الرد على الزلامي .. للشاعــــر ....؟

[عباس مشعل الشيباني]

بسم الله الرحمن الرحيم


السلام عليكم ورحمه الله وبركاته

الحمد لله رب العالمين , والصلاه والسلام على اشرف الانبياء والمرسلين , نبينا محمد وعلى اله وصحبه وسلم تسليما كثيرا الى يوم الدين اما بعد ..



لقد طرح الشاعر رشيد الزلامي ثلاث ابيات متحديا من يجيبه بها بقوه المعنى وهي تقول عن نفسها :




ياصاحبي درب العلى صعب بالحيل=دونه مسافه جرهديه وجردى
عانه لعكفان الشوارب مداهيل=قطاعت الفرجه على كل سردى
وان كان ماتقدر دروب الرياجيل=عود وتلقا واحدن منك واردى




وقد اوصلت القصيده للشاعر بندر بن تركي الشيباني فاجابه بالرد :





كل(ن) يبا العليا ولا يقبل الميل=لكن قدامه ضروف(ن) تحدى
ضروف الليال اللي مقافي مقابيل=اللي عن الطالات غصب(ن)تردى
رشيد فالماضي دموعه هماليل=لجل العلا ينخى بعد ويتجدى




وهذي القصيده كامله للشاعر بندر بن تركي الشيباني موجهه للشاعر رشيد الزلامي :



كل(ن) يبا العليا ولا يقبل الميل=لكن قدامه ضروف(ن) تحدى
ضروف الليال اللي مقافي مقابيل=اللي عن الطالات غصب(ن)تردى
رشيد فالماضي دموعه هماليل=لجل العلا ينخى بعد ويتجدى
عند الرجال اللي تعرف الدواليل=يبا حد(ن) يمه لكفه يمدى
وانا سواته جاريلي غرابيل=مشكاي من مشكاه عد(ن) بعدى
يمشي نهاره طول مايمرح الليل=حتى اتضح شوفه وجا مجرهدى


منقول من موقع الشيابين

مع تمنياتي للجميع بالتوفيق الدائم


اخوكم


عباس مشعل الشيباني

[نسل الطحاطيح]

يعطيك العافية يا عباس


ومع احترامي الشديد للشاعر بندر تركي الشيباني .


لكن أبياته لاتصل في قوتها لقوة أبيات الزلامي .



تقبّل مروري

[نبض عتيبه]

مشكور
لكن رشيد لا ينافسه احد في قوة الابيات
وصح لسان الشاعر

[مرزوق حمدان العتيبي]

صح لسان بندر .. اجتهد والله يعطيه العافيه على اجتهاده وابياته
جميله ومعبره ولكنه خالف القافيه المطلوبه
وهي الراء المسكنه والدال والالف ....
مودتي
....

[مستشار القبيلة]

السلام عليكم ورحمه الله وبركاته

صح لسان الشاعر بندر الشيباني رد كافي وجزل من شاعر جزل

اخوي نبض انظر في جزاله الابيات الشاعر بندر من كبار الشعراء و وارتاح الي شعره وجزاله قصائده وعندك الديوان في قسم شعرا ء القبيله

و الابيات على نفس القافيه و المطلوب الوزن وليس حرف الراء


لاهنت يا عباس الشيباني

[نايف بن صلال]

ياصاحبي درب العلا برق في ليـــل===سحابةٍ تمطر غزيره وبـــــــردا
من دونها تعبوا هل الجيش والخيل===راحوا جماعه ماوصل غير فردا
وإن كان مالك فيه حيله ولا حيــــل===ريح ركابك كيف للعد تـــــــــردا





وقد تم إرسالها على فاكس المسابقه والتوفيق من الله

[ابن الحرمين]

صح لسان الشاعر رشيد الزلامي

وصح لسان الشاعر بندر بن تركي الشيباني

وقافية الابيات قويه ولاتحمل قوتها اكثر من ثلاثه ابيات

سبق عليها الزلامي وان صار اكثر من ذالك تنقص قوتها مع كل شاعر

حتى مع الزلامي نفسه والزلامي هو من الشعار الذين امتدحهم الشاعر

بندر تركي الشيباني في المقابله التي اجريت معه وذكر مرزوق العتيبي

ان القافيه تغيرت وهذا غير صحيح القافيه لم تتغير حيث ان الراء غير

ضروري اذا انطبقت القافيه


اخوكم ابن الحرمين

[طالب حق]

وهذي القصيده كامله للشاعر بندر بن تركي الشيباني موجهه للشاعر رشيد الزلامي :



كل(ن) يبا العليا ولا يقبل الميل=لكن قدامه ضروف(ن) تحدى
ضروف الليال اللي مقافي مقابيل=اللي عن الطالات غصب(ن)تردى
رشيد فالماضي دموعه هماليل=لجل العلا ينخى بعد ويتجدى
عند الرجال اللي تعرف الدواليل=يبا حد(ن) يمه لكفه يمدى
وانا سواته جاريلي غرابيل=مشكاي من مشكاه عد(ن) بعدى
يمشي نهاره طول مايمرح الليل=حتى اتضح شوفه وجا مجرهدى



اجتهاد من الشيباني لكن مع الفارق بينه وبين عملاق الشعر الزلامي
ففي البيت الاول عسف بكلمة "لكن"..تعطي عكم للعجز من البيت .
وفي صدر البيت الثاني كلمة "اللي " فيها حشر لظبط الوزن كان الاولى
الابتعاد عنه .وكذلك تكرار كلمة "اللي في عجز البيت الثاني ..يسبب
ضعف للبيت .
رشيد دموعه هماليل !!؟؟ضعف وعدم فهم لمقصود الزلامي فكيف يبكي
الزلامي وهو يقول حكمة !!

كلمة عدى اصلها ..عد...فالكلمة غير اصيلة وهذا ماجعل الزلامي يقف عند
3 ابيات لبحثة عن كلمة اصيلة مثل ..جردا ..اصلها هو نفسه جردا
.وليس ..جرد ..

محاولة جيدة من بندر لكن يابعدها عن ابيات الزلامي ...فدونه مسافه جرهدية وجردا ..يابندر ...وليست مجرهدّى!!

[طالب حق]

ياصاحبي درب العلا برق في ليـــل===سحابةٍ تمطر غزيره وبـــــــردا
من دونها تعبوا هل الجيش والخيل===راحوا جماعه ماوصل غير فردا
وإن كان مالك فيه حيله ولا حيــــل===ريح ركابك كيف للعد تـــــــــردا





وقد تم إرسالها على فاكس المسابقه والتوفيق من الله

برق في ليل !!يانايف لايبحث عنه فكيف يصبح درب للعلا ..اختيار غير موفق
قارنه بقول الزلامي :عسر بالحيل ...ايهما أصاب الهدف .

فردا اصلها فــــــرد والكلمة ليست أصيلة ..

تردا ...من الورود .غيرها اولى ..صحيح لكن هناك افضل من تردا يمكن
استخدامها

[طالب حق]

بس


لقد طرح الشاعر رشيد الزلامي ثلاث ابيات متحديا من يجيبه بها بقوه المعنى وهي تقول عن نفسها :




ياصاحبي درب العلى صعب بالحيل=دونه مسافه جرهديه وجردى
عانه لعكفان الشوارب مداهيل=قطاعت الفرجه على كل سردى
وان كان ماتقدر دروب الرياجيل=عود وتلقا واحدن منك واردى




عانه مستحيل ان يقول الزلامي عانه لان دونه مسافة جرهديه ...لايشاهد
كيف يقول عانه ..

الزلامي يقول :

قدمك لعكفان الشوارب مداهيل= قطاعة الفرجة على كل سردا

فأنقل صح ياعباس ..!

لكن يا أخ مرزوق هل سردا ..للخيل ام للجيش !!
اذا اطلقت على العموم الا تفيد الخيل ..وهل الخيل تقطع الفرجة؟؟
اتمنى اجابتي وهل توافق ما اراه من جهه نقدية ؟.

[ابوبندرالشيباني]

يا مقدم الشعار جيل(ن) بعد جيل=بيوتك تجيك اسمان ماهيب حردا
رفيعة المعنى بعيدن عن الميل=محدن يجاريها عن الناس شردا
في قوها مثل المزون المطافيل=ربانها ينزل منه رمو بردا

هذه القصيده اعتراف من الشاعر بندر بن تركي الشيباني

لقوة ابيات الزلامي وعدم مجاراته لكونه هو الشاعر الاول

في قوة البيت والمعنا كما قال عنه في مقابلته التي اجريت

معه في موقع الشيابين الرسمي

[ابن مشيب]

يا مقدم الشعار جيل(ن) بعد جيل=بيوتك تجيك اسمان ماهيب حردا
رفيعة المعنى بعيدن عن الميل=محدن يجاريها عن الناس شردا
في قوها مثل المزون المطافيل=ربانها ينزل منه رمو بردا


صح السان الشاعر الكبير والقدير / بندر بن تركي ( ابوعلي ) , بوح اكثر من رائع , وبراعة في نعت شاعرية الشاعر الكبير / رشيد الزلامي , لاهنت على هذا النقل الاكثر من رائع يابوبندر



تحياتي

[قف امامك عتيبي]

مشكور على مرورك ولا هنت
1
1
1
1
1
اخوكم/سعود سالم الدغيلبي