تال الليالي غليت الاسعار

[بندر المرشدي]

اللي يبا يسري على المعنى مرحبا به والباب مقتوح


ياهل الوجيه البيض انا وش حيلتي في هالزمن=تال الليالي غليت الاسعار والساري سرا

والبدو يرثى حالها بين الصحاري والمدن=يالله يامعبود ياستار والساري سرا

[ناصر المرشدي]

خلوهاااااااااااااااااااااااااا

[ناصر المرشدي]

استلم


ارفع يدينك للسماء ياللي تغني بالحن=واطلب عسى ربك يجيب الخار والساري سرى
كم واحن فالوقت هذا عاش ويشوف الغبن=وانا ترى مابري التجار والساري سرى

[بندر المرشدي]

نبا ننبش في قبور الدهر ونفل الكفن=اربط حزامك والعلوم كثار والساري سرا


اهل الجشع واهل الطمع واللي يزود بالثمن=لازم نجليهم عن الاقطار والساري سرا

[ناصر المرشدي]

استلم


ميز وفرق يالتحدي فالحرير وفالقطن=واليا سرينا قصر الانوار والساري سرى
تقولها واقولها يابو شنب كلا ولن=نرضى على الذله والاستهتار والساري سرى

[أبو نجر النفيعي]

ميز وفـرق يالتحـدي فالحريـر وفالقطـن
واليا سرينا قصر الانوار والسـاري سـرى
تقولهـا واقولهـا يابـو شنـب كـلا ولـن
نرضى على الذله والاستهتار والساري سرى



..

صحة السنتكم .. كلاكم مبدعين ..

سجلوا اعجابي ..

ومتابع ..

.

اخوكم

[بندر المرشدي]

ياصاحبي ياصاحبي مابه ذلول بلا رسن=وابليس يعزف له على مزمار والساري سرا

الخلق فيهم ياولد من يشتكي جوع البطن=ياكثر ماتخف البيوت اسرار والساري سرا

[بندر المرشدي]

ابو نجر النفيعي

صح السانك وبيض الله وجهك على المرور

[ناصر المرشدي]

ابو نجر


مرحباا


حياك ربي صح بدنك ولاهنت

[سيــف المعانـي]

والله مبدعين

اكرر اعجابي فيكم ولكم مني اجمل التحايا

[بندر المرشدي]

والله مبدعين

اكرر اعجابي فيكم ولكم مني اجمل التحايا

مرحبا وهلا

شرفنا مرورك وماعليك زود

[ناصر المرشدي]

استلم


هاذي محن والله يكافينا المصايب والمحن=يحتار من يحتار يامحتار والساري سرى

ادري وخابر ويش تبدي فالحياه وش تكن=عمار ياوقتن مضى عمار والساري سرى

[ناصر المرشدي]

والله مبدعين

اكرر اعجابي فيكم ولكم مني اجمل التحايا



سيف المعاني بارك الله فيك
كلامك اللي قلت يكفينا

وتشكر المرور

[بندر المرشدي]

معروف هذا الوضع شايك وين قدراتك غدن=ماعاد عندك من سوالف غار والساري سرا

انكان عندك حل قلي ويش رأيك يافطن=لا تقعد تدور على معذار والساري سرا

[ناصر المرشدي]

استلم


يبا يجيك الغيث من قبله ورعاده يحن=ويهل باذن الله على الاقطار والساري سرى

واللي لسانه ياصل اذنه قول له ياكل تبن=ويروح عنا فالطريق يسار والساري سرى