ضرورري جدا

[ولد الروقه]

السلام عليكم ورحمه الله وبركاته

يشباب يقولون انهم مانعين المخيمات

انا عندي سؤال

هل كل فخذ من قبيله عتيبه يسويله مخيم
الفكره ذي ماتعجبني لان فيها تفرقه

المفروض برقا ورق في مخيمات كبيره صوان
وادي بالافاده ياربعي الهيلا

[راس القوم]

والله من جد كلامك سليم

لازم تكون هناك صالة كبيرة تجمع عتيبه كلهم

على سبيل المثال مزاين قحطان كان هناك حضور كبير لبعض الامسيات

اما البعض كانت امسيات ميتة لان اكثرهم راح للمخيم فخذه

وياليت اللجنة تشوف حل

ومشكور على الموضوع

[ولد الروقه]

والله المزاين مهوب ماشن على خير مي الله يفرجها

[دريد ابن الصمه]

ابشركم خير ان مثل هذه التضاهره المتمثله في مزاين قبيلة عتيبه ليست جديده على القبيله فهم من كان يقيم ويستقبل وينظم ويحكم بين العرب وذالك متمثلا في سوق عكاظ والكل يعرف ذالك بس ابعدوا عنا التعصبات اللي ما منها الا التفرقه وان يد الله مع الجماعه تحياتي وتقديري لكل عتيبي مخلص

[الذيابي2007]

ولد الروقه مساك الله بالخير ............ المزاين قايم عليه رجال مفكرين يعملون خلف الكواليس بمتابعة دقيقه لعمل الجنه واقسامها تحت برنامج
مدروس ومتفق عليه من قبل .......................تحياتي

[صاطي]

المفروض ان الخيام اللي للقبايل تكون للراحه والنوم ووقت مايكون فيه

فعاليات عشان الناس ترتاج خاصه اللي يبي يقيمون اكثر من يوم

تكون حلوه جدا لكن اذا جت الفعاليات مانسامح احد وش قاعد يسوي

في مخيمه احضر مع الرياجيل وخل الخيام ماهي طايره اهم شي المخيم

الرئيسي لانه هو الواجه وافضل ان تكون للراحه

[راعي البويضاء]

السلام عليكم ورحمة الله وبركاته

من وجهة نظررررررري ان المخيمات فكررررتها حلوووووووة فهي تجمع شمل الفخذ في ظل القبيلة والي يدورر المشاكل والعنصريات راح يلقى لها دررررررررروب حتى لو في المخيم الرئيسي

وتررررررررى الريجيل اذا صار تفكيرهم في انجاح المزاين وكل واحد ما يبي الردى يجي من عند فخذه تررررررررى كل الامور جت على خير


في المعارك الاسلامية ضد الرده القائد والصحابي الشهير اعاد تشكيل جيشة ضد مسيلمة وحط لك قبيلة او فخذ لهم رائيه وبذلك دبت الحمية الدينية والجمية القبلية في نفس الوقت وانتصر انتصار ساحق على مسيلمة الكذاب




متى ما وضفت الافخاذ بشكل الصحيح ما راح تكون مشكلة بلا راح تكون داعمه لانجاح المزاين




وبالله التوفيق من قبل ومن بعد



اخوكم
راعي البويضاء

[ولد الروقه]

مشكوووورين على الاجابه وبيض الله وجيهك

المخيمات كالتاي مثلا

برقا
1-الشيابين
2-العصمه
3-النفعه
4-الدعاجين
5-الروسان
6-الجعده
7-المقطه


الروقه
1-ذي عطيه
2-المراشده
3-العضيان
4-الغبيات
5-الذيبه
6-الحفاه
7-الدلابحه
8-الحماميد
9-الكراشمه
مثلا كذا انا تركت بعض القبال على اساس ان هذا مثال
ومشكووورين

[الاد الكريزي]

اخوي ولد الروقه حياك الله وصدقت اللي قلته هو اللي مفروض يصير واتمنى ذللك ومشكور يابن العم

[ناصر الروقي]

راعي البويضا اخافك ذيبها يازايد

[ولد الروقه]

مشكووووووووووور

[دريد ابن الصمه]

اللهم اجمع شملهم والف بين قلوبهم يامن الفت بين العرب والعجم تحت كلمة لا اله الا الله وان محمد رسول الله اجب دعوتي يا مجيب الدعاء قولو امين