هيبة الفريس

[اخصائي]

بسم الله الرحمن الرحيم



هذي القصيده مهداه الي الرائد/بدر صحن الغبيوي

الذي لم توفي حقه ويستاهل اكثرمن ذالك أبوسلطان





يابدر جاني منك بعض المراسيل

رسالة يابدر ثقلة عليه

جتني وانا يابدرمشغول بالحيل

وزادة علي مع القضيه قضيه

وابطيت ادور حل واحط واشيل

وازريت عنها يازبون الونيه

وسنتها يمك ولافيه تبديل

ترى الخوي يابدرفزعة خويه

انت الذي تقدر على الحمل وتشيل

حلال عسرات الامور القويه

صليب راس وقرم نادروحلحيل

لك فزعة منهاالفقارى غنيه

لاعمست الاريابروس الرياجيل

ينصونك العتبان في كل هيه

والاصبوا البن الخضرفي الفناجيل

ساقوا لك اول صبة الشاذليه

ولك منزل ثابت مع الجدي وسهيل

والطيب يجري في العروق النديه

ولك هيبة الفريس لاركبوا الخيل

ولك من صميم القلب مني تحيه


الشاعر/حمود عتيق العصيمي