لعيون فلاح الهاجري ( الهواوي )

[سند العتيبي]

محاولة قديمه


البطا سقم لقلوبٍ تحب التواصل=ليه تقطع وصالك (هب) يا ذا القطوعي
دايمٍ (فالجزيرة) يقطع البث فاصل=وانت فاصلك طوّل يا غريب الطبوعي
إذكر أيامنا اللي تستثير العواذل=مع طريق ا-معروف ولا مشينا قطوعي
يوم كانت محبه بين شيخٍ وجادل=والغرام ا-متنوع فيه نوعٍ ونوعي
الحقيقه ذبحني يوم شفته تمايل=صار حلم الخفوق اللي بسد الضلوعي
رحت يم الطويل وصرت اناجي واجادل=مرقبٍ ما يجيب ولا خلق به سموعي
فالنهايه نزلت وقلت اباغزي واقاتل=واذبح العود ابوها ثم اخوها واتوعي
وانبزه فوق متني حاجلٍ فوق حاجل=ينتهي عقبها المشكل واعده قلوعي
والتفت ولقيت السالفه حلم جاهل=ماعشق ما هوى ما صار شوق الفروعي
وش فروع؟اووش اللي قلت يا اهل المراجل=كذب شاعر يا كذبه!! يوم عصر الربوعي
يوم خّيل مع الغربي ثعوله تهامل=ركّبه بيت بيت وجاب علمٍ يروعي
اعجبه برق نوٍ في صدوق المخايل=يوم زمجر رعدها بطل من الطلوعي
صك بابه وصبّ الحبر فوق الوسايل=مثل دم الغزال اللي شرودٍ جزوعي
قام ينظم حروفه واثره اقشر وصامل=يحسب ان الهوى وسط الخيال الطموعي
فالختام اسمحولي ياجموع القبايل=لازم انا نصلي عد حج الجموعي
حق لمحمد المرسل ولاني بقايل=غير حقٍ نقوله كل حزة خشوعي


ايام كنت مفترس

ههه

[فلاح الهاجري]

مشاء الله عليك تبي الصراحه اعجبتني ولك مستقبل كبير انشاء الله وتقبل تحيت اخوك فلاح انا ترى شدتني قصيدتك الاولى وقلت هذا وراه شي كبير والختام الله يوفقك

[فلاح الهاجري]

بيض الله وجهك وانا انتضر جديدك

[سند العتيبي]

ابيض وجه


خمس دقايق وتقرى جديده