ممدوح الروقي
04-Sep-2007, 12:45 AM
قال الذيابـي بالكـلام الصدوقـي سمرا منيفـه واق عالـي حجاهـا
وانا لبدع القـاف قلبـي عشوقـي اتابـع القيفـان واعـرف بناهـا
الدمع من عيني على عر موقي وأخفيت مابيـن الضمائـر مناهـا
متى الخبر ياتـي بهـرج يلوقـي ينقش عن الكبـد الطنيـه طناهـا
من عندكـم يامقحميـن العروقـي ياكاسره بالكـون شوكـة إعداهـا
يابريك قم وكفيت من كـل عوقـي واشفـق لعيـن نومهـا ماهناهـا
حيثك فهيـم وبالسوالـف طلوقـي والـدار تعرفهـا ولابـك غواهـا
واركب على الي ماشقت من رهوقي جدعيـة قطـع الفيافـي منـاهـا
مفتولة الاكـواع حمـرا حموقـي من ساس هجنن عارفيـن غياهـا
وقم السدس مازلمت مـن فتوقـي ولادارها الجمـال يفتـح جماهـا
وامحيلـه ماضربوهـا الحموقـي ايضـاً ولاعمـر الحويـر تلاهـا
وفلا الوبر حمرا حزيلـه سبوقـي ماهـي خضيـب قريـب مداهـا
ليا حثها الراكـب تمشـي حقوقـي لولا قرابيـص الرسـن ماثناهـا
والعين منها مثل عيـن السروقـي تنتف عوارض لحيتـه ماحماهـا
مرباعها من خشم لاهـه وفوقـي ترعى نفانيف الزهر مـن غذاهـا
جاين عليـه مـن الثريـا دفوقـي مزنن تدفـق ليـن سيـل فضاهـا
انسف عليهـا كورهـا والعلوقـي وبديرة يبري الضما عنـك ماهـا
كم مر من عمان وقـت الشروقـي صبحي خامس ضلع سلمى قفاهـا
اسبق مـن الـي طلقولـه سبوقـي ليلة ثمـان ليـال ناصـل مناهـا
ملفاك شيخ شيخ من قيـل روقـي شيخ الشيـوخ الـي بعيـد مداهـا
عقب السلام وعقب هـرج يلوقـي بحروف يمشون الجماعـه علاهـا
سجا وشرمـه يـم دور الحقوقـي الله ينسى ((ياعمر )) مـن نساهـا
شرمه كما بنـت سلبهـا شلوقـي الله لايقطـع رجـا مـن رجاهـا
سجـا كمـا عـود بكبـده فلوقـي يرجي الفرج من رب عالي سماهـا
الديـره اللـي ماتبيـع بسـوقـي بسيوف روق يـوم جـدك ولاهـا
الآد روق الهـم قـديـم وفـوقـي سلايط تكسـر صلايـب إعداهـا
أهل مهار سـرد واحمـاة نوقـي نـار توقـد مايبـطـل سنـاهـا
واهل بيوت في الليـال الحروقـي للضيف والجيـران سيـل نداهـا
واهل سيوف ضربهـا بالعنوقـي بدوان نجد الي ربـوا فـي قراهـا
يتلون حـر بالمخالـب صفوقـي سرب الحباري منه ينثـر دماهـا
عسالهـم عـز وحــظ يفـوقـ يوترثة (محصن) دوم يكثر نماهـا
ان كان بن عـون عليهـم شفوقـي وبرقا عليمه بالخطـا مـن قداهـا
لوكـان فرسـان ولاهـم دنوقـي اظيوفهـم دايـم تكـرم لحـاهـا
ياما حلا بالكـون قطـع الحلوقـي والجرب عندك (يابوماجد) دواهـا
مزحم وطلحـه للملاقـى تشوقـي مزجم ذرا طلحه وطلحـه ذراهـا
والخيل تقـدا والظعايـن تسوقـي برويس طلـق بالمـوازر نساهـا
مـوازر بالكـون مثـل البروقـي امـا تـوال الليـل ولاضحـاهـا
تلقى النشاما فـي سناهـا تتوقـي والارض تاقى ماوقع مـن سماهـا
شبع الغراب وكـل نـدرا علوقـي وكلاب يسمـع بالمعـاره عواهـا
والصبر ماهو عيب يـالاد روقـي العيب من ينسى الرجـال وعياهـا
مادام اخو نـوره بعينـه رموقـي الشـاه تقـوى ذيبهـا ماقـواهـا
وانا لبدع القـاف قلبـي عشوقـي اتابـع القيفـان واعـرف بناهـا
الدمع من عيني على عر موقي وأخفيت مابيـن الضمائـر مناهـا
متى الخبر ياتـي بهـرج يلوقـي ينقش عن الكبـد الطنيـه طناهـا
من عندكـم يامقحميـن العروقـي ياكاسره بالكـون شوكـة إعداهـا
يابريك قم وكفيت من كـل عوقـي واشفـق لعيـن نومهـا ماهناهـا
حيثك فهيـم وبالسوالـف طلوقـي والـدار تعرفهـا ولابـك غواهـا
واركب على الي ماشقت من رهوقي جدعيـة قطـع الفيافـي منـاهـا
مفتولة الاكـواع حمـرا حموقـي من ساس هجنن عارفيـن غياهـا
وقم السدس مازلمت مـن فتوقـي ولادارها الجمـال يفتـح جماهـا
وامحيلـه ماضربوهـا الحموقـي ايضـاً ولاعمـر الحويـر تلاهـا
وفلا الوبر حمرا حزيلـه سبوقـي ماهـي خضيـب قريـب مداهـا
ليا حثها الراكـب تمشـي حقوقـي لولا قرابيـص الرسـن ماثناهـا
والعين منها مثل عيـن السروقـي تنتف عوارض لحيتـه ماحماهـا
مرباعها من خشم لاهـه وفوقـي ترعى نفانيف الزهر مـن غذاهـا
جاين عليـه مـن الثريـا دفوقـي مزنن تدفـق ليـن سيـل فضاهـا
انسف عليهـا كورهـا والعلوقـي وبديرة يبري الضما عنـك ماهـا
كم مر من عمان وقـت الشروقـي صبحي خامس ضلع سلمى قفاهـا
اسبق مـن الـي طلقولـه سبوقـي ليلة ثمـان ليـال ناصـل مناهـا
ملفاك شيخ شيخ من قيـل روقـي شيخ الشيـوخ الـي بعيـد مداهـا
عقب السلام وعقب هـرج يلوقـي بحروف يمشون الجماعـه علاهـا
سجا وشرمـه يـم دور الحقوقـي الله ينسى ((ياعمر )) مـن نساهـا
شرمه كما بنـت سلبهـا شلوقـي الله لايقطـع رجـا مـن رجاهـا
سجـا كمـا عـود بكبـده فلوقـي يرجي الفرج من رب عالي سماهـا
الديـره اللـي ماتبيـع بسـوقـي بسيوف روق يـوم جـدك ولاهـا
الآد روق الهـم قـديـم وفـوقـي سلايط تكسـر صلايـب إعداهـا
أهل مهار سـرد واحمـاة نوقـي نـار توقـد مايبـطـل سنـاهـا
واهل بيوت في الليـال الحروقـي للضيف والجيـران سيـل نداهـا
واهل سيوف ضربهـا بالعنوقـي بدوان نجد الي ربـوا فـي قراهـا
يتلون حـر بالمخالـب صفوقـي سرب الحباري منه ينثـر دماهـا
عسالهـم عـز وحــظ يفـوقـ يوترثة (محصن) دوم يكثر نماهـا
ان كان بن عـون عليهـم شفوقـي وبرقا عليمه بالخطـا مـن قداهـا
لوكـان فرسـان ولاهـم دنوقـي اظيوفهـم دايـم تكـرم لحـاهـا
ياما حلا بالكـون قطـع الحلوقـي والجرب عندك (يابوماجد) دواهـا
مزحم وطلحـه للملاقـى تشوقـي مزجم ذرا طلحه وطلحـه ذراهـا
والخيل تقـدا والظعايـن تسوقـي برويس طلـق بالمـوازر نساهـا
مـوازر بالكـون مثـل البروقـي امـا تـوال الليـل ولاضحـاهـا
تلقى النشاما فـي سناهـا تتوقـي والارض تاقى ماوقع مـن سماهـا
شبع الغراب وكـل نـدرا علوقـي وكلاب يسمـع بالمعـاره عواهـا
والصبر ماهو عيب يـالاد روقـي العيب من ينسى الرجـال وعياهـا
مادام اخو نـوره بعينـه رموقـي الشـاه تقـوى ذيبهـا ماقـواهـا