رفيع المنزل-اقرب لاهنت

[مخلف الهقاوي]

يارفيع المنزله قبل الدوام=خلنا ناخذ علومك ياولد
نصف ساعه يارفيقي بالتمام=بعدها دربي على سكة جلد

[راع العلطا]

مخلف الهقاوي
ياسلاااااام ياسلااااااام


صح لسانك متابع الابداع

[رفيع المنزل]

جيت لك وش عاد عندك من كلام= وانت وش منصبك في وسط البلد
فيه من يجمع حلال ٍ مع حرام = وان حشرته كابر وهج وملد

[مخلف الهقاوي]

جيتني وارحب هلابك ياغلام=مرحبا واهلين وعيونك تلد
التفت حولك فشق ولا حزام؟؟=وان فقدته تعطي الدرب الصلد

[مخلف الهقاوي]

راع العلطااا هلاوالله باهالطلّه

فقدنا طواريقك البارح:)

حضورك عز الطلب ياولد العم

[رفيع المنزل]

البقا والشمس من فوق الغمام=لكن ااظن العقيمه ماتلد
رحت فيها شرق والمطلوب شام=ارجع ارجع جعل ماحسك بلد

[مخلف الهقاوي]

ماتلام ولا نجيبك للملام=يارفيع اثرك علينا مقتلد
اتجاه الشرق فيه الامر حام=من يقول الزانيه ماتنجلد؟

[مخلف الهقاوي]

رفيع المنزل تشرفت باللعب معك وانا اخوك

لكن هذي حزة الدوام ولايمديني استمر اعذرنا

لكن الجايات اكثر وابرك ان شاء الله..صح لسانك

واسمحلنا طال عمرك:)

[رفيع المنزل]

ماتجي دوني ومن دون المرام=طيب الافعال في ذكره خلد
ياصباح الخير من قبل المنام= قال لي والد ولاعندي ولد؟؟؟

[رفيع المنزل]

وحتى انا ياطوي العمر ابغى اروح لدوامي

تشرفت باللقاء واللعب معك

تحياتي

والجايات تجمعنا