الليلة الملعبة.. فيها تلوح البروق

[بندر المرشدي]

سلام رديةٍ تصلح على كل ذوق= محفوفةٍ بالخطر من كثر تعقيدها

والليلة الملعبة.. فيها تلوح البروق=والخيل بانت على البيدا مراجيدها

[مرزوق حمدان العتيبي]

..
.
والليلة الملعبة.. فيها تلوح البروق
والخيل بانت على البيدا مراجيدهـا


..
والليلة الملعبة.. فيها تلوح البروق
والخيل بانت على البيدا مراجيدهـا



..

الله الله صح لسانك وازهل الصف ....

[سفير الدوله]

يامرحبا ياهلابك وانت شاعر خلوق=ترحيبتن من سمعها دايم يعيدها
أقولها بالنيابه وسط برقا وروق=قدم علومك وثبتها بأسانيدها

[بندر المرشدي]

مرحبا مشرفنا الغالي

صح بدنك وجودك اكبر دافع لنا

[مرزوق حمدان العتيبي]

أقولها بالنيابه وسط برقـا وروق
قدم علومـك وثبتهـا بأسانيدهـا


..
الله عليك ياسفير الابداع
..
صح لسانك على ردك الوافي ...
.. واصلوا يامبدعين وحنا متابعين ......

[سفير الدوله]

مديرنا الله لايهينك وصح بدنك


الابداع تواجدك ومرورك




مووودتي

[بندر المرشدي]

دام البقا يالمرحب وانت شاعر صدوق=ميز فحول المطايا من مفاريدها

السالفة يالعتيبي بالربع ماتلوق=والقوم قامت تحملنا مناقيدها

[مخلف الهقاوي]

التحدي مبدااا ولا اروووع يليق بشاعر بحجمك .. انت والله اللي مافيك

حيله هههههه صح لسانك

سفير الدوله..رد وااافي يالوااافي مبدع ومميز صح لسااانك

[خالد المقاطي]

والليلة الملعبة.. فيها تلوح البروق
والخيل بانت على البيدا مراجيدها


أقولها بالنيابه وسط برقـا وروق
قدم علومـك وثبتهـا بأسانيدهـا

الله الله

" " "

" "

"

شعار يجبروننا بالمتابعه

واصلوووو واصلووووو

وازهلو الصفوف

[بندر المرشدي]

والليلة الملعبة.. فيها تلوح البروق
والخيل بانت على البيدا مراجيدها


أقولها بالنيابه وسط برقـا وروق
قدم علومـك وثبتهـا بأسانيدهـا

الله الله

" " "

" "

"

شعار يجبروننا بالمتابعه

واصلوووو واصلووووو

وازهلو الصفوف



هلا بالطلة اللي تزيد في العمر سنين

بيض الله وجهك وسلمت يالغالي

[بندر المرشدي]

التحدي مبدااا ولا اروووع يليق بشاعر بحجمك .. انت والله اللي مافيك

حيله هههههه صح لسانك

سفير الدوله..رد وااافي يالوااافي مبدع ومميز صح لسااانك

شكرا على المرور وصح بدنك وما عليك زود طال عمرك

[سفير الدوله]

أجمال واد الدواسر عقب جاها نفوق=أنته مطيتك ماساع انطلق قيدها
ايديننا ياوسيع العرف دون الحلوق=لو نكسر القوم ونكسر بواريدها

[سفير الدوله]

مخلف الهقاوي


كعام المعادي



صحت ابدانكم

والله لا يهينكم على المرور

[بندر المرشدي]

العالم اللي على الفاضي تمط الشدوق=عقالها للخطا تدفع سلابيدها

العام الاول كثير من العباد مخنوق=واليوم يزمر على السادات مع سيدها

[مخلف الهقاوي]

امتاااااع وابداااااااع يالثنينه لله دررركم

متااابع بشغف:)واااصلوو عساكم على القوة

[سفير الدوله]

التحدي اعتذر الاتصال انقطع ومابعد اشتغل الا هالحين


كلمتك ياصاحبي من وسع ولا بضوق=الله يفكك من الناس ومقاريدها
قدام تعرف غروب الشمس شوف الشروق=والكلمه الضايعه ماسر ترديدها

[بندر المرشدي]

عند الوجيه القبيحة ماغدالي حقوق= لكن مدري ورا تخلف تقاليدها
وان عودت للمشاكل ما يكفوا ريوق=قطعت روس الافاعي من جلاميدها

[سفير الدوله]

اهل الوجيه المليحه دوجوا كل سوق=اشوف مشيتك صايرتً على حيدها
لو التحدي يخيل من الخيال الحقوق=حتيش مايقطع الفرجه سراميدها

التحدي تشرفت بالملعبه معك واخذ الفائده

مودتي

[بندر المرشدي]

الشرف لي ياطويل العمر
كان ودي يطول الطاروق شوي على شأن نقرب الصورة اكثر لكن الله يستر عليك

ولك تحياتي اخوك

[سيــف المعانـي]

صحت السنتكم

احب اعجابي بالشاعرين وميزتهم في تغليف الابيات وابتعادهم عن الحشو الممل .....
رائعين بقوووه

[شـامان]

بيض الله وجيهكم

محاورة راقية

واسجل اعجابي بالشاعرين الكريمين