على وضح النقا

[سند العتيبي]

على وضح النقا والنقا طبع ٍ للاجواد=سلام الله سلام ن سوات اللول والماس
واثر بعض العرب ضايقٍ صدره ولافاد=اشوفه جالس يلاعب الشرد مع الناس

[الشبـــح]

أخوي سند يشرفني اللعب معك ..

انتظرني دقيقه ..

[الشبـــح]

الله الله


هلا يامرحبا ريح بن(ن) فوقه اقناد = في دله شيخ دايم على الطالات نوماس

اخذ زادك وانا فالسفر مااكب لي زاد = وغن القاف غنه ليا هب الك نسناس

[سند العتيبي]

يدوم الك البقا يا الشبح والعلم ميراد=على جمٍ بعيدٍ عناله كل غطاس
وابا انشد صاحبي عن حوير جاه منقاد=اعرف ان الشبح ما يبيع اللول بنحاس

[دريد ابن الصمة]

سند العتيبي ..


اعجاابي بك ليس له حد .. انت تملك الكثير ونحن بانتظاره..


الشبح ..


صح لسانك .. شاعر قدير .. وننتظر الامتاع ..


سجلوني متابع ..

[الشبـــح]

ابى اعطيك الزوايا وتدرس كل الابعاد = ترى التاجر ليا ضاع ماله غير الافلاس
ترى قبل الوعد ياطويل العمر ميعاد = تعشيته عسى مايجيك اليوم من باس !!

[الشبـــح]

دريد ابن الصمه ..
هلا هلا ..
طلتك تكفي .. صح بدنك ..

[سند العتيبي]

دريد ما عليك زوود


ومرحبابك

[سند العتيبي]

ابى اعطيك الزوايا وتدرس كل الابعاد = ترى التاجر ليا ضاع ماله غير الافلاس
ترى قبل الوعد ياطويل العمر ميعاد = تعشيته عسى مايجيك اليوم من باس !!


ههههه ونعم


انا مع شرد الريم مطنوخٍ وصياد=وتاجر للذهب والذهب يحتاج مقياس
تعشيته؟! وهو توّ يالبيطار ماجاد=اشوفه معك وسط الجزيره صار عساس

[الشبـــح]

ماعلاك زود الله الله





وانا ماتبع هوى الريم لو القلب قصاد = ولي مع شارب البنّ يابن الناس مجلاس

تكب الشجره اللي عليها الشووك يزداد!! = وغضن الشوك تكفيه ضربة هيّف الفاس

[سند العتيبي]

تخالف سنة محمد اللي مرسل بصاد=وتتبع عادة الجهل والدنيا على ساس
بلشنا في رديّد وعوّد عاد رداد=تشاركتو ثنينه بشربة صافي الكاس

[سند العتيبي]

استاذي الشبح



اشكرك على الدقايق الممتعه

والاستفادة


صح لسانك مقدما


والخاتمة عندك

[الشبـــح]

..
اخوي وعزيزي ..
سند ..
صح بدنك .. واستمتعت باللعب معك ..
يالغالي ..
..
وبيض الله وجهك ..