من يحاورني ؟

[نازح البيد]

اطرف واحد

من يحاورني وابهديه البحر عرضه وطوله

ـــــــــــــــــــــــــــــــــــ مثل ما يهدي طويل العمر خطلان اليماني


جيت اباخذ لي مع اهل العرف والشعار جوله

ــــــــــــــــــــــــــــــــــــ والله الله من غزير الجم وجزال المعاني

[راع العلطا]

خلووووووووووها

[نازح البيد]

الليل الليل:)

[راع العلطا]

مرحبا بالشاعر اللي ساع جاء يشعب ذلوله=مرحبا في منتدى الهيلا مكرمت العواني

قدمك اللي قد خذى فالملعبه جوله وصوله=عارف ٍ رمز الحروف وفاهم ٍ رسم المباني

[راع العلطا]

الليل اشوفه غدى ليلين

[نازح البيد]

البقا والليله المعنى على لابه ودوله

ـــــــــــــــــــــــــــــــــــــــ خابر انك شاعر ٍ مطنوخ يا سهيل اليماني


فيه شاعر يحدّي الشعار مدري ويش هوله


ـــــــــــــــــــــــــــــــــــــ من سطر والا معه كبتن يلقّمه السماني

[راع العلطا]

قلت قافك ياوسيع المعرفه مثلك نقوله=انت كالمريخ ولا كوكب ٍمن شكل ثاني

استعدو للحون وكل عقده ومحلوله=لا تلف ايسار ولا يمين هرج ماغواني

[نازح البيد]

راعي العلطا ماشاء الله ماخذٍ دور البطوله

ــــــــــــــــــــــــــــــــــــــــــــ يوم فالصمان والا يوم حيله فالمحاني



مآر جا اللي ما يحسب له ولا تحصى فعلوله


ـــــــــــــــــــــــــــــــــــــ شاعر ٍ مثل الزلامي يوم غنى ليل داني

[راع العلطا]

شاعر ٍ غنى لحونه آه الا واكبر هوله=الزلامي من هل الردات وانته مشبهااني

نحتم الميقاف ولا مثلكم ماشيف زوله= المحاني خلها ولانت تاكل بيدجاني

[نازح البيد]

راعي العلطا من الميدان زايدة ٍ حموله

ــــــــــــــــــــــــــــــــــ يا حليلك يا حليلك يا زهور القحوياني



كيف تحكم وانت فالميقاف ماتقدر تطوله

ـــــــــــــــــــــــــــــــــ والله اني ما ارغب اللعبة مع خطو الهداني

[راع العلطا]

ابك انا لي وقفتٍ منها المعادين معلوله=انشد العراف عنا وانت ماعندك ضماني

مانلومك مانلومك عايش بحلم الطفوله= وكان تبغى سقتكم سوق ٍ كما سوق السواني

[راع العلطا]

الليل الليل

[نازح البيد]

هههههههههههههههههههههههههه


مرت وعدت على اللي يلقف اسرار الرجولة
بلوتك احمد الاه الكون فيها مابلاني


كان ماتعرف تحل اللغز ابى اعطيكم حلوله
مير ماينفع بك التعليم ياهطل الاذاني

[راع العلطا]

كب عنك اللغز يامسكين فاطرك معقوله= يردعونك بالمتون ويسحبونك بالمثاني

يارحول اصليب من ضرب القنا ماهي زعوله=حط في بطنك ثمان بذور مثل الديدحاني

[سيــف المعانـي]

مساء الخير جميعاًَ
راع العلطا ونازح البيد
.
.

نازح البيد شاعر ثقيل ومرحبا بك معنا
وانا متابع لهذه للاحداث هنا