ناصر المرشدي... صــادووووووووووووووه!

[بندر المرشدي]

مرحبا بالشاعر اللي قيل صاير له قضية=والقضية خمةٍ للبوك من جيب الحصاني

راح فيه النقد والصراف واثبات الهوية=يالله استر لا يجي في عقل صاحبنا جناني

[ناصر المرشدي]

استلم

ودي اقول البقاء لكن فالخطر شويه=القضيه ماتخص تعمنا يامودماني
باذن ربي مايروح النا كثير ولابليه= لو حصل فرك الخشوم ولو حصل قرص الاذاني

[بندر المرشدي]

والله اني ما نويت اجرحك والنية مطية=مار اشوفك ياطويل العمر كنك ماتداني

لاتصفح فالعلوم وكن ما صارت بليه=والله انك رايحٍ فيها على قول الفلاني

[ناصر المرشدي]

استلم


انت وش موقعك يوم انك تحولها عليه=لاتمنذل في رفيقك وابك كنك ماتباني
العواصف ماتطير ستر ليلى العامريه=وكل شي غير الله وجه الله يارجال فاني

[سيــف المعانـي]

ياسلااام
خخخخخخخخخخخخ التحدي الرجال ما يداني ههههههه اكوي
في صفك ولا يهون ناصر


متابع لكم يا مبدعين

[ناصر المرشدي]

مرحبا سيف المعاني


ولاهنت يالذيب

[بندر المرشدي]

ما اختلفنا بالعطية... ابشر بيمناً سخية=مار وش قالوا جنود الشرطة اللي بالمكاني

روح راجع فالبنوك وروح شوف الداخلية=واعلن بكل الجرايد ما بقي لك حل ثاني

[بندر المرشدي]

ياسلااام
خخخخخخخخخخخخ التحدي الرجال ما يداني ههههههه اكوي
في صفك ولا يهون ناصر


متابع لكم يا مبدعين



سيف المعاني الصف عامر بوجودك

تسلم على المرور..........

[ناصر المرشدي]

استلم

لاتوخر لاتقدم فالحروف الابجديه=ماتعودنا على عيش المذله والهواني

الله اكبر يالخوي اللي تخلا عن خويه=انتبه للرجل لايغويك ياسيف المعاني

[سيــف المعانـي]

الله الله متابعين
يا سلام ياسلام

سيف المعاني <<<<<<<<<<<<<<<< اكيد واحد ثاني :d

[ناصر المرشدي]

لا والله انت ههههههههههههه


بس انتبه لرجال وخلك حذر

[بندر المرشدي]

قلتها من عقب ما شفت لك ضرباتٍ قوية=لا تخلينا نجيب علومك اللي فالبياني
خلها بيني وبينك فوق حد الجاذبية=لا تحوص مثل ماقال المثل يالثعلباني

[بندر المرشدي]

الله الله متابعين
يا سلام ياسلام

سيف المعاني <<<<<<<<<<<<<<<< اكيد واحد ثاني :d

سيف المعاني خلك قريب ترا ما افكه إلا بكفالة

[ناصر المرشدي]

استلم


ارتح ارتح في ذرى اهل المرجله واهل الحميه=اول المشوار لكن عودت عشرك ثماني
الليالي سرمديه والمسافه سرمديه=ووقفة الرجال تثبت هيبته طول الزماني

[ناصر المرشدي]

سيف المعاني خلك قريب ترا ما افكه إلا بكفالة


عسى على القوه بس الخطر عليك

[سيــف المعانـي]

التحدي


والله ان المرشدي مطنوووخ ويستاهل بس ماني كافله عليك ابه ههههههههه الليل

[بندر المرشدي]

وين وديت التذاكر عقب رحت القنصلية=ها تكلم بالصراحة.. اعرفك ما انت بجباني

لا تقدم للمواجه وانته عظامك طرية=والله اني قلت ابا اربيك مار الله هداني

[بندر المرشدي]

عسى على القوه بس الخطر عليك

بعدين الهرج لاحقين عليه

هالحين حرب المعاني

[بندر المرشدي]

التحدي


والله ان المرشدي مطنوووخ ويستاهل بس ماني كافله عليك ابه ههههههههه الليل

هههههههههههههههههههههههه

لا ياليله الأسود

[ناصر المرشدي]

استلم



ليش يالراعي بعد سرحت ضيعت الرعيه=ومرتن لاحي يلاح ومرتن ياليل داني
يوم رحنا عنك وانته بين ذيك وبين ذيه=ويوم جينا وانت نزلني وتلقاني مكاني

[سيــف المعانـي]

الله الله يالمرشدي قويه

لا والله الدعوى فيها سرررروي وين التحدي

[بندر المرشدي]

ما نسافر للديار اللي من الذمه برية=سيرتك مثل الضباب وربي اللي ما بلاني

روح واذبح لك بجنب البيت ياشاطر هدية=والا انا في ديرتي ما بين هيل وزعفراني

[ناصر المرشدي]

استلم


السباع الشهب تمشي من نحيه في نحيه=والسباع الثانيه ماتترك الفيه ثواني
يالتحدي مايكيف راسي الا الشاذليه=مايكيف راسي الا الهيل والبن اليماني

[بندر المرشدي]

التسكع فالآماكن مايسر اهل الحمية=قص شعر.. وهز خصر.. وليل ياليل الغواني
روح كيف في بلاد الاندلس والبندقية=لا تهايط فالمجالس وانت في قلبك تعاني

[ناصر المرشدي]

استلم


السموحه ياجماعه طحت لي في رجل عيه=وعن كلام اهل الدوادي والزلل يكرم لساني=
التحدي جاه مني كيتن من فوق كيه=والله لياخذ سنه مافارقت حدب المحاني

[بندر المرشدي]

السموحة ياجماعة ماندور للردية=مار هذا ماتسمع نصح ذربين اليماني

يالله انك تغفر ذنوبي وتمحاها خطية=كم جاء هالاجودي مني من الحيل السماني

[مخلف الهقاوي]

التحدي&نااصر المرشدي

ههههههههههههههههههههههه

صحت السنتكم حرب ضروس يادافع البلا

جزاااله يالثنينه

[الــوآفــي]

الله الله عليكم


شعار كبار وحرب المعاني :)



صحت السنتكم


متابعينكم في محاورات اخرى

[شـامان]

^

^


إبــــداع

لا هنتو ... والله يبيض وجيهكم


^

^

***

[مرزوق حمدان العتيبي]

..
.
قاف حامي وشعار من الطراز الاول
لاهنتم ... وبيض الله وجيهكم ...
..

[بندر المرشدي]

مخلف الهقاوي بيض الله وجهك وصح بدنك

ذيبان صح بدنك وشكرا على المرور

شامان صح بدنك وشكرا ولاهنت

[بندر المرشدي]

مشرفنا بيض الله وجهك على المرور

ومن طول الغيبات جاب الغنايم

[راع العلطا]

التحدي = نااصر المرشدي


الله لايهينكم على هالطاروق
مبدعين