ضحيان
09-Aug-2007, 03:21 PM
احيان اشوف الخطا واقول ماهو خطا = واحيان اشوف الصحيح وكن ماهو صحيح
ما كل مكشوف بالدنيا يجيلة غطى = وماكل مخلوق ينطق بالكلام الصريح
وانا ادري ان الحياة امال واخذ وعطى = ومن يلتفت للخطايا قبل وقتة يطيح
مافيه شي بها الدنيا بدون وسطى = ياعل مالي من الذكرى ترد المليح
عليه قلبي همومه بالضلوع ربطى = مانحلت عقودها والصدر ماهو فسيح
والله مادري علامة بالقطاعه سطى = وانا له اوفى من اهله والزمان الشحيح
حاولت ادور سبب تثبت عليه الخطى = ولاعيش وهم النصارى في وفات المسيح
ياحيلتي دون حالي دوريلي وطى = امشي بهمي لحالي قبل للناس اصيح
من عقب ماكنت انا واهل الغرام خلطى = فارقتهم واثروا بالصدر مثل الفحيح
اثر الغلا ما يموت ولو يطول البطى = والجمر تحت الرمادة تشعله كل ريح
ما كل مكشوف بالدنيا يجيلة غطى = وماكل مخلوق ينطق بالكلام الصريح
وانا ادري ان الحياة امال واخذ وعطى = ومن يلتفت للخطايا قبل وقتة يطيح
مافيه شي بها الدنيا بدون وسطى = ياعل مالي من الذكرى ترد المليح
عليه قلبي همومه بالضلوع ربطى = مانحلت عقودها والصدر ماهو فسيح
والله مادري علامة بالقطاعه سطى = وانا له اوفى من اهله والزمان الشحيح
حاولت ادور سبب تثبت عليه الخطى = ولاعيش وهم النصارى في وفات المسيح
ياحيلتي دون حالي دوريلي وطى = امشي بهمي لحالي قبل للناس اصيح
من عقب ماكنت انا واهل الغرام خلطى = فارقتهم واثروا بالصدر مثل الفحيح
اثر الغلا ما يموت ولو يطول البطى = والجمر تحت الرمادة تشعله كل ريح