الغربي نت تقدم

[نايف بن ملحق الثعلي]

يامرحبا ياالشاعر اللي غايبن وقتن طويل=والحض جابك والمواقف عزها برجالها
ياصاحبي قرب شرار الزند من خشم الفتيل=النار من شبابها والخيل من خيالها

[الغربي نت]

دام البقا باللي يرحب كل يوم وكل لليل=والحض طيب والحمول الها جمل يشتالها

يا صاحبي نايف ترا الدنياء ما فيها مستحيل=والناس تجزاء يا عميل الخير حسب اعمالها

[نايف بن ملحق الثعلي]

اشوف بعض الناس يبغا له من الدنيا حصيل=والدله الصفرا تراني شاربن فنجالها
اسمع كلامي وافهمه وانت الاصيل ابن الاصيل=ام الكباير كلنا نعرف حصيل عيالها

[فيصل القثامي]

اسمع كلامي وافهمه وانت الاصيل ابن الاصيل
ام الكبايـر كلنـا نعـرف حصيـل عيالهـا

سوا سوا سوا

صحح لساااااااانك .. ياداااااهية ..
وازهل .. الصف .. يامحزمي
دون .. قصور .. فالغربي نت :) ..

[الغربي نت]

واشوف بعض الناس اخذ قسمه من الوزن الثقيل=واللي مسكها فاول الدنياء رجع يبرالها

ترا الدليله يا طويل العمر ما يبغا دليل=وام الكباير بعض خلق الله نزل منزالها

[نايف بن ملحق الثعلي]

فيصل القثامي

يامرحبا مرورك يسعدنا

[الغربي نت]

لا هنت

يا فيصل القثامي

[نايف بن ملحق الثعلي]

انا تراني ماغدا لي لاكثير ولاقليل=والاوله من حضنا وانت العلوم اصحا لها
البرق يبرق يمكم والسيل عيا لايسيل=والكلمه اللي مالها مقصود محدن قالها

[الغربي نت]

اجل وراك اتعبت نفسك لامبيت ولا مقيل=وشغلت خلق الله تطالبها بروس اموالها

اليا برق من يمنا تاتتعب تحط وتشيل=لكن فكر في كلامك والعلوم افطن لها

[نايف بن ملحق الثعلي]

اناادري انك في اللزوم اللازمه مانتب بخيل =لاكن لن كبرت ونشبت جالها حلالها
ترىالسوالف باقيه والناس جيلن بعد جيل=من سابق الدنيا ترى العربان هذا حالها

[حمد بن جوباح]

.
..

يا سلام يا سلام

نايف الروقي + الغربي نت

صحت السنتكم وبيض الله وجيهكم

ماسك لكم الصفوف والليل فأوله

واصلوو واصلوو

يحا يحا

العب العب

:)

.
.
.











تحياتي لكمـ ،،

[الغربي نت]

ما ينثني عن لازمه يا صاحبي غير الخبيل=لكن لن كبرت ونشبت عارفين جمالها


بعد التحم واد المحاني فاض في واد النجيل=والناس قامت تذكره فقفايها واقبالها

[نايف بن ملحق الثعلي]

ياصاحبي لاتحسبن الهيل مثل الجنزبيل=لاكن ميز في العلوم عراضها وطوالها
حنا ترانا مانحب الميل وانته لاتميل=وان خيلت ياصاحبي لاتعترض لخيالها

[الغربي نت]

حمد بن جوباح

صح لسانك يالغالي

تواجدك شرف لنا


جعلنا ما نعدمك

[نايف بن ملحق الثعلي]

الغربي نت صح لسانك

تصبح على خير

[نايف بن ملحق الثعلي]

حمد بن جوباح

صح بدنك

شكرا على المرور

[الغربي نت]

وانته بعد فكر وميز فالسمين من الهزيل=فكر يا نايف فالعلوم ادقاقها وجلالها

وحنا ترانا نردع العايل ولايمكن نعيل=بالمختصر يعني نقدم فالها وعقالها

[الغربي نت]

اخوي الاستاذ

نايف الروقي

صح بدنك وأسعدني وشرفني العب معك


وانت من اهل الخيـــــــــــــــــــر

[مرزوق حمدان العتيبي]

...
.
نايف الروقي صح لسانك ياعملاق

الغربي نت صح لسانك ياعملاق ....
.. محراف كايف يستحق المتابعه ..
واصلوا ..............

[نايف بن ملحق الثعلي]

صح بدنك

واسعدتنا بوجودك

ياابو محمد

[أبـــو مشـــعاب المطــيري]

نايف الروقي




الغربي نت



يا سلالالالالام


طاروووق جزل من ارجالً جزلين


الله يعطيكم العافيه

[هيثم الغربي]

كفووووووووو يالغربي نت


كفو كفو كفو كفو كفو كفو



وشغلت خلق الله تطالبها بروس اموالها
اليا برق من يمنا تاتتعب تحط وتشيـل
لكن فكر في كلامك والعلوم افطن لهـا