[ للحبوس ] من عتيبه فقط...............

[أبو عتبـــ511]

السلام عليكم ورحمه الله وبركاته




ربعي عتيبه ماتهاب الاخطار لاثارت الهيجا وقربه ضديده

ونا حبسي لاقداح نار في نار بحر غزير ينغرق في بحوره

كبيرنا يلقى معزه ومقدار وصغيرنا تنخاه وتفقد شعوره



الباقي انشاء بكره....

[الامير حريبيش]

الحبوس من الطفحه من النفعه من برقا من عتيبه
وهم من اقوي قبايل عتيبه علي الاطلاق في عصرهم حتي وصل امرهم ان الشريف ما يجي مكانه شريف الا برضا الحبوس
يقول احد الشعراء قديما
اشوف غشا الديره عسام """"""""""""""""كن في الديره حبوس
وكانو اهل طغيان وتجبر وكانو قومن جبارين بما تعنيه هذه الكلمه
ويقال ان من اسباب انقراضهم انهم ذبحو ثلاثين من بالحارث وادفنوهم في مراغة البل ويوم اسالوهم الحرث اجحدو قتل الرجال تكبر وطغيان
وطلبو منهم الحرث الحلف واحلفو <بقولهم يمين لزميه تقطع المال والذريه انا ماذبحنا رجالكم>وكانت من اسباب انقراضهم والله اعلم يقول سالم بن شذيان من الحبوس من الطفحه وكان من شعرائهم وشجعانهم المشهورين في احد معاركهم:
سمعت لجت حينا يابنيان """""""""""وعديت نفر وقطعتني ضروسه
جونا يبون المال حرّث وبقمان""""""""" والجمع الآخر ماعرفنا جنوسه
دويس يقول اليوم ماعاد لي شان""""""" يدوسهم جعل العمى مايدوسه
الي ان قال """"""""""""" والمال من دونه تثنو حبوسه <يلاحظ من القصيده انهم هزمو ثلاث قبايل في غزوه واحده وهذا نتيجة قوتهم>
ويقول احد شجعانهم كذلك
يقوا الحبس انا ظليت بادي"""""""""""وراء الانشار بادي بالطويله
عبيت الها من البارود زادي""""""""""""ودرج في سحاكلها نشيله
ابها حزتن يوم الهجادي""""""""""""""""نهار اللاش مايوشي الفتيله
وسلامتكم

[عـتـيـبـي والـهـوا ضـــدة]

http://www.up07.com/up6/uploads/d0823ec7b0.gif (http://www.up07.com/up6)



http://www.up07.com/up6/uploads/7904f8b724.gif (http://www.up07.com/up6)

[النايع]

ونعم والله


اشوف غشا الديره عسام = كن في الديره حبوس

يالله صباح خير

والعشيرة اللي كذا ودك ان الله يكثرها.

تحياتي

[فيصل القثامي]

ونعم .. والله فالحبوس ..
ولاهنت .. يالامير .. حريبيش
على .. هذه النبذه البسيطة
ولاهنت .. يبوعتب .. تقبل
فائق .. الود . والتقدير

[***ابن سعدون***]

ومليون نعم في الحبوس

اقتباس من الأمير حريبيش:

من شعرائهم وشجعانهم المشهورين في احد معاركهم:
سمعت لجت حينا يابنيان=وعديت نفر وقطعتني ضروسه
جونا يبون المال حرّث وبقمان=والجمع الآخر ماعرفنا جنوسه
دويس يقول اليوم ماعاد لي شان=يدوسهم جعل العمى مايدوسه

الأمير حريبيش هل كانوا الحبوس مختلطين مع الجعدة لأن هذه المعركة حضروها الجعدة ومنهم الفارس دويس المذكور في القصيدة وهو:

دويس بن عبدالله بن هذال بن حمادة بن غبيش بن زاير الجعيد العتيبي

وكان يسكن عرفا غبيش المعروفة بديار الجعدة

وهو والد شاعر الجعدة في عصرة سعدون بن دويس

وجد الفارس عايض بن سعدون بن دويس الذي توفي متأثرا بحمى العيص بعد رجوع غزو الجعدة من العيص مع جيش الشريف عام 1336هـ

وهو القائل:


الحمد لله فلاد جعيد وابري كني الذيب=على حواطية(ن) كن القصب غاش(ن) قراها
وانا غذاية وزادي من وحوش الصيد اشابيب=يومن ولد اللاش ينشي وهو ماقد رماها

وهو الذي عناه الشاعر الشلوي بقوله:


ياولد عرهب تولم فوق حرا=اشقر(ن) كن الشرارة في عيونه
نابين كوره سنامه ساع قرا=منوة اللي لا تمنوا يركبونه
وانص ابن سعدون سعد اللي يمرا=سعد اهل هجنن طوايا ينحرونه

وتقبلوا مروري,,,,,,,,,

[الامير حريبيش]

مرحبا يابن سعدون
الجعده كانو مختلطين مع الحبوس في شقصان والجعده والحبوس اخوان في الاصل هم ابناء علي بن طويفح بن نفيع
اما اشتراك الجعده في هذه المعركه فليس عندي عنها خبر الشي الاكيد
ان هذه القصيده للشاعر الحبسي ويقول في اخرها <والمال من دونه تثنو حبوسه>اما الفارس دويس فهو من فرسان الجعده الابطال ولا هي غريبه عنه هذه المواقف وعلي فكره مشكور علي ديوان تركي عزالله انه جزل وماهي غريبه عليه من بيت شعر وفروسيه

[الامير حريبيش]

الاخوان الاعزاء انا رويت هذا البيت
اشوف غشا الديره عسام """""""""""""كن في الديـره حبـوس
ولكن روايته الصحيحه هي
العشيه علي الديره عسام""""""""""""""""كن في الديره حبوس
ولقد صححت البيت احترام للشعر والتاريخ بعد ان اخبرني احد الشياب بروايته الصحيحه وسلامتكم

[***ابن سعدون***]

ابن العم العزيز الأمير حريبيش

بيض الله وجهك

علومك دايم غانمة


وبخصوص البيت:

دويس يقول اليوم ماعاد لي شان **** يدوسهم جعل العمى ما يدوسـه

البيت كما كان يرويه شياب الحمادات رحمهم الله:

دويس اللي قال ماعاد لي شان **** يدوسهم جعل البلى ما يدوسـه

وفي روايتهم ان قائل القصيدة جعيد وان الكون على الجعدة وخصوصا الحمادات على راس دويس اللا اذا كانوا الأولين يعتبرون الحبوس جعدة فهذا شي وارد

ولم اسمع في روايتهم هذا الشطر "والمال من دونه تثنوا حبوسه" وان صح وجوده فقد تكون كلمة حبوسه بمعنى حبس المال عن الغزاه والذود عنه والله اعلم.


وتقبل تحياتي ياولد حماي التليه,,,,,,,,

[***ابن سعدون***]

ابن العم ابو عتبـ511


ياليت تكتب نبذة عن قبيلة الحبوس وبعض اشعارهم وتذكر خوامسهم وشيخهم وهل لهم نزايع في الأمارات حيث ان هناك قبيلة بنفس المسمى


وتقبل تحياتي,,,,,,,,,,,

[جليل 1377]

إضافة
سمعت أبي - رحمه الله _ يقول كان الشاعر الحبسي نائما على سطح لنا في قريتنا في وادي صلا قال وفي هجيع من الليل سمع صوت البنادق وقال في نفسه (والله انهم بني عمنا الجعدة عادين عليهم بالحارث فحمل بندقيته وسار في اتجاههم عبر شعب نفر ولما وصلهم شارك في القتال
وقال:-
سمعت لجلاج العرب يابنيان """""""""""""""وعطيت نفر وقطعني ضروسه
جونا على الحدان حرث بقمان """"""""""""" والحي الا خر ما عرفنا جنوسه
جونا يبون طفالنا ياسليمان """"""""""""""" والمال من دونه تثنت حبوسه
خاتم يباريهم وختام عجلان """""""""""""""" بمسلب قطع اللحم عند روسه
ودويس اللي قال ما عاد لي شان"""""""""""يدوسهم عسى البلاء مايدوسه
___________
وكان قد حدث خلاف بين خاتم وختام ودويس من جهة وقبيلتهم من جهة وقال الثلاثة لا نعد عدتكم ولا نهد هدتكم يعني لا يشاركونهم في قتال ضد أي قبيلة أخرى ولما عدا الحرث والبقوم وأخذوا حلال الجعدة جاءت امرأة من الجعدة لبني عمها (الثلاثة ) وخلعت حجابها وقالت القوم أخذوا حلال عيال عمكم وأنتم جالسين مثل الحريم فأخذتهم الحمية واندفع الثلاثة مع قبيلتهم وأعادوا الحلال

هذه إضافتي أرجو أن أكون قد اصبت