه

------------دارت دواليب الدهر لين تحييه

فرّاق شمل الناس عيّا يلمه

------------ وقتن يشيب الراس من شاية فيه

أحدن ينام و حط راسه بكمه

------------ و أحد تخم النوم عينه و تخطيه

و أحدن يحاول بالردى بنت عمه

----------- و أحدن يحاول ستر عذرا عوانيه

تخالف الأنظار شرقن و يمّه

------------كلٍ هدف رايه من الناس مرضيه

أنشدك ياللي كل شي تتمه

-----------تقرا الكتاب كل فرض تصليّه

ويش القليب اللي عميق مجمّه

----------- ما سرّ غرسه ماه عطشى سوانيه

سم السبب يا عارفن عنه سمه

----------- سم السبب يا عارفه قبل اسميه

[إستراحة محارب]

آه الله يرحمك يا متنبي عتيبة والله ما أعتقد فيه شاعر أفضل منه من الشعراء المعاصرين ...

وأكيد ما مدح بندر ابن هذال إلا وهو يستاهل المدح ...

مشكور يا بن وايل ...

[عبدالرحمن الهيلوم]

(صدق من سماة متنبي عتيبه)


وانتم ياعنزه وشمر تستااااااااهلون الطيب

[فهد العطاوي555]

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
بارك الله بك , شكراً أخي الكريم

[عزيزقوم]

امل ان يسمح لي الجميع لتصحيح بعض ابيات القصيده

اما القصه فهي حسب ماذكرالاخ العزيز/ ابن وايل العنزي

الله يعطيه الف عافيه

مع ملاحظة ان القصيدة ارسلت لابن هذال قبل طلوع بندر بن سرور




الله على الي كن سلفـة ليانيـش = حبل المحالة يوم يمـرس رشاهـا

يلحق فروخ مصخرات ابرق الريش = شقر الحرار اللي عزيـزآ غذاهـا

عده لابن هذال ريـف الهتاتيـش = لي زاره الطرقي همومـة نساهـا

قلـة يحـل الكايـدات المباليـش = اللي عسرني حلهـا مـن غثاهـا

اصبحت بالدنيا كثيـر التناقيش = وازريت اميز وجهها مـن قفاهـا

يومآ توردنـا لديـار المعاطيـش = ونوب ترودنا علـى بـرد ماهـا

[عزيزقوم]

امل ان يسمح لي الجميع لتصحيح بعض ابيات القصيده

اما القصه فهي حسب ماذكرالاخ العزيز/ ابن وايل العنزي

الله يعطيه الف عافيه

مع ملاحظة ان القصيدة ارسلت لابن هذال قبل طلوع بندر بن سرور




الله على الي كن سلفـة ليانيـش = حبل المحالة يوم يمـرس رشاهـا

يلحق فروخ مصخرات ابرق الريش = شقر الحرار اللي عزيـزآ غذاهـا

عده لابن هذال ريـف الهتاتيـش = لي زاره الطرقي همومـة نساهـا

قلـة يحـل الكايـدات المباليـش = اللي عسرني حلهـا مـن غثاهـا

اصبحت بالدنيا كثيـر التناقيش = وازريت اميز وجهها مـن قفاهـا

يومآ توردنـا لديـار المعاطيـش = ونوب ترودنا علـى بـرد ماهـا



اسف خطأ بالكتابه لتصحيح



الله على الي كن سلفـة ليانيـش = حبل المحالة يوم يمـرس رشاهـا

يلحق فروخ مصخرات ابرق الريش = شقر الحرار اللي عزيـزآ غذاهـا

عده لابن هذال ريـف الهتاتيـش = ليا زاره الطرقي همومـة نساهـا

قلـة يحـل الكايـدات المباليـش = اللي عسرني حلهـا مـن غثاهـا

اصبحت بالدنيا كثيـر التناقيش = وازريت اميز وجهها مـن قفاهـا

يومآ توردنـا لديـار المعاطيـش = ونوب توردنا علـى بـرد ماهـا

[حزين الرياض]

بيض الله وجهك

مشكور على النقل الطيب