الشاعر اللي خابر بعيد مداه

[عيد الروقي]

الشاعر اللي خابر بعيد مداه "=" مرحبا به لا مغيب نجومها
ما ودنا يا ربعنا نبحث خفاه "=" والبحور السبع ما ابسط عومها

[مخلف الهقاوي]

يامرحبا واسمع الصوت ونداه=واهلين والناس عند سلومها
من يبحث الخافيه يرجع وراه=والبحور السبع تبغا قرومها

[عيد الروقي]

مخلف الهقوات ويش اللي حداه "=" يخلف الهقوات في منظومها
كل شي مر فالسوق اشتراه "=" بعير ولا شاه دون يسومها

[مخلف الهقاوي]

مخلف الهقوات ماتكسر عصاه=مايخلف الهقوات ويشومها
ماطب سوقٍ غير ياخذ رجاه=والناس ماتستوي بعزومها

[عيد الروقي]

اخي العزيز / مخلف الهقوات


صبحك الله بالخير


اخوي طول الله عمرك الظاهر صار عندك لبس فالطاروق لانك ما ضبطه مره الا في كم شطر

تحياتي لك

[مخلف الهقاوي]

حدد الاشطر ولك مني الاجابه

احتراماتي

[عيد الروقي]

مرحبا بك

ست شطور جاءت على غير البحر اللي لعبي عليه وهي البيت الاول والشطر الاول من البيت الثاني في ردك الاول والشطر الثاني في البيت الاول من ردك الثاني والبيت الثاني

[مخلف الهقاوي]

وانا اخوك راجعت الاشطر اللي تقول عليها

الشاعر اللي خابر بعيـد مـداه "<<هالشطر قريت (بعيد) بالتنوين ومن

هنا حصل اللبس:)

وصدقت يابن العم الظاهر التبس علي بحرك

اللي تلعب عليه وبعد المراجعه اقول بيض

الله وجهك:)

[عيد الروقي]

ووجهك ابيض

حنا على النت ما نسمع البيوت مغناه وانما كتابه وهذا سبب ايضا

وكلنا انتعلم يا مخلف الهقاوي

عساك ذخر لاهنت