النت من يومين ياهل العرف صاير به عطل

[بندر المرشدي]

يالليل ياشعار كلاً يحسب حسابه عدل=ماعاد فيها غير ضرب بقوس والساري سرا

النت من يومين ياهل العرف صاير به عطل=دايم على الفاضي نسوق فلوس والساري سرا

[خالد المقاطي]

يامرحبا يالتحدى // ودنا نجاريك في هالطرق الكايف :)



ياليل ياليل الشعر واللي حكم ياخذ دبل =ماعادفيها غار ضرب الروس ..والساري سرى
النت له يومين عامر .. مار ماشفتك تطل = الظاهر انه ماحضر هاجوس .. والسارى سرى

[بندر المرشدي]

مرحبا ياهلا ياكعام المعادي


حياك ربي قدها ياصاحبي قول وفعل=لكن مال الدقن غير الموس والساري سرا
الشعر حاضر لابغيته نقض وإلا في فتل=والخصم لاقمنا نحوسه حوس والساري سرا

[خالد المقاطي]

ابقاك ربي لاكن احذر مدتك قبل الشلل = الظرس يقلع لا لحقه السوس .. والساري سرى
الاوله تحريبها والثانيه مالك محل = ان كان تبغا الصدق دوك دروس .. والساري سرى

[مرزوق حمدان العتيبي]

...
.
ما اقول سوى صحت السنتكم وكلامكم ذهب ...
شكر واعجاب ...

[بندر المرشدي]

ما امد غير الجزل واضحك باللذي مده هزل=ياويلكم لو يقرع الناقوس والساري سرا

الاولة ملك لنا والثانية مالي دخل=من فعلنا تخشى جنود الروس والساري سرا

[بندر المرشدي]

...
.
ما اقول سوى صحت السنتكم وكلامكم ذهب ...
شكر واعجاب ...

ما اقول غير صح بدنك وبيض الله وجهك ومشكور على مرورك المشرف

[خالد المقاطي]

ابا الحصين يروغ في دربه ولي صيده سهل = لاتتبعه خله عليه القوس .. والساري سرى
الاوله لك والبعضاعه ردها بك بالمحل = بعده يجيك الحظ بالفانوس .. والسارى سرى

[خالد المقاطي]

صح اللســــانك

يالتحدى يعلم الله اني سعدة بالعب معاك

والجايات اكثر .. ومبروك على المسمى :)

ووالله انك تستحقه ...

لنا لقاء يالذيب

[بندر المرشدي]

صح بدنك وبيض الله وجهك

تصدق اني ماشفته إلا يوم قلت لي

لنا لقاء ............

[فارس الباديه]

صح لسانكم يالذيابه

[مخلف الهقاوي]

<==جاي متأخر لكن صحت السنتكم