قصيدة كتبتها عجوز بعد ان اودعها ابنها في دار المسنين

[راجح النفيعي]

http://www.3z.cc/sml/30/012.gif (http://www.3z.cc/sml)
السلام عليكم ورحمة الله وبركاته

حمدان يا حمدان . أمك توصيك
قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمه وعطف الأم
الله يخلي لنا امهاتنا يارب
ويارب تكون هالقصيدة درس للكثير من الأبناء
ودرس لزوجات الأبناء الي يحرضون الاولاد على عقوق أمهاتهم
والدنيا دوارة
اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك . من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا

وسلامتكم
http://www.3z.cc/sml/30/0011.gif (http://www.3z.cc/sml)

[هضيباني]

الله يجزاك خير يا راجح
وسلملي على بآآآآآآدر
وقول للنصيف شنو معنات النصيف
مع التحيه لشوارب النصيف يا مجوع:)

[ابوبجاد الرويس]

مشكور اخوي راجح النفيعي

والله يعطيك العافيه

ولاهنت على القصة والقصيدة ,,,,,,,,,,,,,,,,,,,

[الهضيباني]

لا هنت على القصه والقصيد يبو منصور وتقبل مروري

مع تحيات زياد سعود الهضيباني

[الغزير الطامي]

مشكور علا ها القصه الموثره والي نشوف فيهاء قسوه الابناء وعطف الامهات والله يهدي الجميع

[راجح النفيعي]

http://www.3z.cc/sml/30/075.gif (http://www.3z.cc/sml)

أخــواني الـكرام

هضيباني ( هههههههههههههههههههه الله يسلمك والمشورب محتج )

ابو بجاد (دايماً منور موضوعي ولا هي غريبه عليك يا الذيب شاكرلك المرور الغالي )

الهضيباني (لا هنت يا ابو سعود على المرور الطيب وبيض الله وجهك)

الغزير الطامي(يا مرحبا فيك ومنور موضوعي في طلتك الطيبه ولا هنت يا الذذيب)

[الدوسري ..]

مشكور اخوي راجح النفيعي

والله يعطيك العافيه

ولاهنت على القصة والقصيدة ,,,,,,

[البارع]

راجح النفيعي الله يعطيك العافيه

على القصيده المبكيه ولعنة الله على اللي يتبع المره
على حساب امه يالله سترك

[النصيف]

جزاك الله خير ياراجح هلى هلقصه والقصيده

[شمروخ الرويس]

دايمن قلب الام ارهيف وتنسى كل الي حصلها الله يلعنه من ولد تدوسه مره هذي اخرت الي يمشي على شور المره ....يبون حقوق المرأه بعد يبون يدخلونها المنتديات والخرابيط لا والمشكله لجاك يعاند ويطالب بحقوقهم ابك احقوقهم ماخذاتها وبزود
الله لا يهينك يا راجح على القصده والقصيده الي احزنت قلبي

[راجح النفيعي]

http://www.3z.cc/sml/30/012.gif (http://www.3z.cc/sml)
أخــــــــــوانـــــــيَ الــكرام

الدوسري ( مرورك نور الموضوع والله لا يهنيك يا الغالي )

البارع ( يعطيك العافيه على المرور الي اسعدني ولا هنت يا الذيب )

النصيف ( الله يسلمك وشاكرلك على المرور العطر )

شمورخ الرويس ( اي والله صدقت وعداك العيب يا الذيب والي يتبع المرا هاذا يخسي ويعقب مهب رجال )

[فهد العجمي]

لاهنت يا راجح النفيعي على هلقصه والقصيده الي احزنتني وهذي اخرت الي يمشي على شور المره

[هلال الدوادمي]

لاهنت يالغالي والله لايجزاه خير

حسبي الله ونعم الوكيل

لاهنت يالغالي

على القصه والقصيده

تقبل مروري

[راجح النفيعي]

http://www.fnanak.com/smiles/30/005.gif (http://www.fnanak.com/)
فهد العجمي_&_هلال الدوادمي

لا هنتو على الردود الطيبه والله يجزاكم خيرد

مروركم نور الموضوع