خوال رسول الله !!!!!!!!! اقرب اقرب

[خالد المقاطي]

الطيب كايد مار ياهونه على الحر الابي = يومن بعض الناس يقبسها وناره طافيه
اللحيه اللي ماتقدرني وانا امس اشنبي = وقت الله الله ياربع تسفي عليه السافيه

[رجا بن فهيد الهاجري]

مبدع ياكعام المعادي

ننتظر رد الشاعر

[دريد ابن الصمة]

الطيب كايد مار ياهونه على الحر الابي
يومن بعض الناس يقبسها وناره طافيه


الطيب كايد مار ياهونه على الحر الابي
يومن بعض الناس يقبسها وناره طافيه


الله .. الله ..

كعام ..

مبدع دائماً ...

متابعين للاستفاده ..

وصح لسان الشاعر المقابل مقدماً ..

[خالد المقاطي]

تداول


يسعدلي مرورك افخر به دائما

.........

دريد بن الصمــه


والله مروركــ هو الابداع

التام ولنا الفخر بمتابعكــ


ياعملاق

[قف امامك عتيبي]

مشكورررررررررر اخوي ولا هنت
1
1
1
1
1
1
اخوكم:سعود الدغيلبي

[خوال الرسول]

الطيب طبعي وارثه من عهد جداني وابي=
يومن بعض الناس حاقد من علومٍ خافيـه=
تحشم لحا بعض الرجال وبعضها لا وتهبي=
من بعد ماشربت زلال تقول ماهي صافيه=

[خالد المقاطي]

الليل حملك ياجمل والله لتبرك وتحبي = ياعيب ياشعرً يحكمه غير وزن وقافيه
مابين ضلعان الحجاز اليا الخليج اليعربي = واحد ويهرج بالفعول ودوم رجله حافيه

[خوال الرسول]

الليل ليلك ياجمل ماواجهك غير الظبي=
ضاع الضبي مابين نفي الا ولا النافيه=
ياحجاز ضلعانك تربا في هواها اطهر نبي=
ولا انت يابحر الخليج اكبر محل للمافيه=

[خالد المقاطي]

البارحه طاح الجمل ونحط بكموم العبي = يومك تسرحها بدون حوار للمشرافيه
الفرق واضح للذكي والا الغبي يبقى غبي = والحر تكفيه الاشاره والاشاره كافيه

[خوال الرسول]

البارحه سقنا العرب حتى سبيناهم سبي=
ورجَالهم من زود خوفه ملتحف بالحافيه=
الفرق واضح للشيوخ اللي يقهويها صبي=
تشرب فناجيل المصايب بالسيوف الشافيه=

[خالد المقاطي]

بالهون عدك من غباك البارحه متغثربي = ماشلت غير الهزل مابين الرجال الوافيه
الحمد لله والشكر والف الصلاة على النبي = والشيخ انا ماجت بعاريه ولا بسلافيه

[خوال الرسول]

النبي سرت واستلم

[خالد المقاطي]

ههههههه

اتقول : كل شي جايز

بس انا قلت الصلاة على النبي وانت قلت تربي النبي


(( حجه غير ثابته ))


حضر شهود ؟؟ اكمل اكمل بس

والرائي للمشاهد

[خوال الرسول]

البارحه بعض العرب خليتها تدبي دبي=
ماكنها الا رشفه الماء من طرف مغرافيه=
الفرق واضح بين شيخ البشت وشيوخ الِعبِي=
كعام يرمي فالبواخر والبواخر طافيه=

[خوال الرسول]

الصلاه على النبي ((( اللهم صل وسلم عليك يارسول الله )))

وانا قلت اطهر نبي


الحكم للجمهور

[خالد المقاطي]

الهرج في وقت السعه ماهو مناي ومطلبي = واليوم مثل البارحه ترتاح بالاسعافيه
لو نضرب الراس الصغير ازعل كبار المنسبي = اكبر خطا نرجي رماح وقوس من ندافيه

[خالد المقاطي]

والله واضحه لاكن مدري علامكــ

وضوح الشمس وانا ابصم

واحطها بذمتي انها ماسرت

وتبانا نغيرها غيرنها المخرج ملي

الليل الليل

[خوال الرسول]

يالموتر اللي متجه امن الرياض اليا دبي=
بنشرت واحذر ياولد مادم ماش اخلافيه=
كعام هددنا ولا ياعين نامي واطربي=
والله ليبطي ماوصلنا وابشري بالعافيه=

[خالد المقاطي]

الموتر البطران يمشي ثم وصل لبو ظبي = والدنه ام الزيت راحت بيسر المصيافيه
ياشيب عينك من كعام اخزاك خزي الاجنبي = بيحت سدك .. والوعد في تالي المحرافيه

[خوال الرسول]

كعام لامنه بلش يحوص حوص الارنبي=
يابلشت الارنب نتفها صقرنا النتافيه=
عز الله انك ماتهنا في طعام ومشربي=
الين ترفع رايتك يابو ايدين انحافيه=

[خالد المقاطي]

عز الله ان الطق بالميت حرام ويذنبي = يالله تسامحنى على ضرب النفوس الهافيه
من فوق صمات الجبال اثني على راس ركبي = والا انت ريح وانخدم واختر عباتً دافيه

[خوال الرسول]

عزالله انك في ايديني مير مابه مهربي=
انا لعبت امع الوسط وانته مع الاطرافيه=
الشوط الاول فزت انا والشوط الاخر يلعبي=
للحين متقدم عليك وجبت خمس اهدافيه=

[خالد المقاطي]

الصف الاخر انت وانا الصف الاول مرتبي = والضرب في كل الجهات بحدت الارهافيه
انته تقوله والمقاطي فوق عرش المنصبي = لاماتزح زح.. واهرجو يازمره الصحافيه

[خوال الرسول]

المركز الاول لنا غصب ورضا ياصويحبي=
والصوره اللي في المجله نزلوها اغلافيه=
لا لا تزحزح يالمقاطي وانتبه لا تسحبي=
من فوق عرش الحب والبرسيم والاعلافيه=

[خالد المقاطي]

المركز الاول لك الله مثلكم مايقربي = الفرق واضح ياملكنا معك يالقذافيه
ابك المقاطي واطيً من فوق راس العقربي = والحب والبرسيم لك مع قنفذً متعافيه

[خوال الرسول]

بعض البطون من الغبينه جوفها متقلبي=
تراك في عهد الملك مهوب بعهد اشرافيه=
ياشمس لا لا تشرقي ياشمس لالا تغربي=
حتى نصفي ياعرب مجموعة الاحلافيه=

[خالد المقاطي]

بنشدك مكه من حكمها ياخبيث المنكبي = ارتح تحت ضلي وخل العين دايم غافيه
راس الظبي مابه عراش ولا يجيه المخلبي = والله ماتنسى ليلتك هذي ولاتنشافيه

[خوال الرسول]

مكه حكمها واحدٍ مذاهبه من مذهبي=
يالشيعي اللي تدعي دعواك هذي جافيه=
احذر تورط دولتك وانته ماتدري وشتبي=
الرقم سري وانتبه لا تخرب الصرافيه=

[خالد المقاطي]

من بعد هذي ياقليل العرف ريح واندبي = سلطان بن الدين جدي مالكم جغرافيه
اللي سواتك لاغرابه في قصيره ينكبي= ياصفوت الاكراد جاك السيف والسيافيه

[خوال الرسول]

اخذ الخبر مني وانا ماجيت أألف واكذبي=
روح ادرس التاريخ والمركب وله مجدافيه=
توك صغير ماتفرق بين F وبين B=
ولا قريت السوره اللي باديه باايلافيه=

[خالد المقاطي]

اهم شي f B ههههههه

صــ ح السانكـــ

ام عاد ماقريت التاريخ :)

..................

اشكر جميــ ع من مر

[خوال الرسول]

ههههههههههههه

معليش اسهرناك

والوعد فالليالي المقبله


واكرمكم الله

انتهت الحفله ياجماهير (( مسوي نفسه حبيب))


سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك

[خالد المقاطي]

هههههههه

حق حق وواجب

والوعد على قولتك في مقبلات الليالي

عسانا نشوفك فالمنتدى :)

[الكريـزي]

يارياجيل


الله لا يهينكم ابي احد يساعدني


ابي واحد يحط ايميله ويساعدني

[شوباش]

وووات؟؟؟؟؟؟؟؟

[منوخ القيفان]

كــــــــــعام المعااادي الف مليون صح اللسانك
خوااال الرسول بيض الله وجهك ماقصرت ابداع
من شعااااار كباااار ويعطيكم العافيه
تقبلوا تحيااااااااااتي
اخوكم

[احمد الملاح]

صح لسان الشعار وما قصرتوا وابشر يا الكريزي

amam.1414@hotmail.com

[يوسف عبيد]

صح لسانك وبيض الله وجهك

[راع السويدا]

الخيره فيما اختاره الله

[خالد العصيمي]

بيض الله وجيهكم ياشعار عزالله انها محاوره قمه

دمتم للأبداع



تحيااااااااااااااااتي

[_الثبيتي_]

الله الله صح لسانك يا كعام ويا خوال الرسول
محاوره رائعه والقاف ارووع
,, تقبل صادق التحيات
\
\ \
محمـــد البـــــــراق

[خالد المقاطي]

الثبيتي

لاهنت على المرور الطيب