قصيدة لشاعر الكبير.......مســـــــتور العصيمي

[نايف الثبيتي الروقي]

السلام عليكم ورحمة الله وبركاته


هذه قصيده للشاعر (( مستور العصيمي )) التي يعتذر بها لصاحب السمو الملكي


الامير عبدالعزيز بن فهد 0 فيها ويبدى من خلالها موالته لخادم الحرمين الشريفين

الملك فهد بن عبدالعزيز رحمه الله وكافة أسرة الخير أل سعود 0





سلام مني عد مايطلع النور = واعداد ماتمطر من الغيث غيمه

سلام من شاعر محنك ودكتور = دكتور في بدع اللحن والوسيمه

بابور فكري يطرب امواج وبحور = ويزفني بين البحور الطميمه

يابن فهد يامحكم الراي والشور = حكيم من روس الرجال الحكيمه

عبدالعزيز بطيب الفعل مذكور = الكل يدعي له عسى الله يديمه

عد الروى يصلونه ورورد وصدور = يروي الكبود الضاميات المحيمه

له مع رجال المعرفه والكرم دور = الاصل طيب والمواقف عظيمه

يامير لك في مهجتي قصر معمور = من دونكم ماشوف للعمر قيمه

واخلاصنا من ماضي الوقت مخبور = مخبور من ماضي العصور القديمه

يامير انا من فعل الانذال مقهور = تحريفهم للقول احسه جريمه

سمعت بين الاجهزه علم منكور = مايفعله من فيه غيره وشيمه

محرفين الصدق بالكذب والزور = اهل الحكايا والحقد والنميمه

يقولون شوفو واسمعو قول مستور = وهي علي من الظلايم ظليمه

احلف وانا ماني على الحلف مجبور = اني لكم مخلص بنيه سليمه

ياعل من خلفك في جنة الحور = في جنة الفردوس ينعم نعيمه



منقول


ولكم فائق الاحترام والتقدير

[*النجـــــم*]

صح لسانك وعلا شأنك

وصح لسان ابو تركي

قصيدة جزلة من شاعر جزل

في

أمير يستحق اكثر

لك

تحيــــــــــــــــــــــــــــــــــــاتي,,,,,,,,

[مرزوق حمدان العتيبي]

...
.
بيض الله وجهك يابن العم .. وصح لسان ابو تركي ....

[متعب العصيمي]

بيض الله وجهك
وصح لسان ابو تركي قصيدة جزلة من شاعر جزل

[عبدآلله آلعصيمي]

صح السانك يا بو تركي ان اشهد انك شاعر ولد شاعر

الروقي بيض الله وجهك ع القصيده تقبل مروري

[فهـد الجـذع]

لاهنــت يـا مسـلط وبيـض الله وجهــك


وصـح لســان أبو تـركي



تحيــاتي


أخوكــ


الجــ فهــد ــذع

[قف امامك عتيبي]

مشكور اخوي مسلط على المرور الرائع وصح لسان الشاعر الكبير والا كبير الا الله طبعا ولا هنت
1
1
1
1
اخوكم :سعود سالم الدغيلبي