هلال الدوادمي
05-Sep-2007, 12:34 AM
بسم الله الرحمن الرحيم ...
السلام عليكم ورحمة الله وبركاته....:)
سبق وان طرح لكم قصائد شعراء من كبار عتيبه في هذا القسم ..
وها ..انا الان اطرح لكم مجموعه من قصائد شاعر كبير (لله الكبر)
عبد الله بن نايف ابن عون الرويس العتيبي
وسأعود بأذن الله مرة اخرى مع شاعر آخر...
الــــــــــــــيكم القصائد:) :)
قصيدة احتفال اهل الرياض
مبداي بإسم اللي فرج عن هل الغار=اعوذ بـه والـوذ بـه واستخيـره
قـدام تدريـج المعانـي بالاشعـار=عن لا يجي عندي من الامر حيـره
حتى تجيني طوع من غير عسـار=وتنقاد لي قـود الجمـل بالمريـره
وعلقتها في رأس دواس الاخطـار=عبدالعزيز اللـي فعولـه شهيـره
يوم إن بركان الفتن بالوطـن ثـار=مافيه شبرٍ مـا اشتعلبـه سعيـره
ولا للجنايز بيـن الاشـرار قبـار=ولا به عشيره تتفق مـع عشيـره
حناشلٍ تاقـف علـى كـل معبـار=وتحـول الطرقـي وتأخـذ بعيـره
من شرق فاجاها على هجن ومهار=هجـنٍ هجاهيـجٍ وخيـلٍ مغيـره
فوق الجياد وفـوق نسـاع الازوار=داس الخطر واطلق حصار الاسيره
جاها صلاة الفجر والطير ما طـار=بكل ابلـجٍ بيديـه دلمـاً قصيـره
جوها مع الاسحار وخذوا لها الثار=وعقب العري لبست ثياب الستيـره
ويوم احتضنها المؤمن العادل البار=قامت لاخو نوره تغطـرف منيـره
حشيمةٍ مـا تقبـل الـذل والعـار=وبه من بعض خطّابهـا مستجيـره
وغدا لها عن كـل حجيّـر حجـار=وسعى لها بالنصـر والله نصيـره
واستامنت بحماه عـن كـل غـدار=وعن الشلل عالج عضاها الضريره
احدٍ الى جـا الـدار للـدار دمـار=واحدٍ الى جاء الدار شـاد تعميـره
والفيصلي للملكـة شـاد الاعمـار=حلحيل مـا سـوا سوايـاه غيـره
صميدعٍ جاها وهـي تلتهـب نـار=وارسى قواعدهـا بعـزم وبصيـره
وعلى يد المنصور توحيدها صـار=وظفى عليها الامن في كـل ديـره
شيخٍ على السنه نهج نهج الابـرار=وعلـى مخالفهـا يجـر الجريـره
عسى عضاه محرماتٍ علـى النـار=يوم ارتحل عنها ذخر لـه ذخيـره
وذخيرته رؤوس الميامين الاخيـار=علـى مسـار يكملـون المسيـره
وكل حكم له دور من خمسـة ادوار=وكلٍ عدل فـي دوره اللـي يديـره
واليوم واحـاتٍ مظاليـل وأنهـار=بفضل الولي ثم بالجهـود المنيـره
الدوله اللي تحتـرم جيـرة الجـار=يوم بعض الجيران يأكـل قصيـره
ما ساد الاستعمار فيهـا ولا جـار=ولا عاش فيها من بـذوره بذيـره
حره واهلها من على اولهم احـرار=في ظل شذرات السيوف الشطيـره
يوم ارتحل مسقى العدا كأس الامرار=فهد عسى الله من عذابـه يجيـره
راح وبقت معنـا حسانيـه تذكـار=وخلد لنا في قمـة المجـد سيـره
كم مر في عهده من احـداثٍ كبـار=وصارت كبايرهـا بعينـه صغيـره
اثقل على العدوان من ضلع سنجار=ولشعبه احلا مـن برايـد غديـره
واكمل مساره طيب الصيت والكـار=كشاف خصـات البيـوت الفقيـره
عبدالله اللي عاهد النافـع الضـار=الخيـر مـن يمـه لفانـا بشيـره
العدل نهجه والتواضع لـه شعـار=ونباه يجبـر لـه عظـامٍ كسيـره
على الفقارى مثل هتـاف الامطـار=وضافٍ على اوطان المحاويج خيره
وعنده لخصـات المقليـن منظـار=وجـزلات مداتـه عليهـم كثيـره
فأول بيانٍ لـه بنشـرات الاخبـار=قال البيان اللـي غمرنـا عبيـره
يقول مدونـي بالانصـاح والشـار=ومن الدعاء الصادق عطوني بريره
وحنا بنفحات التهجـد بالاسحـار=نطلب لـه التوفيـق فيمـا يديـره
وعضوده اللي فالمواجيب حضـار=سواعده عنـد إشتعـال الذخيـره
الساعد الايمن ليا صار مـا صـار=سلطان زيـزوم الدفـاع ووزيـره
سلطان ابو خالد له الـرأي ينـدار=ولي عهـدٍ لـه وأخـوه وشويـره
فالنايبـات مجهـزٍ كـل مـغـوار=النائـب الاول نـزيـه السـريـره
يقود جيشٍ للوطـن درع وستـار=يصد به عنـا الخطـوب الخطيـره
ونيابةٍ عني وعـن كـل مـن زار=حفل الرياض وبإسم سلمان اميـره
قدمت لـي معـذار ماهـو بمقـدار=والاّ حقوقك يابـو متعـب كبيـره
وصلوا على سيد البشر سر وجهار=ما طـوح الصقـار ملـوح طيـره
عبد الله بن عون الرويس
(مرثية الملك فهد الله يرحمه)
خيّل سحاب العين وانـوى دريـره=اللي ظهر واللي على حـد مظهـار
من هول خطبٍ صاب شبه الجزيـره=ما فيه روحٍ ما شكت منه الاضـرار
الخطـب موجـع والإصابـة كبيـره=يوم انتهى المشوار بالوالـد البـار
يـا الله يلّـي مـا سجدنـا لغيـره=يا واحـدٍ بيديـه تحديـد الاعمـار
تجبر عزانـا فـي نزيـه السريـره=وتجبر عزاء الزوار من شتى الاقطار
وتبقي لشعبه مـن اخوانـه ذخيـره=صمود واستمرار واكمـال مشـوار
وتعين من عقبـه يقـود المسيـره=وينهج بدار الخير منهـاج الاخيـار
صرحٍ بـدا ببنـاه صقـر الجزيـره=وعقبه عمر مبناه بابنـاه الاحـرار
مرحوم يـا صـداد وجـه المغيـره=شراب فنجـال المواقـف اليـا دار
شيـخ تصـدر للخطـوب الخطيـره=عنا وجرع ضدنـا كـأس الامـرار
ومواقـفٍ عنـد الشدايـد كثـيـره=منها لبو فيصل دفاعه عـن الجـار
يوم الصباحي جت عليـه الكسيـره=ومخرب الجيره على جيرتـه جـار
قام الفهد مـن دون حلـت قصيـره=لين استعاد الدار مـن كـل غـدار
والدار مـا عـود بطـرق يسيـره=الا بعـد مـا صـادم النـار بالنـار
ويوم استعاد الدار عقـب تحريـره=قام الصباحي بالثنـا عبـر الأقمـار
وتبدلت هـاك الظـروف العسيـره=لاخوان مريم عقب الاعسار بايسـار
ومنها مواسـاة الشعـوب الفقيـره=غيثٍ على أوطان المحاويج مـدرار
وتوزيعة المصحف على كـل ديـره=للمسلمين اللي وراء زرق الابحـار
ومنها المشاريع الضخـام الشهيـره=مستشفيات وكـل مشـروع جبـار
امثـال توسعـة الحـرم وتعميـره=والجامعات اللي نهضهـا بالاعمـار
وعلى العقيدة والوطن فيـه غيـره=وان عدمة الارياء يعود لـه الشـار
واخوانه أصحاب العقـول المنيـره=غيّابهـم عنـد المواجيـب حضـار
صفوة ملوك الأرض مبـدأ وسيـره=وكبـار قـومٍ يستحقـون الاكـبـار
واهبهـم الله للعـروبـه بـريـره=وملجاً لمن حاطت به النـار والغـار
والحكم ما له غيرهـم مـن يديـره=ولا غيرهـم للـدار مـن ينـهـض
عبد الله بن عون الرويس
يا ماحـلا لا ذعذعـن الهفاهيـف=وقامت تناقرنا هبـوب الصفـاري
وهب البراد ودوّحت شوبة الصيف=واوحيت للمقناص والطير طـاري
واللي يبي شمة هبوب الشفاشيـف=قـام يتنبـى للبيـان الــوزاري
يدلى على حزم الجلاميـد وطريـف=خطايطـاً فيهـا عوايـن حبـاري
بعض العرب وده ولو جاه تكليـف=يسري ويصبح يم هـاك المحـاري
الناس يقضون الاجـازات بجنيـف=ونايف يمضّي رخصته بالصحـاري
صحراء العيون اليا غدت كلها ريف=عند الشـرك ولا عـلاوي جـداري
لامن عسّاسـه عطـاه التعاريـف=وامسى عن اللي في حراويـه داري
نادى بقرناساً اليا حيـف ماعيـف=فيه الحم الكدري وريشـة قمـاري
وجت للملامس وفيه ماقيل ياحيـف=مافيه عيب الا من الريـش عـاري
وتوابعاً مثـل الرمـاح المعاكيـف=وامواس مثل مسلـلات الشبـاري
طرح الشبك من نازحات المحاذيف=جابه حـدا العتبـان ولا المطـاري
اما ولد مطلـق ربيـع المهاجيـف=ولا السليس دحيم ذيـب الغـداري
جابـه لشيخـاً يرتكـي للتكاليـف=الله يجيره عن صـدوف الجـواري
شيخـاً تلحفنـا حسانيـه تلحيـف=ماهوب عن حق الخوي بمتـواري
شيخاً هواه لاحصل له على الكيـف=تعرض النسناس مـع كـل فـاري
ونقل الحـرار وهدهـا بالاطانيـف=امـا ضحـى ولا وروك الظهـاري
وليا كفخ حل العصيـر الطهيريـف=ربـداً مطيرهـا الرفيـق المبـاري
اوقف وتبعهـن طويـل الاطاريـف=حراً على بعـد المطاليـب ضـاري
الصافي اللي حاز حلو التواصيـف=لّحـاق عـزّام الحبـاري اجبـاري
واليا انزعج ظاقتبهـن المحاريـف=وتزبنن قـوع الشجـر والمـذاري
ومن عقب ماهن للعزامة مواليـف=قاموا عليهـن يظربـون البـواري
ومضواه في بيتاً كما نايف القيـف=في صفح نزواً عايفتهـا الـذواري
اليا شيدوه اللي لبنيـه معاسيـف=وحطوا مشب النار بيـن القـواري
ناراً حطبهـا يشتـرى بالتجازيـف=عمـال ماتلحـق عليـه اللـواري
نـاراً يصاليـهـا دلالاً مهـاديـف=صهباً وصلوا النار فيهـن مـواري
صهباً عليها الجور مامنه تخفيـف=زاماً لهـا ليلـي وزامـاً نهـاري
صفراً خنين بهارهن من ورى الليف=يطرد عماس اللي من البعد سـاري
اليا درجوهن وادرجـن العجاريـف=وكل أفلجً بفعـول طيـره يمـاري
اقفن هواجيس الظمايـر مناكيـف=والطير عن راعيه شال الطـواري
مع ظف اخو نورة بعيد الاشاويـف=شيخاً بوسع الخلق مالـه مجـاري
ولاني بفاخـر وتفاخـر بتزييـف=الا..ولاالبس من ثيـاب العـواري
افخر بحكامن حموا نجـد بالسيـف=والشعب اشادوا مستواه الحظـاري
وافخر بقرب اللي بعيداً عن الحيف=شيخـاً بعدلـه بيننلـه شــواري
ومدحه ماهوب خراط ولاتواهيـف=عن عرف والكـاذب لعلـه نيـاري
عبد الله بن عون الرويس
ياهل الطيور اللي تصيد الثلاثـي=تحطيمكم لاكبر عدد مثل الاظغاث
لو تجمعـون ذكورهـم والاناثـي=اكبر عدد ماحطمه غيـر عبّـاث
النادر اللي فـي الهـدد مايثاثـي=لا فرّعه راعيـه ماهـوب لثـاث
عباث في زرق الغلب يوم عاثـي=كنه عديماً له على الهوش حثاث
ادلى بربداً فـي غلبهـن بغاثـي=للريش من كفه على الروض بثّاث
وألّحق ثمانية العشـر بالمعاثـي=واضحى له التفضيل بالفعل ميراث
عذناه بالرحمن مشفـي الغلاثـي=عن كل شيطاناً للأسبـاب نفـاث
طير الكريم اللي جنابـه دماثـي=من حل فيه اسقاه ديماً وهثهـاث
مهب لحلوحـاً حشـاطً حثاثـي=اخير مايثمر بحرمـل وجثجـاث
شيخاً بصكات السنيـن العباثـي=أحيا قديم امجاد قومـاً بالأجـداث
عسايّ ما استعرض عليه الميراثي=آمين..ياحـيً للأمـوات بـعّـاث
اليا قيل منهو قلت مدري واعاثي=نايف ملاذ اللي له الوقت غثّـاث
المستغيث اليا التجـا واستغاثـي=عنده يغاث وخير اساميه غيّـاث
عبد الله بن عون الرويس
(رد على سعد العريفي)
تناجيت مع ليل الشقى وانتحـى مسـراي=اطالع شعـاع النـور وازريـت اقربلـه
يبى الما وعيا لايطـول الطويـل رشـاي=وهريس المضامي كود يسقـى ويجذبلـه
خطايطاً لفتني من سعد كـدرت ممشـاي=مواريدهـا مـن يمـة الغـرب والقبلـة
مواريدها مـن واحـداً شافقـاً مـا داي=عسى الله يجازي بالنشب مـن تسببلـه
شكالي وانا قلبي صخيفـاً مـع الشكـاي=وقصاني عسـى الله بالشبـب مايشببلـه
شكالي من الفرقـى وبـادرت بمواسـاي=؟؟؟؟؟؟ واحـل المشكـلـة واتطببـلـه
لو ان الفرج والحل ماهوب فـي مخبـاي=ابعطيـه تعـب حـق العنـوة وبتعبلـه
ابمشي مع الماشي وبعدي مـع العـداي=وعسى قومتـي تثمـر لاجيـت ابطلبلـه
وبركض مع الرجلي وبشعب مع المطـاي=وذلولاً لغيـر العانيـة ويـش تشعبلـه
وتقبلت موضوعه ومديـت لـه يمنـاي=وبنصابها اللـي قاسـي العلـم يجذبلـه
وبطلب له الرخصة والاعفاء والاستثنـاي=وبقول مجروح الهـوى ويـش يعذبلـه
تشاينت عذري قبل اجرب سمين اريـاي=وبختـار للوقـت المناسـب وارتبـلـه
وبعد ماصبحت شكواك في حوزتي وحماي=سحبها المراسل مثـل ماتسحـب الدبلـه
وانا ماقبل الهدنه بعد ماحمـي مشـواي=ولا ارخص لغيري لين اغدّيـه واحلبلـه
بعد مازهم رعادهـا فـي سمـا دنيـاي=وتهامالها الـودان ليـن انبـت الربلـه
وغدى لم سالم وسط ريضانهـا نونـاي=وشـذى وردهـا فـي كـل دارً يهربلـه
وانا في سعد ماسمع من السامي والحكاي=ولاحط الحواجز فـي طريقـة واعرقبلـه
عبد الله بن عون الرويس
مايستريح البال والقلـب مارتـاح=والروح ماترتـاح داخـل بدنهـا
يابداح أشوف العود جاء فيه لولاح=والحال ينقص عامل الوقت منهـا
الرجل يصقل كنه السيف ابـولاح=وماطال يمه مـن يديـنً خَبَنهـا
(يمدح فيها سطام بن عون الرويس الله يرحمه)
ياهل الجيوب الساريـة دوروا لـي=خطاً يوقف بي علـى بيـت سطـام
ماوالله استانـس اذا ضـاق جولـي=الا اليا جالـه علـى النـار همهـام
اليا قام نجره يزعج الصوت حولـي=واحيا السمر بألحاق الابرام الابـرام
لـو هـو يذكرنـي قديـم الفعولـي=اللي غدت مثل الهـذاري والاحـلام
فعول الرجال اللي تشيـل الحمولـي=نطّاحت الكايـد مفاريـس الاخصـام
وليا ذكرت افعـال هـاك الزحولـي=ربعاً تقافت دونهـم جـرد الاعـوام
اخـذ شـوي مغيبـن فـي ذهولـي=يعرض لي الماضي كما عرض الافلام
بأطياف ذكرى في خيالـي تجولـي=تطوفبي بيـن الحقايـق والاوهـام
دنيـاً تـزول وماعليهـا يـزولـي=الباقي الله وأفضـل الخلـق مـادام
ياحيـف ياتفريقـهـا للشمـولـي=تنشـر بيارقهـا علـى كـل مقـدام
وتاطا كبار الجـاه وطـي النعولـي=لين القضا فيهـم غرسنابـه السـام
هـذي منازلهـم خلـيـاً تهـولـي=ترثالهـا فـي هـاك الايـام الايـام
بلاقعـاً شهـبً خلـيـاً محـولـي=تبنيبها هـوج الدواليـب الاسـوام
عقب الجهام وعقب هـاك النزولـي=تقـول محـدن حـل فيهـا ولاقـام
طرفي بدمعه يـوم اجيهـا همولـي=تقـرب محاظيبـي ولانـي بمـلام
اذكر طربها قبـل عشريـن حولـي=قـدام تزلـف هـاك الايـام قــدام
ولو صرت من غارات سلمى زعولي=اللي علـي العقـل تنفيـذ الاحكـام
واعـزي الخاطـر بربعـاً بقـولـي=هم نور عيني في غطاليس الاظـلام
لـولا الاسـود معقبيـن الشبولـي=عندي تغلّق مصـدر الانـس بلحـام
لاجيتهم عقب البطـى يسّـروا لـي=توسيع بال وضيـع الهـم الاكـرام
عبد الله بن عون الرويس
مراسله بين عبد الله بن عون الرويس ..و..غازي بن عون الرويس
هلا باللي نعش روحي بصوتـه=وهو شوفه غذا روحـي وقوتـه
تفرقنـا واحسبـنـه نسـانـي=وصدت بي وقوتي عـن وقوتـه
وبعـد ماكـان مندثـراً هوانـا=زهم واحيا غرامي عقب موتـه
وهذي عادة(ن) في كـل وافـي=فرص حبل المواصـل ماتفوتـه
وانا قبله عن العشـق متراجـع=مهب عياف خوف(ن) من شموته
وهو صار السبب في رجعتي له=نده قلبي وجاوب لـه صموتـه
لاجل عينيك يامشعـل غرامـي=رهيـن الحـب ومعمـر بيوتـه
مادامك رافعاً صـرح الصداقـه=فـانا حق(ن) علي ادعم ثبوتـه
واعمـر لـك مقاصيـر بقلبـي=واغطيهـا بعـش العنكبـوتـه
عبـــــــــــــــدالله ....
رد غازي...
يعيش اللي بعد طول سكوتـه=عبر فوق المحيـط بجيلبوتـه
جمع ماسـه ومرجانـه ودره=وغير ماحصله غيـر حوتـه
ومن حاول يجاري صيد فكـره=يبي يحفي على دربه سبوتـه
جزا الله خير من هيج غرامـه=بدعوى العشق طرش له كروته
وخـلاه يتغـزل فـي جزالـه=وياصف لوعته باوراق نوتـه
بيوت(ن) ذوقها لسامع احلـى=من السكر ومن تمـر النبوتـه
ونظم الصعب منها عنده اسهل=نخزه للقلم من جيـب كوتـه
نبي ياخو سعد نسمـع ونقـرا=غدرايق(ن) من العام مغموتـه
محيط الشعر ينقص لاهجرتـه=ولو زرته غمر موجه خبوتـه
غــــــــــــــازي ...
رد عبد الله ..
لقيت الشعر ماتضعف بتوتـه=مع اللي فاهم(ن) متره وفوته
الا يا ليت كلن مثـل غـازي=يريح البال يوم اسمع بيوتـه
اليا حاول يجاري له قريحـه=مشت له طوع ماهيب معفوته
ودرّت له قوافيهـا البخيلـه=اليا رام البحر ريّـم خفوتـه
ورى بعض العرب شعره مغثّه=تشوته عنـك ولا ماتشوتـه
لو انه موتر(ن) جاك متحادي=تناضح فوق هوباته زيوتـه
مـاركـت وارد عـــراوي=طمع راعيه ثم جارا فروتـه
الا ياليت للشعـر اشتشـاري=يصونه قبل يفدعبه طفوتـه
متى ماشاف له قطاع ساقـه=يفك الناس من عصده ولوته
عبـــــــــــــد الله ...
رد غازي..
بيوت(ن) قلتهـا عـدة بيوتـه=بهـا كـل المذاخيـر محتوتـه
هقيت اني حكمت وصار حكمي=من خمسيـن ابوزيـد وبلوتـه
وهقيت اني بدعت وصار بدعه=بيار بالصفا الصـم مخروتـه
عيون الشعر شامت لبونايـف=كما شامت لبن سعدون نوتـه
اله فن(ن) فريد مفارق(ن) لـه=الي جامـع(ن) ثومـه وتوتـه
هذاك اللي جت مـع القريحـه=سرى فوق اللحن يظرب طشوته
وشعره حادر(ن) له بطن وادي=مثل عمايـت الرفـل معموتـه
سوات اللي يحاول فـي دواهـا=ويعمـي عينهـا بالعنزروتـه
غازي بن دخيل الله الرويس
انا غرب واللي خاطري ينتحيلـه شـرق=بعيداً وطن مظنون عيني عـن اوطانـي
حصل في غروب الشمس بيني وبينه فرق=عسى الله يقرب دار مـن حبـه اشقانـي
اليا جا لذيذ النوم يسرق عيونـي سـرق=ذكرته بعيـد وعافـت النـوم الاعيانـي
الا يالله انـك لاتجـازي حمـام الـورق=وراه يتلاحـى بالطـرب ليـن يشعانـي
قام يتلاحـى وشعانـي بحلـو الطـرق=ومن الولف اظنه جاين الـورق ماجانـي
من اربع سنين ومهجة الروح فيها حرق=نتيجـة نـدب عينـاً سهمهـا تمثنانـي
وساع العيون الساحريـة طعنهـن زرق=لها نظرةً مـن صابتـه طـاح وجعانـي
سقا الله اليا قام يتكاشـف علـي البـرق=وانا اشوف زولة بيـن ربعـي وخلانـي
تفتح لعيني يوم اشوفه وسـاع الطـرق=وانا قبل اشوفة مثـل يعقـوب عميانـي
تهشم نظيرة من هميل الدمـوع الـزرق=وعمي لين جابوله قميص ابنـه الثانـي
عبد الله بن عون الرويس
ياروح روحي مهجة الروح تفـداك=راحت على مركب غرامك وساقـه
واليوم لك غيبات ماعـاد شفنـاك=عقب التقارب صار شوفك شفاقـه
ويش اللذي دلهك عنـي ونسـاك=هاك السوالـف والعلـوم الدقاقـه
ماهوب حق تقطع عشرة من أغلاك=الحق تجويـد الصداقـة صداقـة
هاجوس قلبي مايخلينـي انسـاك=اذكرك في نومي على كـل فاقـه
عبد الله بن عون الرويس
ا
لبارحة جفني عن النـوم مذهـول=طيـب المنـام ولذتـه ماحصللـي
اليا شتل عيني عن النـوم شاتـول=أخذت مع هاجـوس قلبـي تسلّـي
وليا عذل عيني عن السهر عـاذول=قلـت السهـر ياعاذلـي جايزنلّـي
مادام الي قلباً من الحـب مدهـول=ما اشوف في كثر العذل صالحنلـي
اتركني اتبع راحـت البـال واقـول=من ماتصور واحضـره هاجسنلّـي
خل القلم يكتب من القيـل معسـول=ابيع واشـري فيـه واخـذ وخلّـي
اخذ من اول صفوة الجيـل مزلـول=واترك حثال الجيـل عنّـي يولّـي
عسى يعالج خاطـراً فيـه نشبـول=من ضيقته ضاق الفضـا والمحلّـي
كان العزيز يصيـح للحـب مذلـول=فانـا الذليـل ولاحـداً ذلّ ذلّــي
دايم وجيبي بـزرق الدمـع مبلـول=وحالي نحيلاً من الهوى مستخلّـي
حالاً براه الهجر حـولاً ورى حـول=ياللي يتـوق لهجرالاحبـاب حلّـي
طفلاً طغى ماله بسوق الهـوى دول=بحلى صفات المحصنـات متحلّـي
راعي هدب عيناً بلا كحل مكحـول=والبدر كنّه فـي الجبيـن متجلّـي
ما احرزت اجيه ولايجي منه مرسول=بينـي وبينـه واحـداً واقفنـلـي
عليه قلبي بيـن الاظـلاع متلـول=ودايم وهـو للبـال قبلـة مصلّـي
عبد الله بن عون الرويس
عند فقدان الطير ...
ياسعود كان انك تهدد علـى النـوح=تعـال انـا ويّــاك ننـعـا هنـيّـا
تعال انا ويـاك ناخـذ عـن الـروح=عطنـي وانـا بعطيـك ممـا تهيّـا
صبري وصبرك عقب فرّاج مشحـوح=ماعـاد فيهـا يـا البناخـي كنـيّـا
ون كان صوتك شح والصوت مبحبوح=خـل انهتانـك بالخفـايـا خفـيّـا
اون واتبـع ونـة الصـدر بفحـوح=ولافرّجة مـن ضيقـت البـال شيّـا
ياطيري الليا ابـرق الريـش ذابـوح=مبعد على راس راعيه صبح وعشيّـا
تعرضّه يـوم اظلـم اليـل سامـوح=وعليـه ماسيـت الفجيعـه مسـيّـا
جيته علـى جثـة احبـاراه مذبـوح=وامسـت همومـي داهيتنـي دهيّـا
و اصبحت انا عن نقلة الطير مصفوح=ماعاد اللي فـي نقـل غيـره شهيّـا
ماراح جعلـه مايعـود علـى اللـوح=ولا عسـاه اليـا رجـع مـا يحيّـا
ليت النقيصه في الرواقي ومجـروح=وفـي كـل كابـوداً سـواة الحديّـا
وليته غدا وارجيه مع كـل طـاروح=فـي المقبلـه يمـلابـه الله يـديّـا
لو هو غدا ياسعود ماحسـفّ الـروح=بـس الحسوفـه ميتتـه هاالسويّـا
وفرّاج مشروهه علـى كـل ممـدوح=ياخـذ قضـاه اللـي براسـه حميّـا
عبد الله بن عون الرويس
ياطير يامقلوع وين الله أغـداك=أنا بنيّـة وانـت غـادي بنيّـة
اليوم ياغادي الجدى وين ابلقاك=لاصار كـل نحيّـةً لـك نحيّـه
ياكثر ماني مجهد النفس لرضاك=ومذلل(ن) لك وحدةً مـن يديّـه
ابي مثل هدتك في الواد ابو راك=نمشي تحت فيّتك نصف أضحويّه
يوم أنت في هدتك حنيّت يمنـاك=نهار يهديـك العطـاوي عليّـه
اللي شراك ولا تغالى بمشـراك=نعمين بالمهديّ ونعـم الهديـه
عبد الله بن عون الرويس
المرثية في طلال الرشيد رحمه الله
واعينـي اللـي ماتهنـت بهمـلاج=عن نومها ازعجها البيـان المفاجـي
وامسيت في صدري من الوجد وهاج=ومما دها عزمـي تكـدر مزاجـي
لاواطلال اللي عليـه القضـاء راج=واقفى عن الدنيا طليـق الحجاجـي
فيه الحسايف عقبـت فـي سوهـاج=والاالقضاءمالـي عليـه احتجاجـي
مرحوم ياللي لك بالامجـاد منهـاج=الصافي الشهم السمـاح الهجاجـي
عسى مقـرك ياسنـد كـل محتـاج=في جيرة اللي من هل النار ناجـي
الصبـر ياشمـر مفاتيـح الافـراج=عند الفراق اللـي شرابـه هماجـي
الله يجبـر كسركـم عقـب هـداج=ريف الضعيف اللي يجيه متلاجـي
والكسر مايجبر ليا جـاء بالامهـاج=وجرح النيـه مالقـي لـه علاجـي
ياضلع اجاء تدعيك ابانات وسـواج=وسلمى تحثـك يمهـن بالرواجـي
تبي تواسي بالعـزء ذيـك الابـراج=وتزعج عبايرهـا بذيـك الهباجـي
ولو سبلت بدموعهـا ازراجً ازراج=تعذر ليا ناحـت سـراج الدياجـي
ياليت لاخذ الثـار فالشيـخ مـدراج=كان انتخي وانخى فهود الزراجـي
ويفاجي اهل الجلـف والنورمانبـاج=جمع يفرقهم وهـم فـى المحاجـي
جمعٍ يجيله فوقهـم عـرك وعـلاج=لين تغذى ذيك الصحاري عجاجـي
تاخذ سنـة والذيـب فيهـا ليـا داج=زاده رخـاء مايلتفـت للنعـاجـي
يالحايلي كنك على الشيـخ مخـلاج=خذني معك يسند خلاجـك خلاجـي
لو البكاء نوع من انـواع الازعـاج=ويزيد من نبش الجـروح اللواجـي
وقدامنـا سعـدون للدمـع زعـاج=ولاردة الدمعـه عقـاب العواجـي
عبد الله بن عون الرويس
ياملّ عيـنٍ يعـلّ الجيـب ذارفهـا=اربع وعشرين ساعه تهجل اهجالي
والنوم يا دحيـم عايفتـه وعايفهـا=دارت سنتها على سِهْـر وتملاّلـي
مدري على النوم عيني وش مكلّفها=للسِهْر في نونها ممسـى ومقيالـي
واللي جعل نوم عيني مـا يوالفهـا=واهج لهيب الغرام اللي برى حالي
واحالي اللي طهوم الشوق ناحفهـا=مابـاقٍ الاّ عظـامٍ جسمهـا بالـي
عليك ياللي غلاك الـروح متلفهـا=ياللي محلّك بوسط القلـب نزّالـي
غلاك نفسي عن الخفرات صارفها=لو يجمعن لي من اولهن الى التالي
لك سيرةٍ بالمحبّه ما اقـدر اخلفهـا=لو هي سبايب سهر عيني وغربالي
الاّ رجا ساعةٍ ما اقضي حسايفهـا=والاّ على السنّه السمحـا تهيّالـي
رجعت للسالفه واحييـت سالفهـا=اللي يقولونها في ماض الاجيالـي
اللي سبب موت ضيف جديع ماقفها=حيث ان ذبّاح ضيف جديع يبرى لي
قصيده في راشد بن مكتوم
لـى ذوق والعالـم كذالـك لهـا ذوق=وذوقى عن اللى مـا يجـوز إمتناعـى
وإليا لقيـت بضاعـةٌ ترفـع السـوق=فى مشتراها أبـذل جميـع المساعـى
ولا بعد سيست لـى سـاس طـاروق=ألا علـى الجـال العـزاز الرفاعـى
وفالاتجاة اللـى جذبنـى لـه الشـوق=ركـزت ثاقـب نظرتـى وإطـلاعـى
من عام هجسى يتجـه شـرق ويتـوق=مثـل النـداوى يـوم يدعيـه داعــى
وبعد وردنى داعـى الشيـخ مسيـوق=نكسب شرف تنفيـذ الامـر المطاعـى
وأصير أنا السابـق ولا نيـب مسبـوق=من نجد والمنصـى وزيـر الدفاعـى
فالديـرة اللـى شانهـا شامـخٌ فـوق=فى ظـل حاكمهـا طويـل الذراعـى
الشيخ زايـد جـارة الله مـن العـوق=اللـى دقـم عنهـا سنـون الافـاعـى
أسس دعايمهـا علـى متـن شاهـوق=وحافظ عليهـا عـن جيـاع السباعـى
لين أصبحت تزهـا فلانظـار وتشـوق=وتأخـذ همـوم اللـى بعينـه يراعـى
خـلا صحاريهـا بساتيـن وعــذوق=فالصـف الاول فالمجـال الـزراعـى
وأرجع لوصف دبى عن عـد مأثـوق=يعـدلـه عــدٌ يـشـد إستـمـاعـى
يقـول فيهـا رونـق العـز مرمـوق=بأمـان ومـن المفتـرق والجمـاعـى
مكتـوم بجهـودة تسامابـهـا فــوق=بسيـرٍ حثيـثٍ مـا وراه إنقطـاعـى
والشيخ أبو راشد حضنها عـن البـوق=وبين الدول وضـح صداهـا الاذاعـى
ويوم اهتمامه صار فى جيدهـا طـوق=تميـزت فـى مجتمعـهـا السبـاعـى
مثل الهنوف اللى لهـا القـد ممشـوق=اللـى نسبهـا يشتـرا مــا يبـاعـى
درت خليـج مـا سلبـهـا بمفـتـوق=لامجاد أهلهـا فـى سماهـا شعاعـى
وحنـا نصيناهـا بمفتـاح صـنـدوق=صدرٍ لاهلها بـه ر حـب وإتساعـي
حب الوفا لاهل الوفـا ساقنـى سـوق=غيـر الوفـا والقـدر مالـي دواعـي
الأ عزيمـه باسـم برقـا وإسـم روق=ونبـا نكـررهـا نـهـار الـوداعـى
من شان تأخذ فـى هذاليـل ساحـوق=أيـام بيـن جبـال نـجـد المقـاعـى
لجا على أعـلا نجـد رعـاد وبـروق=والسيل ضاقـت بـه بطـون التلاعـى
ومعك أشقرٍ جبر العضا مابـه دقـوق=قرناس ريشه مثـل ريـش المراعـى
مطروحٍٍ أول نزلـت الطيـر بسبـوق=يعجبـك وجهـه لا خذيـت القناعـى
اليا صفى وجهه على الطلـع بصـدوق=وجـه الشجـاع اللـي بحقـه يداعـي
يرهى على برقـا الجناحيـن بلحـوق=ليا شافها فاعـت علـى البعـد فاعـى
وتدوج ومضّحاك فـى جـال مشقـوق=ومضواك فى بيت الشعـر والشراعـى
فى خايعٍ بيـت الشعـر فيـه مطقـوق=يبنونـه اللـى ينهضـون الربـاعـى
ويعرض عليك أصناف من خيرت النوق=وضـحٍ مراثمهـا عليهـا الرقـاعـى
وضـحٍ لنـا فيهـا ملـذات وطـروق=معها نجوب فجـوج نجـد الوساعـى
فيها أوضحٍ من طلعت سهيـل مطلـوق=أمـا علـى الاثنـاى و الا ربـاعـى
عليان من عليان فيـه أصـل وعمـوق=مثل الذهب ما يلحـق أصلـه نزاعـى
وان كان جازت لك فلا عنـك مفهـوق=حيث أنهـا مـا غيـر عبـر ومتاعـى
واللى لهـم مثلـك مواجيـب وحقـوق=مـا هيـب غاديـتٍ علينـا ضياعـى
يالشاعر اللى لـك بالامثـال غـدروق=طرايـفٍ مثـل الــدوا للوجـاعـى
ما حاورت بيتٍ من الكتـب مسـروق=جوعـا الهزالـه بالجزالـه شبـاعـى
وبينك وبين الطيـب ميثـاق وعمـوق=أمـا قرابـت جــد ولا رضـاعـي
وسلم ودم ما شعشـع النـور بشـروق=ويـدوم عـزك ياحمـيـد المسـاعـي
عبد الله بن عون الرويس
يا راعي الغـر العـذاب المباهيـش=رش الكبود اليابسـه عـن عطشهـا
دنق علي وطمن الـراس بشويـش=واحي العـروق الذابلـه وانتعشهـا
حبك ينهش ثومـة القلـب تنهيـش=نهش الحنيش لعرش رجـل نهشهـا
واهل الهواء في سجن غيك دروايش=وقلوبهـم وجلانـه مـن دهشـهـا
من ذاق من خمر السوالف بخاشيش=يبطـي وروحـه معتلقهـا بلشهـا
ولا تستمع في هل الحكا والوشاويش=نـاسٍ انقيلـي النامـيـم دبشـهـا
يا خشف يم ذار واوحـي شوابيـش=بدواً طلوع الشمـس ذاره وغشهـا
والعين عين اللي جسر عقب توحيش=اميـر بيتـي الحـرار اوحشـهـا
طرح الشبك ما قبلـوه الطواريـش=ولا قرنسوه اهل العشش في اعششها
وحش وجاي من بعيـد المناطيـش=عوق الخريش اللي طياره خرشهـا
لا قام ياخذ من طرق ريشها ريـش=واليـا قضـا لعبـه عليهـا لكشهـا
جابوه من عين الشمـال الهماميـش=ابرك لهادي طرشـة قـد طرشهـا
جابوه لمثمـن طويـل المطاريـش=شيخ قوانيـن العـرب مـا دغشهـا
محمد عشير منقضـات العكاريـش=نجل العيـون اللـي مـلاح بهشهـا
ومهـدي للـي براسـه نغامـيـش=لا شوشت حيات الارض وحنشهـا
محمـد مقابـل قاصـده بالتباهيـش=وملفي الرجال اللي جميله غطشهـا
ودايـم وبيتـه مدهـل للمداغيـش=وكم روح معسور بجـوده نعشهـا
لا يبعد نـاس تكبـر علـى ويـش=لاشافت الناصـي تلـوت خششهـا
لو يملكون ارقام الامـوال حتيـش=در الحمـاره دوب يكـي جحشهـا
وروس الضبا ماذكر فيها عراميـش=لو هي على الزيله كبـار شوشهـا
عبد الله بن عون الرويس
الله مـن قلـب رمـع فيـه رمـاع=واخلف يمومه عن طريـق التسانيـع
هجس رمع ماله عن القلـب فـراع=عليـه غاراتـه تـشـن المفـازيـع
يشـري بقلبـي كـل ليـلاً ويبتـاع=وله الجـوارح خضعـات مطاويـع
مركز غرامه بين محنـي الاضـلاع=لانامـوا العربـان سـواء مشاريـع
أسبـاب ورقٍ بالتغاريـد سـجـاع=ورقٍ على هاك الغصـون المهانيـع
ياورق كف اغناك مال الطـرب داع=ياشين مالـك فـي عذابـي منافيـع
ان شفت من قلبه جـزوع ومـولاع=علـى النياحـه لاتوريـه تشجـيـع
هوليه يوم تروجع الصوت ورجـاع=قصدك تزيـد مولـع القلـب توليـع
اسهرت عينـي والمخاليـق هجـاع=وذكرتنـي خـل بعيـد المرابـيـع
راعي جديلاً فوق متنه الـى انـداع=كأنه شليـل اللـي تتـل المصاريـع
لا جاء نهاراً فيـه صائـح وفـزاع=والخيل باطراف الجهامـه شواريـع
يوم مثل يوم الرحاء عجـه امـزاع=نهار اخو نوضـاء يفـك المجاميـع
مخلي سروج الخيل من كل صعصاع=عقايـره سـرد الرمـك والمداريـع
يدلـي بهنـدي للارقـاب قـضـاع=في روس ضده غـادي لـه لعاليـع
كم شيخ قـوم دقبـه روبـة القـاع=خلي عشى لذيـاب نجـد المجاويـع
سيـف شقيـر يامـره قلـب وذراع=ضربه يطوع مخطي الدرب تطويـع
يـوم علـى ضـده مخائيلـه اتبـاع=نهار يفـرق شملهـم عقـب تجميـع
غيمه عجاج الخيل غـاره ومرجـاع=وشمسه بواريق السيـوف اللواميـع
يشيب منه اللي على الديـد رضـاع=بيني وبينه يهـرف الذئـب ويريـع
عنه اتحراء العلم مـع كـل ذعـذاع=انشـد ولا عينـت للعلـم تسنـيـع
اتلاء العهد به يـوم مظهورهـم زاع=جلع ضعنهم طلعت الشمـس تجليـع
بدواً يبـون بشرقـي النفـد مربـاع=ولهم على أطراف الصداوي مراميع
راحو بعد حوا على الكبـد مرقـاع=وعسالهم من عقب الاقفـاء مراجيـع
لاحف زملـوق الطواليـع وانصـاع=واقفاء خضار النبت حتى الطواليـع
والأرض صفرأ عودها والثراء ضاع=واستبدلت عقب الخضـار البلاقيـع
وجونا تباريهـم زعازيـع الاقطـاع=كأنـه يقلطهـم عقـيـد الطمامـيـع
اقفاء الربيع وعودوا للشفـاء ريـاع=لعلـو نجـد اللـي هبوبـه ذعاذيـع
لامن نبت الصيـف جالـه تمريـاع=وضفاء على هاك العبـال المصاليـع
اللي طويل أعدودها عشـرة أبـواع=وقذالهـا مثـل الطيـور المواقـيـع
يزميبها طافـح سرابـه إلـى مـاع=كانه من القصيديـر ياخـذ تلاميـع
دار بها تركـي ومحسـن وهـزاع=مـن بهـا مـال الثلاثـة مناجـيـع
ما كفـت البـره وجزعـا وجـزاع=واجنب جنوب إلى القهب والمجاضيع
ولهم على منثـورة العـرق مرمـاع=هاك النفود اللـي عضاهـا مهانيـع
اضني أضرب للغضى درب الاسناع=واشوف زوله عقب صـد وتمانيـع
ومن غير شوف العين ما نيب طماع=إذا حصل لو هـو سـلام وتوديـع
عبد الله بن نايف بن عون الرويس العتيبي
ختــــاماً ... ارجو ان يكون موضوع ضمن المواضيع
الخفيفه على المنتدى ...الاعضاء ... والزوار
وارجو ان تكون قصائد الشاعر ...
جميله وفي الصوره الممتازه ...في صفحات المنتدى ..
الله يعطيكم العافيه ...
اخوكم / ضاوي الرويس ,,:) :) :)
السلام عليكم ورحمة الله وبركاته....:)
سبق وان طرح لكم قصائد شعراء من كبار عتيبه في هذا القسم ..
وها ..انا الان اطرح لكم مجموعه من قصائد شاعر كبير (لله الكبر)
عبد الله بن نايف ابن عون الرويس العتيبي
وسأعود بأذن الله مرة اخرى مع شاعر آخر...
الــــــــــــــيكم القصائد:) :)
قصيدة احتفال اهل الرياض
مبداي بإسم اللي فرج عن هل الغار=اعوذ بـه والـوذ بـه واستخيـره
قـدام تدريـج المعانـي بالاشعـار=عن لا يجي عندي من الامر حيـره
حتى تجيني طوع من غير عسـار=وتنقاد لي قـود الجمـل بالمريـره
وعلقتها في رأس دواس الاخطـار=عبدالعزيز اللـي فعولـه شهيـره
يوم إن بركان الفتن بالوطـن ثـار=مافيه شبرٍ مـا اشتعلبـه سعيـره
ولا للجنايز بيـن الاشـرار قبـار=ولا به عشيره تتفق مـع عشيـره
حناشلٍ تاقـف علـى كـل معبـار=وتحـول الطرقـي وتأخـذ بعيـره
من شرق فاجاها على هجن ومهار=هجـنٍ هجاهيـجٍ وخيـلٍ مغيـره
فوق الجياد وفـوق نسـاع الازوار=داس الخطر واطلق حصار الاسيره
جاها صلاة الفجر والطير ما طـار=بكل ابلـجٍ بيديـه دلمـاً قصيـره
جوها مع الاسحار وخذوا لها الثار=وعقب العري لبست ثياب الستيـره
ويوم احتضنها المؤمن العادل البار=قامت لاخو نوره تغطـرف منيـره
حشيمةٍ مـا تقبـل الـذل والعـار=وبه من بعض خطّابهـا مستجيـره
وغدا لها عن كـل حجيّـر حجـار=وسعى لها بالنصـر والله نصيـره
واستامنت بحماه عـن كـل غـدار=وعن الشلل عالج عضاها الضريره
احدٍ الى جـا الـدار للـدار دمـار=واحدٍ الى جاء الدار شـاد تعميـره
والفيصلي للملكـة شـاد الاعمـار=حلحيل مـا سـوا سوايـاه غيـره
صميدعٍ جاها وهـي تلتهـب نـار=وارسى قواعدهـا بعـزم وبصيـره
وعلى يد المنصور توحيدها صـار=وظفى عليها الامن في كـل ديـره
شيخٍ على السنه نهج نهج الابـرار=وعلـى مخالفهـا يجـر الجريـره
عسى عضاه محرماتٍ علـى النـار=يوم ارتحل عنها ذخر لـه ذخيـره
وذخيرته رؤوس الميامين الاخيـار=علـى مسـار يكملـون المسيـره
وكل حكم له دور من خمسـة ادوار=وكلٍ عدل فـي دوره اللـي يديـره
واليوم واحـاتٍ مظاليـل وأنهـار=بفضل الولي ثم بالجهـود المنيـره
الدوله اللي تحتـرم جيـرة الجـار=يوم بعض الجيران يأكـل قصيـره
ما ساد الاستعمار فيهـا ولا جـار=ولا عاش فيها من بـذوره بذيـره
حره واهلها من على اولهم احـرار=في ظل شذرات السيوف الشطيـره
يوم ارتحل مسقى العدا كأس الامرار=فهد عسى الله من عذابـه يجيـره
راح وبقت معنـا حسانيـه تذكـار=وخلد لنا في قمـة المجـد سيـره
كم مر في عهده من احـداثٍ كبـار=وصارت كبايرهـا بعينـه صغيـره
اثقل على العدوان من ضلع سنجار=ولشعبه احلا مـن برايـد غديـره
واكمل مساره طيب الصيت والكـار=كشاف خصـات البيـوت الفقيـره
عبدالله اللي عاهد النافـع الضـار=الخيـر مـن يمـه لفانـا بشيـره
العدل نهجه والتواضع لـه شعـار=ونباه يجبـر لـه عظـامٍ كسيـره
على الفقارى مثل هتـاف الامطـار=وضافٍ على اوطان المحاويج خيره
وعنده لخصـات المقليـن منظـار=وجـزلات مداتـه عليهـم كثيـره
فأول بيانٍ لـه بنشـرات الاخبـار=قال البيان اللـي غمرنـا عبيـره
يقول مدونـي بالانصـاح والشـار=ومن الدعاء الصادق عطوني بريره
وحنا بنفحات التهجـد بالاسحـار=نطلب لـه التوفيـق فيمـا يديـره
وعضوده اللي فالمواجيب حضـار=سواعده عنـد إشتعـال الذخيـره
الساعد الايمن ليا صار مـا صـار=سلطان زيـزوم الدفـاع ووزيـره
سلطان ابو خالد له الـرأي ينـدار=ولي عهـدٍ لـه وأخـوه وشويـره
فالنايبـات مجهـزٍ كـل مـغـوار=النائـب الاول نـزيـه السـريـره
يقود جيشٍ للوطـن درع وستـار=يصد به عنـا الخطـوب الخطيـره
ونيابةٍ عني وعـن كـل مـن زار=حفل الرياض وبإسم سلمان اميـره
قدمت لـي معـذار ماهـو بمقـدار=والاّ حقوقك يابـو متعـب كبيـره
وصلوا على سيد البشر سر وجهار=ما طـوح الصقـار ملـوح طيـره
عبد الله بن عون الرويس
(مرثية الملك فهد الله يرحمه)
خيّل سحاب العين وانـوى دريـره=اللي ظهر واللي على حـد مظهـار
من هول خطبٍ صاب شبه الجزيـره=ما فيه روحٍ ما شكت منه الاضـرار
الخطـب موجـع والإصابـة كبيـره=يوم انتهى المشوار بالوالـد البـار
يـا الله يلّـي مـا سجدنـا لغيـره=يا واحـدٍ بيديـه تحديـد الاعمـار
تجبر عزانـا فـي نزيـه السريـره=وتجبر عزاء الزوار من شتى الاقطار
وتبقي لشعبه مـن اخوانـه ذخيـره=صمود واستمرار واكمـال مشـوار
وتعين من عقبـه يقـود المسيـره=وينهج بدار الخير منهـاج الاخيـار
صرحٍ بـدا ببنـاه صقـر الجزيـره=وعقبه عمر مبناه بابنـاه الاحـرار
مرحوم يـا صـداد وجـه المغيـره=شراب فنجـال المواقـف اليـا دار
شيـخ تصـدر للخطـوب الخطيـره=عنا وجرع ضدنـا كـأس الامـرار
ومواقـفٍ عنـد الشدايـد كثـيـره=منها لبو فيصل دفاعه عـن الجـار
يوم الصباحي جت عليـه الكسيـره=ومخرب الجيره على جيرتـه جـار
قام الفهد مـن دون حلـت قصيـره=لين استعاد الدار مـن كـل غـدار
والدار مـا عـود بطـرق يسيـره=الا بعـد مـا صـادم النـار بالنـار
ويوم استعاد الدار عقـب تحريـره=قام الصباحي بالثنـا عبـر الأقمـار
وتبدلت هـاك الظـروف العسيـره=لاخوان مريم عقب الاعسار بايسـار
ومنها مواسـاة الشعـوب الفقيـره=غيثٍ على أوطان المحاويج مـدرار
وتوزيعة المصحف على كـل ديـره=للمسلمين اللي وراء زرق الابحـار
ومنها المشاريع الضخـام الشهيـره=مستشفيات وكـل مشـروع جبـار
امثـال توسعـة الحـرم وتعميـره=والجامعات اللي نهضهـا بالاعمـار
وعلى العقيدة والوطن فيـه غيـره=وان عدمة الارياء يعود لـه الشـار
واخوانه أصحاب العقـول المنيـره=غيّابهـم عنـد المواجيـب حضـار
صفوة ملوك الأرض مبـدأ وسيـره=وكبـار قـومٍ يستحقـون الاكـبـار
واهبهـم الله للعـروبـه بـريـره=وملجاً لمن حاطت به النـار والغـار
والحكم ما له غيرهـم مـن يديـره=ولا غيرهـم للـدار مـن ينـهـض
عبد الله بن عون الرويس
يا ماحـلا لا ذعذعـن الهفاهيـف=وقامت تناقرنا هبـوب الصفـاري
وهب البراد ودوّحت شوبة الصيف=واوحيت للمقناص والطير طـاري
واللي يبي شمة هبوب الشفاشيـف=قـام يتنبـى للبيـان الــوزاري
يدلى على حزم الجلاميـد وطريـف=خطايطـاً فيهـا عوايـن حبـاري
بعض العرب وده ولو جاه تكليـف=يسري ويصبح يم هـاك المحـاري
الناس يقضون الاجـازات بجنيـف=ونايف يمضّي رخصته بالصحـاري
صحراء العيون اليا غدت كلها ريف=عند الشـرك ولا عـلاوي جـداري
لامن عسّاسـه عطـاه التعاريـف=وامسى عن اللي في حراويـه داري
نادى بقرناساً اليا حيـف ماعيـف=فيه الحم الكدري وريشـة قمـاري
وجت للملامس وفيه ماقيل ياحيـف=مافيه عيب الا من الريـش عـاري
وتوابعاً مثـل الرمـاح المعاكيـف=وامواس مثل مسلـلات الشبـاري
طرح الشبك من نازحات المحاذيف=جابه حـدا العتبـان ولا المطـاري
اما ولد مطلـق ربيـع المهاجيـف=ولا السليس دحيم ذيـب الغـداري
جابـه لشيخـاً يرتكـي للتكاليـف=الله يجيره عن صـدوف الجـواري
شيخـاً تلحفنـا حسانيـه تلحيـف=ماهوب عن حق الخوي بمتـواري
شيخاً هواه لاحصل له على الكيـف=تعرض النسناس مـع كـل فـاري
ونقل الحـرار وهدهـا بالاطانيـف=امـا ضحـى ولا وروك الظهـاري
وليا كفخ حل العصيـر الطهيريـف=ربـداً مطيرهـا الرفيـق المبـاري
اوقف وتبعهـن طويـل الاطاريـف=حراً على بعـد المطاليـب ضـاري
الصافي اللي حاز حلو التواصيـف=لّحـاق عـزّام الحبـاري اجبـاري
واليا انزعج ظاقتبهـن المحاريـف=وتزبنن قـوع الشجـر والمـذاري
ومن عقب ماهن للعزامة مواليـف=قاموا عليهـن يظربـون البـواري
ومضواه في بيتاً كما نايف القيـف=في صفح نزواً عايفتهـا الـذواري
اليا شيدوه اللي لبنيـه معاسيـف=وحطوا مشب النار بيـن القـواري
ناراً حطبهـا يشتـرى بالتجازيـف=عمـال ماتلحـق عليـه اللـواري
نـاراً يصاليـهـا دلالاً مهـاديـف=صهباً وصلوا النار فيهـن مـواري
صهباً عليها الجور مامنه تخفيـف=زاماً لهـا ليلـي وزامـاً نهـاري
صفراً خنين بهارهن من ورى الليف=يطرد عماس اللي من البعد سـاري
اليا درجوهن وادرجـن العجاريـف=وكل أفلجً بفعـول طيـره يمـاري
اقفن هواجيس الظمايـر مناكيـف=والطير عن راعيه شال الطـواري
مع ظف اخو نورة بعيد الاشاويـف=شيخاً بوسع الخلق مالـه مجـاري
ولاني بفاخـر وتفاخـر بتزييـف=الا..ولاالبس من ثيـاب العـواري
افخر بحكامن حموا نجـد بالسيـف=والشعب اشادوا مستواه الحظـاري
وافخر بقرب اللي بعيداً عن الحيف=شيخـاً بعدلـه بيننلـه شــواري
ومدحه ماهوب خراط ولاتواهيـف=عن عرف والكـاذب لعلـه نيـاري
عبد الله بن عون الرويس
ياهل الطيور اللي تصيد الثلاثـي=تحطيمكم لاكبر عدد مثل الاظغاث
لو تجمعـون ذكورهـم والاناثـي=اكبر عدد ماحطمه غيـر عبّـاث
النادر اللي فـي الهـدد مايثاثـي=لا فرّعه راعيـه ماهـوب لثـاث
عباث في زرق الغلب يوم عاثـي=كنه عديماً له على الهوش حثاث
ادلى بربداً فـي غلبهـن بغاثـي=للريش من كفه على الروض بثّاث
وألّحق ثمانية العشـر بالمعاثـي=واضحى له التفضيل بالفعل ميراث
عذناه بالرحمن مشفـي الغلاثـي=عن كل شيطاناً للأسبـاب نفـاث
طير الكريم اللي جنابـه دماثـي=من حل فيه اسقاه ديماً وهثهـاث
مهب لحلوحـاً حشـاطً حثاثـي=اخير مايثمر بحرمـل وجثجـاث
شيخاً بصكات السنيـن العباثـي=أحيا قديم امجاد قومـاً بالأجـداث
عسايّ ما استعرض عليه الميراثي=آمين..ياحـيً للأمـوات بـعّـاث
اليا قيل منهو قلت مدري واعاثي=نايف ملاذ اللي له الوقت غثّـاث
المستغيث اليا التجـا واستغاثـي=عنده يغاث وخير اساميه غيّـاث
عبد الله بن عون الرويس
(رد على سعد العريفي)
تناجيت مع ليل الشقى وانتحـى مسـراي=اطالع شعـاع النـور وازريـت اقربلـه
يبى الما وعيا لايطـول الطويـل رشـاي=وهريس المضامي كود يسقـى ويجذبلـه
خطايطاً لفتني من سعد كـدرت ممشـاي=مواريدهـا مـن يمـة الغـرب والقبلـة
مواريدها مـن واحـداً شافقـاً مـا داي=عسى الله يجازي بالنشب مـن تسببلـه
شكالي وانا قلبي صخيفـاً مـع الشكـاي=وقصاني عسـى الله بالشبـب مايشببلـه
شكالي من الفرقـى وبـادرت بمواسـاي=؟؟؟؟؟؟ واحـل المشكـلـة واتطببـلـه
لو ان الفرج والحل ماهوب فـي مخبـاي=ابعطيـه تعـب حـق العنـوة وبتعبلـه
ابمشي مع الماشي وبعدي مـع العـداي=وعسى قومتـي تثمـر لاجيـت ابطلبلـه
وبركض مع الرجلي وبشعب مع المطـاي=وذلولاً لغيـر العانيـة ويـش تشعبلـه
وتقبلت موضوعه ومديـت لـه يمنـاي=وبنصابها اللـي قاسـي العلـم يجذبلـه
وبطلب له الرخصة والاعفاء والاستثنـاي=وبقول مجروح الهـوى ويـش يعذبلـه
تشاينت عذري قبل اجرب سمين اريـاي=وبختـار للوقـت المناسـب وارتبـلـه
وبعد ماصبحت شكواك في حوزتي وحماي=سحبها المراسل مثـل ماتسحـب الدبلـه
وانا ماقبل الهدنه بعد ماحمـي مشـواي=ولا ارخص لغيري لين اغدّيـه واحلبلـه
بعد مازهم رعادهـا فـي سمـا دنيـاي=وتهامالها الـودان ليـن انبـت الربلـه
وغدى لم سالم وسط ريضانهـا نونـاي=وشـذى وردهـا فـي كـل دارً يهربلـه
وانا في سعد ماسمع من السامي والحكاي=ولاحط الحواجز فـي طريقـة واعرقبلـه
عبد الله بن عون الرويس
مايستريح البال والقلـب مارتـاح=والروح ماترتـاح داخـل بدنهـا
يابداح أشوف العود جاء فيه لولاح=والحال ينقص عامل الوقت منهـا
الرجل يصقل كنه السيف ابـولاح=وماطال يمه مـن يديـنً خَبَنهـا
(يمدح فيها سطام بن عون الرويس الله يرحمه)
ياهل الجيوب الساريـة دوروا لـي=خطاً يوقف بي علـى بيـت سطـام
ماوالله استانـس اذا ضـاق جولـي=الا اليا جالـه علـى النـار همهـام
اليا قام نجره يزعج الصوت حولـي=واحيا السمر بألحاق الابرام الابـرام
لـو هـو يذكرنـي قديـم الفعولـي=اللي غدت مثل الهـذاري والاحـلام
فعول الرجال اللي تشيـل الحمولـي=نطّاحت الكايـد مفاريـس الاخصـام
وليا ذكرت افعـال هـاك الزحولـي=ربعاً تقافت دونهـم جـرد الاعـوام
اخـذ شـوي مغيبـن فـي ذهولـي=يعرض لي الماضي كما عرض الافلام
بأطياف ذكرى في خيالـي تجولـي=تطوفبي بيـن الحقايـق والاوهـام
دنيـاً تـزول وماعليهـا يـزولـي=الباقي الله وأفضـل الخلـق مـادام
ياحيـف ياتفريقـهـا للشمـولـي=تنشـر بيارقهـا علـى كـل مقـدام
وتاطا كبار الجـاه وطـي النعولـي=لين القضا فيهـم غرسنابـه السـام
هـذي منازلهـم خلـيـاً تهـولـي=ترثالهـا فـي هـاك الايـام الايـام
بلاقعـاً شهـبً خلـيـاً محـولـي=تبنيبها هـوج الدواليـب الاسـوام
عقب الجهام وعقب هـاك النزولـي=تقـول محـدن حـل فيهـا ولاقـام
طرفي بدمعه يـوم اجيهـا همولـي=تقـرب محاظيبـي ولانـي بمـلام
اذكر طربها قبـل عشريـن حولـي=قـدام تزلـف هـاك الايـام قــدام
ولو صرت من غارات سلمى زعولي=اللي علـي العقـل تنفيـذ الاحكـام
واعـزي الخاطـر بربعـاً بقـولـي=هم نور عيني في غطاليس الاظـلام
لـولا الاسـود معقبيـن الشبولـي=عندي تغلّق مصـدر الانـس بلحـام
لاجيتهم عقب البطـى يسّـروا لـي=توسيع بال وضيـع الهـم الاكـرام
عبد الله بن عون الرويس
مراسله بين عبد الله بن عون الرويس ..و..غازي بن عون الرويس
هلا باللي نعش روحي بصوتـه=وهو شوفه غذا روحـي وقوتـه
تفرقنـا واحسبـنـه نسـانـي=وصدت بي وقوتي عـن وقوتـه
وبعـد ماكـان مندثـراً هوانـا=زهم واحيا غرامي عقب موتـه
وهذي عادة(ن) في كـل وافـي=فرص حبل المواصـل ماتفوتـه
وانا قبله عن العشـق متراجـع=مهب عياف خوف(ن) من شموته
وهو صار السبب في رجعتي له=نده قلبي وجاوب لـه صموتـه
لاجل عينيك يامشعـل غرامـي=رهيـن الحـب ومعمـر بيوتـه
مادامك رافعاً صـرح الصداقـه=فـانا حق(ن) علي ادعم ثبوتـه
واعمـر لـك مقاصيـر بقلبـي=واغطيهـا بعـش العنكبـوتـه
عبـــــــــــــــدالله ....
رد غازي...
يعيش اللي بعد طول سكوتـه=عبر فوق المحيـط بجيلبوتـه
جمع ماسـه ومرجانـه ودره=وغير ماحصله غيـر حوتـه
ومن حاول يجاري صيد فكـره=يبي يحفي على دربه سبوتـه
جزا الله خير من هيج غرامـه=بدعوى العشق طرش له كروته
وخـلاه يتغـزل فـي جزالـه=وياصف لوعته باوراق نوتـه
بيوت(ن) ذوقها لسامع احلـى=من السكر ومن تمـر النبوتـه
ونظم الصعب منها عنده اسهل=نخزه للقلم من جيـب كوتـه
نبي ياخو سعد نسمـع ونقـرا=غدرايق(ن) من العام مغموتـه
محيط الشعر ينقص لاهجرتـه=ولو زرته غمر موجه خبوتـه
غــــــــــــــازي ...
رد عبد الله ..
لقيت الشعر ماتضعف بتوتـه=مع اللي فاهم(ن) متره وفوته
الا يا ليت كلن مثـل غـازي=يريح البال يوم اسمع بيوتـه
اليا حاول يجاري له قريحـه=مشت له طوع ماهيب معفوته
ودرّت له قوافيهـا البخيلـه=اليا رام البحر ريّـم خفوتـه
ورى بعض العرب شعره مغثّه=تشوته عنـك ولا ماتشوتـه
لو انه موتر(ن) جاك متحادي=تناضح فوق هوباته زيوتـه
مـاركـت وارد عـــراوي=طمع راعيه ثم جارا فروتـه
الا ياليت للشعـر اشتشـاري=يصونه قبل يفدعبه طفوتـه
متى ماشاف له قطاع ساقـه=يفك الناس من عصده ولوته
عبـــــــــــــد الله ...
رد غازي..
بيوت(ن) قلتهـا عـدة بيوتـه=بهـا كـل المذاخيـر محتوتـه
هقيت اني حكمت وصار حكمي=من خمسيـن ابوزيـد وبلوتـه
وهقيت اني بدعت وصار بدعه=بيار بالصفا الصـم مخروتـه
عيون الشعر شامت لبونايـف=كما شامت لبن سعدون نوتـه
اله فن(ن) فريد مفارق(ن) لـه=الي جامـع(ن) ثومـه وتوتـه
هذاك اللي جت مـع القريحـه=سرى فوق اللحن يظرب طشوته
وشعره حادر(ن) له بطن وادي=مثل عمايـت الرفـل معموتـه
سوات اللي يحاول فـي دواهـا=ويعمـي عينهـا بالعنزروتـه
غازي بن دخيل الله الرويس
انا غرب واللي خاطري ينتحيلـه شـرق=بعيداً وطن مظنون عيني عـن اوطانـي
حصل في غروب الشمس بيني وبينه فرق=عسى الله يقرب دار مـن حبـه اشقانـي
اليا جا لذيذ النوم يسرق عيونـي سـرق=ذكرته بعيـد وعافـت النـوم الاعيانـي
الا يالله انـك لاتجـازي حمـام الـورق=وراه يتلاحـى بالطـرب ليـن يشعانـي
قام يتلاحـى وشعانـي بحلـو الطـرق=ومن الولف اظنه جاين الـورق ماجانـي
من اربع سنين ومهجة الروح فيها حرق=نتيجـة نـدب عينـاً سهمهـا تمثنانـي
وساع العيون الساحريـة طعنهـن زرق=لها نظرةً مـن صابتـه طـاح وجعانـي
سقا الله اليا قام يتكاشـف علـي البـرق=وانا اشوف زولة بيـن ربعـي وخلانـي
تفتح لعيني يوم اشوفه وسـاع الطـرق=وانا قبل اشوفة مثـل يعقـوب عميانـي
تهشم نظيرة من هميل الدمـوع الـزرق=وعمي لين جابوله قميص ابنـه الثانـي
عبد الله بن عون الرويس
ياروح روحي مهجة الروح تفـداك=راحت على مركب غرامك وساقـه
واليوم لك غيبات ماعـاد شفنـاك=عقب التقارب صار شوفك شفاقـه
ويش اللذي دلهك عنـي ونسـاك=هاك السوالـف والعلـوم الدقاقـه
ماهوب حق تقطع عشرة من أغلاك=الحق تجويـد الصداقـة صداقـة
هاجوس قلبي مايخلينـي انسـاك=اذكرك في نومي على كـل فاقـه
عبد الله بن عون الرويس
ا
لبارحة جفني عن النـوم مذهـول=طيـب المنـام ولذتـه ماحصللـي
اليا شتل عيني عن النـوم شاتـول=أخذت مع هاجـوس قلبـي تسلّـي
وليا عذل عيني عن السهر عـاذول=قلـت السهـر ياعاذلـي جايزنلّـي
مادام الي قلباً من الحـب مدهـول=ما اشوف في كثر العذل صالحنلـي
اتركني اتبع راحـت البـال واقـول=من ماتصور واحضـره هاجسنلّـي
خل القلم يكتب من القيـل معسـول=ابيع واشـري فيـه واخـذ وخلّـي
اخذ من اول صفوة الجيـل مزلـول=واترك حثال الجيـل عنّـي يولّـي
عسى يعالج خاطـراً فيـه نشبـول=من ضيقته ضاق الفضـا والمحلّـي
كان العزيز يصيـح للحـب مذلـول=فانـا الذليـل ولاحـداً ذلّ ذلّــي
دايم وجيبي بـزرق الدمـع مبلـول=وحالي نحيلاً من الهوى مستخلّـي
حالاً براه الهجر حـولاً ورى حـول=ياللي يتـوق لهجرالاحبـاب حلّـي
طفلاً طغى ماله بسوق الهـوى دول=بحلى صفات المحصنـات متحلّـي
راعي هدب عيناً بلا كحل مكحـول=والبدر كنّه فـي الجبيـن متجلّـي
ما احرزت اجيه ولايجي منه مرسول=بينـي وبينـه واحـداً واقفنـلـي
عليه قلبي بيـن الاظـلاع متلـول=ودايم وهـو للبـال قبلـة مصلّـي
عبد الله بن عون الرويس
عند فقدان الطير ...
ياسعود كان انك تهدد علـى النـوح=تعـال انـا ويّــاك ننـعـا هنـيّـا
تعال انا ويـاك ناخـذ عـن الـروح=عطنـي وانـا بعطيـك ممـا تهيّـا
صبري وصبرك عقب فرّاج مشحـوح=ماعـاد فيهـا يـا البناخـي كنـيّـا
ون كان صوتك شح والصوت مبحبوح=خـل انهتانـك بالخفـايـا خفـيّـا
اون واتبـع ونـة الصـدر بفحـوح=ولافرّجة مـن ضيقـت البـال شيّـا
ياطيري الليا ابـرق الريـش ذابـوح=مبعد على راس راعيه صبح وعشيّـا
تعرضّه يـوم اظلـم اليـل سامـوح=وعليـه ماسيـت الفجيعـه مسـيّـا
جيته علـى جثـة احبـاراه مذبـوح=وامسـت همومـي داهيتنـي دهيّـا
و اصبحت انا عن نقلة الطير مصفوح=ماعاد اللي فـي نقـل غيـره شهيّـا
ماراح جعلـه مايعـود علـى اللـوح=ولا عسـاه اليـا رجـع مـا يحيّـا
ليت النقيصه في الرواقي ومجـروح=وفـي كـل كابـوداً سـواة الحديّـا
وليته غدا وارجيه مع كـل طـاروح=فـي المقبلـه يمـلابـه الله يـديّـا
لو هو غدا ياسعود ماحسـفّ الـروح=بـس الحسوفـه ميتتـه هاالسويّـا
وفرّاج مشروهه علـى كـل ممـدوح=ياخـذ قضـاه اللـي براسـه حميّـا
عبد الله بن عون الرويس
ياطير يامقلوع وين الله أغـداك=أنا بنيّـة وانـت غـادي بنيّـة
اليوم ياغادي الجدى وين ابلقاك=لاصار كـل نحيّـةً لـك نحيّـه
ياكثر ماني مجهد النفس لرضاك=ومذلل(ن) لك وحدةً مـن يديّـه
ابي مثل هدتك في الواد ابو راك=نمشي تحت فيّتك نصف أضحويّه
يوم أنت في هدتك حنيّت يمنـاك=نهار يهديـك العطـاوي عليّـه
اللي شراك ولا تغالى بمشـراك=نعمين بالمهديّ ونعـم الهديـه
عبد الله بن عون الرويس
المرثية في طلال الرشيد رحمه الله
واعينـي اللـي ماتهنـت بهمـلاج=عن نومها ازعجها البيـان المفاجـي
وامسيت في صدري من الوجد وهاج=ومما دها عزمـي تكـدر مزاجـي
لاواطلال اللي عليـه القضـاء راج=واقفى عن الدنيا طليـق الحجاجـي
فيه الحسايف عقبـت فـي سوهـاج=والاالقضاءمالـي عليـه احتجاجـي
مرحوم ياللي لك بالامجـاد منهـاج=الصافي الشهم السمـاح الهجاجـي
عسى مقـرك ياسنـد كـل محتـاج=في جيرة اللي من هل النار ناجـي
الصبـر ياشمـر مفاتيـح الافـراج=عند الفراق اللـي شرابـه هماجـي
الله يجبـر كسركـم عقـب هـداج=ريف الضعيف اللي يجيه متلاجـي
والكسر مايجبر ليا جـاء بالامهـاج=وجرح النيـه مالقـي لـه علاجـي
ياضلع اجاء تدعيك ابانات وسـواج=وسلمى تحثـك يمهـن بالرواجـي
تبي تواسي بالعـزء ذيـك الابـراج=وتزعج عبايرهـا بذيـك الهباجـي
ولو سبلت بدموعهـا ازراجً ازراج=تعذر ليا ناحـت سـراج الدياجـي
ياليت لاخذ الثـار فالشيـخ مـدراج=كان انتخي وانخى فهود الزراجـي
ويفاجي اهل الجلـف والنورمانبـاج=جمع يفرقهم وهـم فـى المحاجـي
جمعٍ يجيله فوقهـم عـرك وعـلاج=لين تغذى ذيك الصحاري عجاجـي
تاخذ سنـة والذيـب فيهـا ليـا داج=زاده رخـاء مايلتفـت للنعـاجـي
يالحايلي كنك على الشيـخ مخـلاج=خذني معك يسند خلاجـك خلاجـي
لو البكاء نوع من انـواع الازعـاج=ويزيد من نبش الجـروح اللواجـي
وقدامنـا سعـدون للدمـع زعـاج=ولاردة الدمعـه عقـاب العواجـي
عبد الله بن عون الرويس
ياملّ عيـنٍ يعـلّ الجيـب ذارفهـا=اربع وعشرين ساعه تهجل اهجالي
والنوم يا دحيـم عايفتـه وعايفهـا=دارت سنتها على سِهْـر وتملاّلـي
مدري على النوم عيني وش مكلّفها=للسِهْر في نونها ممسـى ومقيالـي
واللي جعل نوم عيني مـا يوالفهـا=واهج لهيب الغرام اللي برى حالي
واحالي اللي طهوم الشوق ناحفهـا=مابـاقٍ الاّ عظـامٍ جسمهـا بالـي
عليك ياللي غلاك الـروح متلفهـا=ياللي محلّك بوسط القلـب نزّالـي
غلاك نفسي عن الخفرات صارفها=لو يجمعن لي من اولهن الى التالي
لك سيرةٍ بالمحبّه ما اقـدر اخلفهـا=لو هي سبايب سهر عيني وغربالي
الاّ رجا ساعةٍ ما اقضي حسايفهـا=والاّ على السنّه السمحـا تهيّالـي
رجعت للسالفه واحييـت سالفهـا=اللي يقولونها في ماض الاجيالـي
اللي سبب موت ضيف جديع ماقفها=حيث ان ذبّاح ضيف جديع يبرى لي
قصيده في راشد بن مكتوم
لـى ذوق والعالـم كذالـك لهـا ذوق=وذوقى عن اللى مـا يجـوز إمتناعـى
وإليا لقيـت بضاعـةٌ ترفـع السـوق=فى مشتراها أبـذل جميـع المساعـى
ولا بعد سيست لـى سـاس طـاروق=ألا علـى الجـال العـزاز الرفاعـى
وفالاتجاة اللـى جذبنـى لـه الشـوق=ركـزت ثاقـب نظرتـى وإطـلاعـى
من عام هجسى يتجـه شـرق ويتـوق=مثـل النـداوى يـوم يدعيـه داعــى
وبعد وردنى داعـى الشيـخ مسيـوق=نكسب شرف تنفيـذ الامـر المطاعـى
وأصير أنا السابـق ولا نيـب مسبـوق=من نجد والمنصـى وزيـر الدفاعـى
فالديـرة اللـى شانهـا شامـخٌ فـوق=فى ظـل حاكمهـا طويـل الذراعـى
الشيخ زايـد جـارة الله مـن العـوق=اللـى دقـم عنهـا سنـون الافـاعـى
أسس دعايمهـا علـى متـن شاهـوق=وحافظ عليهـا عـن جيـاع السباعـى
لين أصبحت تزهـا فلانظـار وتشـوق=وتأخـذ همـوم اللـى بعينـه يراعـى
خـلا صحاريهـا بساتيـن وعــذوق=فالصـف الاول فالمجـال الـزراعـى
وأرجع لوصف دبى عن عـد مأثـوق=يعـدلـه عــدٌ يـشـد إستـمـاعـى
يقـول فيهـا رونـق العـز مرمـوق=بأمـان ومـن المفتـرق والجمـاعـى
مكتـوم بجهـودة تسامابـهـا فــوق=بسيـرٍ حثيـثٍ مـا وراه إنقطـاعـى
والشيخ أبو راشد حضنها عـن البـوق=وبين الدول وضـح صداهـا الاذاعـى
ويوم اهتمامه صار فى جيدهـا طـوق=تميـزت فـى مجتمعـهـا السبـاعـى
مثل الهنوف اللى لهـا القـد ممشـوق=اللـى نسبهـا يشتـرا مــا يبـاعـى
درت خليـج مـا سلبـهـا بمفـتـوق=لامجاد أهلهـا فـى سماهـا شعاعـى
وحنـا نصيناهـا بمفتـاح صـنـدوق=صدرٍ لاهلها بـه ر حـب وإتساعـي
حب الوفا لاهل الوفـا ساقنـى سـوق=غيـر الوفـا والقـدر مالـي دواعـي
الأ عزيمـه باسـم برقـا وإسـم روق=ونبـا نكـررهـا نـهـار الـوداعـى
من شان تأخذ فـى هذاليـل ساحـوق=أيـام بيـن جبـال نـجـد المقـاعـى
لجا على أعـلا نجـد رعـاد وبـروق=والسيل ضاقـت بـه بطـون التلاعـى
ومعك أشقرٍ جبر العضا مابـه دقـوق=قرناس ريشه مثـل ريـش المراعـى
مطروحٍٍ أول نزلـت الطيـر بسبـوق=يعجبـك وجهـه لا خذيـت القناعـى
اليا صفى وجهه على الطلـع بصـدوق=وجـه الشجـاع اللـي بحقـه يداعـي
يرهى على برقـا الجناحيـن بلحـوق=ليا شافها فاعـت علـى البعـد فاعـى
وتدوج ومضّحاك فـى جـال مشقـوق=ومضواك فى بيت الشعـر والشراعـى
فى خايعٍ بيـت الشعـر فيـه مطقـوق=يبنونـه اللـى ينهضـون الربـاعـى
ويعرض عليك أصناف من خيرت النوق=وضـحٍ مراثمهـا عليهـا الرقـاعـى
وضـحٍ لنـا فيهـا ملـذات وطـروق=معها نجوب فجـوج نجـد الوساعـى
فيها أوضحٍ من طلعت سهيـل مطلـوق=أمـا علـى الاثنـاى و الا ربـاعـى
عليان من عليان فيـه أصـل وعمـوق=مثل الذهب ما يلحـق أصلـه نزاعـى
وان كان جازت لك فلا عنـك مفهـوق=حيث أنهـا مـا غيـر عبـر ومتاعـى
واللى لهـم مثلـك مواجيـب وحقـوق=مـا هيـب غاديـتٍ علينـا ضياعـى
يالشاعر اللى لـك بالامثـال غـدروق=طرايـفٍ مثـل الــدوا للوجـاعـى
ما حاورت بيتٍ من الكتـب مسـروق=جوعـا الهزالـه بالجزالـه شبـاعـى
وبينك وبين الطيـب ميثـاق وعمـوق=أمـا قرابـت جــد ولا رضـاعـي
وسلم ودم ما شعشـع النـور بشـروق=ويـدوم عـزك ياحمـيـد المسـاعـي
عبد الله بن عون الرويس
يا راعي الغـر العـذاب المباهيـش=رش الكبود اليابسـه عـن عطشهـا
دنق علي وطمن الـراس بشويـش=واحي العـروق الذابلـه وانتعشهـا
حبك ينهش ثومـة القلـب تنهيـش=نهش الحنيش لعرش رجـل نهشهـا
واهل الهواء في سجن غيك دروايش=وقلوبهـم وجلانـه مـن دهشـهـا
من ذاق من خمر السوالف بخاشيش=يبطـي وروحـه معتلقهـا بلشهـا
ولا تستمع في هل الحكا والوشاويش=نـاسٍ انقيلـي النامـيـم دبشـهـا
يا خشف يم ذار واوحـي شوابيـش=بدواً طلوع الشمـس ذاره وغشهـا
والعين عين اللي جسر عقب توحيش=اميـر بيتـي الحـرار اوحشـهـا
طرح الشبك ما قبلـوه الطواريـش=ولا قرنسوه اهل العشش في اعششها
وحش وجاي من بعيـد المناطيـش=عوق الخريش اللي طياره خرشهـا
لا قام ياخذ من طرق ريشها ريـش=واليـا قضـا لعبـه عليهـا لكشهـا
جابوه من عين الشمـال الهماميـش=ابرك لهادي طرشـة قـد طرشهـا
جابوه لمثمـن طويـل المطاريـش=شيخ قوانيـن العـرب مـا دغشهـا
محمد عشير منقضـات العكاريـش=نجل العيـون اللـي مـلاح بهشهـا
ومهـدي للـي براسـه نغامـيـش=لا شوشت حيات الارض وحنشهـا
محمـد مقابـل قاصـده بالتباهيـش=وملفي الرجال اللي جميله غطشهـا
ودايـم وبيتـه مدهـل للمداغيـش=وكم روح معسور بجـوده نعشهـا
لا يبعد نـاس تكبـر علـى ويـش=لاشافت الناصـي تلـوت خششهـا
لو يملكون ارقام الامـوال حتيـش=در الحمـاره دوب يكـي جحشهـا
وروس الضبا ماذكر فيها عراميـش=لو هي على الزيله كبـار شوشهـا
عبد الله بن عون الرويس
الله مـن قلـب رمـع فيـه رمـاع=واخلف يمومه عن طريـق التسانيـع
هجس رمع ماله عن القلـب فـراع=عليـه غاراتـه تـشـن المفـازيـع
يشـري بقلبـي كـل ليـلاً ويبتـاع=وله الجـوارح خضعـات مطاويـع
مركز غرامه بين محنـي الاضـلاع=لانامـوا العربـان سـواء مشاريـع
أسبـاب ورقٍ بالتغاريـد سـجـاع=ورقٍ على هاك الغصـون المهانيـع
ياورق كف اغناك مال الطـرب داع=ياشين مالـك فـي عذابـي منافيـع
ان شفت من قلبه جـزوع ومـولاع=علـى النياحـه لاتوريـه تشجـيـع
هوليه يوم تروجع الصوت ورجـاع=قصدك تزيـد مولـع القلـب توليـع
اسهرت عينـي والمخاليـق هجـاع=وذكرتنـي خـل بعيـد المرابـيـع
راعي جديلاً فوق متنه الـى انـداع=كأنه شليـل اللـي تتـل المصاريـع
لا جاء نهاراً فيـه صائـح وفـزاع=والخيل باطراف الجهامـه شواريـع
يوم مثل يوم الرحاء عجـه امـزاع=نهار اخو نوضـاء يفـك المجاميـع
مخلي سروج الخيل من كل صعصاع=عقايـره سـرد الرمـك والمداريـع
يدلـي بهنـدي للارقـاب قـضـاع=في روس ضده غـادي لـه لعاليـع
كم شيخ قـوم دقبـه روبـة القـاع=خلي عشى لذيـاب نجـد المجاويـع
سيـف شقيـر يامـره قلـب وذراع=ضربه يطوع مخطي الدرب تطويـع
يـوم علـى ضـده مخائيلـه اتبـاع=نهار يفـرق شملهـم عقـب تجميـع
غيمه عجاج الخيل غـاره ومرجـاع=وشمسه بواريق السيـوف اللواميـع
يشيب منه اللي على الديـد رضـاع=بيني وبينه يهـرف الذئـب ويريـع
عنه اتحراء العلم مـع كـل ذعـذاع=انشـد ولا عينـت للعلـم تسنـيـع
اتلاء العهد به يـوم مظهورهـم زاع=جلع ضعنهم طلعت الشمـس تجليـع
بدواً يبـون بشرقـي النفـد مربـاع=ولهم على أطراف الصداوي مراميع
راحو بعد حوا على الكبـد مرقـاع=وعسالهم من عقب الاقفـاء مراجيـع
لاحف زملـوق الطواليـع وانصـاع=واقفاء خضار النبت حتى الطواليـع
والأرض صفرأ عودها والثراء ضاع=واستبدلت عقب الخضـار البلاقيـع
وجونا تباريهـم زعازيـع الاقطـاع=كأنـه يقلطهـم عقـيـد الطمامـيـع
اقفاء الربيع وعودوا للشفـاء ريـاع=لعلـو نجـد اللـي هبوبـه ذعاذيـع
لامن نبت الصيـف جالـه تمريـاع=وضفاء على هاك العبـال المصاليـع
اللي طويل أعدودها عشـرة أبـواع=وقذالهـا مثـل الطيـور المواقـيـع
يزميبها طافـح سرابـه إلـى مـاع=كانه من القصيديـر ياخـذ تلاميـع
دار بها تركـي ومحسـن وهـزاع=مـن بهـا مـال الثلاثـة مناجـيـع
ما كفـت البـره وجزعـا وجـزاع=واجنب جنوب إلى القهب والمجاضيع
ولهم على منثـورة العـرق مرمـاع=هاك النفود اللـي عضاهـا مهانيـع
اضني أضرب للغضى درب الاسناع=واشوف زوله عقب صـد وتمانيـع
ومن غير شوف العين ما نيب طماع=إذا حصل لو هـو سـلام وتوديـع
عبد الله بن نايف بن عون الرويس العتيبي
ختــــاماً ... ارجو ان يكون موضوع ضمن المواضيع
الخفيفه على المنتدى ...الاعضاء ... والزوار
وارجو ان تكون قصائد الشاعر ...
جميله وفي الصوره الممتازه ...في صفحات المنتدى ..
الله يعطيكم العافيه ...
اخوكم / ضاوي الرويس ,,:) :) :)