ها يافهد العجمي

[ابو شرف]

فهد تبدع ولا انا ابدع ودي بمحاوره الحين لكن ولا عليك امر بدون موال لاني انا مثل الزلامي والناصر
ما العب على موال..
تحياتي...

[فهد العجمي]

خلها عندي اجل

استلم

الخـــواطر وساع ونيه سليمه
..................................ان روحت للجنوبي والشمالي

يالثبيتي ترى معـرفتك غنيمه
..................................عساك بـــالمعاني منت خالي

ولك يا الذيب

[ابو شرف]

فهد صبحك الله بالخير معليش حرام بالله لي اسبوع مادخلت المنتدى كنت في الطايف والحين اهرجك من مقهى..
البيتين رائعه بس اصبر علي قاعد ادور على اللحن...

[ابو شرف]

الخواطر وساع وتراها سليمه
.................مير خلك بهونك ياهملالي
وانته يالعجمي اللي ذاع صيتك في خيمه
.................خيمة المنتدى وساحة الفحالي
استلم يافهد.

[فهد العجمي]

كـــــل رجال لها حشمه وقيمه
...................................ولا تـضـن ان الـمـر مثل الحالي

فالخيمه ابي ارتكب بك جريمه
...................................من بعدهــا راح يـرتـفـع منزالي

[ابو شرف]

الرجال تعرفها مير منته هشيمه
.................القصيره قصيره والطوال الطوالي
منت قادر تسويها ولو في خصيمه
................وانا بارميك يافهد في الخلا الخالي
استلم يالذيب...

[فهد العجمي]

انــــا ادري ان نــفـسـيـتـك لأيمه
........................................تجاوبني وانت ماسمعت سؤالي

الــيــاء بغيت اذبحك مثل البهيمه
........................................مــا علي مـن كـــل ورع ورجالي

ولك ياالذيب