تركي2000 : ترا المطران والعتبان دوله في طرف دوله

[حمدان الديحاني المطيري]

السلام عليكم
هذا مقطع للشاعر \ تركي بن عطالله المطيري
لمحاورة بالدمام البارح
ويقول\
ترا المطران والعتبان دوله في طرف دوله
وكلن تعرف امجاده وكلن تعرف افعوله
لكن انتوا ياهل .......... لا ذوله ولا ذوله
يقولون العرب ماالمواقف غير راعيها
.......
هنآ الراابط (أضغط هنا) (http://up1.m5zn.com/المطران والعتبان.3gp.htm)

الي يبي يسب لا يرد على الموضوع وانا ادري ان مااحد يبي يسب لانكم رياجيل لكن سبحان الله يمكن يجوب وراعين ويلعبون هنا

[فلاح الهاجري]

الله لا يهينك يا المطيري

[حمدان الديحاني المطيري]

تسلم يالهااجري

[مشاري الحبردي]

ههههههههههه

الله الله يهديك ياحمدان


وليه يجي واحد يسب

مافيه شىء في الموال يسب

لاهنت ياحمدان

اخوك الحبردي

[ابو براك]

ليه يجي واحد ويسب

أصلاً الموال عادي ولافيه سب


ومشكور على المقطع

[حمدان الديحاني المطيري]

تسلموون يا عتيبه على هذا الاحتراام
لكن فيه بعض المساكين يردون ويسبون مطير وتركي صح انهم قليل لكن شنسوي فيهم لكن انتوا محترمين وتنحطون على الراس

[مشاري الحبردي]

تسلموون يا عتيبه على هذا الاحتراام
لكن فيه بعض المساكين يردون ويسبون مطير وتركي صح انهم قليل لكن شنسوي فيهم لكن انتوا محترمين وتنحطون على الراس

انا اشهد

مافيه قبيلة الا وفيها طيبين وخبول

[ابن جهينه]

تركي صار غصب يجامل عتيبه شاف الموت الاحمر


وعتيبه تستاهل المدح لكن سبحان مغير الاحوال في الفتره الاخيره

[حمدان الديحاني المطيري]

تركي صار غصب يجامل عتيبه شاف الموت الاحمر
ما اقولكم فيه وراعين لازم تلعب

ياخي عتيبه ومطير عينان في راس انت وش دخلك

[صعوط المجانيين]

الله يعطيك العافيه

تقبل تحياتي

وستلم رساله على الخاص

[سند عتيبة]

أخوي حمدان بيض الله وجهك على الموال...و اعتبر نفسك بين أهلك و ناسك..وحياك الله

[حمدان الديحاني المطيري]

تسلم والله يا سند عتيبه وانت حقاا سند عتيبه
لكن فيه بعض صغار السن يفرغون غضبهم من ورا الشاشه لكن انتوا اغلبكم رياجيل وقرووم وفيه قليل منكم الي عقله صغير

[الدعجاني 000]

حمداااااان اخوي بيض الله وجهك

هذا الكلام يلي نبيه ايه اخوان وارحام

ونعم فيك وفي ربعك مطيرررررر

[طلال الثبيتي]

حياااك الله ياحمدان ..

والحفله كانت حليوه ماعليها

طاروق حمود وتركي كان الاميز وبدأ حمود بدايه حلوه بس تركي عرف له وقلبها عليه ..

وطاروق ملفي وتركي الاول اللي بدون موال كان ممتاز بعد وباقي الحفله لا بأس بها ..

بس الغريب ان الشعار سرو بدري مع انهم ما جو الامتأخر !!

بـ عكس حفلة الحسا اللي كانت بنفس الليله مع انهم بدو قبل حفلة الدمام !!

[أبو مرحبا]

يالــلـــه الــعـــقـــلان من عقب ماكان يبابي ويسب عتيبه قام يدور رضاها



لاهنت يالمطاري على المقطع

[حمدان الديحاني المطيري]

تسلمون يا عتيبه على هذا الرد الجميل والغير مستغرب منكم
تسلموووون

[حمدان الديحاني المطيري]

ماااعليك زوود يا الدعجاااني

[fahad8088]

ماشاء الله الله لايقطع صوته

مشكور يالمطيري

وماله داعي كلامك لأنه مافي سب

[حمدان الديحاني المطيري]

مشكوور على الرد ..كلاميما له داعي لاكن سبحان الله يمكن يجون وراعين ويلعبون

[ابن رخيص]

الله يعطيك العافيه يامطيري

[العنضولي]

ماقصرت اخوي المطيري ومطير قبيله مانكن لها الا الود والاحترام

اما اخوي ابن جهينه

وعتيبه تستاهل المدح لكن سبحان مغير الاحوال في الفتره الاخيره


وش السبب وضح

[ضاري العتيبي]

عزيزي حمدان المطيري : لك كل التحيه والاحترام . .

عتيبه ومطير تراهم ربع واخوان أكبر من هسوالف هذي كلهاا صدق انه في القلطه بينه وبينكم ديربي = مثل الانتر ^ وميلان بس كلن له جمهوره والمنافسه شريفه وأخويه

وتقبل تحياتي يا المطيري

[ابن جهينه]

ليه زعلت يامطاري هذي الحقيقه

والورعان تزعل دايم من الحق

شاعركم يالمطاري في الفتره الاخيره تغير وصار مودددددب

[ابن جهينه]

ليه زعلت يامطاري هذي الحقيقه

والورعان تزعل دايم من الحق

شاعركم يالمطاري في الفتره الاخيره تغير وصار مودددددب بــــــــس

الادب هذا غصب ولا رضى

ولاتزعل ولاتسب عـــــــــــــــــيب

[محمد الزايدي]

لاهنت يالمطيري على المقطع


سبحان مغير الاحوال

[نواف الغبيوي]

تركي في مواله يوم انتهى قال استانس المورقي وش قصده

[ابراهيم الزراقي]

والله لاحنا سابين ولامادحين موال عادي وشي واقعي من جهة العتبان

[الأسكندنافي]

يعطيك العافية

أخوي حمدان المطيري

وتقبل مروري

[عبدالرحمن الهيلوم]

والنعم بملوك الشعر والمحاورات وهم بدون مجامله عتيبه ومطير والدليل !!!!!!! نجوم القلطه (( مستور . الزلامي . حبيب . المورقي. الجلاوي )) من عتيبه . ومن مطير (( تركي .. العضيله )) مع انهم فقدوا اثنان من اسياد شعراء القلطه . مطلق الثبيتي . والعير الله يرحمهم . انسوا تعصب شاعر المليون الله لايوفق من جابه وروج له ..

[حمدان الديحاني المطيري]

الله انك على راسي يالهيليوم

[ابراهيم الزراقي]

ياريجيل تراكم عطيتوا الموضوع اكبر من حجمه والله موال لاودا ولا جاب

تركي لن مدح عتيبه ماهو بمزود فيها شي ولن سبهم ماهو بمنقص شي

شاعر مثله مثل ايا شاعر نهار يسب ونهار يمدح والكلام ماهو لتركي لكل

الشعراء فالساحه و القبايل ترفعها فعولها وامجادها

بعدين تراء يالمطيري لازم تتقبل وجهة النظر ولا تجبر الناس انها تمدح

تركي

ولا احد يشك في شاعرية تركي لاكن المهاترات ماتودي ديره

[شاعرخطير]

كلامك حلو يا الزراقي

ويعطيك العافيه يا راعي الموضوع

[نفيع العتيبي]

كلامك صحيح ياابرهيم الزراقي

معطين الموضوع اكبر من حجمه بواااااااااااااجد

انا في صفك يالزراااقي

[ابراهيم الزراقي]

المسأله ماهي مسئلة تحيز ولامسأله صفي وصفك المساله موال جابه تركي يمدح فيه عتيبه ولاهو شي غريب من تركي ...ترى حبيب ومستور وشعار عتيبه قالوا كلام عن مطير ماينقال وبعدين يمدحونهم شي طبيعي الشاعر فالميدان لازم يدافع عن نفسه وعن قبيلته واذا الملعبه تتطلب انه يمدح مدح واذا تتطلب سب يسب ولاكن تاكدو ان الشعار بعد ماتنتهي الملعبه بعضهم يسرون في مواتر بعض ولايحصل بينهم شي ويتعازمون وعلاقتهم سمن على عسل لاكن الجمهور والتعصب هو الى يخلق الحزازيات بين القبايل

انا ما ادافع عن تركي بس هذا الواقع

[حمدان الديحاني المطيري]

ابراهيم الزرااقي
والله العظيم انك سكتني
هذا الرد ولا بلاش
يا ليتهم مثلك

[ابراهيم الزراقي]

حمدان المطيري حياك الى فالمنتدى.... الجمهور الواعي يدرك ذالك ويعرف علاقة الشعراء مع بعض.... مصالح وانا اخوك كلن يغني على ليلاه والناس ضايعه فالزحمه لاكن لاتلوم الشباب يوم تجي بعض العالات وعليك بالمثل الي يقول ..دارهم مادمت في دارهم
ما احد يرضى ان احد يسب ربعه لا انا ولا انت ولاكل الناس الا الي ماله خاتمه وتركي مطينها شوي وعلشان كذا بتجيك الردود فيها وفيها ....انا لو انزل مواويل للجلاوي في منتداكم راح القى ردود تطير العمايم من فوق الروس لاكن الحمد لله جات على كذا

(((وفالنهايه تاكد إنا ما اختلفنا إلا لنتفق))) تقبل مروري