الشاعر يتقدم يالربع

[رفيع المنزل]

الشاعر يتقدم يالربع


سلام الله عليكم ياعتيبه ياهل الهقوات=سلام الشاعر اللي ماقصر عنكم بهقواته
انا ماانقص حقوق النشاما وارتكب غلطات=ولكن وجد حالي شاعر ٍ يثبت بوقفاته

[خوي السعد]

هلا يامرحبا ترحيبتن تمشي على العادات = وانا رجلن على درب الوفا والطيب عاداته
كلامك يارفيع المنزله ينبي لحسن الذات = وكلن حسب منطوقه يبين للعرب ذاته

[رفيع المنزل]

ياعلك للبقا واكشف لنا عن باقي الصفحات=ترى اللي في دروب الطيب ماتنمل صفحاته
سكون الريح من عقبه تجي للعاصفه هبات=تعين بالجهات وشوف ريحك وين هباته

[خوي السعد]

انا رجال ماحب المجامل واكره الزلات = وبحر الشعر اخذت المعرفه في وسط غباته
جبال طويق ماتشكي سموم رياحها الصلفات = وكلن يرسم اهدافه على فهمه وقدراته

[أبو نجر النفيعي]

...
يا سلام .. ياسلام ..
بدايه مشوقه .. صحة السنتكم جميعا :)

..

متاابع ..

[خوي السعد]

المشرف القدير ابو نجر دخولك معنا في هالصفحه شرفنا وصح بدنك.

[سيــف المعانـي]

قوه وجزاله

وطاروووق عالي المستوى

سجلو متابعتي

واسمحو لي اسجل اعجابي بهذا البيت

جبال طويق ماتشكي سموم رياحها الصلفات
وكلن يرسم اهدافه علـى فهمـه وقدراتـه

[رفيع المنزل]

انا ماهفيت من حقك وراجع وافهم الغايات = اثر كل ٍ حسب قهمه تبين ويش غاياته
ياليتك تمشي بدربي وتترك عنّك اللفات = ترى نقد الرجل عند العرب باسباب لفاته

[رفيع المنزل]

ابو نجر النفيعي

سيف المعاني

حياكم الله جميعا

سعيد بمتابعتكم