الاداره::::::::::::و ابن جودان؛؛؛

[راع العلطا]

منتدى الربع مدري ياعرب وش علامه=عقب ماغاب ابن جودان جافيه خله

الله اكبر عليكم جاء الشلل في عظامه=من الاداره عليهم كل يومٍٍ اشكله

[سيــف المعانـي]

راع العلطا صباح الخير

والله ودنا نستمتع بالمحاورات الجزله ولاكن ما هاكذا تورد الابل
يعني اكثر من موضوع في وقت واحد اشوف انو لازم تهدي شوي حتى نستمتع معاكم ولك مني خالص الود والتقدير ياغالي
وصح لسانك على هذه الابيات الجزله

[عبدالعزيز بن جودان الرويس]

منتدى ربعي الهيلا رفيعٍ مقامه =وابن جودان حاظر دايمن في محله
انت لو تبتعد عن كل شك وملامه =كان شفت الاداره كل شين تحله

[أبو مرحبا]

راع العلطا .... عبدالعزيز ابن جودان


أبــــــــــــــــــــــــداع


صـــــــــــــح الـــــــــســــــــــانــــــــــكـــــــــــــم


واصــــــــــــــــــــــــــــــــلــــــــــــــ ــــــو

مـــــتــــــــــــــــــابـــــــــعـــــــــــــ ـيـــــــــــــــــن

[خالد المقاطي]

الله الله

ابداع ياراعي العلطا

بدايه ناريه ....

...........

ابن جودان الاستاذ :) رد وافي اشهد بالله هذا الخصم

ماعليك من الكلام

متابع لكم وازهو الصفوف

:)

[راع العلطا]

يبن جودان شفت ابهم علوم وعلامه=انت ما تفطن الها و اما انا فاطنً له
حتى لو شفت بعض الناس يعطي ابتسامه=ايتدرق بحال وحال مشحون علّه

[راع العلطا]

سيف المعاني مشكور على مرورك
ابو مرحبا هلا وغلا صح بدنك ومتابعتك تشكر عليها طال عمرك
كعام المعادي ارحب ثم ارحب ويا هلا ويا مرحبا يبن كريزي يشرف حضورك وانا اخوك دايم

[عبدالعزيز بن جودان الرويس]

الرجل لبن عمه مايجرد حسامه = وانت سيفك علام قدم ربعك تسله
لانت راعي شداد ولانت راعي مسامه= وكان ماجازلك فالمنتدى شي خله

[راع العلطا]

و الله اني مبى هرج الردى و الرخامه=مار ابعلمك بلوضع وانسخ سجلّه
احمد الله انا يا رويس مرفوع هامه=منتب اللي تعلمنا بدربً ندلّه

[عبدالعزيز بن جودان الرويس]

الردى لا تجيبه كان تبغا السلامه =والجزل كل ربعك تطلبه ماتمله
وكل شاعر نعرفه من خلاصه كلامه=وانت مالك مع الشعار مذهب ومله

[فهيد مقعد الرويس]

الردى لا تجيبه كان تبغا السلامه =والجزل كل ربعك تطلبه ماتمله
وكل شاعر نعرفه من خلاصه كلامه=وانت مالك مع الشعار مذهب ومله

كلاااااااااااااااااااام يابوسعود

صح السانك ولايهون راع العلطا

واصلووووووووووووو

والصف مايبغالها نشده اا

تحياتي للجميع

[سلطان عايض]

الله الله صحت السنتكم يالشعار واصلوا عساكم على القوة

متابعين

تحياتي

[راع العلطا]

ياحسايف على بعض الرجال العمامه=يعترضني وانا مافيه سويت زله

ماخبرنا ولد جودان جاله زعامه=امسك القاع ياعزوز ورقد بظله

[عبدالعزيز بن جودان الرويس]

صح لسانك ياراعي العلطا
ولا هنت
وشكرا لجميع من مر على هذه المحاوره