نبي يالربع قصيدة يوسف

[الرويس _999]

بسم الله الرحمن الرحيم

اول شي اشكر جميع القائمين على هذا الصرح

من اعضاء واداره

على مايقومون به في خدمة القبيله وهذا غير مستغرب عليهم

وبيض الله وجيهكم

ونبي من اي واحد حضر لحفل العصمه

ينزل لنا قصيدة يوسف وينزل قصائد المشاركين في الحفل

اذا امكن

وتقبلو تحياتي

الـــرويــــــسـ 999

[طارق النفيعي]

والله انها ماهيب عندي ياولد ..

هواء هواء أجل يوسف حظر !!

تكفووون نزلوها ..

[الرويس _999]

والله انها ماهيب عندي ياولد ..

هواء هواء أجل يوسف حظر !!

تكفووون نزلوها ..

الله لايهينك يالنفيعي

ابشرك حظر والفى قصيده

وهذي هي بس نبيها صوتيه

الجود جود النفس والمعروف بين الناس زين= والطيب حاجة مير ما كـل الرجـال تسدهـا
الطيب لو هو سهل كل الناس صاروا طيبيـن = الطيب كايد... مير قطمـان المحـازم قدهـا
حنا هل السيف وهل الخيل وهل العلم السمين= وحنا هل الفزعات لاشانت ووصلـت حدهـا
وحنا ليا سقنـا جملنـا ندحـم بجنـب متيـن= شـد البنـادق والسيـوف تودنـا ونـودهـا
وحنا مع كـل الرجـال الطيبيـن مقدريـن = والبنـت تعشقنـا وحنـا مـا طلبنـا يدهـا
لين تطلع مثل ما يطلع علـى الشـك اليقيـن = ونروح ننشد عـن قبايلهـا ونعـرف جدهـا
وبيوتنا حيد ٍ يظلل ظله وحصـن ٍ حصيـن = ولا زبنها اللي زبنهـا ينـدرج فـي سدهـا
حتى يدينا ..تختلف ..ما هي مثل بعض اليدين = مداتها كم واحـدٍ يبطـي وهـو مـا مدهـا
وحتى الإبل يوم القبايـل عندهـا متناحييـن = ما تامن من الخوف لين إنـا نوسـم خدهـا
يوم إنها توخذ مثل ما يوخذ إبـن آدم سجيـن = كم سربةٍ غارت عليها بالرصـاص نصدهـا
ما هيب توخذ مثل ما يوخذ حلال المشركيـن = وإن كان وخذت ما تغيب الشمس لين نردهـا
آلآد عاصم لا وقفنا وقفـة إسبـاع العريـن = من دونها رووس الرمـاح تحدنـا ونحدهـا
وليا إعتزينا عزوة اللـي لا يـذل ولا يليـن = لو الجبال رجال ننطحهـا وناقـف ضدهـا
قدامنا بيرق هـل العـادات ذربيـن اليميـن = إخوان جوزاء اللي كما جزر البحور ومدهـا
تاريخنا يبقى سواة النور في وجـه السنيـن = (......) تنشد عليها النـاس وتاخـذ ردهـا
عشنا وحنا للوطن هامه وجنـود ٍمخلصيـن = وجهودنا ما تقـدر ريـاح الزمـان تهدهـا
وال السعود اللي احتموا فيها على الحق اليقين = اللـي جمايلهـم علينـا مستحيـل نعـدهـا

ولازال البحث جاااااااااااااري

[طارق النفيعي]

ياولد لقيت موضوع وفيه صور ليوسف


عاني نزلته هنا
http://www.otaibah.net/m/showthread.php?p=407621#post407621

والله شئ وان حصلت القصيدة أبشر بسعدك

[ابن هضلا]

يقولون الليله الحفل على قناة الساحه والله أعلم..

ان شاءالله لا لقيتها صوتيه او فديو ابنزلها هنا

[الرويس _999]

ياولد لقيت موضوع وفيه صور ليوسف


عاني نزلته هنا
http://www.otaibah.net/m/showthread.php?p=407621#post407621

والله شئ وان حصلت القصيدة أبشر بسعدك

تسلم يالذيب ماااااااااااااااااااقصرت

[الرويس _999]

يقولون الليله الحفل على قناة الساحه والله أعلم..

ان شاءالله لا لقيتها صوتيه او فديو ابنزلها هنا


الله يسلمك ويبيض وجهك

[سعـد العصيمـي]

ابن هضلا يقولون ان الي صور هم الواحة والساحة حضرت ورجعت دون تصوير ,,,,