عريق الساس وعتيبي .. اقلط اقلط

[أبو نجر النفيعي]

..


الا يا ربع من عيّن لي الشاعر (عريق الساس) = نبا ناخذ علومه مع علوم أهل البجاديّه !!
تهيّض خاطري توّه وقلت آخذ معه مرواس = أسولف معه وأعلّمه والشكّات منهيّه !!

[مرزوق حمدان العتيبي]

يا ربع من عيّن لي الشاعر (عريق الساس)
نبا ناخذ علومه مع علـوم أهـل البجاديّـه !!
الله الله مذهل يالمرعب ... صح لسانك...
وننتظر عريق الساس ... وصح لسانه مقدما ً .....

[أبو نجر النفيعي]

..
يا مرحبا يا مرحبا بمديرنا العزيز ..

وانا اشوف الصفحه منوره :)

حياك الله يابو محمد ..

وصح بدنك يالغالي ..

ولاهنت ..

:)

[عريق الساس وعتيبي]

وصلك الشاعر اللي تطلبه يامبعد الارماس
تبا تاخذ علومي جتك مربوعه ومثنيه
تهرج ياولد عمي وثم خلك قوي الباس
تهرج لاتهمك ياولد هاذي وهاذيه

[أبو نجر النفيعي]

..


الا يا كليب ذوق الطعن ذوقه من سهم جسّاس = وهذي حالت الدنيا دني يا طيّب الغيّه !!
ليا منّك بغيت الصدق دوكه يا وليد الناس = عسى الله ينصر العتبان فديار الحراميه !!

[عريق الساس وعتيبي]

اموت اليوم يافيصل شجيع ولايذل الراس
اصدرها واوردها على الروحات والجيه


ليا منك بغيت العلم بالاخماس والاسداس
تعلم من كبار السن واعرفها على النيه

[أبو نجر النفيعي]

نبا نحمسك يا رجّال حمس البن بالمحماس = مدام انّك تخمخمها على الشمس وعلى الفيّه !!
عسى ربي يجيب البيرق اللي جوّفوه ألماس = وتفرح لابةٍ وقت الوغا نيرانها حيّه !!

[عريق الساس وعتيبي]

تقوله مير ماتقدر وانا جوف البحر غطاس
وانا فالشعر يبن العم ماضاعت هقاويه

[عريق الساس وعتيبي]

اعذرني يبن العم لارجعت بكملها

تقوله مير ماتقدر وانا جوف البحر غطاس
وانا فالشعر يبن العم ماضاعت هقاويه