الغزالي صاحب ساعات رادو المشهورة عتيبي

[صنهات المحياني]

الغزالي عائلة في الزلفي يرجعون إلى الأساعدة من الروقة من قبيلة عتيبة

وهم أصحاب ساعة رادو السويسرية المشهورة

والماركات التي يمثلها الغزالي "رادو - برايتلنح - موريس - لاكروا - تيسو - ايبل - سيرتينا - سانت اونوري - ميدو

[فهد النفيعي]

اثبت كلامك يا المحياني
هذي انساب ونا خوك مهيب لعب

[محمد المغيري]

حنا بعد في سوالف الناس اللي ما نعرفهم وكل شوي والثاني ناقزين فلان عتيبي وفلان عتيبي


تدرون ابي اشارك معكم

طيب فيه واحد لو اقولكم عليه تنصدمون وما تتوقعون انه عتيبي

اسمه منيف
واللي يبي يعرف عنه اكثر يسأل
ما فيه اجابه من دون اسأله

بس وربي لو تعرفون سالفته وهو وين ذلحين في ديره ما تتوقعونها

[أبوعيسى العتيبي]

بصراحة سمعنا هالمعلومة كثير ولاندري عن صحتها

لكن كما قلت هي تتردد كثيرا ومنذ زمن أيضا بأن الغزالي يرجع للأساعدة من عتيبة ...

نتمنى من لديه الجواب الشافي إفادتنا ,,,

[النمر الروقي]

طيب يالربع حنا في المنتدى وش دخلنا فيهم
اعتقد انه ما في داعي للخوض في نسب عائله بغيابهم وهذا اعتقد انه يعتبر من الغيبه خصوصا لمن يقدح بانساب ناس وعوائل بدون علم .( او حتى بعلم ) .
عندما يدخل احد افراد هذه العائله اليكم في المنتدى ويقول ( انا عتيبي ) حققوا معه !
واللي يبي يناسبهم بسأل عنهم واذا ما هو مقتنع لا يناسبهم .
حقيقة تشوف عجايب في المنتدى في القدح باعراض وانساب ناس غافلين بغيابهم . وسلامتكم .

وللمعلوميه انا ما ادري هم عتبان والا لا!

[سيحان]

يا اخوان الغزالي علامه تجاريه


والا هم اسمهم العبد اللطيف وابناء عمومه للحميّن يعني اساعده

[طالب حق]

الغزالي وحمولة العبداللطيف أبناء عمومه للحميّن مثل ما قال سيحان


وهم أساعدة كما يعرف الجميع


أتمنى من لا يملك المعرفة أن يصمت فالصمت وقار للبعض


مهوب كل شوي ناقز واحد يطعن في النسب بدون علم

ودليله انه لا يعرف هذه العائله




قالوها الأولين ( حتى المنسدح اللي في حاله ما خلوه )

[محمد المغيري]

يا اخوان انا في حياتي ما شفت ناس مثلكم

ردودكم هجوميه بدون مبرر

اخوي طالب حق والنمرالروقي
والله اني راجعت الموضوع اكثر من مره ما شفت احد طعن في نسب احد
انا مدري وش الحاله اللي تقرون المواضيع فيها
يكتب موضوع وتجي الردود اما مالها علاقه في الموضوع
او ردود هجوميه على شي محد تكلم فيه

صاحب الموضوع كاتب الغزالي عتيبي
والثاني كاتب وحنا وش دخلنا فيهم
والثالث يقول والله مدري عنهم
الكلام ذا فيه طعن في الانساب ؟؟؟؟؟

بالله عليكم وروني الطعن في الانساب اللي انتم شفتوه وحنا لا

[راعي صبحا]

الغزالي هو الأسم التجاري لشركة الساعات التي يملكه :

الشيخ / محمد العلي العبداللطيف من آل راشد من الاساعدة من عتيبة
وهو من محافظة الزلفي وأشهر من علم على رأسه نار

ومن جماعته الاستاذ / سعود الحمين الاسعدي رئيس لجنة مزاين عتيبة

( قضي الأمر الذي فيه تستفتيان )

[ذيب روق]

الرجال والنعم ان كان عتيبي ولاغيره ؟

[الاسعدي 111]

ونعم الرجال ونعم والف نعم

وهو محمد العلي المحمد العبد اللطيف

وهو اسعدي من محافظة الزلفي

منهم عبداللطيف حمين العبد اللطيف امير الزالفي من 70 سنه

ومنهم ناصر العبد اللطيف امير الزالفي من اكثر من 150 سنه

وسعود بن حمين بن عبد اللطيف هو خال ابناء محمد العلي العبد اللطيف

الغزالي هو اسم تجاري من اكثر من 50 سنه

[الاشهب]

ونعم بابو خالد


واللي عتيبي وفيه خير لا يجنب عن محلاته ولايشري الا من محلاته

[رمح الفارس]

وش هالتعصب يالأشهب

يعتز الواحد ويفخر بنسبه


ولكن مو لها الدرجــه



قال صلى الله عليه وسلم (( ( كلكم من آدم وآدم من تراب ) ))

[الاشهب]

[quote]وش هالتعصب يالأشهب

يعتز الواحد ويفخر بنسبه


ولكن مو لها الدرجــه





طيب

[قيصر العضياني]

المشكلة تعدد أسماء العوائل - وقلة من لهم العلم إلى أي فخذ ينتمون - مثل العبداللطيف --> للاساعده والحمين كذلك - وهذا مايجعل الخلاف كبير حولهم - فلو تركت على اسم القبيلة او الفخذ الثاني لمن لايريد كتابة القبيلة أو الفخذ المشهور - شكرا لكم جميعا

[فيصل الحمراني]

بالعقل ياخوان الرجل ماتبرع للمزيان الا وهو عتيبي