حصريا" لمنتدى الهيلا مقابلة مع الشاعر جابر بن هايف العتيبي....!

[أبو مرحبا]

بسم الله الرحمن الرحيم


السلام عليكم ورحمة الله وبركاتة...


أخواني الاعزاء أعضاء وضيوف منتدى قبيلة عتيبه الهيلا

في ظل وجود شعراء متميزين امتعونا بروعة قصائدهم

الجميله واثبتو انفسهم كمبدعين يستحقون الثناء

وتميزو من خلال قصائد اسرت قلوب البعض

وصفقت لها القلوب قبل الأيدي

قد يتسائل البعض لمعرفة

أجوائهم وشخصياتهم ومن هذا المنطلق.

يشاركنا اليوم الشاعر: جابر بن هايف العتيبي

اسم شق لنفسه طريقاً مختلفاً في

شاعريته.مختلف بإسلوبه وبإفكاره،، متفرد في كل شي

للرد على جميع تسالأتكم وإستفساراتكم

هذه مقتطفات لبعض قصائدة:


ياناس حنا من ضنا نجـد عتبـان=يشهد لنا التاريخ لـو قلـت حنّـا

حنا في ارض وانقش الوقت ضلعان=حنا البحر مـادام هـالارض منـا

حنا الرعـد حنـا زلازل وبركـان=حنـا دمـار الكـون لوقيـل عنـا

حنا ساعه شمس والليل خسـران=حنـا الليالـي لاقبلـن ماوطـنـا

حنا غديـر يعشقـه كـل ضميـان=حنـا غـرام والعـذاراء هـونـه

حنا الكرم والطيب شايـب وشبـان=حنا عتيبه مـن لنـا المجـد غنّـا

حنا سلاطين الجزيـرة الـى الآن=ماهمنا اللي مـن نـواي إمتحنـا


هذه قصيدة أخرى لشاعرنا



حنا عتيبه الهيـلا برقـا مـع روق=واللـي يرحـب بالسلاطيـن يبـقـا

ماذلنا مـن خلقـة الأرض مخلـوق=أهل المكـارم ربعـي روقٍ و برقـا

ننده بسامينا وتابـس بهـا احلـوق=وكل الأيادي بقضـب أيادينـا عرقـا

كم شاربٍ من فعلنـا صـار محلـوق=جعل الوجيه اللي بها اشنـاب تسقـا

الغيمه اللي وسطهـا ربعـي بـروق=الي تحتهـا بوبـل الأمجـاد غرقـا

نجد العذيه فوقهـا شمسنـا شـروق=وصارت سماهـا بالسلاطيـن زرقـا

ربعي عتيبه وبارد الوجـه مصفـوق=والسبت من حطه تـرا الأحـد يلقـا


الله يحييك أخوي جابر بن هايف العتيبي

في منتدى ربعك وابناء عمك

بالتوفيق



أخوكم
أبو مرحبا

[نواف العصيمي]

وعليكم السلام ورحمه الله وبركاته

ونرحب أشد الترحيب بالشاعر جابر بن هايف بين ربعه وفي منتداه

فاهلا وسهلا بك معنا .. وحياك الله

..

والأسئلة أترك المجال للأخوه

[مالك الذيابي]

يا مرحبا ومسهلا


بين ربعه وبني عمه


السؤال :


هل صحيح انك سوف تشارك في شاعر المليون...؟


ولي عودة أخرى

[مرزوق حمدان العتيبي]

...
.
فالبدايه نرحب بالشاعر الكبير جابر بن هايف العتيبي اجمل الترحيب
في منتدى ربعه ومنتداه ... ونقول والله انها ابرك الساعات ...
ونشكر المشرف الرائع ابو مرحبا على الترتيب لهذا اللقاء ...
..

..
.
س_ مارايك في برنامج شاعر المليون ؟ هل حقق النجاح المتوقع ؟
س_ كثرت القنوات الفضائيه المتخصصه في الموروث الشعبيي
هل هذا يصب في مصلحة الشعر والشعراء ؟
ولي عوده باذن الله لطرح المزيد من الاسئله ...
...

[العتيبي]

يا هلا ويا مليون مرحبا


وحيا الله ولد العم

[ابن هضلا]

يالله حييييييييييييييييييييييييييييييييييييييييييييييييه

س\هل ستشارك في مزاين عتيبه؟؟؟

س\مارايك بالشاعر يوسف العتيبي؟؟

تقبل تحياتي

[الاصمعي]

أهلا وسهلا بالشاعر الكبير جابر هايف العتيبي
بيض الله وجه الادارة والمشرف أبو مرحبا والشاعر جابر لقبوله الدعوة
فهذا دليل حبه وحميته لقبيلته عتيبه

س1: هل صحيح بأنك صاحب فكرة ملتقى قبيلة عتيبه في الكويت .؟

س2: ماهي المعوقات التي جرت لكم في تنظيم هذا الملتقى الكبير .؟

ولي عودة أخرى

[نبض عتيبه]

احيي الشاعر الكبير جابر هايف العتيبي
وهلا به بين اعيال عمه


السوال الاول من يعجبك من الشعراء الشباب ......؟
السوال الثاني ما رأيك بالاعلام في الساحه الشعريه .....؟
السوال الثالث مارأيك بلجنة شاعر المليون .....؟

[فيصل الحويماني]

وعليكم السلام ورحمه الله وبركاته


أهلا وسهلا بالشاعر الكبير جابر هايف العتيبي

بيض الله وجه الادارة والمشرف أبو مرحبا والشاعر جابر لقبوله الدعوة

يا مرحبا ومسهلا


بين ربعه وبني عمه


السؤال الأول :


هل صحيح انك سوف تشارك في شاعر المليون...؟


السؤال الثاني: هل صحيح بأنك صاحب فكرة ملتقى قبيلة عتيبه في الكويت .؟

السؤال الثالث: ماهي المعوقات التي جرت لكم في تنظيم هذا الملتقى الكبير .؟



ولي عودة أخرى

[ابوبجاد الرويس]

حياكـ الله يابوهايف

ومنور المنتدى

الأسئلـــــــــة ::::::::::::_______

س1:: هل صحيح ان المريخي قال ليوسف خل مخلفت الهقاوي تنفعك من خلال قصيدتكـ ؟

س2 :: اكانك بتشارك بشاعر المليون,, وانت سابهم اكيد بسقطونكـ ؟

س3 :: ليش ألقائكـ لقصيدة مختلف او متميز عن الناس ؟

[أبو نجر النفيعي]

..

يا مرحبا والله بالشاعر الكبير / جابر بن هايف ..

والاسئله اللي في بالي من أسئلة الأخوه .. :)

.

موودتي لكما

[الذيب المقاطي]

بيض الله وجيهكم على استضافة الشاعر الكبير جابر بن هايف العتيبي ونرحب به بين ربعه وجماعته
س1 _ مارأيك بالمزاين الخاص بالقبائل وهل تعتقد بأنه عامل تفرقه بين القبائل ؟
س2 - مارأيك بفكرة شاعر المليون وماذا ينقصها لكي تكتمل من وجهة نظرك ؟
س3 _ حفل مزاين عتيبه ماالمطلوب منه كي يظهر بالصورة المتوقعة منه ؟
س4 _ كلمة توجهها لعتيبة بخصوص المزاين لا حظ أنني قلت عتيبه ولم أقل برقا وروق وركز على هذه النقطه للمصلحة العامة .
س5 _ آخر قصائدك أتحفنا بها وأسمعنا إياها
وشكرا جزيلا لك

[شامان]

..

في البداية أشكر مشرفنا الغالي أبو مرحبا على مجهوداته .

وأرحب بالشاعر/ جابر بن هايف .. في منتداه وبين ربعه .

والأسئلة كثيرة .. ولكن نحب أن نترك المجال لأخواننا الأعضاء .


س1/ مارأيك بشعراء الساحة حاليا ؟ ومن هو شاعركـ المفضل ؟

س2/ ما رايك في شعر الحداثة وهل تقرضه ؟

س3/ هل الشاعر جابر بن هايف ، مظلوم إعلامياً ؟


هذا ما لدي من أسئلة .. واكرر الترحيب بشخصك الكريم .



تقبل تحياتي .

ودمت بود ،،،،،،

[فيصل المسعودي]

مرحبا بالشاعر

جابر بن هائف العتيبي

بين ابناء عمومته في منتدى قبيلة عتيبه الهيلا

وبالنسبه للأسئلة اتركها للأخوان فيهم الخير والبركة ان شاءالله

لكم وللجميع كامل المعزة والتقدير

أخوكم

فيصل النفيعي

[ابراهيم الزراقي]

هلا ومرحبا وحياك الله في منتداك وعن ربعك الهيلا

عندى سؤال واحد بس
سمعت انك بتشارك في شاعر المليون هل هذا الكلام صحيح وماذا عن قصيدة سب اللجنه الي اتحفتنا فيها قبل شهور وش رايك لو تلقيها لهم ماهو احسن ههههههه امزح

الله يوفقك ياولد العم وحياك الله مره ثانيه

مع تحيات اخوك .. ابراهيم خلف الزراقي

[هلال الدوادمي]

..
..
..
..

احب اشكر ابو مرحبا على ترتيبه لهذا اللقاء

ولاهنت والله يابو مرحبا.......

وارحب بالشاعر //جابر العتيبي

وياهلا والله ويامرحبا


ابرك الساعات يالغالي حضورك بيننا ...

اللي احب اعرفه.....عن الشاعر جابر بن هايف

البطاقه الشخصيه

.....لاهنت يابومرحبا والله يعطيك العافيه

[بندر الحافي]

يعطيك العافيه ابو مرحبا

وهلا وغلا

بالشاعر :جابر بن هايف العتيبي

والله اني من قبل ما اعرفه

كنت اسمع قصيدهـ حنا من ضنا نجد عتبان يوميا

الى ان حفظتها

وعندي سؤالين فقط واتمنى الاجابه من ابن العم

1/: دائم ارى في قصايدكـ انك كنت تشكي من الفقر

والجوعـ هل صحيح انك عشت هذا الوضع في ايام طفولتك

2/:قصيدهـ الخمرهـ الي تقول فيها

عفوا ايها السادهـ حظور الحفل والسكرهـ

ما هي قصتها ويا ليت توظح لنا الموقف هذا

تحياتي لكمـ

[متعب العصيمي]

وعليكم السلام ورحمة الله وبركاتة ..

حيالله الشاعر جابر العتيبي بين اخوانه ومرحبا مليون

ونشكرك جزيل ألشكر على قبول الدعوة ونشكر الاخ العزيز ابو مرحبا على المجهود المبذول وبنسبه للأسئله لدي سؤل..


س1: هل هناك ديوان صوتي او كتابي للشاعر جابر العتيبي في القريب؟

[مخلف الهقاوي]

وعليكم السلااااام ورحمة الله وبركااااته

يالله حي ولد العم والشاعر جابر بن هاايف

حياك الله بين اخوانك..والشكرر كل الشكر

لأبو مررحباا على استضافة شاعرنا

سؤالي:من برأيك من الاسماء الموجوده حالياً في ساحة الشعر

مظلوم اعلامياً؟

السؤال الثاني:مارأيك في ماقاله احد الشعراء المعروفين

والمشهورين في الساحه(وهذا الكلام موثق)يقول ان

شعراء الجزيره العربيه من امثال ابن لعبون والوقداني

والسبيل ومحسن الهزاني,يقول ان هؤلاء الشعراء

ليس لديهم ابداع والابداع ابتدأ في عصرنا الحالي..

هذا سؤالي ولك مني اعطر التحايا:)

[fahad8088]

مرحبا فيك يا شاعرنا المتميز دائما بين أخوانك وعيال عمك

سؤالي الأول / ليش مالك ظهور فالاعلام ؟

سؤالي الثاني / من أي العتبان أنت ؟

وشكرا لك على مشاركتك معنا

والشكر موصول لأخوي أبو مرحبا على الموضوع

[سعود النفيعي]

يا مرحبا هلا والله بالشاعر القدير جابر هايف العتيبي

ودي أسألك بعض الأسأله ولست مجبور بالرد عليها


س1:قصيدتك يا ناس حنا من ضنا نجد عتبان هل هي لك لأن سمعت من قبل أنها للشاعر الكبير غازي بن عون هل هذه المعلومه صحيحه أم ماذا وانا زد سمعتها بألقاء بارد من شاعر لا يحضرني أسمه بس مهوب ألقائك؟

س2:لماذا لم تمارس سعر الرد وهل لك رغبه بأن تكون شاعر محاوره وهل أنت توافق على الموال على أنه دخيل على المحاوره أو أضاف لها شيء؟

س3:أنت كنت صاحب الفكره لملتقى القبيله فالكويت وانا حضرت وسجل أعجابي يبو هايف بالملتقى وهل سيقام في السنين القادمه؟

س4:من برأيك أفضل شاعر من القبيله ويتساهل يكون شاعر عتيبه فالنظم أود ان تختار فأتين من الشباب والشياب؟

أسمحلنا بالاطاله يبو هايف


موودتي

[ابن نور العضياني]

ياهلا ياهلا ياهلا ياهلا ويامرحبا


ابرك الساعات والله يوم جيت ياجابر بين ربعك واخوانك


مع اطيب تحياتي

ابن نور المحقني

[عبد المجيد العضياني]

يالله انك تحييه من يوم سار لين جاء ومربا مليووون بشاعرناااا

***********وحياك الله ************

[النافذ]

وعليكم السلام ورحمه الله وبركاته

ونرحب أشد الترحيب بالشاعر جابر بن هايف بين ربعه وفي منتداه

فاهلا وسهلا بك معنا .. وحياك الله

..

والأسئلة أترك المجال للأخوه

[جابر هايف]

وعليكم السلام والرحمه

الله يرحبّ فيك يابو مرحبا

ومشكور للدعوه بين الأخوان وأبناء العمومه والأصحاب والأحباب من جميع القبائل

وشكر خاص للقائمين على هذا المنتدى من إداره ومشرفين وأعضاء فكلكم ساعين للنجاح ومجتهدين من أجله .. ربي يعطيكم العافيه ويوفقكم يارب

وأشكر من أعماقي والله جميع من حضرّ ورحبّ وسأل وقرى من غير مايكتب يعني هلا بكل عين ٍ قرأت وقلبها النابض

..

أخواني يشهد الله جيتي هنا بينكم نوماس وشرف لي وأعرف إني مقصر معكم وفيكم لكن للزمن أحكام وياليت تعذروني

.

تنويه بسيط قبل الرد على أي سؤال

تراني راح أجاوب على كل سؤال بصراحه يعني لاأحد يزعل من جوابي فلا يصح إلا الصحيح

.


نواف العصيمي

يامرحبا فيك أنت وشاكر لك مرورك العطر كشخصك

..
ونعم يالذيابي ياولد روق وحياك الله

وبالنسبه لشاعر المليون لاوالله ماني مشارك ولافكرت فيه نهائيًا ومشكور للحضور والسؤال
..

مرزوق العتيبي

أرحب يامرزوق وهلا فيك طال عمرك وشكرًا للترحيب الطيب ياطيب وبالنسبه للأسئله
فلك الإجابه

س_ مارايك في برنامج شاعر المليون ؟ هل حقق النجاح المتوقع ؟

رأيي في برنامج شاعر المليون يمكن لايسمن ولايغني من جوع لأنه رأي شخصي

فبرنامج شاعر المليون برنامج يدغدغ مشاعرنا ويلبسنا الطربوش بأسم القبيله
وحنا محتمين وشابين نارنا والدعوه " رزق المهبل على المجانين " كذا على بلاطه
وأكيد راح يحقق نجاح لأن " ستار أكاديمي حقق نجاح " فلا فرق بينهم

س_ كثرت القنوات الفضائيه المتخصصه في الموروث الشعبيي
هل هذا يصب في مصلحة الشعر والشعراء

أكيد يصب في خدمة الموروث الشعبي بشكل عام ويوسع نطاق المعرفه والمشاهده للمتابع ويكتسب معلومه ويعرف مايحتاج عرفه
في هذا المجال

وياهلا بك وبالمزيد من الأسئله يامرزوق

..

العتيبي
أبقاك الله وتحيا وتدوم طال عمرك وشكر للحضور والترحيب

..

أبن هضلا

حياك الله يالغالي ومرحبا فيك وشكرًا من الأعماق لك

س\هل ستشارك في مزاين عتيبه؟؟؟

أنا جمل وبشارك مع الجمال إن شاءالله

س\مارايك بالشاعر يوسف العتيبي؟؟

يوسف العتيبي لايستحق مافعلناه من أجله

ولك مني التحيه طال عمرك

..

الأصمعي

بيض الله وجهك ومشكور على أطرائك الجميل واللي يدل على نبعك الصافي

وكاني ماحبيتكم وش حاجتي في قلبي يالأصمعي

س1: هل صحيح بأنك صاحب فكرة ملتقى قبيلة عتيبه في الكويت .؟

نعم أنا صاحب الفكره والمنظم للملتقى

س2: ماهي المعوقات التي جرت لكم في تنظيم هذا الملتقى الكبير .

مامن معوقات تذكرّ ينقال عنها معوقات لكن كان فيه بعض التخوف من فشل الملتقى والحمدلله وفق الله وكان اللي كان

ومرحبابك في عودتك الأخرى

..

نبض عتيبه

حياك الله ياخوي ويسعدني التواجد بينكم والله

السوال الاول من يعجبك من الشعراء الشباب ......؟

كل شاعر يملك مفرده رائعه وفكره رائعه وصاغها بشكل جميل فهذا يعجبني ولايهمني الأسم

السوال الثاني ما رأيك بالاعلام في الساحه الشعريه .....؟

الأعلام فاشل والساحه " إنك حبتك عيني ماضامك الدهر " هذي هي الساحه

السوال الثالث مارأيك بلجنة شاعر المليون .....؟

ونعم فالرجال لكن .. فيه الأكفئ منهم

وشكرًا يانبض على الحضور

..

الحويماني فيصل

ياهلا والله يافيصل وألف مرحبا فيك ولاعدمتك على الترحيب الطيب والعذب ياعذب الحضور

السؤال الأول :


هل صحيح انك سوف تشارك في شاعر المليون...؟

لا طال عمرك غير صحيح

السؤال الثاني: هل صحيح بأنك صاحب فكرة ملتقى قبيلة عتيبه في الكويت .؟

نعم يافيصل أنا صاحب الفكره

السؤال الثالث: ماهي المعوقات التي جرت لكم في تنظيم هذا الملتقى الكبير .؟

سبق وتكلمت عنها

وشكرًا يافيصل

..

أبو بجاد

يامرحبا والله يابوبجاد وجعلك طويل عمر يارب ومشكور لكلامك الطيب


س1:: هل صحيح ان المريخي قال ليوسف خل مخلفت الهقاوي تنفعك من خلال قصيدتكـ ؟

ماهوب المريخي اللي قال وهالشي في ذمة الراوي .. يقول إن حمد السعيد من قال هالشي

س2 :: اكانك بتشارك بشاعر المليون,, وانت سابهم اكيد بسقطونكـ ؟

ماني مشارك ولوكنت بشارك ماهموني والله

س3 :: ليش ألقائكـ لقصيدة مختلف او متميز عن الناس ؟

يمكن لأني من الموفقين ونلت أعجابك ياطويل العمر لهذا تشوفني غير

وشكرًا يابو بجاد وتسلم

[المهنّــــد]

الشاعر الحماسي جابر هايف العتيبي
نرحبك اجمل الترحيب في محلك ونقول نورت منتداك .

[ذيب الزيادي]

يا مرحبا يا مرحبا يا مرحبا
هلا والله بالشاعر القدير جابر هايف العتيبي

[جابر هايف]

أبو نجر النفيعي

ياهلا بابو نجر وأبتسامتك أضاءة الصفحه ولاعدمتك ياطيب

..

الذيب المقاطي

يبقيك الله واسعدني هذا الحضور ياطويل العمر وجعلك سالم يارب

س1 _ مارأيك بالمزاين الخاص بالقبائل وهل تعتقد بأنه عامل تفرقه بين القبائل ؟

المزاين ماله داعي والله .. حرام تدفع هالأموال بغير حقها فيه المحتاج لهذا التبذير

فلو كانت كل قبيله بدلاً من "المهايط ".. جمعت هذه الأموال وصرفتها على المحتاجين من أبناء القبيله لكان هذا هو الأحق والأولى

س2 - مارأيك بفكرة شاعر المليون وماذا ينقصها لكي تكتمل من وجهة نظرك ؟

لاخير في رجال ٍ تقودهم " أمرأه " ونشوه الرويني تعرف ماأقصده

س3 _ حفل مزاين عتيبه ماالمطلوب منه كي يظهر بالصورة المتوقعة منه ؟

وجود أسم " عتيبه " كفيل بنجاح هذا المزاين من غير جهد يبذل

س4 _ كلمة توجهها لعتيبة بخصوص المزاين لا حظ أنني قلت عتيبه ولم أقل برقا وروق وركز على هذه النقطه للمصلحة العامة

" إن المبذرين كانوا أخوان الشياطين " فلا تكونوا هكذا

س5 _ آخر قصائدك أتحفنا بها وأسمعنا إياها

أبشر طال عمرك ولكن ماهي الأخيره لأن الأخيره كثير ولم أدونه حتى الآن



لـو كانـت أفكـار القصايـد ماتجـي بنـزف النخـاع=ماكانت أغصان الحـروف .. !! بّـدم حبـري وارقـه
تجتاحنـي أحيـان رغبـه بـس !؟ أخشـى الأندفـاع=لانـي أعـرف الديمـه تمطـر بـس ماهـي بـارقـه
المستطيـع اللـي أعرفـه شـي .. غيـر المستطـاع=متشابهـيـن حــروف لـكـن بالمعـانـي فـارقـه
والمستحيل إحسـاس يـأس ومـوت عزمـك بأقتنـاع=عكـس السهـل مسمـار واحـد وأبتـلاااا بمطارقـه
ماقلـت أنـي منتظـر والوقـت .. فرصـه أو ضيـاع=لكـن تعبنـاا نستحـي ياوجـيـه مـاهـي عـارقـه
جـدًا طبيـعـي وضعـنـاا يـاطـاولات الإجتـمـاع=اللـي عطنـاا باليميـن .. مّنـاا بـ. يسـاره سارقـه
الحـر رجـل ٍ يشتـري ماهـوب يشـرى أو يـبـاع=حنـاا عبيـد الله حتـى ..؟ لــو نـكـون أفـارقـه
وش الجديـد ولاتـزال أجسادنـاا ضمّـيـا وجـيـاع=الفقـر يدفنـاا . وبحـر الـمـال أحـيـااا غـارقـه
حنـا خلقنـا فـي صحـاري وأنحرمـنـا بالـرضـاع=رمـح القهـر فـكبودنـااا مبطـي شقـانـا زارقــه
ياهيـه ماأكـذب ولا أفـرض علـيـك ؟ الإستـمـاع=بـس الحقيقـه أندلسنـاا ماسـأل عـن ؟؟ طـارقـه
الشعر ماهو بّـس غـزل فـي خّـد وعيـون ٍ وسـاع=ولاهـو بحكـي ٍ فوضّـوي أصففـه فـي ..؟ آآرقـه
تسألني ويش العشـق ومنهـو اللـي أغليتـه وضـاع=وتسألنـي عـن الليـل وأحساسـي وخـوف ٍ دارقـه
العشق تابـوت .. الغـلا وتمـوت بـه يـوم الـوداع=واللـي تمـوت مودّعـه : يعيـش وأنـت مفـارقـه
والليل موت النور ويبقى فيـه .. وجّـه أمـي شعـاع=والصبح شمـس ٍ فـي جبيـن أبويـه تطلـع شارقـه
أحيان أحس الأرض فوقـي والمطـر .. نخلـه وقـاع=وأحيان أحـس الجمـر تحتـي يشتكـي مـن حارقـه
واللـي أخـاف أنـي أقولـه يابخـت أهـل الـرفـاع=واللي بقولـه دون خـوف أشحـال ؟ أهـل الشارقـه
راحت سباع ولانشوف اللي بقى غير .. أسس ( باااع )=لو عاش ( عمهووج ) الدهـر صعـب يتكـرر مارقـه

وحياك الله يالذيب المقاطي

..

أبو شمروخ الحافي

يامرحبا فيك يابو شمروخ وبارك الله فيك طال عمرك وتشكر لكل حرف

س1/ مارأيك بشعراء الساحة حاليا ؟ ومن هو شاعركـ المفضل ؟

مجتهدين شعراء الساحه وأتمنى لهم التوفيق / شاعري " مظفر النواب " وأحب أقرى له ولكن ماهو تفضيل على أحد

س2/ ما رايك في شعر الحداثة وهل تقرضه ؟

مادمنا في زمن العولمه فتأكد بأن الشعر حداثه وأنا أعتبر نفسي شاعر حدائه

س3/ هل الشاعر جابر بن هايف ، مظلوم إعلامياً ؟

لاوالله ماني مظلوم لكن التقصير مني لأني ماأكتب اللي يبوني أكتبه

وتسلم يابو شمروخ ولاعدمتك

..

فيصل المسعودي

تبقا طال عمرك وتسلم لكل حرف في بطن كلمه يافيصل والله إني أنا الفخور بتواجدي معكم والله

وتسلم للمرور العطر

..

أبراهيم الزراقي

ياحبني لكم يالزراريق

حياك الله يابو خليل ومشكور للمزح وحضور كان الأجمل وجعلك طويل عمر وسالم يارب

وألف نعم فيك ياأبراهيم بن خلف الزراقي

..

هلال الدوادمي

ياهلا ياهلال وحياك الله ومرحب ٍ فيك ربي إن شاءالله وملائكته

البطاقه الشخصيه

الأسم / جابر هايف العتيبي

العمر / 32

البلد / الكويت

وحياك الله ياهلال

..

أبو عتب

حياك الله يابوي ويشرفني إنك تسمع لي طال عمرك

1/ دائم ارى في قصايدكـ انك كنت تشكي من الفقر

والجوعـ هل صحيح انك عشت هذا الوضع في ايام طفولتك ؟

ولازلت أعيشه حتى الآن

2 /قصيدهـ الخمرهـ الي تقول فيها

عفوا ايها السادهـ حظور الحفل والسكرهـ

ما هي قصتها ويا ليت توظح لنا الموقف هذا ؟

ماهو شرط يكون فيه موقف تكتب عليه القصيده .. الموضوع ومافيه فكره وصغتها بهذا الشكل
ومرحبا فيك يابو عتب

..

متعب العصيمي

ياحيالله متعب والف مرحب فيك ياخوي

س1: هل هناك ديوان صوتي او كتابي للشاعر جابر العتيبي في القريب؟

إن شاءالله بعد رمضان راح يكون فيه صوتي ولكن حصري ع النت لأنه صعب يعدي على الرقابه الأعلاميه

وشكرًا يامتعب

..

مخلف الهقاوي .. كفو والله

حياك الله يامخلف الهقاوي على الطيب أرحب ويسعدني حضورك والله


سؤالي:من برأيك من الاسماء الموجوده حالياً في ساحة الشعر

مظلوم اعلامياً؟

مافيه أحد مظلوم الكل ماخذ حقه

السؤال الثاني:مارأيك في ماقاله احد الشعراء المعروفين

والمشهورين في الساحه(وهذا الكلام موثق)يقول ان

شعراء الجزيره العربيه من امثال ابن لعبون والوقداني

والسبيل ومحسن الهزاني,يقول ان هؤلاء الشعراء

ليس لديهم ابداع والابداع ابتدأ في عصرنا الحالي؟

وجهة نظره ويجب علينا أحترامها له نظره ولنا نظره

ومرحبابك يامخلف وتحيتك العطره منبعها طيبك ياطيب

..

fahad8088

حياك الله يافهد وتسلم للكلام الطيب والدليل على شخصك الطيب

سؤالي الأول / ليش مالك ظهور فالاعلام ؟

مالي رغبه ولايعني لي شي القصيده توصل من شخص لشخص ماهو شرط شاشه وصفحه

سؤالي الثاني / من أي العتبان أنت ؟

أنا بارودي غبيوي روقي عتيبي

وكل الشكر لك أنت وأبو مرحبا

[جابر هايف]

سعود النفيعي

ياحيالله سعود ومرحبا والله فيك ياسعود

لابالله مجبور على الرد مدام إنك أكرمتني بحضورك وسألت فلا بد من جواب لك

س1:قصيدتك يا ناس حنا من ضنا نجد عتبان هل هي لك لأن سمعت من قبل أنها للشاعر الكبير غازي بن عون هل هذه المعلومه صحيحه أم ماذا وانا زد سمعتها بألقاء بارد من شاعر لا يحضرني أسمه بس مهوب ألقائك؟

القصيده لي طال عمرك وموثقه بفلم فيديو قبل 10 سنوات في عرس عتبان بالكويت

وفعلا ً سجلها الكثير وهالشي يفرحني والله

س2:لماذا لم تمارس سعر الرد وهل لك رغبه بأن تكون شاعر محاوره وهل أنت توافق على الموال على أنه دخيل على المحاوره أو أضاف لها شيء؟

أنا شاعر رد وعندي القدره على النقض والفتل .. وبالنسبه للموال فأنا أعتبره حداثه وهو رغبة الجمهور الآن


س3:أنت كنت صاحب الفكره لملتقى القبيله فالكويت وانا حضرت وسجل أعجابي يبو هايف بالملتقى وهل سيقام في السنين القادمه؟

ربي يحييك أنت وكل من حضر سواءًا من القبيله ولا من قبايل ثانيه والشرف لنا في حضوركم ولاعدمتك أنت وأعجابك وإن شاءالله يتكرر وأنت طيب وحنا طيبين

س4:من برأيك أفضل شاعر من القبيله ويتساهل يكون شاعر عتيبه فالنظم أود ان تختار فأتين من الشباب والشياب؟

ياسعود عتيبه كل يوم يطلع فيها شاعر مخيف وصعب التحديد والله أسم نعرفه وأسم ماعرفناه للحين وربي يزيدهم

وأشكرك للمرور من هـنــاا

..

أبن نور العضياني

ياهلا بالنور وأبنه مرحبا فيك والله ويسعدني تواجدك الطيب وساعتك أبرك ياطيب

..

عبدالمجيد العضياني

أبقاك الله ملايين طال عمرك واشكرك للترحيب

..

النافذ

ياهلابك ياغالي وحياك الله أنت والأخوه

..

المهند

ياهلا فيك يالمهند

والحماس يزيد فيني بينكم والله

جعلك سالم وطويل عمر

..

إبن عتيبه

تبقا وتبقا وتبقاا يابوي أنت ومشكور للترحيب فديت قلبك

[مخاوي العتبان]

ياهلا والله وغلا ملايـــين بابن العم ابو هايف

والله فرحتنا فيك كبيرة يابن العم وجودك معنا شرف كبير لنا

كان في بالي سؤال انت من أي عتيبه والحين عرفت انك غبيوي وأول مره ادري انك غبيوي

والله ونعم ومليار ونعم يابن العم وشرفنا تواجدك معنا

واطلبك طلب وهو انه كل فترة لازم تشرفنا بتواجدك

تقبل كل الشكر والتقدير يابو هايف

العضياني
مخاوي العتبان

[ابن مشيب]

حياك الله يابوهايف , نورت منتديات الهيلا بإطلالتك , والتمس منك العذر لهذا الترحيب المتأخر.

كما اشكر الاخ ابومرحبا على هذه البادرة الطيبة , ودعوته للشاعر جابر لمنتديات الهيلا

ونحن معكم نتابع هذا اللقاء الشيق


تحياتي

[خلف القثامي]

ابن العم العزيز/ جابر بن هايف العتيبي


شاعر الكلمه والاحساس وقوة المعنى والالقاء المؤثر

حياك الله عند ربعك وعزوتك الهيلا


انت من الشعراء المفضلين لدي من ناحيه الكلمه والالقاء الرائع


لدي سؤالين:

السؤال الاول :

اكدت الاخبار مشاركة الشاعر/ حجرف العصيمي في برنامج شاعر

المليون ماذا تتوقع لهذا الشاعر في مشاركته بالرغم ان البرنامج

فكرته تجاريه بحته هل تؤيد مشاركته ام لديك راي اخر


السؤال الثاني:

هل لديك ديوان صوتي او كتابي


اطيب اللحظات واسعدها عندما تشاركنا في منتدى الهيلا

باستمرار والله يوفقك

[مالك الذيابي]

.

ماعليك زود يابوهايف

..

الأسئلة كثيرة والله يعينك :p

...

1- ماهي الاسباب التي جعلت جابر هايف لم يتفتتح موقع خاص به؟؟

....

2- متى سيكون موعد الملتقى الثقافي لقبيلة عتيبة القادم؟؟

.....

والله يوفقك انشالله :rolleyes:


......

أخوك / مالك بن عبدالله الذيابي

[جابر هايف]

مخاوي العتبان

مرحبا فيك والله يامخاوي

والحمدلله إنك عرفت من غير لاتسأل فديتك ويشهد الله يشرفني أكون موجود بين فتره والثانيه معكم

ولك هالوعد مني إني ماأقصر بالتواصل معكم

وياهلا بك يابن عاضي

..

والله وسبيعن نعم ياأبن مشيب

تحيا وتدوم ياطويل العمر وأنا اللي أشكرك لك هذا المرور والترحيب

الجميل

لاخلا ولاعـدم

..

خلف القثامي

أخجلتني والله ياخلف وياطيبك وطيب كلامك

ابقاك الله ياخلف وهالحضور اسعدني وامتعني يعلم الله

وربي يطول عمرك ولاننحرم من رائع مثلك

السؤال الاول :

اكدت الاخبار مشاركة الشاعر/ حجرف العصيمي في برنامج شاعر

المليون ماذا تتوقع لهذا الشاعر في مشاركته بالرغم ان البرنامج

فكرته تجاريه بحته هل تؤيد مشاركته ام لديك راي اخر

حجرف شاعر متمكن ولايحتاج شهاده من أحد وأتمنى التوفيق له والوصول لما طمح إليه

السؤال الثاني:

هل لديك ديوان صوتي او كتابي

عندي ديوان صوتي موجود ع النت وبرضو كتابي

فلو بحثت لوجدت

وأشكرك يالقثامي على مرورك

..

هلا بالذيابي وهلا بالعوده الكريمه

ماهي الاسباب التي جعلت جابر هايف لم يتفتتح موقع خاص به؟؟

موجود موقعين لي لكن ماحطيت فيهم شي والسبب إن اللي مسوينهم أصدقاء لي ومتنافسين على هالشي ومتى ماتصافوا

راح اكون معهم ان شاءالله


متى سيكون موعد الملتقى الثقافي لقبيلة عتيبة القادم؟؟

السنه الجايه كان الله أحيانا

وحياك الله يامالك ومشكور للدعوه ولك منها نصيب يارب

[فيصل الهيلا]

السلام عليكم ورحمة الله وبركاته فالبدايه احب امسي بالخير على شاعرنا المتالق جابر بن هايف والاخوان ماقصروا بطرح الاسئله لكن عندي سؤالين وهو مارايك في كثرة البرامج والمسابقات الشعريه؟ ثانيا من يعجبك من شعار المحاوره ؟

[شوردي العتيبي]

وعليكم السلام ورحمه الله وبركاته

أهلا وسهلا بالشاعر الكبير جابر هايف العتيبي بين ربعه وجماعته


س1/ هل يعجبك شعر المحاورة وهل سنرائك شاعر محاورة عن قريب

س2/ ومارأيك في الشاعر سلطان الجلاوي


وقبل تحياتي يابوهايف

[الرأي الآخر]

حياك الله ( يابن هايف)

[الاصمعي]

نرحب مرة اخرى بالاخ والشاعر :
جابر هايف العتيبي

ويامرحبا مليار في مليار في مليار في مليار
الاخ العزيز جابر :

سألك احد الاخوة عن لجنة برنامج شاعر المليون
وجاوبته بـــ (( نعم بالرجال ))

وسالك شخص آخر بسؤال مقارب للسؤال السالف
واجبته بـــ(( لاخير في قوم تولتهم امرأة ))
اطلب منك ياعزيزي تفسير هذا التناقض مشكوراا ...

وتقبل تحياتي ....

[ابو براك]

وعليكم السلام ورحمه الله وبركاته

ونرحب أشد الترحيب بالشاعر جابر بن هايف بين ربعه وفي منتداه

فاهلا وسهلا بك معنا .. وحياك الله

وبالنسبه للأسئله عندي أربع أسئله فقط هي :

س1 / هل ستشارك في أمسيات مزاين قبيلة عتيبه ؟؟؟

س2 / لماذا لم تقيم أمسيات لك أنت في السعوديه ؟؟

س3 / إذا دخلت على لجنة تحكيم شاعر المليون تريد المشاركه
ماذا تتوقع ردة فعلهم هل سيقبلونك أم لا !!! خصوصاً بعد ماقلت قصيده فيهم ؟؟

س4 / مارأيك في الساحه الشعريه حالياً ؟؟ ومارأيك في الشعار
اللذين يكثرون من شعر الغزل ويدققون في وصف ملامح الشخص
الجسديه الظاهره فقط ؟؟؟

وماعليش عل كثر الأسئله والله يوفقك


أخوكم // ابو براك

[محمد الزايدي]

يالله حي الشاعر هايف

والله الف نعم بك

بالنسبه لاسئله الخوان ماخلو شي الا سئلوه


اخوك/محمد الزايدي النفيعي

[البرق النجدي]

ياأهلا وسهلا بالشاعر جابر بن هايف وحياك الله وقصايدك
تتحدث عنك عندي سؤااال بسيط

س ـــ هل ترى أن الأمور المادية أفسدت الشعر وجعلته غير صادق وليس في محله ؟؟؟؟

[الــوآفــي]

مرحبا مليون يا جابر


يالله حيه


هلابك في منتدى ربعك ومحلك


اعذرنا على التأخير في الترحيب اشغال الصيف


وانا ما عندي الا سؤال واحد


تقول في احد ردودك

يوسف العتيبي لايستحق مافعلناه من أجله


لماذا ؟ مالذي حصل


وتراني اعتمد على كلامك في بداية اللقاء يوم قلت ( انا راح اجاوب بصراحه يزعل اللي يزعل ) :)


تقبل تحياتي وامنياتي لك بطيب الاقامه بيننا


اخوك

[مقاطـي]

السلام عليكم ورحمة الله وبركاته

صباح الخير ..

سؤالي: قبل اكثر من 6 سنوات تقريبا قرأت قصيدة ( ياناس حنا من ضنا نجد عتبان ) على الانترنت وعندما زرت صفحتك الشعرية في احدى المواقع قبل شهر من اليوم فوجئت بأنك انت صاحب هذه القصيدة المشهورة والتي لم اكن اعرف طوال هذه الفترة من كاتبها, فسؤالي لما لم نرى لك ظهور على ساحة الشعر او على الاقل ظهور بين افراد القبيلة كشاعر وانت صاحب مثل هذه القصيدة القديمة والمشهورة ؟

وشكرا

[ابن بريم المقاطي]

اهلان وسهلا بك يا ابو هايف





سوالي : هل لك ديوان شعر ..؟


السوال الثاني / هل لك حضور في حفل المزاين

السوال الثالث / ماريك في الاعلام في وقتنا الراهن ..

[جابر هايف]

سيف برقا

يامرحبا ياسيف عتيبه ويسعدلي مساك وحياك الله ويشرفني ترحيبك طال عمرك وما تألقي بغير أعجابكم

سؤالين وهو مارايك في كثرة البرامج والمسابقات الشعريه؟

تخدم الشعر والشاعر بشكل عام

ثانيا من يعجبك من شعار المحاوره ؟

كل شاعر عتيبي

وحياك الله ياسيف ومرورك اسعدني

..

شوردي العتيبي

ربي يحييك ويبقيك وجعلني ماانحرم منكم

س1/ هل يعجبك شعر المحاورة وهل سنرائك شاعر محاورة عن قريب

أكيد يعجبني ومن جمهوره .. وموضوع هل ستراني ياليتني اتواجد بالنظم علشان اتواجد بالقلطه

س2/ ومارأيك في الشاعر سلطان الجلاوي

مجتهد وأتمنى له التوفيق

وحياك الله يالشوردي

..

الرأي الآخر

تحيا وتدوم طال عمرك وبارك الله فيك للحضور

..

الأصمعي

تبقا مليار في مليار في مليار طال عمرك

ومرحبابك مره ثانيه

سألك احد الاخوة عن لجنة برنامج شاعر المليون
وجاوبته بـــ (( نعم بالرجال ))

وسالك شخص آخر بسؤال مقارب للسؤال السالف
واجبته بـــ(( لاخير في قوم تولتهم امرأة ))..؟
اطلب منك ياعزيزي تفسير هذا التناقض مشكوراا

أنا ماأتحاقر الريجيل وأقول ونعم للحين وهذا قولي ولكن قال عليه الصلاة والسلام (( ما أفلح قوم ولوا أمرهم امراة ))؟

وكلنا نعرف بإن "نشوه الرويني "هي صاحبة البرنامج

وأتمنى إني وضحت لك يالأصمعي

وحياك الله طال عمرك

..

أبن براك

هلا ومسهلا فيك يابن براك وأشكرك للحضور والترحيب

س1 / هل ستشارك في أمسيات مزاين قبيلة عتيبه ؟؟؟

ماأعتقد إني راح أشارك

س2 / لماذا لم تقيم أمسيات لك أنت في السعوديه ؟؟

مالله كتب لي
س3 / إذا دخلت على لجنة تحكيم شاعر المليون تريد المشاركه
ماذا تتوقع ردة فعلهم هل سيقبلونك أم لا !!! خصوصاً بعد ماقلت قصيده فيهم ؟؟

لكل حادثه حديثها والمسأله ماهي تخمين إذا كنت تريد الإجابه

س4 / مارأيك في الساحه الشعريه حالياً ؟؟ ومارأيك في الشعار
اللذين يكثرون من شعر الغزل ويدققون في وصف ملامح الشخص
الجسديه الظاهره فقط ؟؟؟

سبق وجاوبت على هالسؤال

وبالنسبه للجزء الثاني من سؤالك

لكل شاعر قناعته وأسلوبه والقناعه كنز لايفنى

ويامرحبا فيك ياأبن براك

..

محمد الزيادي

ياهلا فيك والف مرحب يالزيادي وجودك اسم شرف لي والله

لاهنت ياطويل العمر

..

البارق النجدي

ياهلا والله يابارق الخير ارحب ياطويل العمر ومشكور للكلام العذب

س ـــ هل ترى أن الأمور المادية أفسدت الشعر وجعلته غير صادق وليس في محله ؟؟؟؟

ربّ ضارة ٍ نافعه .. خدمت وأفسدت وكل ٍ يغني على ليلاه

وحياك الله يالبارق النجدي


..

ذيبان

مرحب بذيبان

حياك الله طال عمرك واسعدني مرورك والشك زايل وأمتعني سؤالك والله

تقول في احد ردودك


اقتباس:
المشاركة الأصلية كتبت بواسطة جابر هايف
يوسف العتيبي لايستحق مافعلناه من أجله


لماذا ؟ مالذي حصل


وتراني اعتمد على كلامك في بداية اللقاء يوم قلت ( انا راح اجاوب بصراحه يزعل اللي يزعل )؟

كلنا نعلم كيف بدء يوسف في برنامج شاعر المليون

بدء بنخوة القبيله وطلب الفزعه منا

وكان في كل حلقه تقريباا يطلب من " عتيبه " هالشي وصار اللي تمناه يوسف

وفزعنا بلا منه إن شاءالله

من البحر للبحر عاصبين روسنا ونتهاوش ونتطالب مع القبايل الثانيه علشان يوسف

لين وصل المرحله اللي وصل لها بتوفيق من الله ثم بجهدنا ووقفتنا معه

ويوم خلص البرنامج وصعد على هرم عتيبه ماكلف نفسه يسوي حفل يجمع ابناء القبيله ويكون مدته 3 ايام ويعلن عنه علشان البعيد والقريب يجي

ويتكلم بين الحضور ويشكرهم ولاهي كثيره علينا والله

أو على الأقل وأضعف الإيمان هو يعرف كيف قمنا بسبب قصيده .. ليش ماكلف نفسه يكتب قصيدة شكر

للقبيله ويتكلم بمقدمه لها ويشكر الجميع ؟؟!؟ أو هنا بهذا المنتدى يكتب موضوع شكر وثناء ؟

ولكن ماحدث من هذا شيء

ومن هنا أرجع وأقول هو لايستحق

" فهل جزاء الأحسان إلا الأحسان "

وحياك الله ياذيبان

..

المقاطي

المقاطي حياك الله يالمقاطي والف مرحب فيك والله

سؤالي: قبل اكثر من 6 سنوات تقريبا
قرأت قصيدة ( ياناس حنا من ضنا نجد عتبان ) على الانترنت وعندما زرت صفحتك الشعرية في احدى المواقع
قبل شهر من اليوم فوجئت بأنك انت صاحب هذه القصيدة المشهورة والتي لم اكن اعرف طوال
هذه الفترة من كاتبها, فسؤالي لما لم نرى لك ظهور على ساحة الشعر او على الاقل ظهور بين
افراد القبيلة كشاعر وانت صاحب مثل هذه القصيدة القديمة والمشهورة ؟

علاقة الشاعر بالجمهور هي القصيده وماهو شرط تشوفني بكل شاشه ولاني وربي يشهد حريص على الأعلام والشهره

وأعلم بأن الجمهور من يبحث عن الشاعر وليس الشاعر من يبحث عن الجمهور

ومتى ماشفت هالشي معكوس فأعلم بالفشل

وحياك الله يالمقاطي واسعدني حضورك

..

أبن بريم المقاطي

ياحيالله أبن بريم ومرحبابك يالمقاطي

سوالي : هل لك ديوان شعر ..؟

عندي ديوان موجود بأكثر من موقع على النت ومانزل للأسواق

السوال الثاني / هل لك حضور في حفل المزاين

كان الله أحياني

السوال الثالث / ماريك في الاعلام في وقتنا الراهن

سبق وجاوبت على هالسؤال فديت خشمك
وحياك الله يابن بريم ومرحبابك

[ابن معيض]

هلا والله بالذيب ابن هايف

يعلم الله اني احبك في الله ياولد العم

استمتعت بقراءة اجااااباتك علي اسئلة الاعضاء وعساااااك علي القوووة

س1 / هل ستشارك في أمسيات مزاين قبيلة عتيبه ؟؟؟

ماأعتقد إني راح أشارك

وراااااك ما تشارك اذا انت ما تشارك من اجل اللي يشارك

موب تقليل في بقية عيال عمي بس وربي من حبنا في قصيدك ودنا نشوفك اول المشاركين

وبالاخر

اتمني لك كل خير ياولد العم

تحياتي لك ،،

[ابو فايح]

اخي جابر مرحبا بك بين اخوانك وربعك وياهلا عدد سكان الكويت ولا اقولك السعوديه .


الحقيقه من احد اجوبتك على سؤال احد الاخوه عن يوسف قلت مايستاهل اعتقد انك جبت العيد يوسف في حفله فالطائف شكر جميع عتيبه وهذه الحفله موجوده في هذا المنتدى وبعدين المفروض ان كان عندك عتب على ولد عمك ان يكون بينك وبينه ماهو قدام الله وخلقه في منتدى تدخله جميع القبايل .

[جابر هايف]

أبن معيض

يامرحبا والله فيك وياهلا بالكلام الطيب والشخص الرائع تشريفك لموضوعي فخر لي

وراااااك ما تشارك اذا انت ما تشارك من اجل اللي يشارك

موب تقليل في بقية عيال عمي بس وربي من حبنا في قصيدك ودنا نشوفك اول المشاركين

يعلم الله سبحانه إنه شرف لي تواجدي ومشاركتي لكن ماهي على الكيف ولاكل مايتمناه المرء يدركه

ومشكور ياأبن معيض أفرحني حضورك وكلامك الطيب ياطيب الشخص والكلام

..

أبو فايح

حياك الله طال عمرك ويسعدلي هالمساا والحضور الطيب وجعلك طويل عمر يارب


الحقيقه من احد اجوبتك على سؤال احد الاخوه عن يوسف قلت مايستاهل اعتقد انك جبت العيد يوسف
في حفله فالطائف شكر جميع عتيبه وهذه الحفله موجوده في هذا
المنتدى وبعدين المفروض ان كان عندك عتب
على ولد عمك ان يكون بينك وبينه ماهو قدام الله وخلقه في منتدى تدخله جميع القبايل

أبو فايح أولا ً أشكرك للنقد المبني على حرص " عدم نشر الغسيل " لكن يابو فايح لايصح إلا الصحيح

أنت قلت في حفله بالطايف يعني يوسف ضيف على الحفله !؟

ليش هو مايسوي حفل لربعه ويجمعهم ولا برأيك مانستاهل حفله وشكر ؟!؟

وإن كان تقول المفروض إنه بيني وبينه فأنا أقول لك على قولة أهل مصر " مصر كلها عرفت " العالم كلها تدري إن يوسف ضرب في عتيبه عرض الحيط ولا كلف نفسه في بيتين شعر على الأقل . ووضعها هنا بالمنتدى هذا وهالمكان بالذات كان الكنترول لدعم يوسف .
وشكرًا لك يابو فايح

لاخلا ولاعـدم طال عمرك

[نواف العصيمي]

الأخ جابر بن هايف

أشكر تفاعلك وحسن تعاملك والرد على الأسئلة بصراحه
وبما أنك تحدث عن الصراحه ..

وتطرقت ليوسف العصيمي ..

أولا عتيبه فعلت مافعلت لابن لها ولم ولن تمن عليه فيما فعلت له
وإذا كنت نادم على مافعلت له فأكتب أنه ((لايستحق مافعلت له أنا ))

مع كامل الإحترام والتقدير لك

[الغبيـــوي]

السلام عليكم


حيا الله الأخ جابر والمحل محلك وبين ربعك


السؤال يقول ليش ماتعقد أمسية شعريه في السعوديه وبالأحرى في الرياض ؟؟؟


وأعود وأكرر وأرحب بك


لك خالص شكري وتقديري

[( أبـو ريـان )]

بسم الله الرحمن الرحيم

أرحب بالشاعر الكبير / جابر بن هايف العتيبي ومرحبابة في منتدى قبيلتة ومع أبناء عمة

[ابوبجاد الرويس]

ارحب تراحيب المطر يابوهايف ,,,,,,,,,,,, عدت لكـ مره اخرى

وتعجبني صراحتكـ يالذيب ,,,,,, وكلامكـ عن يوسف واللـه انكـ صادق


( وكلمه تستحي منها بدهـا )..........


واللــي يزعــل من الحق والصراحــه ,,,,,, <<<<<< يشرب من البحر ,,,,,,


حتى اللي خسروا عشانـه واستاجروا استراحات وخسروا بطاقات عشان التصويت لـه مشكرهم ولا شي ,,,,,,,,


ما اقول الا يابوهايـف مالكـ الا كل الأحترام والتقدير ,,,,,,,,,

[‏ミ♡彡 العميد ミ♡彡]

الشاعر الغالي على افئدتنا جميع جابر هايف العتيبي الحقيقه فرصه سعيده نشوفك معنا في منتديات عتيبه الهيلا المنتدى الذي نجتمع تحت سقفه كالاسره الواحده .
لدي مداخله اخويه على ردك ان يوسف العتيبي ما يستحق ماقدم له
هذي وجهة نظر جابر هايف قديتفق معه البعض ويختلف معه اخرين
ولا يمكن ان تكون وجهة نظر مجمع عليها .
عتيبه الهيلا عندما انتخاها احد ابناءها وجاء وقت الماقف الغصاب
قدمت كل ماينبغي تقديمه مثل بقية القبايل .
لان هذه قيمها ومبادئها التي تربا عليها ابناءها منذ الازل
ولم تكن تنظر ماذا سيقدمه يوسف لاحقا
بل كان الهدف الرئيسي
هو ان يتأهل يوسف وتجب مناصرته على مالقيه من ظلم من اللجنه الغير عادله.
ثم ان كلنا يعرف ان يوسف لديه ضروف مايعلمها الا الله من التفكير
باسرته التي تعيش خارج البلاد وامور اخرى . هذه امور تجعلنا نعذر يوسف ويجب ان لانستبق الاحداث فربما ان الرجل لديه وجهة نظر
في ارجاء مثل هذه الاشياء . ومانقول الا الله يوفقه .

[الرأي الآخر]

الشاعر الغالي على افئدتنا جميع جابر هايف العتيبي الحقيقه فرصه سعيده نشوفك معنا في منتديات عتيبه الهيلا المنتدى .
لدي مداخله اخويه على ردك ان يوسف العتيبي ما يستحق ماقدم له
هذي وجهة نظر جابر هايف قديتفق معه البعض ويختلف معه اخرين
ولا يمكن ان تكون وجهة نظر مجمع عليها .
عتيبه الهيلا عندما انتخاها احد ابناءها وجاء وقت الماقف الغصاب
قدمت كل ماينبغي تقديمه مثل بقية القبايل .
لان هذه قيمها ومبادئها التي تربا عليها ابناءها من الازل
ولم تكن تنظر ماذا سيقدمه يوسف لاحقا
بل كان الهدف الرئيسي
هو ان يتأهل يوسف وتنبغي مناصرته على مالقيه من ظلم من اللجنه الغير عادله.
ثم ان كلنا يعرف ان يوسف لديه ضروف مايعلمها الا الله من التفكير
باسرته التي تعيش خارج البلاد وامور اخرى . هذه امور تجعلنا نعذر يوسف ويجب ان لانستبق الاحداث فربما ان الرجل لديه وجهة نظر
في ارجاء مثل هذه الاشياء . ومانقول الا الله يوفقه .



عين الصواب ماقلت بارك الله فيك ((هل يعقل ياأخوان أن ينخانا يوسف أو غيره من العتبان ثم ننصره ونشد أزره مقابل شيء ثاني ؟؟!! هذا غير ممكن إلا عند الصلب ((أكرمكم الله ))..

[ابن هضلا]

أرحب للمره الثانيه بولد العم..يامالك من الترحيب..منور منتداك وانا اخوك..

بخصوص يوسف حبيت اقول للكل يوسف ماقصرفي كل مكان وفي كل لقاء يشكر(لوالودودي أجي كل واحدفي محله واشكره)وحنايوم وقفنامعه مانستنى كلمة شكر..واذاعلى القصايدسمعت انه بيكتب قصيده في ربعه على وقفتهم معه والله أعلم بهالكلام بس ماندري عن ظروف الرجال لاتنسون انه قاعديرتب اموره للحين علشان يستقرفالرياض ويكفي انه مثلنا((الله يجملني واجمل ربعي..قدام تدفن فالتراب عظامي)) حتى قصايدجديده ماكتب للامسيات..وحنالمانسوي الطيب مانستنى شكر من احدمومن عوايدنا..وهوقالهافي امسية الطايف..
(اخواني) وسمحولي وان حصل تقصير
بغيت اكتب قصايد مير مامداني
بغيت اكتب جديد ولا جصل لي مير
اعوظكم ابها كان الله احياني

سؤالي لك ياولدالعم:
ماهي أقرب القصايد الى قلبك؟؟
من متى وانت تكتب الشعر؟؟
والله يحيك في كل وقت..
تقبل خالص تحياتي واحترامي

[فااارس]

الاخ / جابر

حيااك الله معنا بين بني عمك ..

سؤالي /

في الملتقى تم دعوة شعراء من السعوديه وجو عانين عشاانكم على ان الدعوه لاقامة امسيه وبعد وصولهم تفاجوأ بطلبكم منهم قصيده منبريه والاكتفاء بها !! فـ هل يعقل !! تدعوهم لاقامة امسيه ويجون متعنين وسفر عشان الدعوه وعقبه تكتفون بقصيده منبريه !!!


وشاكر لك ياجابر سعة صدرك وتقبلك الاراء

[جوكي]

بسم الله الرحمن الرحيم


اشكر ابومرحبا علي اللقاء / وارحب في الشاعر الكبير جابر هايف العتيبي وتعجبني صراحتك اما الشاعريوسف العصيمي صحيح لايستحق الوقف معه علي الاقل يكتب قصيدة في القبيلة اللتي دعمة في كل شئي وهو التصويت والمساعدات في التجنيس والقصايدمن ابناء القبيله اثناء الظلم اللذي وقع عليك من لجنة التحكيم دفاعا''عنك واموركثيره وكل هاذا لم نسمع شيئ للهيلا يعجبكم كذا والله العظيم لوكل هاذا حصل معي وانا شاعر كان كتبت 1000 قصدة في القبيله وهاذا شوي في حقها اللتي صطعة نجوميتي من الله وثم ابناء القبيله وقفتهم معاك كل الجبال اللتي لاتهزها الرياح وكل هاذا لانسمع شيئ يعجبكم هاذا لاوالله كلامك اخ جابر في مكانه وشكرا''للشاعر جابرهايف علي الاجوبه الصريحه تقبلوا خالص تحياتي
أخوكم الجوكي

[ابن نميان]

جابر هائف

مــا قول غير الله ينصرك ...!


والله


يوفقك.............!


دمت بود وعافــــــــــــيه

[منصور بن فهيد]

مرحبا فيك اخوي هايف ...
ومنور المنتدى يالغالي ...

أنا ماأتحاقر الريجيل وأقول ونعم للحين وهذا قولي ولكن قال عليه الصلاة والسلام (( ما أفلح قوم ولوا أمرهم امراة ))؟

وكلنا نعرف بإن "نشوه الرويني "هي صاحبة البرنامج

و ماذا عن القصيده اللتي انتشرت مؤخرا واللي انتقدت فيها لجنة التحكيم ؟؟؟

يلاحظ تركيزك في اغلب قصائدك على التفاخر بالقبيلة رغم انها صفه جميله فهل تطمح لأن تصبح شاعراً لقبيلة عتيبه ؟؟؟

وشاركلك سعة صدرك ...
تحياتي لك ...

[محمد الزايدي]

اقتباس من جابر هايف

ياهلا فيك والف مرحب يالزيادي وجودك اسم شرف لي والله

لاهنت ياطويل العمر

..




(( يابوهايف مانب من ذوي زياد والله ونعم بهم من غير قصور فيهم ,, بس انا من الزود ,,, زايدي ,, ))

[خبروها بالغلا]

ارحب ياشاعرنا تشرفنا بوجودك معنا هنا في منتدى بني عمك
وأشكر الأخ ابو مرحبا على الدعوه وأشكرك أيضاً بقبولها

كنت اتمنى أني أسألك كم سؤال بس الأخوان هنا ماقصرو

وماعاد باقي الا سؤال واحد . معروف أنك صاحب الابيات هذي


ياناس حّنا من ضنـا نجـد عتبـان = يشهد لنا التاريخ لو قلـت حنّـا

وأيضاً


حنا عتيبه الهيـلا برقـا مـع روق=واللـي يرحـب بالسلاطيـن يبـقـا
ماذلنا مـن خلقـة الأرض مخلـوق=أهل المكـارم ربعـي روقٍ و برقـا

وأيضاً


ياخبل حنا عتيبـه وكـل حـي ٍ نفجعـه=حاكمين الأرض طول وعرض وحنا مجدّها
نذبح الحايل كـرم وكـل عايـل نقمعـه=ويرحم الله من نوتلـه الركـاب وشدّهـا
كم شيخ قوم مننا قـام يتهاطـل مدمعـه=نجد العذيه بالسيوف الحدب فزنا بودّها

وأيضاً


شاعر وجيت من الغضب قلت ادسمك=لحد ٍ يعيب الناس ولاشـاف عيبـه
وهذي نصيحه ياغبي جيت اعلمـك=أيـاك تزعـل اي شخـص بعتيبـه


وأيضاً


أنا من نجد .. وربعي هـم عتيبـه وخالـي ؟ الدحمـي=وبرقا لحمي ودمي وأنـا مـن روق ومـع ؟ ناصـر ؟


وأيضاً



من كنت طفل افخر بذباحت الحيل = اللي على كل الطويل رايه
ربعي عتيبه الفحول الحلاحيل = اهل الكرم والمعرفه والدرايه


في أكثر قصائدك أشوفك تفخر بعتيبه ورجالها وهذا الشي جميل منك
وهو مازادني اعجاب في شخصك وفي قصائدك .

ولا أظن فيه شاعر من شعراء القبيله ذكر عتيبه في قصائده
كثرك والله اعلم سواء في الغزل او غيرها

سؤالي هنا ياأخ جابر ..

ماذا قدمت لك قبيلة عتيبه بالأصح رجالها من اعلاميين الي اخره .؟

[ابو فايح]

اخي العزيز جابر جميع الشعراء الذين شاركوا في شاعر المليون دعمتهم فبائلهم وهي لاتنتظر رد الجميل لان هذا من واجب الجماعه تجاه الفرد وتاتي انت وانت من روس العرب قبيلة عتيبه تريد مقابل مادفعته لابن عمك وانت تعلم ان جمع قبيله تمتد من العارض الى الحره من قبل شخص واحد امر مستحيل اريد ان اسالك من من الشعراء قام بجمع قبيلته رغم انهم دعموا جميعهم ,,,الواجب على القبيله وليس على الفرد ويكفينا من يوسف ذكره لنا في اغلب قصائده وليس مثل بعض الشعراء الذي خرج ولم يذكر قبيلته ولو لمرة واحده ويكفينا ايضا منه بيته الذي يحفظه جميع من ينطق اسم العتيبي وهو:
الله يقدرني واشرف ربعي** من قبل تدفن فالتراب عظامي

وبعدين اخي جابر انت تقول انك صريح ولا تحب المجامله الكل يعلم انك قمت بهجاء اللجنه بقصيده انتشرت في الخليج باكمله وتاتي الان وتقول الرجال ونعم مافيهم قصور اسألك بالله هل هذه صراحه؟

[ابو براك]

أرحب للمره الثانيه بولد العم..يامالك من الترحيب..منور منتداك وانا اخوك..

بخصوص يوسف حبيت اقول للكل يوسف ماقصرفي كل مكان وفي كل لقاء يشكر(لوالودودي أجي كل واحدفي محله واشكره)وحنايوم وقفنامعه مانستنى كلمة شكر..واذاعلى القصايدسمعت انه بيكتب قصيده في ربعه على وقفتهم معه والله أعلم بهالكلام بس ماندري عن ظروف الرجال لاتنسون انه قاعديرتب اموره للحين علشان يستقرفالرياض ويكفي انه مثلنا((الله يجملني واجمل ربعي..قدام تدفن فالتراب عظامي)) حتى قصايدجديده ماكتب للامسيات..وحنالمانسوي الطيب مانستنى شكر من احدمومن عوايدنا..وهوقالهافي امسية الطايف..
(اخواني) وسمحولي وان حصل تقصير
بغيت اكتب قصايد مير مامداني
بغيت اكتب جديد ولا جصل لي مير
اعوظكم ابها كان الله احياني


أنا أتفق مع كلام أخوي ابن هضلا

وحنا ماوقفنا مع يوسف علشان ننتظر كلمة شكر أو نتمنن عليه
الرجال نخانا ووقفنا معه ولانبي منه شي

وبعدين إذا كان عندك عتب على ولد عمك

لاتقوله قدام خلق الله وفي منتدى يدخلونه كثير من القبايل
وأنا أرى إن يوسف يستحق كل مافعلناه من أجله

سألك أحد الأخوان وقال لك
س1 / هل لك حضور في مزاين عتيبه ؟؟
ج / كان الله أحياني

وسألت أنا وقلت
س/ هل ستشارك في أمسيات مزاين عتيبه ؟
ج/ ماأعتقد إني راح أشارك


وياالشاعر جابر العتيبي
أنت تقول بجاوبكم بكل صراحه وأنا ماشفت هذا الشي
وأجوبتك على اللأسئله مختلفه ومتناقضه
وأتمنى إنك تجاوبنا بكل صراااااحه
والله يوفقك

[جابر هايف]

نواف العصيمي

ياهلابك من جديد يانواف وجعل سالم وطويل عمر يارب

بالنسبه لقولك ليش ماأقول أنا عن نفسي أنه مايستاهل ماقدمته أنا فأنا أرد عليك يانواف
بقول " إن كان صوتك ماتسمعه غير إذنك ترى صوتي سمعته عتيبه كلها "
وإن كان حميتك لشخص واحد فأنا حميتي لأربع ملايين شخص
ومرحبابك يانواف لاخلا ولاعـدم

..

الغبيوي

حياك الله ياولد غابي ومرحبابك والله

إن شاءالله متى مالله كتب راح يكون هالشي

ومرحبابك يالغبيوي وربي يطول عمرك

..

أبو ريان

يرحب بك الرحمن وملائكته يارب ومشكور للحضور والترحيب يالقرم

لاخلا ولاعـدم يابو ريان

..

أبو بجاد الرويس

مرحبا فيك يابو بجاد وكلامك طيب وماخفي أعظم والله
والله أنا أعرف ريجيل مايسلمون على بعضهم
من شاعر المليون لليوم وعندي شهود على هالكلام .. مطران وعتبان .. وكانوا على علاقه طيبه قبل
هالبرنامج ولالقوا من يقولهم ماقصرتوا ياريجيل وبيض الله وجيهكم

وانت يابو بجاد بيض الله وجهك للحضور مره أخرى وللمشاركه

لاهنت ياذيب

..

العميد

ياهلا ومرحبا فيك طال عمرك ومشكور للحضور وماقصرت

حنا ماطلبنا المستحيل حنا نبي حضور يوسف من منطقه لأخري ومن مدينه لمدينه وأمسيات ومش عارف أيش
مفروض يكون لنا دور ونحن من وصله إلى هذا
حلقات البرنامج كانت كل ثلاثاء " وكان يوسف كل أسبوع مجهز قصيدة نخوه " والحين صارله سنه ولاقدر على اربع
أبيات شكر ؟؟ كل هذا شغل وظروف !؟

الله يعينه

ولاهنت يالعميد

..

الرأي الآخر

ياهلا بك طال عمرك وأرحب في عودتك

من لايشكر الناس لايشكر الله

واللي مايرانا شي مانراه شي

ومرحبا فيك يالرأي الآخر

..

أبن هضلا

أبن هضلا حياك الله ياطويل العمر وأرحب أرحب

ويوسف أخذ من وقتي الكثير ولاني جاي هنا علشان موضوع يوسف

وبالنسبه لأسئلتك

ماهي أقرب القصايد الى قلبك؟؟

كل قصايدي يشهد الله قريبه من نفسي مثل غلا الأبو لعياله فلا فرق بينهم

من متى وانت تكتب الشعر؟؟

من 15 سنه تقريبًا ولكن بتغير الأسلوب من مرحله لأخرى

وياهلا هلا يابن هضلا فيك ومرحب

..

فارس

فارس حياك الله يافارس وهلا في حضورك هنا وأشكرك للسؤال هذا والله لأني تمنيت إني أواجهه

مشعان البراق علشان يصير الكلام من وجه لوجه فإن كنت أنت هذا جوابي وإن كنت غيره فوصل له جوابي

أنا أرسلت دعوه لمشعان البراق وبعد أيام جاني أتصال من قريب له وقال ياجابر

مشعان يتعذر علشان عرس أخوه بنفس اليوم قلت طيب

وقبل الحفل بيوم قالوا إن مشعان جاي بالطريق كلمته وقلت يامشعان تبيني احطك بالامسيه قال لاوالله

ماني مجهز شي قلت احطك مع النبر قصيده وحده قال " تم " وحطيت أسمه ويوم الحفل وكل الحضور يشهد

نادوا مشعان المنظمين للأمسيه ولاجاهم وقالوا لي وين مشعان ورحت له في مكانه اللي جالس وقلت يامشعان قم

قال لاوالله اعذروني والله ماني مجهز شي

قلت طيب

هل عليه ملامه ؟؟؟

اللي عليه سويته

وشكرًا لك يافارس وهلا ومرحبا فيك

..

الجوكي

ياهلا فيك يالجوكي وأنت سنافي وكلامك طيب ولكن الريجيل ماهم سوى
ومرحبابك يالجوكي اسعدني حضورك والله

..

أبن نميان

يامرحبابك في ذمتي حياك الله ويسعدني هالحضور والدعوه الطيبه

الله يجزاك خير ويبارك فيك ويطول عمرك

لاهنت ياأبن نميان وكثرّ الله من أمثالك

..

منصور بن فهيد

مرحبا والله يابن فهيد وحياك الله

أنا ماأتحاقر الريجيل وأقول ونعم للحين وهذا قولي ولكن قال عليه الصلاة والسلام (( ما أفلح قوم ولوا أمرهم امراة ))؟

وكلنا نعرف بإن "نشوه الرويني "هي صاحبة البرنامج

و ماذا عن القصيده اللتي انتشرت مؤخرا واللي انتقدت فيها لجنة التحكيم ؟؟؟

القصيده على قولتك قصيده يعني قصيده هجائيه .. والهجاء غرض من أغراض الشعر الشعبي

فلا كل من يمدح ممدوح ولاكل من يهجئ ذميم

أحيانا " في شعر القلطه
يشبه الند نده بالفار والحمار تكرمون وبعدها برد وسلام خويه ويضحك معه ويسولف " ولكن كانت في وقتها ولغرضها

يلاحظ تركيزك في اغلب قصائدك
على التفاخر بالقبيلة رغم انها صفه جميله فهل تطمح لأن تصبح شاعراً لقبيلة عتيبه ؟؟؟

لاخير فيني ولا في قصيدي إن كان ماتفاخرت بعتيبه والقبيله كلها شعراء فكيف أصبح أنا شاعرها !؟

ومرحبابك أنت يابن فيهد

..

الزايدي
ونعم ونعم ونعم يالزايدي والعتب على النظر ياخوك

السموحه طال عمرك

وحياك الله يالزايدي

[جابر هايف]

خبروها بالغلا

حياك الله ياخبرزها بالغلا والف مرحب فيك وبكلامك الطيب وبالدلائل اللي عندك ولكن تنويه في غلط ببعض المفردات بالأبيات ومشكور

ماذا قدمت لك قبيلة عتيبه بالأصح رجالها من اعلاميين الي اخره .؟

كلامك كان عن الإعلاميين وأنا إن شاءالله ماني في رجا شي من أحد وهم ماهم مقصرين لو بغيت شي

وحياك الله ياخبروها بالغلا لاخلا ولاعـدم

..

أبو فايح

أبو فايح حياك الله ومرحبا فيك

والصراحه هي أنك ماتدري عن شي وياليت تقرى أسألت اللي قبلك ولاتكررها
وحياك الله يابو فايح

..

أبن براك

مرحبا بك يابن براك واسعدتني عودتك

يوسف أخذ من وقتي مالا يستحقه

سألك أحد الأخوان وقال لك
س1 / هل لك حضور في مزاين عتيبه ؟؟
ج / كان الله أحياني

وسألت أنا وقلت
س/ هل ستشارك في أمسيات مزاين عتيبه ؟
ج/ ماأعتقد إني راح أشارك


وياالشاعر جابر العتيبي
أنت تقول بجاوبكم بكل صراحه وأنا ماشفت هذا الشي
وأجوبتك على اللأسئله مختلفه ومتناقضه
وأتمنى إنك تجاوبنا بكل صراااااحه

الصراحه إنك بطيء أستيعاب وياليت تشغل تفكيرك شوي وتعرف وش الفرق بين الحضور والمشاركه هذا شي وهذا شي وحاول إنك ماتطلب الصراحه مره ثانيه
يمكن تجرحك

وحياك الله

وياليت الأخوه اللي يسألون ينتبهون للأسئله قبلهم ولايكررون السؤال

[أبو مرحبا]

وفي ختام هذه المقابلة لا يسعني ألى ان أتقدم بالشكر للشاعر جابر هايف العتيبي

وأشكر كل من تفاعل معنا وشارك بالاسئلة


اسمحولنا على القصور

هذا بيتين شكر لشاعر جابر والاعضاء اللي شاركوا معنا

أتمنى ان تنال أعجابكم:


مشكور ياجابر على كل اللاحوال= لتلبية دعوة رجال القبيلة

والشكر موصول الى كل رجال = وان قلتها مليون هاذي قليلة





مودتي


أخوكم
أبومرحبا

[فيصل المسعودي]

نشكر الشاعر الاخ /

جابر بن هايف العتيبي

على الحضور والمشاركه والتواصل مع جمهوره وابناء عمومته


والشكر موصول ايضاً للأخ ابو مرحبا عى تبنيه ترتيب هذا اللقاء

والشكر ايضاً موصول لجميع الاعضاء والاخوان الذين شاركوا وابدوا مالديهم

للجميع وافر الاحترام والتقدير

اخوكم

فيصل النفيعي

[الــوآفــي]

الاخ جابر هايف


نشكرك كل الشكر عل تواجدك الجميل وصارحتك المثيره



ونعتذر منك اخي العزيز اذا حصل منا او من احد اعضاءنا ما يسئ لك اثناء تواجدك في منتداك الهيلا


ونقول للاخوان ان لكل شخص وجهة نظر لستم مجبرين على الاخذ بها ولستم مجبرين ايضا على الرد عليها

من لم يعجبه رد شاعرنا كنا نتمنى ان يبين وجهة نظره في موضوع مستقل وبعدم فرض رأيه على الاخرين وليس في موضوع اللقاء مع الشاعر وتشتيت الموضوع


نكرر اعتذارنا اخي جابر مره اخرى


ذيبان