دريـــد بن الــصــمه لاهــنــت !!

[راع العلطا]

السلام عليكم ورحمة الله وبركاته
اسعد الله اوقاتكم بكل خير
دريد بن الصمه القصد الاستفاده منك اذا سمحت




يا دريد عطني و انا بعطيك من زين الهناديب=بيني وبينك نبى قود المعاني لا تغيبي
انا تخيرتكم يا شيخ من بدّ الواعيب=عساك يا صاحبي يا دريد للمطلب تجيبي

[بندر المرشدي]

اولاً: مساك الله بالخير

ثانيا: صح لسانك ياراع العلطا

[راع العلطا]

رد على اولاً : الله يمسيك بلنور :)

رد على ثانياً : صح بدنك ومشكور على المرور. :)

[دريد ابن الصمة]

الله يحييك يا راع العلطا
والله يسعد ايامك
واسمح لي والله توي داخل المنتدى
والاستفاده لي بالا شك
ويشرفني اللعب معك واستلم



يا مرحبا بك هلا مليون يا خير الاصاحيب = أنشط ليا قلتها مع راعي العلطا صحيبي
سقها على العز والنوماس والطالات والطيب = واطلب وما تشتهي تلقاه يالحر العريبي

[راع العلطا]

دريد الله يبقيك


ابك البقا يازبون الحرد ياراع المواجيب=نبا نسوق المعاني بين مطلوب وطليبي

يادريد انا اشوفلي دنيا على العاقل عواقيب=الحر يفهق وولد البوم في راس الجذيبي

[دريد ابن الصمة]

الله خلقنا بشر يا صاحبي ما نعلم الغيب = يا راعي الشرهه اللي ساقها حقاً مصيبي


دنياك هذي تراها يا فتى حظ وتجاريب = فيها لقيت الحصيني لابساً له جلد ذيبي

[عايض بن زوير]

راع العلطا0و0دريد ابن الصمة

صحت ألسنتكم جميع00 القاف يطرب والمعنى عميق

واصلوا ولو ان العاطفة تاخذني يم صف ابن الصمة

..أخوكم..

؛؛؛؛

؛؛؛

؛؛
؛
مقاطي الحجاز

[دريد ابن الصمة]

مقاطي الحجاز


تواجدك يشرفنا



صح بدنك يالغالي


والصف يزها بك يالقرم


وصفنا واحد

[خالد المقاطي]

الله الله

ابداااااع


العمالقــــه :: راعي العلطا .. دريد بن الصمــه

متابــ ع ووياكم يالثنين والصف وحاد بلا شكـــ


والصف يزهابي :)

[دريد ابن الصمة]

كعام المعادي



الشهاده لله ان الابداع



تواجدك يالمقاطي



وصفنا يا ثنين يفخر بك

[راع العلطا]

مادمها بيننا يا صاحبي تصفي المشاريب=لعل ضني بكم يا دريد دايم مايخيبي
الوقت دوار و العالم بدى ابها الشك والريب=و الدوله استعمروها ناس من رديّ النصيبي

[راع العلطا]

مقاطي الحجاز
هلا ومرحبا مرورك ومتابعتك طال عمرك وجودك نوماس في صفي ولا في صف دريد

كعام المعادي
ارحب ثم ارحب ومشكور على المرور وجودك فخر

[دريد ابن الصمة]

الذيب ما ينهش عضوده ليا شاف اللواهيب = وانا ادري انك قوي عزوم وتحل الصعيبي


يا ذيب شفتك مع اللي منزله عال المراقيب = ولقيت لك حق لكن شفت له حقاً غصيبي

[راع العلطا]

يادريد حقي لك الله ماتغطيه الجلاليب=وانا مجنب وذيبٍ صد يمي وش يبيبي

انجيت اجنب عن الموضوع تكسيني عذاريب=ياكيف اجنب وانا سيفي معايه والقضيبي

[دريد ابن الصمة]

يا شيخ حقك يبا يرضيك لا ترسل مناديب = وان صد خله يصد العلم لا لد الغريبي


الناس يا راعي العلطا لهم فن ومذاهيب = احداً صعد للجبل واحداً عما كت الشعيبي

[راع العلطا]

مارسلت لاحد ٍ يعاوني على حمل المشاعيب=اليا رميت الهدف ياصاحبي رميي يصيبي

ياذيب يلي تجر الصوت في روس الشغانيب=مارضى حساب البشر مادام لي ربي حسيبي

[دريد ابن الصمة]

يا طيب عينك ليا شفت الهدف لا والله تصيب = يا صاحبي راعي العلطا تزيد الطيب طيبي

القوم سد الشفا والنار تقدح بالمشاهيب = وانته لحالك تضد القوم بالرمي العطيبي

[راع العلطا]

دريد بن الصمه بيض الله وجهك على هالمحرف اللي بلا شك استفدة منه

والختام عندك وانااخوك..

لاهنت لاهنت طيبي طيبكم كالغيص والسّيب=مثلك سلاحي نهار الكون ننطحبه حريبي

مالي ومال الرخوم ولانبا كلاب المغاريب=وان جوهم القوم جروهم كماجر العسيبي

[دريد ابن الصمة]

راعي العلطا


وجهك ابيض يالقرم


وبدون شك الفائده لي


وختامها هات خشمك


ونلتقي على خير