راع العلطا .. مطلوب .. مطلوب..

[دريد ابن الصمة]

الغالي راع العلطا ..

ان كنت موجود .. ودنا معك بمحراف والهدف منه

الاستفاده منك ..



ولا يا راعي العلطا بعد ما غبت فوق اسبوع = ترى غيبتك عنا يا وسيع العرف محسوبه

تهرج مع بني عمك وصوت الصايبه مسموع = وراع الحجه اللي ثابته يسري بمطلوبه

[ابو لمار]

الله الله الله يادريد
صح لسانك 0 0 0 بدعه كايفه

في انتظار راع العلطا
متااااااااااابع للفائده
؛؛؛
؛؛
؛
تحياااااااااااااتي لكما

[عايض بن زوير]

دريد ابن الصمة ،، نعم ..نعم

أما كذا

ولا

فلا

صح لسانك على البدعة الغير وفي إنتظار

راع العلطا..وصح لسانه مقدما


؛؛؛؛

؛؛؛

؛؛
؛
مقاطي الحجاز

[دريد ابن الصمة]

ابو لمار ..


صح بدنك .. وتواجدك ومتابعتك شرف لنا ..


مقاطي الحجاز ..


صح بدنك .. وشهادتك وسام افخر به .. وتواجدك شرف لنا ..

[مساعد العضياني]

صح السانك
تحياتي

[راع العلطا]

يا مرحبا يا دريد
و الفايده بلا شك لي طال عمرك
و المعذره على التأخير



الا يا دريد دام ان المعاني مانع وممنوع=انا اشوف الليالي يا السنافي صارت اعجوبه
سوالفنا القديمة صارت اعسر من محبّ الكوع=ليا مني بغيت اميح دلوي قيل مجذوبه

[دريد ابن الصمة]

حياك الله يا راع العلطا ..

ومن جا ما ابطا وانا اخوك .. واستلم ..


ترى عمر البنادم في حياته كلها قرطوع = وكم من واحداً يمشي وفتق الوقت في ثوبه


على هونك على هونك ترى سبع الخلا مسبوع = وانا اضنك تشوف الناس هاليومين منكوبه

[دريد ابن الصمة]

مساعد العضياني ..

صح بدنك ..

ويشرفنا متابعتك..

[خالد المقاطي]

ياسلام ياسلام متابع


بصمت للفائده

[دريد ابن الصمة]

يا سلام عليك ..

وعلى مرورك ..

وعلى متابعتك الجميله..

شرفنا تواجدك يا كعام ..

[راع العلطا]

الا يا دريد ظام الوقت شخصً قبل ميت جوع=وانا مانيب مثل اللي مع العّريف لعبوبه
نطلت الحبل مار الحبل اشوفه جالنا مربوع=و انا ماريد راعي سلعهً فـ السوق مضروبه

[راع العلطا]

ابو لمار


يشرفنا وجودك ونورت المتصفح



مقاطي الحجاز


صح بدنك ويا هلا ومرحبا ولا هنت



مساعد العضياني


يا مرحبا ولا هنت على المرور


كعام المعادي



الفايده وجودك طال عمرك

[دريد ابن الصمة]

وانا طوعت وقتي غصب لين انه مشا لي طوع = ولا لي نيةً مع مبعدين الشوح مقلوبه

وترى جدري لك الله عن قصير المرجله مرفوع =نحته يوم جار الوقت من صخر القسا طوبه

[خالد المقاطي]

نطلت الحبل مار الحبل اشوفه جالنا مربـوع
و انا ماريد راعي سلعهً فـالسوق مضروبه




الله الله ياراعي العلطا

لعبه عمالقه والله اني صادق

....................

وترى جدري لك الله عن قصير المرجله مرفوع
نحته يوم جار الوقت من صخر القسـا طوبـه


الله الله يادريد

هذا والله اللعب ماعلي من الكلام

ابداع واصلو وازهلو الصفوف متابع

إلى آخر حرف

[دريد ابن الصمة]

كعام ..


متابعتك .. واشادتك .. هي الابداع ..


وصفنا يا ثنين يفخر بتواجدك ..

[راع العلطا]

االا يا دريد فكر فـ لقضايا وماجرى مسموع=الا وش خانه الرجال لامن ضاع ماجوبه
انا مشقر عصاي وعادتي ماني ضعيف ضلوع=اهد ابها الجبال الشامخه وبيوت منصوبه

[راع العلطا]

ارحب يا كعاااام وجودك هو الابداع واانا اخوك

[دريد ابن الصمة]

ترى راساً بدون متون لو طال الزمن مجبوع = كلاماً كل عاقل يالسنافي يلتفت صوبه

وترى درب الشكاله والمراجل والوفا متبوع = لكن المشكله نص القلوب اليوم مرعوبه

[راع العلطا]

ليا منه صفالك كل زيزوم وطويل البوع=يبن الك الذهب وتشوف وش يصفي ومنسوبه
انا اقول الزمان يخلص الطامع من المطموع=عسى سود الليالي يا دريد تغير اسلوبه

[دريد ابن الصمة]

ترى حبل الرجا ماهو من اهل الصافيه مقطوع = والا يالي خلقت العبد عبدك واغفر ذنوبه

ترا مابه طمايع والليالي حقها مدفوع = من اللي يدمح الزله من اللي ينفخ ذروبه


وشرفني اللعب مع شااعر بحجمك ..


وعلى الخير نلتقي ..

ولك الرد .. وتقبل تحياتي ..

[خالد المقاطي]

الله الله


امتعتونا والله استفدنا الكثر

اامل ان نراكم بأستمرار

بالعمالقه فالكم المليون

[دريد ابن الصمة]

كعام المعادي ..


والله ان الفخر والشرف لنا


بمتابعة شاعر مثلك..


نتابعه ونستفيد منه باستمرار ..


والمليوت لا تطريه ..


وفالك السعد يالقرم ..

[قف امامك عتيبي]

مشكورررررررررر اخوي ولا هنت
1
1
1
1
1
1
اخوكم:سعود الدغيلبي

[راع العلطا]

دريد بن الصمه
صح بدنك وصح لسانك و الشرف لي طال عمرك و نلتقي على خير



كعام المعادي


مرحبا ومسهلا و تواجدك نوماس و مافيك حيله يا المقاطي



قف امامك عتيبي



مرحبا ومسهلا يا سعود ومشكور على المرور