المنتدى ياعتيبه صايبه هزه وزلزال

[راع العلطا]

المنتدى ياعتيبه صايبه هزه وزلزال = والله اعلم وين فتخان اليماني ينعشونه
ان جيت ابلعب مع الشعار و ابدي زين الامثال = من سمع صوتي علامه ياعرب طارت عيونه

[سند العتيبي]

وش بلاه المنتدى؟؟ يا راعي العلطا تعال = شاعر ٍ توه جديد ولازم انكم تخبرونه
وانت زيزوم المعاني ماتجيب النا الهزال=اغطس ابحورك وهات الدر للي يشترونه

[راع العلطا]

يامرحبا ياسندنا ياعريب الجد والخال =المنتدى ياوسيع المعرفه وش كان لونه
من اولٍ لا دخلت المنتدى يطرب له البال = ربعي عتيبه وكلٍ لاحظر تطرب الحونه

[سند العتيبي]

الله انه يصلح احوالك ويصلح كل حال=دعوةٍ من مسلم ٍ لابد يومٍ تفهمونه
مامعي حيله ولامعك وقضيتنا محال=القضيه في يدين الشيخ واللي يقربونه

[راع العلطا]

ميز لحون القوافي لايصير القاف ميال = الاوله فايته والثانيه لاتحرقونه
ياصاحبي ياسند مايستوي نازل ورحال = اريد بيتٍ على معناي تنهضلي ركونه

[سند العتيبي]

اسف انا غلطت في اللحن من البدايه !!

صح لسانك


انا عليمي واللحن ما قدرت العب عليه :d

[راع العلطا]

صح بدنك ولا فيه احد ولد عالم
واتمنى لك التوفيق
واذا تبي اللعلب ابدع
وانا معك باي لحن يجوز لك
يابن العم