ساير مصيف في فيننا

[غازي غالب]

ساير هنيّا نشووفه مرحبا به في وطنا = وساير مواطن يراجع كل شهرين البطاقه


الظاهر انه قضا صيفه مصيف في فيننا = وفي تالي الليل يطلب نصر ربه في عراقه

[خالد المقاطي]

الله الله

يابناخي بدعه طيبه

مبدع دائمأ ..

وفي قائمه الانتظار

والصفوف دبل متلحق على الصف التالي :)

الليل الليل

[غازي غالب]

هلا هلا ياكعام ..


اسفرت وانورت ياخال ..


الصف يتشرف بك يالذيب ..


وصفنا بدون شك واحد ...



لاهنت

[ساير العتيبي]

دام البقا وانت شاعر فيه ميزه كان غنا = لكن وفر مشاريهك على ذيك الرفاقـه
صيًفت لكن بنجد ونجد منوة من تمنا = وادعي واصلي واصوم ولا تبعت اهل الحماقه

[غازي غالب]

وانته بعد غازي ٍ ياصاحبي غزوة مهنا = وجذع الشجر لاسقيته كثر المويه بساقه
ياساير افطن واظنك منت راضي لو زعلنا = البيت مايكتمل لاصار مفتوق ٍ رواقه

[ساير العتيبي]

ما فالمقابيل ياقبلان زود و زود منًا = واليا توانيت قل ساير تراه اليوم عاقـه
احدٍ تهنا بنومه و احد والله ماتهنا = والعالم الله عليمٍ بالجلاله والدقاقه

[ساير العتيبي]

يامرحبا ومسهلا ياكعام

حضورك شرف ونوماس

[خالد المقاطي]

ياساير افطن واظنك منت راضي لو زعلنا
البيت مايكتمل لاصـار مفتـوق ٍ رواقـه




ياساير افطن واظنك منت راضي لو زعلنا
البيت مايكتمل لاصـار مفتـوق ٍ رواقـه




ياساير افطن واظنك منت راضي لو زعلنا
البيت مايكتمل لاصـار مفتـوق ٍ رواقـه



...........



الله الله


يابناخي .. وساير

ابداع ابداع


واصلوووو واصلووووو


وازهلو الصفوف

[غازي غالب]

تسمع طبول الحرايب مير عجل لاتونا = وانته نعرفك تبا تاصل ولو مالك علاقه

اللي تهنا تعرفه ياعميلي ماشحنا = لكن غيره يحّزن خاطري لحظة فراقه

[غازي غالب]

كعام المعادي ..


ياحعلك تحيا اي والله ..


حي هالراس وهالطله ..


الصفووف عامره بتواجدك ياخالي ...



لاهنت لاهنت ...

[مرزوق حمدان العتيبي]

..
.
قبلان الجزاله والابداع
وساير التميز ...
صحت السنتكم .... على هالمحراف المشوّق...
واصلوا واصلوا .... والصفوف دبل
...

[غازي غالب]

الجزاله تعلمناها من مدرستك الشعريه ياجعلك تبطي حي يابو محمد ..


صح بدنك وحضوورك يشرفنا ..



لاهنت يابو محمد ...

[ساير العتيبي]

ارقا بروس الرجوم ولو بها ذياب عونًا = خصمي بلاقيه وانته خصمك المعروف لاقـه
علم فلان وفلان وقوم رد العلم عنا = الوضع ولع حريق وبيًن اليوم احتراقه

[ساير العتيبي]

يامرحبا يامرزوق

حضورك شرف ونوماس


وصح بدنك ولا عليك زوود

[غازي غالب]

وشلون الاقيه عان البرق والرعاد دنا = ولا تراها منوّل عند صاحبكم شفاقه

الوضع ياصلب جدي صار به شك ٍ وإنّا = والظاهر إنك تعرف اللي نسميها صداقه

[ساير العتيبي]

ياكم عدو نذله فالمواقف لاستونًا = لكن ليه المنافق قام يكثر في نفاقه
وشعيل للحمل شايل ماذكر في يوم حنا = والشك زايل لو ان الغرب يعلن باتفاقـه

[غازي غالب]

ساير بيض الله وجهك وصح لسانك يابن العم .. مبدع وشرفتني باللعب معك ومافيك حيله على قولهم .. لكن لاتقاطعنا خلنا نشووفك فالهيلا نفرح بمثلك وشروااك .. والنهايه عندك ...


قل للعصابه كفايه ياولد لا تمتحنا = والحد حدي وحدك لا تجينا في نطاقه
وشعيل بالقيد واعقاله على يده مثنا = والظاهر انه بعد مده نوى بالانطلاقه

[ساير العتيبي]

ووجهك ابيض ياقبلان صح لساانك ولا عليك زوود وان غبت عن المنتدى ماغبتوا عن البال



حنا على العز والنوماس مازلنا وكنًا = واللي يعادي عتيبه بشرًوه السم ذاقـه
وان كان سنيت رمح الحرب ياقبلان سنًا = الله يعجل بيومٍ للعدا فيه انزلاقه

[معجب العتيبي]

صح لسانكم

ابداع وكلام جميل

[أسامة العتيبي]

ابداع ابداع ابداع ابداع ابداع ابداع
الله يوفقك

[ساير العتيبي]

مرزوق العتيبي

سارح البال

اسامه العتيبي




الابداع تواجدكم ومتابعتكم وبيض الله وجهيكم

[قف امامك عتيبي]

مشكورررررررررر اخوي ولا هنت
1
1
1
1
1
1
اخوكم:سعود الدغيلبي