الفالح سر الليل وشد الحيل

[نايف بن ملحق الثعلي]

يامرحبا ياالشاعر الي تستمع بعض العلوم =وليا متى وانت العلوم العوج ما تصحالها
حنا هل الميقاف واهل العز ونسد اللزوم =ان كان تدري بالمواقيف وتعرف ارجالها

[سيــف المعانـي]

الل الله
ياسلام

متابعععععع وعساكم على القوه

[محمد بن ثعلي]

صح لسانك يانايف الروقي ؤاشهد انك من كبار شعراء المنتدى

اخوك محمد ابن ثعلي :::::::::::::

[علي فلاح العضياني]

دام البقا بالشاعر اللي في مواجيبه يقوم=بعض الليال وبعضها في حالةٍ يرثالها


انا اعرف انك من رجالٍ في مواقفهم قروم=مار اللي التاليه عيّا يهلّ هلالها

[محمد بن ثعلي]

صح لسانك يانايف انت و الفالح::::::::::::



اخوكم محمد الثعلي

[أبو نجر النفيعي]

..

نايف الروقي ,, والفالح ..

وسرى ليلكم .. واصلوا ..

:)

.

[مرزوق حمدان العتيبي]

ههههههههههههه
الله الله يانايف ..............
يامرحبا ياالشاعر الي تستمع بعض العلوم
وليا متى وانت العلوم العوج ما تصحالها
...صح لسانك ... وتراني في صفك .... ضد ابو فلاح ...

[نايف بن ملحق الثعلي]

بعض السوالف توجع الرجال وتزيد الهموم=والكلمه الي ماتنومس منهو الي قالها
ترا الليالي دايرة والناس معطى ومحروم=ياصاحبي بنت الكحيله جالها خيالها

[نايف بن ملحق الثعلي]

مرزوق العتيبي حياك الله
ابو نجر النفيعي حياك الله
محمدبن ثعلي حياك الله
مروركم شرف لنا

[علي فلاح العضياني]

ان كان و انّك يا عميلي لا تلام ولا تلوم=اشره عليّه فالعلوم دقاقها وجلالها
انته تحلّم في منامك لين غرتك الحلوم=بنت الكحيله من يدينا ما نفك حبالها

[نايف بن ملحق الثعلي]

مابغاك يالفالح تسمع في رديين العزوم=واثرك تسمع في العلوم عراضها وطوالها
يالي نزلت السوق مدري تشتري والا تسوم=خل الثقيله للجمال الي تبا تشتالها

[علي فلاح العضياني]

ارتاح يا نايف وخل العلم وازهل ومخدوم=مال الحمول الجايرات الاّ ظهور جمالها
انا احمد الله قسمنا معروف من خير القسوم=وبعيرنا شال الحمول خفافها وثقالها

[نايف بن ملحق الثعلي]

يابن فلاح اتقولها لكن طيرك مايحوم=من يوم كنا والمواقف ياعلي حنا لها
ابعيركم ماشال حمله في ذعاذيع السموم=وقسومكم ندريبها كل العرب بفعالها