لغز خفايفي .. ينتظر الفطين

[فارس الباديه]

بنشدك عن عذرا عليها غوايش = خطابها واجد ولا احـــدٍ قدرها
لــــــها ثلاث بيبان واربع درايش = ماتمشي لين تمشط شعرها

[فارس الباديه]

محد قدر يحل حرام عليكم ؟؟؟ ارب لكم اله تستخدم في حرفه شعبيه بدويه يدويه

[عمرالروقي]

شكرا على اللغز وجاري التفكير في الحل

[غازي البقعاوي]

خوش لغز الله يعافيك
كنت ابي ارمع على مكنسة الشوارع او الحصاده
بس مادام انها من ادوات الباديه القديمه

ارمع على الساحه ( السدو ) عندما تجهزها البدويه بامتداد عدة امتاروطريقة تمشيطها ونسجها
تحيتي لك

[فارس الباديه]

عمر الروقي شرفني مرورك يالغالي

[فارس الباديه]

غازي البقعاوي لا هنت يالغالي على مرورك الطيب .. لكن مالك لوا .. بس تراك قربت واجد واجد

[معلا إبراهيم الأسعدي]

ممكن المبخره

[فارس الباديه]

مالك لوا وانا اخوك ماهي بالمبخره لا هنت على مرورك العطر

[متعب العصيمي]

عندي رمعه

ماهيب الشبكه

[راع الشلفا]

ماهي الربابة وتسلم على طرح هذا اللغز

[فارس الباديه]

متعب العصيمي مالك لوا يالغالي .. شرفني مرورك

[فارس الباديه]

راعي الشلفا مالك لوا ايضا يالغالي وبيض الله وجهك لا هنت على مرورك

[أبو راقي]

اخوي فارس الباديه
وش رايك بالتغزاله اخت المغزل

[فارس الباديه]

ابو راقي اجبت فاصبت بيض الله وجهك هذا هو الحل