الليل ياالشعار جاكم هذيلى

[الساطى1]

سلام يا عتابه

الليل يا الشعار جاكم هذيلى

باسه قوى ويهد من فيه حيلى

يغرف من ابحور(ن) مداها طويلى

وهذا الصحيح اليا بغيتوا الصراحه

يبغا يصدركم يمين

هاثم ياخذكم يسار

ضارى على الشى السمين

لأ نه من الناس الكبار

[ابن عصيم]

يا مرحبا يا متعبين الشدادي

جمع الهذيلي يا كعام المعادي

انتم من الحظران وألا البوادي؟

وهذا الصحيح إليا بغيتوا الصراحة

يا صاحبي خلك ذهين
واحسب لها كل اعتبار

لا تظهر السر الدفين
والنار مصدرها شرار

[محلل أدبي]

صحة السنتكم ,,, واصلوا

[الساطى1]

الك البقا يابن عصيم العصامى

ان كنت من اهل نجد والا تهامى

ولنا مع البدوان عرف وسهامى

هذا الصحيح اليا بغيتوا الصراحه

ما نعرف الا كل زين

والضيف يلقا شب نار

مير انتبه لا تلد عين

الذيب يدخل كل دار

[ابن عصيم]

ربعي عزاتي مخلفين الهقاوي

سيل(ن) على جيش المعادي نحاوي

مار انتبه لا تخلطون العزاوي

وهذا الصحيح إليا بغيتوا الصراحة

الذيب عاوي من سنين
يشكي من أسباب الجوار

وش عوّد الحبة طحين
يا كود من طول الحصار

[مخلف الهقاوي]

الساطي1 & ابن عصيم

صحت السنتكم طاروق كايف

وفي صف ابن عصيم

ولا مهوونه في السطاي1

واصلووو:)

[الساطى1]

والنعم بك مافيه شك(ن) وريبه

شعرك رزين وكل مقصد تجيبه

فى منتداكم شفت حاجه غريبه

هذا الصحيح اليا بغيتوا الصراحه


ناس(ن) تقفى المسلمين

فى انساب وعلوم(ن) صغار

وانتم رجالآ غانمين

حاشا يجيكم اى عار

[ابن عصيم]

المشكلة ناس(ن) اتخرق القوانين
دايم على الاجواد مثل المعادين
إبليس قايدهم على الدرب غاوين
هذا الصحيح إليا بغيتوا الصراحة

الله يجازي المفسدين
تصلاهم النار الدمار

مار البقا بالصالحين
والعلم واضح بالشعار

[فيصل المسعودي]

طاروق ممتع ومتابعين

تحياتي

[الساطى1]

المعركه محد(ن) بها صال او جال

والعبقرى يضحك على شينة الفال

يا متعبين القلب ترا سيلكم سال

هذا الصحيح اليا بغيتوا الصراحه


احذر ترا فيها كمين

والضلع له مرقى وغار

واقول عسى ربى يعين

الزند قد ولع وفار

[ابن عصيم]

لا ثارت الهيجا فحنا رحاها
يا موّصل الدعوى إليا مستواها
عتبان يخسى ويعقب من لقاها
هذا الصحيح ليا بغيت الصراحة

حنا لنا جنب(ن) متين
والحرب قصّاف العمار

في كل وقت وكل حين
حنا مسرجة المهار

[الساطى1]

لا هى بحرقانه ولا هى بنيه

الظاهر انك ضاربن لك نحيه

انته ولد اعصيم والا عطيه

حنا هذيل الصارمين

تشهد لنا كل اليار

تاريخنا غصبن يبين

وما همنا بس(ن) وفار

[ابن عصيم]

الظاهر إنك ماعرفت العتيبي
يومك زبنت بطايلات الشذيبي
حنا كحل عينك وسقم الحريبي
هذا الصحيح ليا بغيت الصراحة

يا صاحب الطرف الحسين
خلك على نفس المسار

هذا زمان الفاسقين
يبدّل حصانه حمار


وتصبح على خير

[الساطى1]

لأهى بحرقانه ولاهى بنيه

الظاهر انك ضاربن لك نحيه

انته ولد اعصيم والا عطيه

هذا الصحيح اليا بغيتوا الصراحه

حنا هذيل الصارمين

تشهد لنا كل الديار

تاريخنا غصبن يبين

ما همنا بس(ن) وفار

[ابن عصيم]

الظاهر إنك ماعرفت العتيبي
يومك زبنت بطايلات الشذيبي
حنا كحل عينك وسقم الحريبي
هذا الصحيح ليا بغيت الصراحة

يا صاحب الطرف الحسين
خلك على نفس المسار

هذا زمان الفاسقين
يبدّل حصانه حمار

[الساطى1]

يا بنيين بيتك بجرفن هيالى

البس شماغك ثم حط العقالى

وجود ركونك ودن منك الحبالى

هذا الصحيح اليا بغيتوا الصراحه

اسمع ترا ساسى حصين

مبنى على صبة حجار

ماهوب مبنى فوق طين

تذريه حبات الغبار